28居酒屋 (已結業)

28居酒屋系夏天时候系我其中一间必食饭堂， 原因好简单，因为夏天天气炎热，自然好想食佢嘅冻乌冬或者冻荞麦面。食28居酒屋要留意嘅系佢嘅晚饭时段，好多时候要排队因为自从搬舖后间舖头细更多，同埋比较迫。今次晚上6点半去食，唔洗排队。今次叫左冻荞麦面同几款唔同鱼嘅寿司。荞麦面本身无味，但对比前身舖头，今期嘅面质较为淋，口感冇以前咁爽口，但配上荞麦面嘅酱汁同配料仍觉得好好味。寿司冇咩特别，属正常。其实喺西环食到平民化价钱嘅日式食物真系少之极少。有样野都几有趣，依间舖头有快食快闪既感觉，个个食完都算快走人，可能唔好意思要交枱俾下一枱客卦。我都希望佢做得住，因为西环家下大部份都系食西野，贵野，连锁野，然老字号嘅茶餐厅都敌不过加租而唔做嘅厄运。