298 Nikuya Kitchen (已結業)

這家烤肉店裝修帶點玩味，座位十分寛濶，枱與枱之間有一定的距離，大家各自有自己的小空間，坐得舒適。午餐親民定位，由$85-$130不等除了烤肉外還有咖喱飯、和牛丼同冷麵餐，而和牛三寶也只是$150。牛小排套餐$95沙律十分新觧爽脆，前菜的滷牛舌同泡菜也十分味美，令口水分泌十足，為烤肉作好凖備。這牛小排餐有八片牛小排肉，每片厚度相約，約3mm厚，切得唔會太薄，每一片充滿雪花紋。輕輕一烤放入口，牛肉味十足，充滿肉汁，其中有兩三片有筋，要花點勁咀嚼。但以$95的烤肉而言，實在比牛角同盛八好。和牛三寶套餐$150這個套餐比牛小排更為吸引，有三款不同部位的和牛肉。這些肉比較大片少少，有marble 的雪花紋。燒過之後，雖然部位不同，但全部都入口即化。那份油脂同肉香比牛小排更濃，肉的纖維更為細緻，完全不用費力咀嚼，牛的滋味同油花就完全在口中爆發，再加一口珍珠米白飯，人間美味。下次一定要encore這和牛三寶。相比其他曰式烤肉店，和牛也要$200以上才有交易，而且這家的肉質同份量都不錯，性價比高。

第二次光顧298 Nikuya，這是我最愛的餐廳之一。餐廳的裝修很型格，而坐位挺寬闊，還是挺舒適。每次來到298 Nikuya，客人數量不多，只有3-4台客人，所以不用book枱。環境寧靜，適合與朋友聚餐。這次也點了牛小排套餐（$95）。雖然看起來燒肉的份量不算多，牛肉薄薄的，但每次也能吃得飽飽。牛肉很juicy，牛味很香濃而且鮮甜，肉配合著燒肉汁吃，太美味了！以$95元能吃到這樣的套餐，實在十分化算。因此，我經常推介朋友來光顧298 Nikuya。

情人節當然唔會去食西餐!最後我揀左食日本燒肉, 前兩日先打去訂位。當然, 卡位已經無晒！不過唔緊要啦之前未去過呢間分店, 原來就係金馬倫道禾牛薈上面。入面間房, 係長枱中間間開左兩邊, 唔會迫促！先黎一揸啤酒情人節menu, 唔算貴不過我地最尾都係散叫, A5 la carte for 兩個人。好好食, 其中大脾位最為特出, 油脂分佈均衡, 有牛味, 真係一流！ 再叫多左份牛小排韓式牛肉石頭飯, d 飯唔會好似平時個d會黏底, 無咁熱氣, 牛肉生既, 攪拌後先熟, 味道都唔錯！

今日年初六同弟弟一家人去尖沙咀食烤肉做午餐，諗住揾間食日本烤肉嘅，點知响open rice揀咗食韓國燒肉，但係味道好好肉質嫩滑多汁！份量比盛八多好多，尤其是碗飯，價錢大約貴20%，不過服務態度就好好多！但係最奇怪係講英文嘅侍應同埋廣東話講唔正嘅侍應嘅服務態度非常好，但係真正香港人嘅服務態度就差啲啦，見到你舉手都當睇唔到我們一行三個大人一個小朋友一個BB ，叫咗4個午餐另外加一碟肉，都係600蚊有找，真係ok喎

298一直都是我的最愛，吃過幾近10次，環境闊落，檯與檯之間相距較遠，吃得舒服。牛肉質素穩定，定食的飯很好吃，黏滿而富有飯香，前菜也不錯，非常開胃。相比價位差不多的燒肉店，298還是我的首選，下次一定會再來啊＠Ｏ＠

睇到openrice comment 唔錯，決定去呢度「擺大壽」,雖然貴貴地，但絕對有質數! 叫左個牛拼盤，有7款牛可以唔同部位都試下，最impress 係個厚切牛坑腩! 正到再單點，但餐廳話每晚得兩份，想食下次要留。叫左生牛肉石頭飯，都好食，但未留下深刻印象。最貼心係因為介乎飽同未飽之間又好想食炒粉絲，店員話試下睇下可唔可以叫半份, 結果係可以! 餐廳空間感一流，一d 都唔迫，可能因為星期一嘅關係，人少少，好好service （ 餐廳都話星期五六日會好忙，同好多人）!

叫左個和牛三寶 $150有三款牛,每款三塊.再有沙牛,三小碟前菜.湯同珍珠飯,仲有一罐野飲..正常人係夠食架..仲叫左個牛小排 $95有7塊牛講下牛小排都幾夠淋.同有牛香和牛三寶雖然都唔係好知三種係咩..不過3款都好好食..每食一啖都要講好好味..和牛雖未至於入口即溶..但都真係超淋..好有牛油香..$150有咁0既質素抵食WO..而且又無咩人..可以靜靜食餐晏..真心唔錯..

嘻…一早睇中呢間, 未真正試過 A5和牛! 留返特別日子先食! 2日前訂左7點半, 黎到唔洗等就可以入座. A5 和牛盛宴 $398 (for 2 persons)7款不同部位🐮厚切牛舌係成碟最好食 💓💓💓💓🙈碗中厚切個幾款, 簡直令人回味其他部位都唔錯👍雖然薄身D😝因為1週年, 仲每枱送左一碟玫瑰花型既和牛小排另外仲叫左豬肉泡菜煎餅, 熱辣辣, 勁鬆脆, 好味

7:30去食坐系類似bar位 兩個人平排坐去到其實冇咩人叫左沙律 拌飯 牛舌 牛肉 煎餅牛舌好好食 夠厚夠爽👍🏻👍🏻 好食過牛肉牛肉都好食 吾洗好似出面D牛要燒到內面冇曬紅煎餅熱辣辣 入面D料夠 沙律都好好味😋😋不過拌飯就差D 雖然有鍋巴 料都多 但又飯對我黎講太爛傾傾下計 7:30計到10:30左右 哩到可以慢慢食 傾下計 吾會好似有D燒肉 吾係任食 都要限時 ☺️仲有 哩到糸日本燒烤 但又有韓國野 🤔🤔🤔食左$710

298燒肉從上環細細間幫襯到佢家陣開係tst，雖然佢食物款式唔算好多選擇，但從肉類質素就睇得出老闆既用心，定時定候我都會同朋友嚟食下飯，燒下肉，飲下啤酒個人推薦牛小排，牛舌不過搬左鋪之後，新請個d員工好似無舊鋪d員工甘有heart,少左份親切感

 在香港要搵日式燒肉店絕對唔難,但係要搵高質日式燒肉店其實真係好難 早在298 Nikuya Kitchen上環總店嘅年代已經久聞大名,但係一直未有機會嘗試今日路過尖沙咀搵嘢食竟然畀我見到298 Nikuya Kitchen喺尖沙咀嘴嘅分店, 咁樣一定要試吓啦 老老實實,入到去嘅時候感覺唔太良好,因為班侍應個個木口木面唔似想我哋入去食,不過點都好都要俾一次機會佢哋 午市套餐大約＄100一位, 以日式燒肉來講絕對唔貴,不過最重要都係食物質素,＄150  和牛三點絕對要食,呢個價錢係其他燒肉店食美國牛都唔得啦, 呢個套餐有九件絕對唔細的和牛,真係抵到爛,仲要味道非常唔錯!! 至於＄95嘅牛小排味道都唔差,不過同和牛真係冇得比 我哋仲加左＄50試一試和牛舌, 總共有八件, 份量算幾大, 不過味道咸左少少, 但係以呢個價錢真係平得過分 跟餐嘅湯小食同沙律全部都製作認真,  餐飲仲可以揀汽水或者 Perrier,  兩個人埋單都係＄300,而且餐廳全新裝修,  唔單只係值得一試,係值得再試多幾次 不過班侍應真係要檢討一下, 個個木口木面,真係有點趕客

這幾年韓風大熱，韓味極濃的油桶式燒烤店曾經風靡一時，幾乎壟斷整個燒肉市場，漸漸遺忘日式燒肉的美味。記得初出社會，跟好友們首次到東京旅行，去港人熟悉的燒肉店《六歌仙》，每人花上千元大吃A4和牛吃到飽，初次邂逅如此奢華美食，驚艶萬分，數位妙齡少女竟獸性大發變得食力驚人，嚇得部長頓時汗顏。最後眾人大讚部長型仔（日語：かっこいい）才見部長笑逐顏開，跟A4和牛的初邂逅到現在還津津有味。這天突然獸性起，領著臨盆在即的孕媽媽好友夫婦到 No Beef No Life 的《298 Nikuya Kitchen》吃燒和牛，來止止渴吧。有別於傳統燒肉店裝潢，換上紅色梳化跟個性系紅紅藍藍鐵凳，絕對能吸引年輕食客。每張枱的行距有一定距離，加上半圓梳化設計，開揚有私密度。椅子還未坐暖，瞬間被<A5和牛盛>所吸引，每天由廚師精選七款不同的A5和牛部位堆砌而成，落單前請先資詢店員當日的精選部位。自問貪心的我們決定先放棄牛魔王最愛的 <A5和牛盛> 決定轉攻分散投資。最先上桌的 <香麻油燒生蒜頭> $30 淋滿麻油的生蒜經過較長時間燒烤後，變得又軟又香，除去了生蒜的辛辣

朋友介紹黎食燒肉位置唔係難找，一上到去好有氣氛，光線適中有幾位服務生係外籍人士，佢地會教你點樣食牛，服務好好！叫咗二人餐，仲加左少少散叫，食到捧住個肚走！頂級a5和牛超級正，入口即浴既感覺不在話下，油脂分布得好好！就咁食有少少油膩，最好就陪埋個紫菜飯一齊食！另一特色食物：柚子雞肉配搭得好好2個味道好夾，燒起上嚟雞油出咗嚟，柚子帶點酸酸嘅味道可以解肥膩！每一碟牛都食得出係高級食才，好似置身日本咁，食材夠正宗！同朋友講起先知原來中環一早有分店，下次要過去試試先！P.s menu好好，有埋圖，好難得在香港食到咁靚既牛！ very good ！

同朋友時常都四出覓食，尋找令人一試難忘的味道，同事介紹這間位處尖沙咀的日本燒肉店，今晚一於試試這間日本燒肉店啦~來到門口，被好有格調和好耀眼的店名吸引了，覺得我們沒有來錯，今晚一定會食到好野~進入店內，地方寬敞，每張枱都有足夠空間，令人好輕鬆，燈光好有格調，令人有屬於自己空間一樣，不被其他人打擾~一坐底，店員就進前來，慢慢說明這裡有咩食，有什麼推介之類的，我們點了最近的推介套餐，因為可以一次過試到多款的燒肉，價錢又合理~這裡要讚讚店員的細心，用少少時間親自教導和講解少少燒肉技巧心得，令我們樂在其中，得益不淺~一個套餐點會滿足到我們，難得遇到好食的餐廳，今晚一於去盡佢，再叫多幾款燒肉同埋石鍋飯試試先~一向都喜歡食牛舌，來到這裡點可以唔試~ 正~這個比較特別，好少這般做法，胡椒雞腿確實好吃，絕對值得一試~豬頸肉，必食之選，份量又多，正~除了燒肉，點都要試試這裡的石頭鍋飯啦~總結今晚這份晚餐，好滿足，一定會再黎，希望下次再有更多驚喜的美食啦~

向來一直鍾情海膽跟和牛，起初令我留意298的時候，是源於中環店特有的生牛肉海膽，不過奈何地點、價格因素遲遲未有機會嘗試，其後知道298也在尖沙咀開店而且價格更偏向大眾化，突然有晚想起日本烤肉就來到了298。尖沙咀店地方舒適、座位寬敞，有適合大伙兒的圓檯也有適合兩小口的情侶座位，完全不會感覺侷促，雖未開始烤肉，但剛入座便會發覺日式烤肉跟韓式烤肉會有很大區別﹔到過韓式大大小小的烤肉店，他們都是一大伙圍著圓檯烤肉暢飲，而日式烤肉店彈性較高，雖同樣對著烤爐烤肉，但座位偏向舒適居多﹔而尖沙咀298雖沒有生牛肉海膽提供，不過種類也包羅萬有，絕對不比中環店遜色，餐牌中提供A5和牛烤肉、豚肉、雞肉和海鮮，熟食種類偏向韓式，有煎餅、湯物、石頭鍋飯、冷麵等等﹔說到烤肉就不能缺少啤酒，點了Sapporo 扎幌生啤酒($55)，入口苦澀味很輕而且氣泡綿密，一口烤肉再來一口啤酒，感覺很爽﹔說到烤肉一開始絕對要由牛舌開始打開味蕾，鹽醬厚切牛舌($100/3PCS)或($35/PCS)選擇，一人一塊的厚切牛舌很有份量，砌成心形般上碟也很有心思，牛舌先用鹽醬醃好，粉嫩肉色跟雪白脂肪相間混合，店員示意我們放在烤盤兩邊各