35座車仔麵 (已結業)

#支持良心餐廳黃金麻吉燒+黑椒牛筋丸+紫菜 稻庭烏冬 （酸甜蕃茄湯）$43呢間好早期已經講明唔招待黑警+店內都有文宣🟡幾樣野之中覺得最特別嘅係黃金麻吉燒外面有啲似魚糕 之後入面有舊麻糬仔😂牛筋丸黑椒味係有但牛筋消失了 所以似普通牛丸 加浸黑椒味 跟住朋友叫咗普通果隻牛丸 我試咗一舊 係好林身嗰款牛丸 個人就麻麻哋紫菜係我食車仔麵必叫嘅 但係呢度啲紫菜偏硬咗啲 跟住我仲試咗朋友叫嘅墨丸腐皮卷 但個皮就唔似腐皮 似魚片咁 入面嘅墨丸就反而ok 會食到啖啖墨丸仲有烏冬煮得耐左 有啲林 個湯底就冇乜特別驚喜蕃茄味唔係太濃唔係好滿足到番茄控 蕃茄都得2-3塊仔 不過好就好在應該係冇落味精因為至少食完覺得口渴 總括嚟講覺得係有進步空間嘅💪🏼

懷舊牛腩▶️HKD12滷水豬大腸▶️HKD12秘製辣魷魚 ▶️HKD12咖哩魚蛋▶️HKD9麵類▶️HKD8-10之前呢間舖頭比人掟爆玻璃果陣已經想嚟幫襯，但果陣剛好截左單😢，前排經過終於可以嚟罰下佢。話說呢間車仔麵係秀茂坪開，果陣已經好受歡迎，不過因為拆樓至到九龍灣重開！我叫左河粉加牛腩汁，我要先讚下佢個牛腩汁，非常濃牛味同辣味，入面好似落左D花生醬咁，所以濃味得嚟又同其他味道係夾！佢可能帶少少辣油咁，但主要係有陣香味，而唔會話好辣。另外佢4款比較出名既餸。牛腩整得唔錯，雖然未煮到去豬軟骨果種程度，但食落都腍，不過本身唔係好有味，要浸係湯度，配埋腩汁就好味😋！豬大腸鹵水味，食落都幾腍，但仲有少少腥味，總體上都OK！我覺得魷魚同魚蛋就幾高質，魷魚食落幾爽口，加埋少少辣味，食落都好過癮🥰。魚蛋好食係因為佢果陣味係大家食開既咖啡魚蛋味，魚蛋係魚肉加少少粉，一放入口先有微微既咖哩香料味，緊接既係少少辣味，而辣味唔會係口腔停留好耐，只會係一陣間，所以食左一粒就想食埋另一粒！我覺得佢呢度份量都幾大碗，質素方面都唔錯，$53就有咁大碗，真係食得飽！另外，叫夠$50仲免費送杯荳漿，真幾抵！係九龍灣就不妨去試試

新式車仔麵，今次第一次來食，點了三餸加麻辣皮蛋。味道不錯，選擇亦多，少有車仔麵有牛舌心食，爽口味道似簿牛舌，牛腩出奇地高質，好少可車仔麵檔會有半肥瘦清湯腩食，另外叫左一款是沙律芯丸都幾特別下，皮蛋選用糖心皮蛋。😳整體算是不錯，九龍灣少有的黃店，大多數是年青人光顧，隔離食客冷清但佢出面要排晒大隊，唯一缺點是 order 後需要等成15~25 分鐘先有得食……

本身諗住試下得寶入面另一間黃店，點知未開門，心諗點算，唯有再search下，發現呢間黃小店。大碗麵 (6餸1麵) $48，對於乜都想試既我真係好吸引！油麵底 (清湯) - 落單時唔記得叫混醬試下，但可能太多餸，都夠晒味。懷舊牛腩 - 炆得都ok淋，切到細細件，易入口。五香牛肚 - 爽口！韮菜餃 - 好味，但得一粒太少。炸魚片頭 (2舊)、芥末沙律球 (2粒)、灸燒芝心包 (2粒) - 不過不失，無乜特別。走時門口已經有人龍，好彩早一步咋！

如果冇朋友以前係住喺秀茂坪嘅話，有機會會認得呢間舖！佢舖面都保留咗以前秀茂坪嘅感覺！.立即試吓佢啲嘢食先！.🐟💬：.大碗麵包6個餸😍（$48）阿魚叫咗炸魚片頭、滷水大腸、辣魷魚、雲吞、墨魚腐皮卷、流心蛋～～～～.要留意辣魷魚真係幾辣！🥵不過好惹味❤️.而流心蛋係半邊的～不過都幾流心😜.大腸好好食😍😍唔um，入味！.重點，呢到好多小食選擇！阿魚就試咗醉雞翼！（$18）凍凍哋，酒味濃👍🏻❤️.🐟FISH'S REMINDER🐟💡阿魚提醒💡.（1）呢間餐廳嘅menu係用maker畫的，要大力啲，因為可以重用的！.（2）除咗有舊有回憶，亦都係黃店！💛💛💛要大力支持喔！.🐟📝：7.5/10.🍽🐟📝📌35座車仔麵📍牛頭角牛頭角道3號得寶商場地下A1 號鋪(港鐵九龍灣站 B 出口, 步行約5分鐘; 街舖彩雲道旁)📞電話: 66791218⏳營業時間:星期一至日，11:00 - 22:00

li間車仔麵店未咁多人幫襯前已經來左食 雖然檯檯都食緊湯麵 但我最愛就係食走湯既撈麵～第一次食 揀左3餸（黃金麻吉燒、甜酸齋、流心蛋）麵底要 紅薯粉 湯汁要 秘製辣汁（小辣）仲揀左要辣菜脯畫好塊環保reuse點菜單後 送左張單來發現 原來連埋野飲（跟餐+$5汽水）都$45 下次都係叫$48大碗麵啦 有6個餸 感覺抵好多～碗麵來到 一睇隻流心蛋就知正野😋 撈麵前 為免d蛋黃流出來哂左 即刻享用左隻蛋先～雖然隻蛋醬油漬完都唔算好上色 但都有醬油香 又香又滑 難怪近乎個個人個碗麵都有👍🏻至於點解會點黃金麻吉燒 係因為睇menu時唔知咩來 先叫來試下 其實就係有年糕餡既魚蛋 普通貨仔 個3粒值唔值$12就真係見人見智 我個人就試過就算 下次叫返d正常野（如 墨丸腐皮卷）甜酸齋第一次見會當車仔餸 所以叫左 haha 都係普通貨仔 平時好少食 當過下口癮算麵底既紅薯粉 煮得耐左少少 所以無咩咬口 好彩隻秘製辣汁真心好正 小辣都好夠味 d辣菜脯免費得來量又多又好食 挽回唔少分下次再來食大碗麵！！！

星期六下午兩點黎都等左30分鐘先食到💛不過唔緊要 我地場仗仲有排打一個人黎都預左要同人一齊坐二人枱都無咩所謂 大家理念一樣 食落都唔會背脊骨落叫左個大碗麵 姐係$49 自選麵連6個自選餸我就叫左河粉/台式腸/芝士丸/流心蛋/瑞士雞翼/墨丸/腐皮卷我之前老細仲問我有冇叫野飲我話冇 佢就話得啦送豆漿我個心突然之間warm哂 有冇搞錯叫個$49嘅面你送我豆漿你叫我點樣大大力懲罰你啊呢度serving其實得兩個人一個收銀眼見佢其實好唔夠人 但係間店面又無位有三單外賣等得太耐走左我最後埋單我都俾咗$100唔使找 彌補番佢冇咗嘅三單外賣不過相信咁樣落去都唔係辦法 我食完大約2:30出邊條人龍都仲係好長心呢度係有嘅但係真係唔夠人香港人加油

晚上9點後在九龍灣淘大找餐廳, 很多都關門.經過留意到這間車仔麵裝飾有本土特色, 便進去試試.這間車仔麵主打$48大大碗車仔麵, 包5/6個餸, 如果多點一個餸, 還有豆漿一杯.餸菜選擇相當多, 想了很久才決定好下單. 平時吃車仔麵多數是選擇牛腩湯, 今次就試試蕃茄湯, 味道很清甜, 吃不出有味精.不過如果有茄膏會更佳. 留意他們Facebook專頁才知道原來他們以前真的在秀茂坪35座開檔.看著店內相片, 都感受到那份懷舊氣息, 推薦大家去試試

好味又抵食黃店☺️☺️😋😋雖然好多人，但係真係值得支持，我食咗$49就有得送荳漿！雖然忙但態度都好好，秘製辣汁同埋沙嗲汁都好食，建議堂食，因為外賣會等得耐少少🤣🤣

平時經過都冇乜人 見呢排多咗人去食先去試下點知瀨嘢...啲麵未煮熟 食膠咁牛肚韌到咬唔開 要成舊擺落口慢慢魚蛋冇咬勁 仲有陣雪藏味豬紅係正常嘅...係冇味啫全部嘢都淡謬謬啲基本車仔麵嘅水準都冇 等收檔排完隊坐低等大半粒中都唔係話啲咩但係啲食物質素差到咁真係，難聽啲講句，唔執都難...真係唔太建議大家去食 想試嘅話...一次好啦～不過可能會好似我咁 後悔伏 完。

呢間「35座車仔麵」都開左一段時間，但第一次黎試比起平時街邊車仔麵檔，呢度環境算唔錯，乾淨又幾光猛👍🏻佢連湯底同汁都有好多選擇，我揀左豬骨湯、沙嗲汁餸都有好多款，有d$12、有d$8，正係我三心兩意唔知揀咩好之際，見到佢原來有個「大碗麵」，可以任揀6個餸🤩揀左牛筋、牛腩、黑椒牛丸、韮菜餃、流心蛋同蘿蔔湯底唔錯 沙嗲味幾香又唔會太濃👍🏻牛筋牛腩牛丸都正正常常，滿足到我呢個牛魔王😂最驚喜反而係個蘿蔔！清甜得黎又淋又冇渣！相信食開車仔麵嘅大家都知蘿蔔係必點嘅餸，我下次黎都會叫呢度嘅蘿蔔！餃子個皮厚左少少...而流心蛋都唔太流心...同埋個份量真係大碗麵！我係當早午餐咁食😂好抵呀！下次再試下佢其他餸😂

其實呢間車仔麵我好想食好耐啦,因為我以前都秀茂坪長大讀書都食過，所以專登落嚟食,嗰餐廳裝修都係模仿35座，好有感覺，我叫左粗麵，芥末沙律球，紫菜，腐皮倦分量都夠幾好味，湯底我叫左川味好有味，個湯底係車仔麵嘅靈魂，全靠佢先至有咁好味｡

配料還可以接受，嗌左三個餸，花菇、豬手、貢丸，花菇幾好食，貢丸都正常，豬手就可以唔嗌都得但湯底同麵底完全唔掂，D米線硬到咬膠咁，完全未熟，而d麻辣混醬真心好混帳，似黑白胡椒多d，冇諗過係呢個味，自己都唔喜好呢陣味，食到係咁咳，好伏而杯豆漿本身都冇乜期望，所以個味道都好合理地0豆漿味難以想像一間車仔麵舖可以將d咁簡單嘅野都做得咁差，亳無誠意可言，好失望九龍灣有好多車仔麵舖，連d咁基本嘅都唔好，相信都幾難生存到，衷心希望可以改善一下

上次食li 間車仔麵店仲係試業中而且味精超勁客人亦少今次黎食所以小食終於都可以order特登叫返個炸燒賣試下 (因為真係未食過)就係平時ge小食燒賣 不過由蒸變炸一埋枱就有撲鼻椒鹽香個皮好脆 正今次叫左淨餸豬皮豬紅蘿蔔糖心蛋味道正常 蘿蔔好似冇批皮

係新聞見到有介紹呢間車仔麵。星期六咁啱落街食lunch就來試下，叫咗2個3餸車仔面，上檯見到份量都好夠，個秘製魷魚，幾好食。辣辣地，味道唔錯！雞翼尖就普通啦，大腸同牛腩都正正常。價錢同份量係得寶來講都算不過不失，有機會會再試下其他餸