影片
港铁湾仔站 C 出口
继续阅读
电话号码
28663808
开饭介绍
此酒店餐厅设计采用维多利亚风格，并糅合现代与古典元素，简洁优雅。主打的西式自助晚餐包括多款高质食材，如冰镇海鲜、特级牛扒、即场手握寿司、汤品等中西美馔和甜品。
继续阅读
附加资料
- 美式自助早餐 （07:00-10:30）
- 半自助午餐 （12:00-14:30）
- 下午茶 （15:00-17:00）
- 自助晚餐 （第一段17:45 -19:45； 第二段20:15-22:15；全時段17:45-22:15）
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
有关奖赏计划
相关文章
快到中秋節🎑今晚同朋友去到六國酒店Le Menu西餐廳品嚐全新推出「華麗盛宴自助晚餐」當中更有龍蝦🦞，鴨肝同佛跳牆😍。自助餐選擇極其豐富，有多款高級食材，包括有冰鎮海鮮、特級牛扒、佛跳牆 、原件鴨肝、鐵板燒、片皮鵝、雜錦刺身、即場手握壽司、沙律及凍盤、多款中西熱葷美饌、精美甜品和Häagen-Dazs雪糕等等…每晚18:45/19:15 更有精彩表演，廚師即席表演👨🏻🍳葡式燒乳豬、鹽焗三文魚、西班牙海鮮飯和蜜桃梅爾芭。葡式燒乳豬🐖廚師即場用碟不用刀切，以示乳豬燒得外脆內軟，用鈍的碟邊也能破邊而過，輕易切開。重點記得食酥炸生蠔同芝士蘑菇焗蟹蓋，平時食自助餐真的好少見‼️酥炸生蠔粒粒肥美，新鮮炸起特別酥脆。芝士蘑菇焗蟹蓋每一口都品嚐到蟹肉，令人齒頰留香。每位有一客佛跳牆，記得拎住個牌仔去鐵板燒區取🤗入面有原隻鮑魚、瑤柱等，湯頭鮮甜，勁足料‼️仲有多款以龍蝦做主題菜式，俄羅斯龍蝦沙律、牛油果龍蝦沙律、龍蝦海鮮茶碗蒸、法式龍蝦湯、龍蝦蘑菇意大利飯。多款鮮味海鮮包括波士頓龍蝦、加拿大雪花蟹腳、青口、翡翠螺、麵包蟹；肉味濃郁且口感鬆軟的特級有骨肉眼；更有視覺至味覺雙重享受的鐵板燒，廚師即席烹調虎蝦、原件鴨肝、牛脷、豬頸肉、雞軟骨及多春魚等；鹹蛋黃金蝦、金不換辣酒煮青口、蒜蓉粉絲蒸扇貝、蠔皇扣海螺片、椒鹽魔鬼魚翼；和風系列中有鮮甜爽口赤貝刺身、雜錦角切魚生丼、即場手握壽司；自家製片皮鵝外皮酥脆鬆化且肉質嫩滑，必定大飽口福。 甜品區同樣相當吸引🤩有泡芙塔、士多啤梨西瓜蛋糕、巴斯克芝士蛋糕、朱古力慕絲蛋糕、綠茶歌劇蛋糕、意大利芝士布甸、牛油麵包布甸、檸檬撻、紅櫻桃撻、蒙布朗、葡式蛋撻、椰汁西米糕、焦糖燉蛋等，仲有即製香脆窩夫配上Häagen-Dazs雪糕，甜品控不要錯過‼️
继续阅读
在特別日子例如節日前夕、生日都會同屋企人及朋友食buffet慶祝，今次見到六國酒店的Le Menu餐廳自助晚餐做緊優惠，又適逢友人生日，一於就去試下🥰 Le Menu西餐廳以維多利亞風格設計，簡潔優雅，環境開揚，樓底高，擁落地大玻璃窗，空間感強❤️而且座位寛趟，坐得好舒服呢。 「3️⃣小時」華麗盛宴・自助晚餐 震撼價 $499另額外贈送無限暢飲汽水及凍果汁🥤✨️餐廳還設有小酒吧，可以享受美酒🍾 ‼️自助晚餐重點推介🔥餐廳每晚都安排「即席烹調表演」包括有扣原隻鮑魚及鴨掌 (每位一份)、富貴雞🐔及火焰雪山🍰。 🔹️即席烹調菜式👨🍳原隻鮑魚及鴨掌鮑汁鴨掌扣原隻鮑魚，鮑魚口感煙韌，吸盡鮑汁精華，肉質鮮美👍🏻富貴雞以荷葉及帶有酒香的麵團包裹焗製，雞的精華牢牢鎖住，雞肉嫩滑無比，廚師更邀請了現場顧客敲碎外殼，氣氛十足😊火焰雪山一種覆蓋蛋白霜、蛋糕加雪糕的甜品，廚師面前即席將酒加熱，再淋在表面上，在蛋白霜上燃起藍色火焰，非常打卡able，入口外暖內凍，帶來獨特口感🤗 🔹️龍蝦 🦞龍蝦的菜式有龍蝦鮮雜果沙律、韓式龍蝦肉碎粉絲、龍蝦海鮮茶碗蒸、避風塘炒龍蝦鉗、法式龍蝦湯及龍蝦蘑菇意粉等，每一款都不能錯過呢😍 🔹️冰鎮海鮮多款精選海鮮包括波士頓龍蝦、加拿大雪花蟹腳、麵包蟹、青口、翡翠螺及熟蝦，海鮮補充得好快👍。🔹️刺身即點即切的刺身有三文魚、吞拿魚、鯛魚、甜蝦、北寄貝及八爪魚，另外更供應雜錦角切魚生丼，好特別😍 🔹️爐端燒廚師即席即燒❗️包括原件鴨肝🦆、虎蝦🦐、燒雞翼🐔、雞軟骨串、紫蘇雞肉丸串、多春魚及菠蘿🍍等，火喉控制得剛剛好。 🔹️燒肉有美國特級肉眼扒🇺🇸🥩及片皮鵝🦢肉眼扒即點即切，肉嫩多汁，肉味濃郁；片皮鵝外皮酥脆鬆化且肉質嫩滑。 🔹️熱葷多達20+款的熱葷，海鮮款式有酥炸生蠔、鹹蛋黃金蝦、金不換辣酒煮翡翠螺、蒜蓉粉絲蒸扇貝、蠔皇扣海螺片、芝士蘑菇焗蟹蓋等，款式豐富。另外還有燒春雞、蜜餞金沙骨、紅燒獅子頭、印度咖哩配薄餅等熟食。 🔹️湯品中湯有竹絲雞螺頭燉豬湯，好足料且味道鮮甜，而西湯有法式龍蝦湯。🔹️甜品有多款精美一口蛋糕、焦糖燉蛋、葡式蛋撻、椰汁西米糕等，仲有即製香脆窩夫配上Häagen-Dazs雪糕🍨，甜品控不要錯過❗️總結，今晚食足3個鐘，相當滿足😝自助餐食物種類眾多，新鮮又好味🤩餐廳毫不吝嗇，好快補上食物，性價比好高👍🏻而且還有即席烹調表演，令整體更有氣氛。
继续阅读
🍴放工約左個朋友食飯，順便幫佢慶祝生日，因為佢鍾意食自助餐，所以今次就揀左六國酒店既Le Menu，地方唔算好大，但提供既食物應有盡有🥰✨每日指定時間仲有表演睇🔹6:45pm 堂弄扣鮑魚、富貴雞表演🔹7:15pm 火焰雪山表演🔸凍海鮮種類都有幾款：🦞龍蝦、蟹腳、麵包蟹🦀、青口、翡翠螺同熟蝦，整體海鮮都幾新鮮🔸刺身及壽司區 刺身每日提供6款，仲有即叫即做壽司🍣同雜錦角切魚生丼🔸熱盤類種類好多，睇到樣樣都想試，岩哂鍾意食熟食既人😆特別推介幾款我幾鍾意既俾大家，富貴雞🐔，雞肉嫩滑，入面包住瑤柱、花膠，冬菇等配料，芝士蘑菇焗蟹蓋，蟹肉份量非常多，避風塘炒龍蝦鉗、鹹蛋黃金蝦同酥炸生蠔🦪🔸爐端燒除左有🦆鴨肝，仲有師傅即場燒既串燒🔸肉車區平時食既都係片皮鴨，依到係片皮鵝🪿，仲有美國特級有骨牛同燒香草肉眼扒🔸湯類有兩款，一中一西 ：竹絲雞螺頭燉豬展、法式龍蝦🔸甜品區有多款自家製甜品，整體甜品唔會好甜，而且每件都細細件，可以試多幾款😋 仲有Häagen-Dazs雪糕任食，四種味可以揀依家用指定優惠碼 「imfoodieb」經網上預訂，就可以用💥震撼價$499預訂3小時華麗盛宴‧自助晚餐 - 扣鮑魚‧龍蝦‧爐端燒，另額外贈送無限暢飲汽水及凍果汁。
继续阅读
香港人好鍾意食自助餐，尤其鍾意狂擦凍海鮮、刺身、牛扒，誓要食到回本🤪六國酒店Le Menu而家就做緊扣鮑魚‧龍蝦‧爐端燒主題自助晚餐，用優惠價預訂，唔使$500就可以任食龍蝦、麵包蟹、刺身等美食👍🏻作為屹立灣仔過百年嘅老牌酒店，自助餐供應多款功夫粵菜，每晚特定時間仲有現場表演，有廚師即場示範烹調扣鮑魚、富貴雞、火焰雪山呢啲懷舊菜式，提升視覺享受😻而家用我嘅專屬promo code「piggies」，可以以震撼價❗️$499預訂自助晚餐，並贈送任飲汽水果汁，即係高達68折咁多！非常優惠🤑🤑預訂連結同細則係caption最底。「華麗盛宴自助晚餐 - 扣鮑魚‧龍蝦‧爐端燒」🧑🏻🍳堂弄原隻鮑魚鴨掌每位有一客，睇完師傅即場煮之後就可以食喇。鮑魚size唔算大，不過口感味道唔錯，爽彈帶點溏心感覺😙🦞凍海鮮、刺身、壽司、沙律、芝士有龍蝦、麵包蟹、蟹腳、翡翠螺、青口、熟蝦等。龍蝦有唔少膏😛雖然唔算非常鮮甜，但肉質取勝，夠爽彈好易脫殼。蟹腳都唔錯，海水味突出😋刺身都係啲大路款式，最特別係壽司即叫即做，仲可以即場做刺身丼，體驗感up👏🏻🦀熱葷、中西湯熱食以中菜佔多數，有好多矜貴以及功夫菜，如富貴雞、龍蝦茶碗蒸、芝士蘑菇焗蟹蓋、鹹蛋黃金蝦、酥炸生蠔、辣酒煮翡翠螺、蠔皇扣海螺片、清蒸星斑、紅燒獅子頭，啱晒鍾意食中菜嘅人🤩🤩推介芝士蘑菇焗蟹蓋，絕對係誠意之作✅一梳梳蟹肉混入白汁、蘑菇碎，鋪上芝士焗至表面焦香，食落啖啖鮮味蟹肉好正😋燒西冷牛扒其貌不揚，我拎嘅時候都有猶豫🤣但點知又幾好食，肉質好腍，黑椒汁香濃✅🥩爐端燒、肉車自助區有個燒烤爐可以即場燒製鴨肝、虎蝦、雞翼、牛脷等。鴨肝細細件但味道非常甘香，必攞✅另外燒牛扒亦都值得食✅外焦內嫩，中間有肉汁💦另外仲有片皮鵝，有蒸爐keep住餅皮熱辣辣，包住即片嘅鵝肉，不過味道就一般。🥧甜品、Haagendaz雪糕有火焰雪山表演，即場淋上酒並點火🔥仲會講解出處，而家好少自助餐甚至餐廳會有呢種互動，有心思🫶🏻表演完就會向每位派發一件，鬆軟蛋糕+冰凍雪糕+忌廉，估唔到呢個懷舊甜品都幾好食😋其他甜品有即製窩夫、士多啤梨西瓜蛋糕、山葵芝士蛋糕、蘋果金寶、葡撻、焦糖燉蛋、珍珠奶茶布甸等。窩夫就算放涼咗，拎嘅時候都會幫你係窩夫機翻熱，夠貼心🥰窩夫有蛋香，香脆，加上雪糕一冷一熱正✅蘋果金寶都唔錯✅- 預訂日期：2024年6月5日至6月30日- 供應日期：2024年6月5日至10月1日 - 用餐時間3小時，最多以24位為限- 此優惠不適用父親節(6月15至16日)中秋節(9月17日至18日)、私人宴會、不可與其他折扣或推廣優惠同時使用，如有任何爭議，六國酒店保留最終決定權人均消費：$550推介指數（10分為滿分）：8分
继续阅读
7月頭嘅星期五同3位朋友去食自助餐，餐廳係正我工作地點附近，十分方便，由灣仔地鐵站行去5分鐘左右到。雖然咁近返工地方，但從來未試過，因為灣仔有其他好食嘅酒店自助餐。今次食係見人均四百幾就食到，就去食吓。當日係星期五，約9成滿，餐廳其實比較細，食物款式都少．．．。凍海鮮係有長腳蟹嘅，不過每次待應都係放十條八條，有時拎唔到，新鮮度合格，不過食得唔暢快，每次只拎到2，3條。熟食有6，7款，仲有切牛，串燒同2款湯，種類同質素真係中下水平，食材有大大嘅進步空間。
继续阅读
您可能会有兴趣的...