18樓雞煲火鍋專門店

营业中

休息中

以往都成日去創興廣場食嘢，因為喺旺角真係好方便，出地鐵站行前少少就係。今次我哋就揀咗18樓雞煲❣️我哋揀咗好抵食嘅套餐a，7點前離座只係178，仲可以食夠2個鐘😗一入到去，店員就會問雞煲嘅辣度，我哋就叫咗唔辣。雞煲等咗陣就上lu，店員都會過嚟幫手攪吓同我哋講食得❣️好鐘意佢嘅份量唔太多，可以留位打邊爐🤤味道都十分好，好夠味又唔會太咸食到7788就可以加湯打邊爐，枱面會有枝麻辣湯底，如果想要清湯都可以出去拎，有好多枝好足。打邊爐料可以掃qr code落單，選擇好多，好似魚就已經有3款。上菜速度都好快。另外會show距離last order仲有幾耐，同埋幾點要交枱。不過留意返order完一次要5分鐘後先可以再叫過。食物質數都唔錯，幾新鮮。我哋食咗幾碟魚，都好有魚味，唔會話有雪味。特別係一碟都唔會話好多，可以試多幾款，啱嘅先再嗌。飲品方面，大部分都係可以出去拎，汽水/枝裝飲品嗰啲都有，另外仲有唔同茶，好似桂花烏龍/茉莉綠茶嗰啲都有。而啤酒就需要掃qr code落。整體嚟講性價比都好高，味道又正，值得再encore❣️

同朋友出旺角食雞煲， OpenRice見到呢間雞煲又平又抵食，即刻試😂入座的時候只係五點幾，仲可以趕到抵食嘅時段，食兩個鐘每人只係$178，加埋1都唔使$200 ，任食邊爐來講價錢非常吸引🤩雞煲揀咗最少辣，雞嘅份量都幾多，食完已經滿足咗一半😂食完雞煲，就可以揀火鍋配料， 湯可以自己加，有麻辣同清湯可以選擇👍菜同埋飲品都係自助，飲品種類好多，清熱飲品，汽水，甚至啤酒都係任飲；另外蔬菜都係自助拎，咁樣擺晒喺度好方便👍配料好多選擇，常見嘅火鍋配料都有，特別推介海鮮類，是日海鮮係蜆，隻隻都飽滿厚肉，乾淨冇沙👍另外，蝦都係必嗌嘅，新鮮彈牙，抵食！特別一提個泰國粉絲好好食，比平時既粉絲爽口，唔會煲到林晒👍食完濃味嘅食物，就會想食啲凍冰冰嘅雪糕，呢度有乳酪雪糕，同埋朱古力雪糕，我就揀咗乳酪，加埋脆脆好好味，作為今餐完美嘅句號。我哋走嘅時候大概7:30 ，出邊已經開始排隊，想食嘅朋友，可以揀早啲嚟，或者預多少少時間等位🫶

服務態度極差，要小心個經理會突然發癲😰打電話過去先知道冇得book位，當時語氣已經差，諗住朋友介紹應該食得下…上到去即刻出事，我拎位先要揀ABC餐本來想等埋朋友先升級，點知問個前枱女職員完全冇理我…亦都冇推廣店內優惠…聽朋友話入定會員先坐低男職員上雞煲有幫手值得一讚，好奇怪大辣冇味，調醬料得四款好少，落單後要等到一定時間系統先比再落單，揀牛嘅款式隨機出，叫唔同款式紋路都係一樣，唔知點解要擺到啲牛飛晒出碟，鵝腸冇洗過，食物質素一般，好唔衛生！聽到上面有過幾聲吱吱叫🐭食到一半已經肚痛🤢突然個職員掉張單去梳化就走(勁驚！我坐緊梳化😱)，我同朋友對完單後發現價錢唔啱收貴咗，職員話而家要埋單，其實仲有半個鐘都未食完…然後叫經理大聲冇禮貌發癲，真係冇家教！大家唔好信會員9拆係假㗎！發癲經理話可以即日用，我即場申請入會比個發癲經理不停鬧(圍住我真係好驚😰)，出前枱比錢又話唔用得，捉住前枱女職員推卸責任賴落佢到，我搞佢唔掂叫大經理幫幫手，即刻收聲唔講嘢 真·狗，同大經理溝通完處理張單比錢後開始肚痾😭同朋友輪流去廁所出唔到餐廳😭事後我同朋友肚痾完一齊發燒🤒😷😭

返香港嘅第一件事，當然係要來打邊爐。今次就轉下新花樣唔食普通放題邊爐，而係轉嚟試吓雞煲。餐廳嘅位置好容易搵，而且環境闊落，座位亦都係私隱度比較高嘅卡位，整體裝修亦都運用左舊香港元素，很有feel！因為同屋企人都唔係好食得辣，所以就叫咗小辣雞煲，有極微嘅辣味，啱晒我呢啲想食辣又食唔到辣嘅人。雞件嘅份量好多，食落去都好滑，鑊氣十足。雞煲食得差唔多嘅話就可以自己加麻辣湯，或者清湯變成邊爐。邊爐嘅食材很是多元化，除咗有常見嘅肥牛，豬肉片之外，更加係有台灣鴨血同地瓜球等嘅小食可以選擇，我就最欣賞佢哋嘅是日海鮮蛤蜊，鮮味十足，而且大大隻，我哋重複叫咗好多次。飲品方面除咗有汽水之外，仲可以叫幾隻唔同牌子嘅啤酒，以呢個價錢嘅雞煲放題來講都幾抵食，畢竟而家坊間好多放題都唔包酒精類飲品。服務質素嚟講都算唔錯，上菜速度都幾快，落完order之後冇幾耐就可以上到，亦都有Staff喺附近觀察客人需唔需要幫手收碟，總體來講服務都係幾滿意嘅。

好耐都冇食過雞煲，難得今晚早收工，一於去食18樓雞煲！飲品選擇都幾多一嚟既先係大大煲既雞煲，雞塊非常嫩滑，醬汁濃郁！配上生洋蔥，更加惹味！因為d雞好好味，所以都encore左雞胸肉😋之後就可以加湯，因為我唔太食得辣所以只係選咗清湯，但係湯底味道依然係非常濃郁！響鈴必食！非常脆口，而且層次豐富！各式既丸類同蝦滑，非常推薦芋頭貢丸，芋頭味好濃郁！蝦滑夠彈牙！花膠扒size都算幾大塊，彈性高有嚼勁，吸埋d湯汁味道一流，所以都encore左幾碟！原隻蝦，好新鮮口感爽脆鮮甜，完全無腥味！羊肉片，帶有濃厚的羶味，好正！出面仲有唔同嘅菜可以拎，例如有通菜、油麥菜、娃娃菜、生菜等等！雪糕方面有yogurt同抹茶味，但因為太飽，所以都食唔落，但朋友話yogurt味好食！

今日早收工，好有興致食雞煲，即刻諗起我既飯堂18樓雞煲火鍋，揀a餐7點前離座先每位$178加一，性價比極高，環境又有特色☺️一坐低幾分鐘後職員就上煲，果然夠效率，食任食火鍋係要分秒必爭架嘛🤣雞煲叫左小辣，辣辣地夠哂惹味😋醬汁好濃味，好正！雞件都好大件，肉既部分都多，唔會淨係得骨，又夠嫩滑😋識食一定係要食埋d紫洋蔥，甜甜辣辣勁好食！👍🏻食到一半就馬上用QR code點火鍋配料，種類都相當多，海鮮有我好中意食既沙白，😋😋炸魚皮，響鈴呢d當然唔少得，牛豬羊雞都有幾款俾你揀，仲有小食類有我勁中意食既麻辣鴨血！正！🤩沙白肥嘟嘟漲卜卜，好新鮮🥰牛肉都好靚有雪花👍🏻蟹籽墨魚滑🤩個妹仔菜欄好得意，有生菜、娃娃菜、油麥菜俾你揀，已經裝好一碗俾你拎，好方便冷泡茶❤️食到飽飽當然要食埋個甜品先叫圓滿！呢度竟然有乳酪雪糕！係乳酪雪糕！酸maymay ，太正🥰18樓雞煲真係無論食幾多次都會令人滿心歡喜🥰

18樓雞煲火鍋專門店 (旺角)旺角彌敦道593-601號創興廣場18樓18樓雞煲火鍋專門店位於旺角彌敦道創興廣場18樓，是一家以雞煲和火鍋聞名的餐廳。我來到這裡品嘗了一番，非常推薦大家來一試。首先，要說的是餐廳的雞煲非常好吃。它的麻辣味道十分吸引人，而且雞肉也非常嫩滑，入口即化。除了雞煲，餐廳還提供各種湯底和配料，可以讓客人打邊爐。而且，配料非常豐富，尤其是海鮮類選擇非常多，絕對能夠滿足不同客人的需求。在飲品方面，餐廳提供的選擇也非常豐富。無論是汽水、啤酒還是其他酒類，都能夠在這裡找到自己喜愛的飲品。此外，餐廳還提供乳酪軟雪糕，讓客人在享受美食的同時，也能夠滿足自己的甜點口感。除了美食和飲品，餐廳的環境也非常舒適，裝修別具一格，每個位子都是打卡點。在這裡用餐，絕對能夠讓人感受到非凡的用餐體驗。總的來說，18樓雞煲火鍋專門店是一家非常值得推薦的餐廳。美食好吃，飲品多樣，環境舒適，裝修特別，每個位子都是打卡點，讓人感受到了與眾不同的用餐體驗。如果您想要品嘗美食，享受愉悅的用餐體驗，不妨來到這裡一試。#香港旅行 #香港美食#香港探店 #美食#多國菜#試食 #餐廳 #推廣#foodie #hk

🐓先食雞煲 再打邊爐🍲雞煲同火鍋配料都係可以無限追加🥘你食到巴話可以食兩隻雞😆俗語有云「食得哂先好嗌，食唔哂唔好嘥」而我就兩個人食半隻雞 揀微辣🌶️呢到既微辣係好輕微既辣 想食辣啲可以加辣或加辣椒🌶️ 🌶️ 😆我再食埋其他火鍋配料就岩岩好喇雞🐓 好食 都大舊同多肉 唔會係全部雞骨😆都啖啖肉架 所以食半隻都已經飽飽地🍜火鍋配料 都有多款選擇 除左一般既豬牛雞，海鮮 蝦 蜆 魚都有而且店內上菜速度非常有效率 👍🏻🍦我幫襯得最多就係雪糕機 店有原味乳酪同埋綠茶雪糕俾你揀 我食左幾次😆眼見櫃內仲有多款飲品選擇 有啲自家制既飲品-涼茶果啲，亦有啤酒🍺任飲！而我就飲無糖可樂🤭因為我怕肥🤰🏻店舖內係港式街風裝修，幾靚架！ 又食雞煲又食火鍋 仲要任飲任食，係一班朋友聚會 精明之選👍🏻18樓雞煲火鍋專門店 (旺角)📍旺角彌敦道593-601號創興廣場18樓

今天去的火鍋店喺18樓！唔知係咪老闆情有獨鍾，所有分店都喺18樓！主打食雞煲火鍋！餐廳以性價比極高的秘製雞煲作賣點，食足2小時,價錢最平$158有交易，任叫80款以上火鍋配料！難怪荃灣區無人唔識嘅火鍋店！來到旺角，要殺出一條血路。難免要玩下一些噱頭！玩味十足嘅裝修，絕對係打卡必備！懷舊老香港，70年代的舊式戲院，老上海理髮廳 ，懷舊士多等,不少玩味十足的打卡位任影，提升大家用餐嘅體驗。當然裝修雖好，價錢雖抵，都要講下食物質素！食物質素方面都好新鮮！主打當然係雞煲！啖啖肉的三黃雞，絕對唔係雪藏雞。配上四川麻辣醬，加上芫茜、紫洋蔥、蒜頭、蔥、辣椒等香料！見到都流口水！食完雞煲，每人枱上一壺豬骨湯來打邊爐，絕對係絕配！火鍋材料，包括肥牛，海鮮、花膠、黑豚腩片等都是無限任叫，蔬菜更設有「妹仔菜欄」冷凍櫃, 客人可以隨意選擇！加上多款汽水、飲品、雪糕及乳酪全部任食！定必回本！

今次呢間雞煲火鍋店，提供了多款新鮮肉類，還有不同的自取飲品，真是讓人目不轉睛啊！首先，我要給這家店的飲品種類點個讚！他們提供了各種口味的飲品，有傳統的冬瓜茶、檸檬水等，還有特色飲品如水果茶，真是給人眼花撩亂的感覺。最重要的是，這些飲品都是自取的，可以隨時隨地喝上一杯，真是解渴又方便！接下來，讓我們來談談這家店的最大亮點─新鮮肉類。無論是牛肉、豬肉還是雞肉，每一款都是十分新鮮的。此外，這家店的湯底也是非常出色。他們提供了2款湯底選擇，有清湯、麻辣湯等等。而且湯底的味道非常濃郁，非常適合用來煮肉。每當我將新鮮的肉類放入湯底，整個店面都飄散出誘人的香氣，真是讓人胃口大開。最後，讓我來談談這家店的價格。他們的價格非常公道，考慮到他們提供的食材有如此高品質，真的是物超所值。而且店內的環境也非常整潔舒適，讓人可以放心享用美食。總的來說，這間雞煲火鍋專門店真是給我留下深刻的印象。他們豐富的飲品選擇、新鮮的肉類、濃郁的湯底和合理的價格，真的是一家不可錯過的火鍋店。下次如果你想來一場煮熟肉類的美妙體驗，千萬不要錯過這家店！

餐廳開到凌晨3點，啱哂OT完一班同事嚟食👍📌總共有3個價位嘅套餐揀，每個套餐按時段收費，19:00前埋單或者21:30後入座都會平啲🔎餐廳全自助落單，火鍋配料或者啤酒用QR code落單，任飲全食🥢火鍋配料選擇好多，豬牛羊雞、海鮮、丸類、蔬菜選擇都好多，仲有幾款熟食 (鴨血、地瓜球都幾好食)🥤飲品櫃有3個，汽水、茶都有唔同選擇，仲有雪糕任攞🔺雞煲 (微辣)先食雞煲再食火鍋，微辣啱哂唔太食得辣嘅朋友有少少辣椒吊下味，成個雞煲好香🤤醬汁好濃，好惹味，唔會死咸👍肉質好嫩滑，醃得好入味🤗🔺套餐A (精選美國雪花肥牛、特級肥牛) (21:30後入座 $198)肥牛脂肪比例適中，牛味好香，無雪味，亦都唔韌😊🔺紐西蘭羊肉片食落好香，唔膻，薄薄一片好腍🤩🔺響鈴好大舊，好厚身，食落好脆身，加落火鍋食都一流💯🔺菜(娃娃菜、生菜、油麥菜)有幾款任揀，已經裝好一碗咁任攞，每款都好新鮮，好大塊，吸哂啲雞煲汁好掂👍🔺胡椒豬肚丸丸類要推介胡椒豬肚丸，大大粒次餘仲食到好重嘅胡椒豬肚味🤩平時係其他火鍋店好少食到➡️ Lamlam脷指數 😋😋😋😋😋 (5/5)➡️ 整體評價: 性價比好高，每類配料選擇都好多，店員上菜速度都好

香港人一年四季都會打邊爐食雞煲，當然我都唔例外，夏天一樣雞煲癮起。你到旺角創興廣場咁多餐廳眼花撩亂，好彩18樓雞煲呢個名改得夠直接易記，一於就去18樓。餐廳有三個晚市時段嘅不同收費，今晚我哋9:30先嚟到，價錢就再優惠啲。我哋選擇咗套餐a,包咗兩款肥牛，成人只需$198一位。呢個價錢嚟講有得任食任飲，仲包埋雪糕甜品, 收費平民大眾化。一入座職員會問你雞煲嘅辣度，坐低幾分鐘就馬上上煲，熱辣辣夠晒過癮。雞件大部份都有骨，不過作為鍾意食雞嘅人就係覺得連骨嘅肉特別好味，叫咗小辣，辣都尚算溫和，醬汁調味都足夠。食晒啲雞就可以用枱面嘅上湯打邊爐，火鍋配料，可以用QR code落單，上菜速度好快亦都冇甩漏，另外蔬菜會擺放好喺雪櫃入邊，感覺幾衛生。飲品選擇非常多，希望有多啲冷泡茶就更加正。當然唔少得要食佢嘅乳酪雪糕，而家出邊買少見少，一於食返兩杯先夠

餐廳位於旺角彌敦道593-601號創興廣場18樓。 😛餐廳位置位於旺角地鐵站附近，位置方便，好彩餐廳距離地鐵站嘅距離都唔係太遠，我哋今日係大概2100去，冇諗過竟然都幾多人，9:30之後入座，仲有抵食啲嘅優惠😇我地等到9:20店員就叫我地入去🤍雞煲，嚟到呢一間食雞煲嘅餐廳點會唔食雞煲，我哋今日就揀小辣！分量都唔算少，半後，雞件做得非常嫩，亦都非常之juicy! 調味嚟講，亦都唔會太鹹，做得好好！🤍海鮮，海鮮嚟講佢都有幾多種唔同嘅新鮮海鮮，比較鍾意食幾有佢嘅大大粒沙白，沙白都好新鮮，亦都洗得好乾淨，每一隻都唔會有沙，蜆肉加埋湯底嘅味道非常夾！鮮蝦亦都非常新鮮，每一隻隻腳都會郁吓郁吓，每一隻亦都非常爽口彈牙，會忍唔住食完幾隻再叫！🤍 鵝腸墨魚，鵝腸每一條都洗得非常乾淨，識落亦都爽口！喺出邊買鵝腸食到絕對唔平，餐廳都冇漏單叫幾多比幾多，very good! 墨魚都新鮮，我哋忍唔住食完一件又一件食雞煲同埋打邊爐質素都算係唔錯，而且價錢唔係真係太貴，成班三五知己嚟，簡直係唔錯嘅選擇！啤酒都有任飲！大家不妨黎下！👹

今日同朋友出旺角行完街，朋友提議食雞煲，我哋就去咗創興廣場嘅18樓雞煲火鍋專門店！店內是懷舊風裝修，有好多霓虹燈光，卡位甚多，地方非常大！由於時間尚早，未夠六點，唔係好肚餓，所以我哋揀咗套餐A餐$128，特級肥牛+任食火鍋配料!餐廳採用QR code自助落單，非常方便！主角雞煲，好快就上枱，我哋揀咗微辣！雞件份量大概半隻，兩個人食剛剛好！雞肉都好鮮味，配料有洋蔥、芫荽等，味道十分濃郁！食到咁上下，就開始加清湯打邊爐，火鍋配料十分多，有雪花肥牛、特級肥牛、沙白、新鮮海蝦、各式各樣的丸類、脆卜卜的炸魚皮、萵筍、蓮藕片等等，基本上想吃的火鍋配料都有，十分豐富！個人最喜愛是炸響鈴和鱔片，響鈴好鬆好脆，而鱔片就非常爽滑新鮮，完全不會有腥味！另外，蔬菜和飲品都是在自助區任取的，款式非常多而且多樣化！整體餐廳質素不錯，而且性價比高，卡位坐得很舒服，地方較大不會逼夾，怪不得我們買單的時候，全場已經坐滿，這個價錢絕對超值！

今日同男友嚮旺角睇完戲之後都9點幾10點，好多餐廳都last order了，難得搵到呢間開到凌晨三點，仲要係食我最愛嘅雞煲，當然二話不說即刻上去試吓~ 估唔到我哋閑日夜晚咁夜先去，餐廳入座率都超過一半，睇嚟質素應該相當唔錯~ 餓到不得了嘅我哋落完單就即時衝咗去攞嘢飲同雪糕，好開心有我中意嘅原味乳酪雪糕~ 食咗一兩杯之後雞煲就到咗~ 呢度嘅雞煲都非常合我心意，調味正正係我鍾意嗰種濃濃嘅麻味同咸味，最好就係唔會太辣，真係令人一啖接一啖停唔到口我本人食雞煲最唔鍾意就係水汪汪嗰種，當然要開頭食濃味嘅雞煲，後加湯打邊爐先係最正~ 食完個雞煲之後都飽咗一半，係時候要加湯打邊爐，雖然好夜，但餐廳食物供應量都非常充足，唔會話乜都賣晒，所以呢度真係好適合一眾夜鬼過黎，食吓嘢吹吓水，餐廳有唔少卡位都幾好坐，兩個鐘眨吓眼就過