13 Food Angel (已搬遷) 新店位置

這間餐廳每2星期都會改餐單，迎合客人不同口味，大約$6X-$9X不等，這次MENU改得幾好，幾岩我口味，出品有質素，所以今次寫了食評！這裡愈來愈多客人，位置有限，建議打電話預留座位，這次我差點出征失敗~~~一如既往，蒜蓉麵包仍然香脆好食，仲有2件添！這次是忌廉牛肉湯，因為用材得意，我就試試看好了~~~ 又出乎意料好飲，香滑有肉味~~老闆叫左牛扒餐，半成熟，肉質偏紅，不過不失，但得意的是為了慶祝中秋，他們弄了月餅型薯餅，十分可愛！我叫了芝士汁焗雞扒飯，雞扒滑嫩入味，烤火控制得宜，另芝士汁較香濃，略厭汁少，唔夠撈飯！本人認為餐廳食物質素有待改善，份量比較適合女生，男人可能會不太飽了~~

筲箕灣較新的一家西餐食過兩次午餐 價格靜靜上調 質素keep 到的較欣賞係個白湯 相比紅湯 更用心制作 一次係雞肉湯 有雞絲另一次無海鮮周打魚湯 有貝柱仔主菜方面 通常係五個選擇 其中一些比較輕食 多菜無咩starch 適合OL兩次都係五人share 試左好多最欣賞咖啡骨雖然咖啡味唔係話入曬舊肉度味道調得幾好 腐乳羊肉意粉 感覺雖然新奇但係肉既分量比較少咖喱吉列豬扒係日式咖喱 微辣豬扒乾身 仍脆口 但未去到鬆脆 可以的小牛柳卷 份量偏細鴨肉意粉 個鴨肝mousse 幾好食 好快溶落意粉 要拿拿聲食左去 Overall 感覺良好

見佢開張左一排，同事話想試下，就6個同事一齊去試啦⋯⋯滿心歡喜食好少少，叫左lunch menu set B 脆皮咸豬手（$62）。食左一舊見到有少少豬毛係塊脆皮到，都隻眼開隻眼閉啦⋯⋯點知再食落去，竟然有一塊脆皮眼見係有咁多毛！！（如圖）🤮🤮🤮心諗：點食呀！脆皮豬手無得食塊皮😲即刻同waitress 反映，點之佢係你眼望我眼，見我話真係好多毛喎⋯⋯佢先收左我果份話整過比我，再過一陣，走過黎唔知咩原因就話叫我另叫其他set....叫左龍利柳個set （$64）, 無味既🤢說好的桂花忌廉汁呢？？其他坐唔坐得舒服都唔講啦😅總括黎講，食物同服務都要有待改進。

搬到了筲箕灣5年，終於在大馬路找到一間較有水準的西餐廳，我意思不是連鎖店那種像「復製人」一樣的機械式食店，也不是走太大眾化路線的西餐廳，當然也不是茶餐廳。我補充一句，我也時常吃連鎖食店、大眾化的西餐廳和茶餐廳，只是有時也想有較好的選擇。首先地點，就在筲箕灣道與南康街的交界，十分方便。裝修也頂有風格，不是豪裝，是有主題，大家不防找找。座位舒適度，就因有準備酒吧用的高椅，所以不是全是疏化，所以很難兼顧。食物方面，口味雖然見仁見志，但見到創意，例如用腐乳煮西餐，總算有誠意。服務方面，初時人手不足，自然大有改善空間。價錢方面，當然不是茶餐廳價（現在也不低），以中級價錢來看，是不錯的選擇。

午市嘅咩牛肉rissoto成碟野夾埋我諗得廿粒飯，唔係講笑，我專登問左兩次碟野係咪有問題，佢話係炒嘅所以唔似一般rissoto我心諗呢碟野你配個白飯比我都叫似個餐，但你要我喺你啲鹹到傻嘅汁到撈幾粒飯嚟食，究竟你地有無試過煮啲咩出嚟，個廚師知唔知自己煮緊咩？你可以話我見識少，未見整到好似咖哩牛腩飯走飯咁嘅rissoto，但你係無飯加難食嗰下仲要收人70一個午餐，你間鋪行過兩步就有間老麥，點解要咁折墮食你？各位睇路

同事極力推介下今日lunch打算去試下，我係一個陀住9個巨肚既大肚婆，去到門口，見到入面樓面得1位職員收緊錢，佢專注做野所以都留意唔到我企左一陣，咁我就禮貌地講左幾聲「唔該」引佢注意我：「1位」佢望左四周圍一下然後黑黑地面地回應：「坐高枱啦」咁我就有少少驚訝咁話：「吓？」佢再keep住個黑色既面口講多次：「高枱啦」當時見到有2、3個客人都有d驚訝咁望住個侍應我指住個肚話：「坐唔到架喎？」佢：「咁無位喎」個面口都係一樣咁黑我：「我可以等架」佢就靜左跟住我見佢無進一步行動就無等到，即刻走左其實佢係可以換個方式講：「唔好意思，暫時未有枱，你可唔可以等下？」我唔係要即刻叫人比個位我，無位要等位都係天經地義丫！咁既服務態度真係食物再好都唔會去試！

好友生日，專程來到13food angel與她慶祝， 希望佢可以有一個難忘既回憶，這次就挑選了一間意大利餐廳。正所謂一日之計在於晨，我地就決定係呢一度食個早餐 ,餐廳設計挺有格調，燈光偏昏暗，再加上有大大個太陽係度,成個餐廳比人既感覺真係好精神。 叫左個英式早餐A,因為覺得佢好似好抵食咁,佢有一個自家製薯餅,真係好健康,同出邊D茶餐廳比,呢間既薯餅真係好健康,我仲叩左杯凍鮮奶咖啡，一上到泥,見到咖啡有環保飲管,證明呢間餐廳好注重環保,抵讚

這間意大利餐廳喺筲箕灣筲箕灣道356-358號海德堡地下B號舖,見到食評好吸引, 仲有好多正評,所以就嚟試下.餐廳環境都好舒服,唔係好大,但成個感覺都好好,好有意大利嘅感覺,證明呢間餐廳係設計上花左唔少心思！我叫左一個英式早餐A,份量都岩岩好,而且仲有炒蛋可以食,夠曬醒神啦~叫左杯凍鮮奶咖啡，佢地係用環保飲管加,香港好少餐廳願意咁樣做,而呢一間餐廳就願意咁樣做,為環保出一分力,真係好抵讚,身為環保之人既我,一定一定一定要比個大大既LIKE你

Food Angel係筲箕灣道開左2個月，終於有機會過來啦！裝修雅麗，燈光昏暗，卻帶點派對氣氛，高檯梳化配搭，令人感到輕鬆！餐廳價格為$60-$70以內，lunch無加一是否可以租場搞派對呢？應該可以似酒吧？忌廉湯十分足料，紅蘿蔔、蜆肉、蔬菜粒等等，豐富了口感，味道唔會勁濃，剛剛好，岩哂我，飲完唔會口渴！蒜蓉包香脆又大件，仲有2件甘多添！F 野雞（半隻）及忌廉意大利飯 $68看似細細碟，但原來份量好足！意大利飯又香又腍，帶點蘆筍及波菜？感覺不會太「濟」，清清甜甜，又有忌廉濃郁的香味，真係好好食！野雞有半隻，皮炸得香脆，雞件略乾，但雞比仔幾滑嫩，是不是因為雞部位不同而感受有所不同嗎？ 總言而之，仍有進步空間！抵讚！使用環保飲管！支持環保！我喜歡飲熱檸水，謝謝！事實上，出餐真的很慢，不過睇得出廚師是逐份逐份煮，每份作品亦加添不少心意，在細節上有花心思，可見他們是很有誠意。非常期待下次再黎！

屋企樓下有新餐廳開喎梗係要試下先啦夜晚同女友同埋個friend.三個人走落去試.雖然舖頭細細，但因為我哋好早，6點半已經入坐，所以唔使排隊.一入鋪頭，店裡面光線調教得啱啱好.唔會好似有啲西餐廳咁，暗到直情想瞓覺.我哋三個人嗌咗兩個main course同一個小食.首先嚟嘅係一個雜菌忌廉湯.飲第一啖就知呢個絕對唔係金寶湯.跟湯嘅蒜蓉包軟硬適中. 仲熱嘅添.之後就係德國咸豬手啦皮夠脆肉夠嫩.令我最感意外嘅.竟然係豬手隔離嘅蛋沙律配菜.真係絕對唔好睇小啲配菜，直情可以用"強"嚟形容！！！朋友嗌咗個羊架五成熟.同樣都係有驚喜.有肉汁兼且味道唔太騷.講到呢度，又要長氣啲講多次唔好睇少個配菜.放喺羊架底嘅薯蓉，真係好強好強好強！！！有幸見到大廚走出嚟.我親口問咗佢.原來佢啲薯蓉係每日用新鮮薯仔做，仲要加咗忌廉.令到個薯蓉好滑.牛油份量亦適中.可以咁講，個薯蓉係食極都唔會厭嘅.不得不提嘅就係佢個所謂"水牛城雞翼"我強烈要求大廚改過個名.大家唔好誤會.佢個雞翼絕對唔係唔好食.而係佢改良咗個水牛城雞翼.怕食辣而從來都唔敢試水牛城雞翼嘅朋友，從此可以嗌佢嘅雞翼啦.因為大廚將水牛城雞翼嘅辣味，改良到有辣香但