影片
以上资料只供参考，请与餐厅确认详情
相关文章
两公婆经常系荃湾揾食，唔知食咩好，念住试吓呢间餐厅，感觉有改善空间。除左虾真系新鲜好食嘅，其他海鲜质素参差，鲍鱼冇刷干净就摆出嚟，有啲食客都忍唔住自己洗一次，攞左10只蚬有成半唔开口。另外就系味道问题，海鲜都尚可以清淡啲，当食鲜味，但串烧肉类就真系唔明，点解大部份都系冇调味的？牛仔骨甚至冇解冻仲有冰，餐厅冇提供烧烤酱之类嘅调味料，只得盐/辣椒粉/孜然粉同泰式酸辣汁，无奈之下只好点豉油。唯一可赞系员工服务唔错，姐姐好细心教剪鲍鱼
继续阅读
今次同朋友去虾虾烧荃湾分店，心情有啲复杂，因为听讲呢间店一月中就会结业。其实之前都系去佐敦分店多，但荃湾呢度真系阔落好多，坐得舒服啲，连行过都冇咁迫，呢次系最后一次喺呢度食，实在有啲唏嘘。流水虾：劲生猛！🦐💦流水虾仲系呢度嘅王牌！每次见到d虾喺水槽𠮶度游嚟游去已经好开心，一夹上嚟仲会挣扎添！烧熟之后，虾肉真系够弹牙，仲有啲虾膏流出嚟，好邪恶～香港好少地方有得玩流水虾，所以依家去食，真系要珍惜呢种体验啦。.海鲜选择多到烧唔晒 🐟🐚除咗虾，仲有好多新鲜海鲜可以拣！当晚我哋试咗原条鱼，我就最钟意深海泥鯭，肉质又白又滑。另外，鲍鱼真系够鲜，烧嘅时候竟然仲识郁，食落爽口又带少少海水味，完全冇腥味～贝壳类嘅嘢一样多到拣唔晒，真系每样都想试吓。.串烧：肥美鳝＋大叉烧 🍢🐟每人送一串鳝串烧，真系好有诚意，烧完啲鳝皮微焦，内里仲保持住嫩滑弹牙，食到停唔到口。串烧款仲有好多选择，最特别一定系串叉烧，大旧而且肥瘦比例又岩岩好，烧到微微焦香，简直系串烧界嘅黑马！🙌.烤炉＋牛油＝灵魂搭配🔥🧈佢哋嘅烤炉传热够快，几分钟就烧好一大盘。重点系牛油真系灵魂加持，滴喺炉上即刻散发阵阵香味，烧虾或者贝类𠮶阵加啲牛油，呢香气可以漂到好远。如果钟意玩花款，整啲牛油面包一样超好食～.总结：趁未结业，冲啦！🍽️❤️呢次食完真系感觉到时间唔等人，流水虾呢种玩法可能系香港差不多绝版，想食嘅朋友真系要把握最后机会。埋单每人嘅价钱都合理，海鲜质素又高，约埋啲friend一齐开心烧个饱啦！
继续阅读
流水虾烧烤专门店 - 虾虾烧虾虾烧系社交媒体宣布位于荃湾大鸿辉分店做到2025年1月12日就唔做啦。我知道佢地结业消息后觉得好可惜，香港又少一间可以夹虾虾既餐厅啦，于是CK我就决定系结业前黎回味一下餐厅入面地方好大🤩，抽风系统强劲👍，唔会烧🔥到成身味🥰。各款新鲜🐟海鲜不停填充，而且清洗💦得干净，客人可以食得好放心。虾虾烧主打无限任食流水虾及海鲜，荃湾分店由即日开始6点后更无限时任食。店内坐位每行配有新鲜流水虾俾客人们即夹即烧，而海鲜区包括原只生蚝、鲍鱼、扇贝、带子、仲有几款原条鲜鱼等等都系任拎任烧。仲有一个区域系肉食串烧，丸类同肠类基本既都有，但居然也仲有猪仔肶同羊架食，好易就食到回本 ! 而串烧仲有玉子烧、猪大肠、鸡肾同鸡软骨等，3个大雪柜既饮品都超多选择～而甜品方面，有接近10种唔同味道既雪糕同雪条食～以3小时任食流水虾🦐同埋各式🦑海鲜🐚，都只系💰三百几蚊，海鲜🐟新鲜又抵食😋，真系值得大家一再帮衬！虾虾烧Cooking Haha荃湾分店地址：荃湾众安街55号大鸿辉(荃湾)中心11楼电话号码：62796299营业时间：星期一至五 17:00 - 00:00星期六至日、公众假期 12:00 - 00:00
继续阅读
唔好有下次！！！当晚闲日一行6个人去，首先讲食材，虾都生猛，鲍鱼有生命嘅，蚬第一转完全开唔到口，其他海鲜就…肉类大部分好健康无调味🙃，但最大问题黎啦张枱不大只有一个烧得好好好慢的炉”仔”，仲要放近枱嘅一边，移动唔到，4个朋友睇住2个”厨师”烧嘢食，20分钟左右先烧到一转海鲜，大家越烧越饿、越睇越饿…咁谂住取熟食，但大部分凉拌小菜，小食，记忆不到10款。结论：世界有因果循环，你想去玩啲虾？其实你系去比人玩！
继续阅读
环境舒服，食物ok，每枱座位侧边有缸虾即夹新鲜虾即烧，食物种类丰富，有肉 鲍鱼 扇贝等⋯⋯海鲜烧，蒜蓉包好味，可以任烧3小时，有个男店员服务好好，会主动帮店客烧，又教店客点烧，仲整咗个香蕉船俾我哋，虽然唔知男店员叫咩名😅但值得赞赏👍🏻
继续阅读