1987 Kitchen (已搬遷) 新店位置

良心店💛一直都想試呢間西餐廳🍴午市係好抵食！包左餐包、湯、沙律都只係$58起💰原來呢間餐廳點解叫1987係因為4名店主都係87年出世👦🏻環境唔算特別靚，但勝在乾淨坐得舒服😌食物相當高質！⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬🍝午餐套餐🍝包餐湯或蒜蓉包、飲品👍🏻🍔不可能漢堡包($78)漢堡扒食落去完全唔覺得唔係牛😂牛魔王可以一試🤟🏻之前都已經試過素肉，對我黎講係相當有好感😍🤪包皮烘到脆脆地，加埋蕃茄🍅沙律菜等既配菜一齊食真係好match!!仲有海量既薯條🍟添🤪🤎黑松露大菇意大利飯($78)醬汁好creamy又香濃，飯既軟硬度適中，大菇真係好大粒好足料呢😳但菇食落有啲乾，唔太juicy。不過整體食落都唔錯！👧🏻：佢地既脆脆芝士蛋糕都相當吸引，要訂蛋糕既不妨搵佢地😎雙層芝士既口感真係好難抗拒🤪🧀下次去試埋切件先！仲有，口痕既我咬下支飲管，啪一聲嚇親我...原來係意粉黎😱好新奇！🔸評分: 8.5/10💰人均消費: $100(午市)

心血來潮午餐想食牛扒，經過金輝徑見到幾份蘋果日報，就係你啦👆  睇餐牌見到黑安格斯西冷配薯條有抗爭價$98🔥包埋餐湯同飲品，真係抵食  甘筍湯濃郁香甜，正！但餐包普通咗d  主菜扒到，目測都有6-8oz，呢個價錢份量都算足，今次叫咗7成熟, 切開岩岩好7成，抵讚；入口有焦香味，肉味都幾濃，如果有多少少汁配就最好；薯條幾好，配菜d失色，希望配菜可以有改善。下次想食埋2佢個甜品，想脆脆蛋糕個賣相唔錯  整體分數：8/10❤️下次會再嚟食😋

疫情盡量留在家中食飯，此乃舊相🔥澳洲草飼西冷 ($98抗爭價)🔥黑松露大菇意大利飯 ($78)🔥法式焦糖燉蛋 ($62)🔥熱朱古力 (餐加$10)西冷：個紋超靚🤤打卡一流！而佢嘅肉質唔鞋唔硬，配埋個汗真係😍😍義大利飯：個size超大🙈不論個菇定飯嘅size都好巨型😋不過略嫌個菇唔夠juicy，稍為有啲乾身，同埋啲飯食耐咗有啲dry，其他都好好。燉蛋：落咗order後佢會因應你食嘢嘅情況再問你上得燉蛋未，佢大約整5mins。焦糖唔苦，蛋好滑，可以一試🙈但注意佢都幾大件！

前菜送一個分子料理，好泡泡，食落去好特別，所以只食左少少，當試味如果超肚餓唔見議你地食 1987，因為廚師準備時間好長，有20+ 分鐘我是要西冷牛扒 67成熟。出到離又幾好味，牛扒 唔會老，又唔硬，剛剛好。伴菜好新鮮，我個人好滿意。價錢 2xx，算係咁。但有一點幾特別，上菜時個侍應會解釋度菜，個汁特別濃都會交代得好清楚。其實佢地重有 M5, M6和牛，但太貴了，我想食但要儲多個星期錢。全餐用左我大約30分鐘，等用左 20分鐘，我太餓所以相都無影。好食！儲夠錢會食多次。

元朗出名多野食，今次呢間餐廳廚師仲做過酒店，出品自然非常好！我哋食lunch叫咗大啡菇意大利飯，口感軟綿綿，粒粒彈牙，營養高，加埋少許沙律，整體味道不錯！仲有牛扒都好正，真心推介！

約左朋友元朗食飯 朋友想食意粉 我就用openrice search 下有咩出名嘅西餐 見到呢間咁多正評 就試試佢 網上見到呢間餐廳經常都好full booking所以提前打電話去 第一次打去無人聽 可能落場時間 本身抱住打唔到就walkin碰碰運氣嘅心態 點知餐廳竟然好細心 打番轉頭 呢個舉動 值得加10000分啦～～ 同我地講 1800有位 但只可以用餐到1930就要俾枱下一枱客人 我地當然無問題啦～～～ 我地準時1800到餐廳門口 準時入座 員工 好細心 介紹今日嘅餐湯係咩 牛扒有咩優惠做緊 態度100分👍🏻👍🏻👍🏻👍🏻👍🏻我地加左兩份$32套餐 有蕃茄餐湯 酸酸地好開胃 有俾埋法包點埋湯一齊食 又可以點牛油食 👍🏻👍🏻👍🏻👍🏻主菜點左 一份M6和牛肉眼 3成熟 食落去咬開唔韌 好食 👍🏻👍🏻👍🏻一份豬鞍扒 皮脆肉汁豐富👍🏻👍🏻👍🏻👍🏻一碟海鮮茄汁意粉 濃味 👍🏻👍🏻👍🏻👍🏻👍🏻下次 去元朗 都會再食1987 kitchen 👍🏻👍🏻

餐前小食（分子料理）有心思！水果水好好飲😋餐包好好味，每人兩小片，份量剛好！牛扒好好味！不過伴菜的炸薯片好油，堆在一起有點影響賣相，而且喜歡食薯條/薯仔粒/薯蓉/薯片的我有點失望但整體而言，食物質素好！好味！會再光臨👍🏻👍🏻希望下次伴菜有改善😊

元朗有唔少好野食就人人知，今次誤打誤撞來到一間推介餐廳（ 原本是食後面的漢堡包店），這是整定的喜出望外。店員介紹1蚊1g和牛西冷，仲有8折，的確唔食唔得。我們再加多個和牛漢堡包（話晒原本來食漢堡包）。先來個分子料理的開胃菜，小小酸，幾開胃（話晒6點來到，未到我食晚飯時間）。一個轉餐手工啤選了比較易入口的（店員介紹）。十分juicy嘅和牛漢堡包，當然和牛漢堡本身已經有一定程度加分，當中的蕃茄生菜新鮮，而新鮮熱辣的薯條就更加唔會輸，夠粗身，夠脆。500g和牛西冷，5成，賣相十分靚仔，口感一流，十分嫩。但小弟更喜歡是旁邊的薯片，食得出自家制，有薯味，厚身，夠脆，食唔停得口。 墊底的豆角切了絲，唔媽呼。成個餐完全是手工藝。今日2位700百，完全低食夾大件的和牛餐，每款食物都食得出大廚的手勢同細心，加上服務員 招呼周到，絕對有高級餐廳的水準。最後，因為店舖細細，見意大家先book枱。

因為我哋慶祝生日，同埋呢間小店座位好少所以我哋都早一日預約左。我哋叫咗兩個lunch set，另外再加個焦糖燉蛋🥚甘筍忌廉湯（小小甜嘅甘筍味，好smooth，上面仲有幾粒脆脆麵包🥯）沙律係香檳汁藜麥（雖然我唔知咩係香檳汁，但係酸酸甜甜幾開胃，個羽衣甘藍好脆口，feel到夠晒新鮮）海鮮喇沙意粉🍝（上面有好多蟹肉，超足料，入面有好多蜆肉同埋蝦，個汁好掛麵。豆卜素曬汁，好正。但又有蕃茄粒好fresh 🍅。不過有少少辣，但好惹味，食唔到辣嘅人都應該食得）西冷扒一份（medium well 但有啲overcook, 鞋左少少，不過西冷呢個部位正常係比其他部份鞋身嘅。薯條🍟厚切新鮮冇乜鹹味、伴碟既菜都係無味既）但係個焦糖燉蛋估佢唔到幾好食😋，甜味適中、上面嘅焦糖脆身、蛋味香滑、仲有粒粒雲呢拿籽。佢個杯都好得意，用量杯上，飲管仲好有創意咁用咗意粉添，抵讚👍🏻店員服務都好貼心，走嗰時仲同我講生日快樂添🥰

在元朗薄有名氣的餐廳，想去的話建議先訂位。我們接近1點到達，等了差不多1小時。職員很好，讓我們留下電話號碼去逛逛，有位子再叫我們回去餐廳很小，但環境舒適，設計有品味。在疫情期間，用上屏風作間隔，出奇地合襯。牆上備有牛皮袋供放置口罩，十分貼心套餐可選餐湯或沙律。餐湯很濃，餐包不是蒜蓉包，卻亦很香脆。主菜點了特價的西冷扒，雖然是特價餐，但份量跟質素並沒有因而下降。西冷扒外有油香，切開仍是嫩紅色，肉味濃郁，絕對物超所值薯條沒有炸得很脆，內裡是粉粉的，是我喜歡的質感。跟餐有熱茶啡，我點的是熱檸水，沒有什麼特別，唯一是餐茶份量太少。幸好餐廳另外有開水，侍應亦勤勤添水，不然單靠餐茶真的不夠。順帶一提，他們的開水不是白開水，目測浸了士多啤梨，喝上去味道不大。之前看食評上的焦糖燉蛋很不錯，一心想來試一試。在餐牌上找不到甜品欄，還以為午市沒有供應，原來一樣是可以點的！焦糖燉蛋份量足，蛋很滑，上面的焦糖甜甜脆脆，只有一點點焦糖的焦澀味，沒有很苦整體食物質素很好，價錢相宜，性價比很高。下次再去要試一下麵包布甸

生日嘅時候朋友帶我去呢一間喺元朗既餐廳慶祝生日。餐廳地方都容易搵，喺大坑渠旁邊。餐廳其實細細間，係小店嚟嘅，大概可以容納10幾人。嗌咗餐之後，有餐湯同蒜蓉包，蒜蓉包有啲林，依個湯呢就濃咪既。朋友話呢間嘅牛扒幾好食，所以我就帶咗肉眼扒，五成熟，加咗隻虎蝦$20，朋友呢都嗌咗西冷扒，同我一樣都係五成熟。我哋都有交換黎食，啲肉質都好鮮嫩，都好入味。服務員問我哋要唔要鹽作調味，咁我哋都要左少少擺喺碟上面，點牛扒嚟食。😘佢得意在呢啲嘢飲完我會用個兩杯嚟裝㗎，個杯凍檸茶好得意呀。👍🏻因為生日，所以朋友神神秘秘叫咗個焦糖燉蛋畀我食，仲寫咗我個名架，好開心呀。個焦糖燉蛋都幾好食唔會話太膩。😆下次呢再去試吓其他意粉類嘅嘢食先😉

下班後和朋友來到1987小聚，朋友已預先訂好枱的關係，所以不用等。這是充滿驚喜的小店💛每一個角落都看得出老闆很用心經營～【海鮮茄汁意粉】意粉是老闆自己製作的，所以比起一般市面的更為有彈性。蝦球和青口都很新鮮，沒有雪藏味喔！茄汁也很鮮甜，是用新鮮蕃茄製作而成，味道剛剛好不會很濃啊～【澳洲M5和牛西冷 320g】重頭戲是M5和牛，因為限時優惠($1/g)的關係，所以決定試一試！五成熟的牛扒鮮嫩且有牛肉味，完全是平民價錢高級享受啊！薯片更是自製的，所以會比較健康。擺盤也擺得很精美呢！所有主菜均可加$32轉為套餐，套餐多了餐湯/沙律和飲品一杯(很大杯)餐湯是西芹湯，濃濃的西芹味很清新，餐包脆卜卜的也很不錯。最後我們叫了兩杯凍檸茶，吸管是意粉來的，很驚喜很環保呢！小店除了普通飲品和紅白餐酒外，更有自製的手工啤，外表和名都很新奇有趣，希望下次可以試一試啦！

我一向寫食評 一係好差 一係好好!今次呢間 我就覺得極滿意! 同大家分享一下~訂左位 慶祝周年記念 早到左照俾我地入~好好~鋪面細細 ， 3張四人枱 3張2人枱。。坐門口位 開關門好大風 到有人走都好好幫我地轉位開頭1個侍應忙到甩碌 之後尾段都有另1個幫手。1個侍應咁忙時都非常有耐性地講解今日廚師推介 同推廣~頭盤:分子料理 (送既)酸酸甜甜好開胃，估唔到小店都咁有誠意+$32配套餐 +$28 @轉龍蝦湯&牛肝菌湯配面包湯同面包都好好食!2款湯都好足料好好味!包係外脆內軟 仲要剛烘起出爐。。配花形牛油同蜜糖芥末，好有心思$1/g M5 和牛西冷 320g $320一上枱就嘩一聲， 好靚仔! 5成，有血水，控制得峇峇好~好重牛味，肉質好淋仲炭香味!超正!配菜係脆薯片 好好食!和牛配海鹽食仲正!卡邦尼意粉意粉煮得剛剛好，有咬口，配料好多~好多菇同煙肉!好鍾意呢隻煙肉，一粒粒正方形既，唔係薄薄果d..好味好多白汁足夠~套餐飲品:橙汁&蘋果汁果汁唔使加錢~正路野~飲管係pasta 黎，好環保!本身仲想試個熱溶薯條 個侍應哥哥好好 提議下次先試 因為原本order 左既野食已經好夠食 再叫就驚太

今日去元朗行山，入得元朗緊係要食好嘢。朋友介紹下，嚟到呢一間1987 Kitchen，本來諗住食tea，但要18:00先開市，就係附近行吓，沿途有很多特色美食小店，好多都好吸引，住係元朗好幸福！18:00，我地就入餐廳，食用時間個半鐘，服務員很細心，詳細介紹有什麼推介，他們的牛扒很超值，但本人不食牛，所以就沒有order.我地點左3樣嘢。其中一個係麵包蟹 - 做緊promotion $148一隻，本來要預早預訂，好好彩有貨，好新鮮，鮮甜，多膏，值得一試再試豬腓骨 - 醬汁美味，肉不會太散，整體比例適中，口感一流👍🏻炸魚薯條 - 賣相很好，可惜切開有點失望，炸粉和肉分開，而且還有魚骨，味道還可以甜品 - 服務員很好送我們甜品朱古力慕絲😋賣相和味道不錯這間餐廳整體感覺很好，服務員很友善細心，座位比較少，沒有訂座是不會有位的，我們因為18:00就到，才有機會試到這間隱世高質餐廳，有機會一定再試👍🏻👍🏻👍🏻

由於小店座位不多，加上質素/口碑有返咁上下，好幾次walk-in 無book位都摸門釘，有興趣道記得記得要book位。小店做緊澳洲M5和牛西冷$1/g，一塊大約320g左右，作為牛魔王嘅我二話不說揀左呢個，另外都有加錢轉set&轉龍蝦湯（$32+$28)。.點完餐之後會上一客好似沙律醬嘅餐前小食，其實佢係叫雜果泡泡，係一款幾經典嘅分子料理，宜家都好少地方食到呢款小食，酸酸甜甜幾開胃，再黎嘅係餐包同龍蝦湯，個人麻麻地法棍，呢度嘅棍都唔算好硬，外層脆脆地，中間煙煙靭靭，而除左牛油亦有甜奶油可以醮嚟食，龍蝦湯嘅質感唔算好杰，但味道濃得嚟又唔會死鹹，個人覺得係值得加錢一試。主角和牛西冷order左3成熟，上抬稍為熟左小小，但唔算好大影響，切開都夠粉嫩，肉質軟得嚟唔會鬆泡泡，最緊要係佢嘅油香好突出，就算偏瘦嘅位置都食到嗰份香，配菜都做得幾出色，尤其自家製嘅炸薯片都係心機之作。小總結：整體質素係唔錯嘅，我又唔會佢係好平好抵食，但一定值呢個價，間唔中想食好西值得考慮。