13 Food Angel (已結業)

Pleasantly surprised to discover this quaint little shop that offers high quality/restaurant-worthy Western takeaways (like seafood and homemade pasta) and snacks (I ended up ordering tapas-style) at very reasonable prices (all set dinners are under HKD100, ranging from HKD48 to HKD90 and comes with a free drink and soup if you add HKD8, and snacks range from HKD38 to HKD54) in between Shau Kei Wan and Sai Wan Ho, two districts where residents usually stick to traditional Cha Chan Tengs, BBQ Mea

我知佢係喺大街搬去細舖。之前喺大街都成日經過但係一直冇食過。某年7月22日起我變得更揀飲擇食，唔肯定嘅食店都想避免，呢間係我見到佢因為肺炎疫情而出notice之後我先確定食左唔會後悔。而食過一次之後就開始每次諗唔到食乜就想食呢間我對意粉冇乜要求，但係原來手工意粉真係比較彈牙五十幾至八十幾蚊仲要係手工意粉，仲可以喺邊度搵第一次食蒜味蜆肉意粉，魚餅，已經驚為天人，可恨自己食量太少，不能叫更多台灣醬油雞肉意粉，唔係平時出街會食到嘅味道，打破豉油沉悶嘅感覺唔記得咩魚活蜆意粉，魚煎得超香脆，一啲都唔腥（我很怕腥）。燒牛肉好淋，連薯蓉都非一般嘅好吃Pizza餅底係薄嘅，超香脆魚餅個醬都會令人上癮佢連配菜都好用心，有好好調味同炒，唔似好多其他餐廳求其烚幾塊椰菜就算南瓜湯同菜湯都超濃，調味剛剛好好多款都會令人上癮，搞到次次都要糾結到底試唔試新嘢好...推介菜式寫唔晒.......

其實之前佢係電車路既，個時好想去試，但佢無啦啦唔見左，係有次去Jariya見到，都拖左陣，終於去試左啦..點解會拖呢，因為真係覺得比較貴，但其實如果真係手工意粉又唔同講法，不過好老實講真心唔太ok,唔知係咪因為外賣啦，但我認知既手工意粉唔係咁既口感，量亦比較少...但個扒係足既，可能係我大食同對意粉有要求...另一個問題係，佢開係呢個位，好難有生意，又好難去預食材，所以其實呢... 如果多尐人起幫襯，佢地預既應該會好尐就可以改變而家呢個困局，不過都明既去邊到搵舖... 扯太遠了，真心有好大進步空間，唔好浪費左手工意粉呢樣野

呢間舖細細，又係巷仔入面，但係就非常有心，全部意粉都係手打夠新鮮，今次食左個蜆肉意粉好好味，蜆不是雪藏的，小驚喜係個餐湯好好飲，注意返佢地依家只係得外賣，不過可以送。下次想試下佢個招牌牛柳。

今時今日， 以實際行動支持小店，是愛香港的做法。位置不太難找，但屬小店關係，容易行過了不為意試了兩款意粉，其美味程度超出所想。手工意粉一般較粗身，但更能掛起意粉汁，個汁超好味另一香煎魚柳也不要小看！魚的份量很足，不是得一小片，煎得很香脆！堂食一流！遺憾未能一嘗威靈頓牛柳就此留過機會再幫襯

呢間小店以前喺對住大街，當時已經想食。無諗過佢今年重開。見到佢有個二人威靈頓牛柳餐，好想試，仲可以係外賣。佢個餐好多嘢食，包括：餐湯、麵包、沙律、威靈頓牛柳、蜆肉手工意粉、甜品、餐飲，基本上係full set西餐。餐湯、沙律、麵包就比較大路，算係中上。當然主力要評價個威靈頓牛柳。最初切開以為好靭，原來係用左外賣膠刀切。一食就知好正，首先個味道好好，rosemary香草個味好濃，然後就係好淋好軟，當然係因為佢個火侯做得啱啱好。個意粉係手工意粉，所以係偏軟，最重要係個味道一流。見佢間小店得幾個位，如果堂食應該仲好食。大家留意，因為製作需時，所以呢個餐一定要預訂，最好至少預早幾日或一星期。

太耐無出街覓食，趁住開番晚市，一定要支持下。今次試試佢外賣先！成日聽人講佢好好食，竟然係無食評。本身想試個威靈頓牛，晏晝三點已經訂哂，想試下記住早啲打去落單。因為太耐無食同好心急想食，唔記得影哂全部野食。今次叫左至愛parma ham 薄餅，上面竟然有火箭菜。pizza 芝士味好濃parma ham每塊pizza 都有，連埋火箭菜一齊更夾，中和左芝士嘅腬（漏）。仲叫左牛加薯蓉，薯蓉好滑，仲有芝士味添！因為我地叫外賣，煮5成熟，送到黎就變左6/7成，非常窩心！另外仲加左件鵝肝，盒面個塊就係，好。大，塊。鵝肝睇落去以為佢好靭，食落又唔係，肝味夠濃，不過唔係滑嘅質感。牛係薄切，一共三塊，仲要每塊都係對摺左。跟餐個湯都好好飲，估係南瓜甘荀湯。唔食甘荀嘅都覺得好味。水牛城雞翼有別坊間可能用辣椒粉/油去提高辣嘅度，佢喺一開如調配醬汁嘅時候，已經將辣味比例調得好，食個陣有辣嘅味道唔會太嗆。平時跟餐飲品都係普通野，檸水驚喜嘅係用新鮮檸檬，唔會因為放喺杯入面而令飲品變澀。