2派克雞排

营业中

休息中

最近聽聞旺角有一間人氣炸雞店「2派克雞排」好好食，今日和朋友逛女人街，順路過嚟買番件試吓先！門前真係有好多人已經等緊，見到餐牌有幾款選擇，決定買一塊雞扒加兩個小食先！～脆皮無骨雞腿排即叫即炸，非常Juicy，有多款調味之中仲可以揀兩款調味，我就揀了海苔及芝士味，Yummy!～脆皮台灣香腸台灣香腸有別於一般的雞肉腸，特別好味，原來炸過之後別有一番風味！～脆皮杏鮑菇未試過咁樣食杏鮑菇，外邊脆卜卜，入面濃香菇味好多汁，值得推介！

主打嘅都係啲台灣炸雞排等等小食，好有台灣feel,行過都忍唔住想食😋💛脆皮無骨雞腿扒調味粉可以雙拼,揀左梅子,海苔,雞扒一大塊，無切塊既，所以keep到咬落去好juicy，肉汁冇流失！雞皮超級超級超級脆！如果要預先切粒嘅可以揀脆皮無骨雞丁💛甜薯地瓜條好大既一包！推介一定要配梅粉！正呀！台灣夜巿既味道🥰💛甜不辣魚條口感QQ,一條條又係好涮咀😋👍所有嘢即叫即炸，所以都要等一陣。總括嚟講雞扒都炸得鮮嫩好食，比其他雞扒店特別嘅係佢可以落唔同嘅調味粉，食辣嘅可以選擇麻辣/芥末/咖哩/辣味,就算唔食辣,原味/海苔/梅子/芝士都好食,尤其係梅子粉！我既至愛心水推介！👍😋

呢塊炸雞真係唔講得少我搭地鐵拎返屋企啲人都不停望住我因為真係香到不得了脆皮無骨雞腿扒唔好以為炸完之後會好乾D雞肉係勁Juicy無骨嘅雞腿真係正到痹啖啖肉我落咗海苔同埋咖喱口味好有台式雞扒嘅感覺雞腿扒大塊到食唔晒留咗第二日帶飯估唔到用微波爐叮翻熱之後仲係脆嘅我同事話香過「K家雞」炸甜不辣一定落椒鹽最夾小Q彈口感份量正常下次都想試吓芥末香辣味平時食金菇一定會哽親嘅我其實內心係好鍾意食金菇嘅金菇酥炸到碎晒就一定唔會哽親啦挑戰辣到揀咗麻辣我唔係咁食得辣都覺得幾辣吓呢一片金菇脆到好似薯片咁下一次一定會再食

今天下午，我們去到旺角通菜街2派克雞排(旺角) 買外賣， 叫了脆皮無骨雞腿排、脆皮百頁豆腐(小辣)和脆皮花枝丸，回家慢慢享受。😘脆皮無骨雞腿排，外皮金黃酥脆，裡面肉質鮮嫩多汁，每一口都讓人回味無窮。搭配上特製的醬汁，讓味道更上一層樓。😍接著是脆皮百頁豆腐，略帶小辣的口感，讓人感受到微微的刺激。豆腐外層的酥脆和內部的滑嫩形成鮮明對比， 十分好味。這道菜不僅美味， 而且健康又有營養。😊最後，脆皮花枝丸，每一顆花枝丸都是用新鮮的花枝製作，外皮炸至金黃，咬下去時，鮮美的海味瞬間充滿口腔，令人陶醉。❤️這三道美食，讓我們的味蕾得到滿足。👍

自問好鍾意呢間小店，每次經過都大排長龍，台灣過江龍，主打多款性價比高嘅炸物，調味可自行選擇兩款，次次去食都有新鮮感！食物即叫即整，新鮮熱辣辣，需要等候一段時間，就算人多都好快手，味道質素絕對拍得住台灣夜市，想念台灣美食嘅朋友仔可以去試一試呀。小店招牌菜為脆皮無骨雞排，個人更喜歡雞腿排，相比之下肥啲，咬落嫩滑多汁，啖啖肉好滋味，外皮薄身且脆口，令人一試難忘。小食有甜不辣，口感煙韌帶點咬口，QQ哋，麻薯Feel，建議揀芝士粉，味道新奇好似Fusion菜。健康啲嘅會推杏鮑菇，大塊，超Juicy，性價比高。

🐓一年前喺澳門食過呢間炸雞之後一直念念不忘，佢哋終於喺香港開咗分店啦，炸雞真係外脆內軟，塊炸雞皮非常之薄，入面嘅肉好嫩滑，仲有雞油雞汁爆出嚟，每款炸雞可以揀兩隻味，手推梅子，一定要試吓！🐓另外個杏鮑菇又係超正，脆身嘅炸衣，入面係爆汁嘅杏鮑菇，每啖都好正！我哋今次試嘅係咖喱加芝士味！🐓我哋另外叫咗個甜不辣，口感煙煙韌韌，就睇你鍾唔鍾意呢種口感啦，我哋呢隻叫咗Wasabi加椒鹽味，不過就唔係好覺得有Wasabi味，如果Wasabi粉可以加多啲就就更好啦！

之前行旺角既然時候都成日經過【2派克雞排】見好多人，今次岩岩整好野經過聞到好香又未食飯，所以就去買左啦。炸物即叫即炸，非常新鮮，所以都要少少時間等候。不過其實都幾快、10分鐘左右就有得攞。無骨鷄腿排（海苔味）：外皮係比較厚少少既粉漿炸皮、非常大塊同熱辣辣，而裏面既鷄肉超級無敵嫩同juicy。海苔味比較接近原味椒鹽味但加左海苔、更加鮮味。地瓜條（梅子味）：地瓜條就一定要配梅子味啦，酸酸甜甜鹹鹹。而且質地同味道唔太似急凍、似係新鮮番薯炸，外脆内軟。甜不辣（芝士味）：自家制甜不辣、魚漿魚肉比例比較高、比較彈牙。而且芝士味超級濃郁，非常推薦。

都好耐冇係香港食依啲大雞扒🤣但係間唔中都會想食，雖然好熱氣但真係好好味😋.🐥🥩 脆皮無骨雞排 $40（海苔+芝士粉）好大塊，仲要啖啖肉冇骨😍雞扒炸得好香口熱辣辣脆卜卜🍗🍗肉質都幾滑，仲要好厚肉👍🏻雞扒仲可以揀兩款調味粉，海苔加芝士都好惹味😆🍠🍠 甜薯地瓜條 $25（梅子粉）信我😭地瓜條加梅子粉真係prefect match🌟🌟冇得輸！差啲想嗌兩份嚟食🥹.🍢🍢 甜不辣 $25（原味椒鹽粉）甜不辣都係我經常會叫嘅item🍢有咬口，煙煙韌韌咁😋我覺得依個配椒鹽粉都好夾👍🏻

之前有係台灣食過2派克雞扒都覺得好食今日旺角見到分店忍不住要回味下🫣🫣有普通雞扒或雞腿扒，我就鍾意嫩滑啲嘅雞腿！調味係可以揀2款，每種味都好正咁😚😚最後揀咗原味椒鹽同香口嘅海苔👍🏻除咗雞扒，台式小食又點少得 杏鮑菇同花枝丸，每樣炸物一樣係可以揀2種口味嘅調味粉，最後有揀埋香辣同麻辣比較吓😛由於所有食物都係即叫即炸，所以都要預等10-15分鐘～店入面都有啲櫈可以比人坐底等😎雞扒大大塊，而且係超級熱！基本上係唔可以一拎到就咬🤣手拎住一陣都熱到頂唔順🥴雞扒個炸皮唔會太厚又夠香脆，雞肉非常嫩滑🤤係偏甜嘅口味，非常之台灣呀！杏鮑菇炸皮會厚少少，但都一樣係香脆，辣味唔會太過份（叫咗小辣）花枝丸係大大粒！食落好香花枝味又彈牙🤩麻辣味雖然唔太明顯但都有種風味👍🏻😛食完又可以解一解對台北夜市嘅掛念啦🥰

急不及待要同大家推介以下呢一間台式炸雞店，可能佢係香港最好味嘅台式炸雞店‼️推介大家去到旺角掃街必試⚠️⚠️佢哋全部嘢食都係即叫即制，俾完錢都要稍為等一陣～不過咁好食真係值得等㗎！佢哋嘅所有炸雞🍗 同 小食🥓全部都可以揀唔同口味，一共有八款口味可以選擇，每一個小食最多可以有兩款口味mix and match! 完全唔使擔心好快食厭、冇新鮮感呢啲問題～脆皮無骨雞腿排🐔（芥末&海苔 ）$40雞腿扒外皮好香脆，芥末同埋海苔呢個配搭好清新，裏面既雞腿肉真係好滑好Juicy，香港真係冇邊間炸雞扒做到呢一個效果，要大大力推介俾大家‼️脆皮杏鮑菇（椒鹽&海苔） $25本身唔係特別鍾意食脆皮杏鮑菇，但係上次朋友食完大力推介，所以今次特登嗌尼試吓～外皮一樣係咁酥脆，最估唔到嘅係咬開入面杏鮑菇有非常多汁，非常鮮嫩好食，一樣有驚喜喎！脆脆雞皮（芝士&麻辣） $24佢呢度嘅脆脆雞皮份量非常多，兩個朋友share一份都絕對好夠食！麻辣嘅調味粉味道有啲似熱浪，真係食到停唔到口🤤🤤

係邊個掛著台灣但開咗學唔可以周圍飛去玩？係我😭😭😭呢間專食台式炸物嘅小店我都幫襯過好幾次啦 水準都好穩定！調味粉有8款 有辣有唔辣仲有酸甜任君選擇貪心吃貨仲可以揀雙拼口味🤤🐔脆皮無骨雞腿排 $40之前好似都係叫佢哋嘅無骨雞排 今次就試試另一款王牌因為即叫即炸所以等咗大概十幾分鐘 上手例牌熱到燙手😋雖然喺街度攞住一大塊雞排咬需要一定嘅技巧 但真係好爽！！一咬就係一大塊嫩滑嘅雞肉 鮮嫩多汁又唔會油膩朋友唔食辣所以就嗌咗海苔拼梅子粉味道酸酸甜甜配搭海苔獨有嘅香味👍🏻🥔脆薯餅 $15🍠甜薯地瓜條 $25佢哋嘅炸物果然做得夠全面 真係試過嘅唔同食材都炸到外脆內軟 炸得通透唔油膩嘅效果🏆呢款同樣揀咗梅子粉自帶甜味嘅地瓜條配酸酸甜甜嘅梅子粉

2派克雞排 旺角🍗🍗位於通菜街巷入面既一間台式炸物呢條巷不嬲都美食雲集🥹所有炸物 即叫即炸 拎上手熱到喊出黎🥹佢有普通無骨雞扒，但係我自己覺得雞腿扒會嫩滑啲🤭下次再去嘅時候試吓佢嘅無骨雞扒先🤣脆皮無骨雞腿排🍗椒鹽小辣咬落去果下個皮勁脆，個皮吾會過厚，啲汁爆哂出黎，超ᴊᴜᴄɪʏ ，不過佢嘅小辣唔算好辣，所以我下次應該會嗌中辣😋😋金菇酥🍄椒鹽小辣自己本身唔太鍾意菇類既野🥹唯獨是金菇，係抗拒唔到每次去親台灣都要搵鹽酥金菇🥹但係已經越來越少喺台灣見到🥲通常都淨係得杏鮑菇呢一間炸物店，佢竟然有埋金菇😋😋自己覺得金菇攞去炸咗之後嗰個口感好好食🥹再加埋啲椒鹽粉同埋辣辣地好香好好食🩷我自己一定會ᴇɴᴄᴏʀᴇ 再ᴇɴᴄᴏʀᴇ，下次試埋甜不辣🤣🤣

之前喺荃灣幫襯過呢間嘅2派克雞扒，味道都幾好，今次同朋友嚟到旺角行街，見到呢間旺角分店，就過嚟再幫襯。店內有少量位置，可以比客人坐住等外賣🍗脆皮無骨雞腿扒（$40）大概等咗15分鐘，就拎到塊熱辣辣嘅雞扒，雞皮炸得好脆，入面嘅雞腿肉嫩滑，甚至肉汁Juicy爆汁，回味無窮🤩🍡黃金香芋圓（$22）香芋丸入面係紮實嘅芋泥，中間有少少鹹蛋黃，甜鹹搭配，唔會膩脆皮杏鮑菇（$25）一款杏鮑菇可以揀兩款唔同嘅口味，我哋揀咗海苔味原味，份量唔少，杏鮑菇食得出係新鮮同埋多汁，值得推介

超級大塊嘅即炸雞排，熱辣辣外層脆卜卜，有不同款式嘅調味粉比你揀，跟住自己嘅個人口味配搭。Total 8種口味，有紫菜、辣味、原味、梅子、芝士、麻辣、芥末同咖哩，唔洗驚唔岩味。脆皮杏鮑菇，今次嘗試左芝士+梅子嘅配搭，真喺別有一番風味，酸酸甜甜得嚟又帶上芝士鹹香味，食落幾開胃，變左開胃前菜。甜不辣是咗個麻辣味咖哩味，溝出來又唔錯啵，始終甜不辣原本唔強，隱約中有種食咖哩麻辣魚蛋嘅感覺。所有食品都即叫即炸，等候時間大約十分鐘。仲有好多其他唔同嘅炸物豆腐、翠玉瓜、雞翼、金菇、四季豆、茄子應有盡有。

呢間位於旺角通菜街的炸雞排小店，炸物控必食😋。除咗招牌炸雞排之外，仲有多款不同小食可供選擇😗，例如：脆皮雞中翼、地瓜條、炸花枝丸、四季豆、百頁豆腐等等。全部即叫即炸新鮮熱辣辣。仲有8款調味任君選擇，包括海苔、辣味、原味、梅子、麻辣、芥末、咖喱同埋芝士味！⏳由於所有食物是即叫即整的，所以都要預10分鐘左右先拎得。✨脆皮無骨雞排 $40🧂調味：梅子+海苔呢個招牌雞扒必點，除咗大大塊之外，肉質都好嫩滑。而且調味夠晒濃郁。配埋自己喜歡的調味，勁正！梅子加海苔真係好夾嘅調味。✨脆皮杏鮑菇 $25🧂調味：咖喱+海苔杏鮑菇切到細細舊，炸到外面脆得黎，咬落去入面有汁🤩，真係炸到火候岩岩好呀，而咖喱味都辣辣地好香。✨ 甜不辣 $25 🧂調味：原味+海苔第一次叫甜不辣，好似手指咁幼細既條狀，入口煙煙韌韌好似食緊麻糬咁。