616牛肉火鍋專門店 (已結業)

我決定一嚟就已經講呢個卜卜蜆鍋，基本上係佢一嚟到，已經俾滿哂嘅卜卜蜆塞滿你嘅目光。 店員要我地食哂啲蜆先開始食火鍋嘅野，我地3個人不停咁食，都食咗半個鐘先食得完，可想而知個量係有幾多。調味料方面，呢度都有啲特別嘅打咗啲鮮牛油入去嘅鼓油，係真係香啲，又可以加啲秘牛肉汁嚟做調味。好勒~ 呢度話到尾都係食牛係主打，所以我都一定要講咗啲牛先嘅。呢碟吊龍伴佢鮮紅的血色已經令我覺得好搶眼肉味還可以的，油香頗重，而且唔韌。跟住呢碟係個店員都話好靚嘅牛胸肉，明白嘅~ 油花咁鬼靚~ 呢個牛胸肉個油香好重，但亦不失肉味。每隻牛大約只有6公斤的橫膈膜，所以其實橫隔肌的肉是更是珍貴的。呢碟個色澤都係好靚仔入口鮮嫰又有咬口，而且有一種比平時食嘅牛唔同嘅味道，另一方面牛味比較重，所以有啲人叫我淥到5成熟，不過我拒絕咗~  反正其實一樣好食啊~ 我係完全唔知滑尾龍係要打隻蛋架~ 原來蛋漿包圍牛肉可以令佢本身嘅纖維更加鬆化，入口更加滑溜。為咗speed up 我地嘅速度，我地一次過淥咗一半，點知光速就食哂luuu , 因為真係入口滑到不得了，而且亦都好嫩。基本上呢間野食嘅全部都係牛咁滯，所以我地都點咗黑栢葉嚟食，但嚟

早兩日專誠坐車到紅磡616試一試，真失望，只可坐一百分鐘，時間雖然唔係太少，但食物細碟及好少，而且不多選擇，性價比低，如果無試過的話可不試，兩個人都食左400蚊，臨走如果不跟單連提早入座的折頭都無，另外服務員質素很低！講野快之餘及不願做似的，不會再嘗試第二次！

是日星期六晚上7點，下午畢業，晚上就黎開餐預先訂左位，唔洗等～-餐廳裝修好有香港風味門前仲有個車頭可以比大家打卡由於果日太掛住食所以無影到-友人與我一行五人，鴛鴦湯底就岩哂勁食辣既佢地同完全唔食得辣既我-去到望住張牛既圖，真係好多選擇多到唔知邊樣先岩自己口味好在店員都好nice，有問必答，清晰咁介紹唔同牛既部位既特質-各部位既牛價錢大約$48-$68每碟牛既份量岩岩好，不多不少，又試多幾個部位全晚之中我最記得就係美國天然牛肩胛肉質好嫩，牛味好濃反而上圖白色既牛喉我覺得麻麻，唔夠爽-而唔同朋友對唔同既牛部位都有唔同喜好有兩個朋友覺得下圖既滑尾龍係全晚既favourite ，覺得肉質好滑，好香口-下圖既牛根淥完好腍，好食-唔同人對唔同牛既部位有唔同口味愛牛之人總會搵到岩自己心水既牛順帶一提，店內既涼茶十分真材實料，打邊爐咁熱氣再叫涼茶飲，降火又滋潤-睇得出呢間餐廳既員工好有heart用心經營

今日去左個冇人又多野食既地方，就係為左睇大比卡超既黃埔果然有新發現，發現左間牛牛，一間專食牛既邊爐。每個部位都有介紹，仲教埋你烚幾多秒。點左個鴛鴦麻辣牛骨鍋，唔辣又有牛味，仲有好多牛同蘿蔔喺個煲到。叫左好多野，連個名都未聽過...牛朴肉、吊龍伴、牛上肋、澳洲和牛牛胸肉、牛頸脊......留意番，牛朴肉、吊龍伴同澳洲和牛系列係必食，有啲位係白色，但絕對唔係肥肉，一定要食埋。加埋自己調既醬，重點係要唧埋粒類似桔仔既野落去，清新既程度係想再食下一塊。今次發生左啲小插曲（有人帶外來飲品），但店員仍然高技巧、努力去平息。雖然條友依然繼續飲，不過十分欣賞，加上服務好到你唔信，唔係吹水，去下你就明。

有咩開心得過拍拖，就係。。。拍住拖食好野啦。今日黎到黃埔搵完比卡超，就過黎食牛牛依間打邊爐以牛牛為主角，好多牛牛部位都有，有啲我都唔知係咩部位，總之係好味就得啦好有特色既裝潢牆壁上係九龍皇帝咁款既字，哈哈，暴露年齡🙈，宜家有無人記得九龍皇帝枱紙有介紹唔同牛部位，仲有講哂要6幾耐，真係好貼心，女仔就係鐘意依啲唔洗講出黎已經預備好既暖男行為點餐亦行方便，用pad，夠環保，仲要圖文並茂，見到圖已想快啲食調味料，當然主打都係我最愛最愛既牛肉汁，嗰種好味對我依個汁妹黎講，真係拎黎飲都得烏梅汁係自家製，有啲似酸梅湯，夠醒胃，又解利！一黎就同男朋友講要辣辣湯，結果太辣，我完全無用過辣嗰邊黎6，辛苦了男友，不過牛骨湯都好正，清清地，6完再沾牛汁電一流牛丸彈彈下咁，好彈牙，我好鐘意，生菜都新鮮牛駝峰，肥瘦均勻，一口食落去好有牛味，又咬口又唔會好滯，正打邊爐又點少得魚皮，魚皮夠大塊，食得好爽，唔會碎飲飲，大塊大塊咁食先食得過引再叫左牛頸脊，又係好夠牛味，依個林身一啲，我較鐘意，唔洗趙咁耐，哈哈，連有得食都懶仲有我最愛既烏冬，依個係手打鳥冬，每次都哀求男朋友俾我再叫多個烏冬，因為我實在係烏冬控，濃濃既湯底6

一路有聽聞呢間牛肉火鍋唔錯，今日有機會同男友試下，店面唔算大，但幾有港式設計感。入到去坐底，係用I pad 點菜的。呢度真係專門食牛，牛以外既其他食物款式就比較少，不過我就覺得專注係一樣都係一種專業感。餐紙上門有介紹每款牛肉煮既最適合時間，貼心的。點好菜都上得幾快，並會附上一碟西瓜👀不過我同男友都麻麻地食西瓜，所以都同待應講唔需要喇😁廢事晒人d野嘛～醬料方面，係自助吧形式，見到豉油係牛油豉油，仲有牛肉汁，都幾特別。我叫左呢個飲，ok的，玫瑰香味酸酸甜甜咁。湯底見呢款幾特別咁，黎到又幾香，係青花椒麻辣湯底，辣度還好，麻味比較重，幾開胃的。因為呢個湯底，我叫左稻庭烏冬索晒d湯好正，我食左一個半烏冬咁多🙈脖仁：肉質爽滑，有油香味，最喜歡呢個👍🏻雙拼菇菌：秀珍菇甜，另一款我都唔知咩菇，之前未食過，但幾有驚喜，食落嗦嗦聲都幾甜🤩牛朴肉：肉汁比較多，質感都爽。牛坑爪：肉較淋，肉味較重，帶少少筋位，質感豐富。牛上肋：比較肥dd，似牛仔骨既感覺。牛舌：呢個正，雖然薄切，但好香淋juicy,滑嘟嘟咁。牛胸肉：睇相都知脂肪比例較高，一食落去滿口油香，比較膩d，但都好食😌仲有叫左個雙拼牛肉餃架，但未影已被男

男朋友話見openrice 616除左打邊爐之外，個芝士牛肉麵好多人讚，作為芝士粉絲的我倆當然去try下啦！lunch set好抵食，因為叫第2個餐有半價！店舖寬落，坐得舒服，座位之間唔會太迫。不過全間店得一個員工，落單、送餐、收銀都是她。餐配飲菊花桂圓露，都ok唔會太甜。雙牛湯飯牛腩？牛仔骨？好多肥膏的牛！牛肉肉質好鞋好韌，湯味道夠濃但不夠熱，最好味只有紅白蘿蔔。 芝士紅燒坑爪麵店員話芝士牛肉麵沒有了，只有牛坑爪，芝士要另加$5。坑爪份量不多，肉質半肥瘦唔韌。芝士份量不算多，但混埋湯中冇搶到牛肉味，味道剛好啦。

大陸一直好流行全牛火鍋，可以試牛的各種刁鑽部位。香港的六一六也是同路線，牛魔王朋友來約自然要去，收工去早鳥有折幾乎滿座。肥美的口感的濃味的都叫，醬料特別有秘製牛汁牛油，一於就邪惡地從頭牛到底。-🥘鴛鴦青花椒拼牛骨湯 $78牛骨湯偏淡，用來嚐肉味都算合理。裡面有白蘿蔔粟米，煮後清甜入味。青花椒湯很特別，新鮮青辣椒花椒，清新的辣度，同樣不會搶主角戲份。-🥩封門柳 $68餐牌寫一頭牛只有兩斤，肉味最濃。上檯時驚訝橫隔膜原來很瘦沒油花，淥一淥入口失望，不鞋但牛味不濃。朋友說喜歡，我吓原來我沒看教學。鮮牛不是肥牛，話我真係烚下烚下，好啦原來非見紅要食，要淥佢六秒。果然係很濃牛味，看似瘦，卻不柴。-🥩吊龍伴 $68其實是包著腰脊肉的肉，肥瘦均勻，賣相不錯，吃起來有油脂又有肉味。口感介乎於爽與滑之間，是我杯茶。-🥩牛上肋 $68餐牌說牛腩排中優質位置油花多。愛油香的人可能喜歡，個人一般。-🥩滑尾龍 $48 牛後腿外側，纖維粗伴入雞蛋軟化，好特別，竟是港式沙嗲牛肉的口感，滑溜有𡁻口幾過癮但不夠其他出色。-🥗水蓮菜 $28，響鈴 $28台灣火鍋常見的水蓮香港很罕有，新鮮爽脆，如果份量大些會更好。響鈴這價

今日約左朋友打邊爐，約左喺黃埔既616牛肉火鍋店，地鐵站行過去都好近。原來19:15前結賬離座或者21:30後入座有88折！可惜我地黎到都8點幾😂😂，唯有下次。店面裝修幾別緻，整幅牆都係九龍皇帝既字體，又有大大隻字寫住紅磡。唔食辣，唯有點清湯。呢度係專食牛肉，係專到你唔食牛就無野食咁濟😂點左幾款肉，最正係牛朴肉！$48就有九塊，都算抵食，而且肉味香濃牛滑都好正，都係$48最後叫左啲菜同烏冬，每人二百幾蚊另外呢度醬料係自取既，每人$10，除左一般既豉油，生蒜，炸蒜之外，呢度仲有青檸同芫茜，食牛油得濟落少少青檸汁都幾fresh

放工之後好想打邊爐，搵到紅磡有616牛肉火鍋，即刻搭車過黎食！8:30黎到全場差不多爆滿，睇黎下次都係訂位會比較穩陣！醬料自取，推介秘制牛肉汁！甜甜地撈烏冬食一流由於朋友唔食辣，所以點左牛骨清湯（$38)，雖然係清湯，但都有好多粟米同蘿蔔之後點左啲牛肉，第一輪食左手打牛滑（$48)、滑龍尾（$48)、澳洲和牛牛胸肉（$48)同埋牛朴肉（$48)手打牛滑非常爽口，而且好juice牛朴肉係咁多款肉中最有驚喜，佢個菜單有寫牛朴肉即係牛頸脊，又叫雪花肥牛，由於油花分佈均勻，所以特別好食！推介烏冬撈牛肉汁食無時間返大陸食潮汕牛肉火鍋，就可以黎香港既616食，而且價錢都好合理，環境舒適，下次一定會再黎

今次同媽咪去食616，六點幾就去到所以唔洗等位。<牛骨清湯，$38>我哋揀咗牛骨清湯做湯底，除咗牛骨清湯另外仲有麻辣同埋酸辣，不過媽咪唔好辣所以我哋都係食個清湯算啦！牛骨淸湯入面有牛骨、蘿蔔同粟米，湯底好清甜！呢度啲大概都係$50一碟，我哋本身諗住點一份安格斯一份美國天然牛肉同埋一份澳洲和牛，點知安格斯已經極速賣晒。而美國天然牛肉同埋澳洲和牛都有好好食！<澳洲和牛 - 牛胸肉，$48>先有一份澳洲和牛-牛胸肉，牛肉略為肥左少少，入口未係即溶，但係都好腍好滑。食落有好香嘅牛肉味，但係又唔腥。如果鐘意牛肉味濃少少同唔會嫌肥(其實真係肥左好少好少)，呢款我都好推薦，好岩打邊爐！<美國天然 – 肩胛翼板，$48>而另外一份美國天然牛肉-肩胛翼板，呢款牛比啱啱嘅牛胸肉厚身，而且牛肉肥瘦均勻，食落比較有口感，都一樣好腍，但就無咁滑。味道方面會係比較清嘅牛肉味，無啱啱嗰款咁濃。呢款就比較適合鐘意清少少同食得唔太肥嘅人！<手打蝦滑，$48>除咗牛肉之外，最新推出左手打蝦滑，食落都幾鮮甜。<紫菜卷，$38>依家好多火鍋店都推

落堂行開民泰街呢邊覓食 見到616既午市$48套餐 仲要係第二份半價 即係$36一個餐炸!紅燒芝士牛肉麵 $36份量完勝!! 先飲一啖香濃微辣既牛肉湯 芝士浸落湯後溶溶地都拉到絲 味道比想像中夾! 竟然唔伏! d牛肉多到呢 有牛味唔韌都唔錯😋咖哩牛筋腩飯牛腩煮得好淋幾入味 食到其中一舊既牛筋脂肪牛肉同時漿住個口 果種感覺令我諗返起坐忘既豬軟骨😍 咖哩都好香濃 薯仔蓉杰身送飯一流香煎吊龍扒配黑椒汁望落好dry咁 諗住死硬啦 點知咬落比想像中軟熟 仲有少少脂肪香 幾有牛肉味 不過凍左比較韌每個餐都送飲品同甜品菊花冰粉 36蚊cp爆燈啦

平時見到616有多吾同分店，今日難得有時間又想試吓佢啲牛肉就嚟咗呢間分店🐮一坐底就比左部tablet我地點湯底同埋材料另外首先送上左餐前果💁🏻‍♀️我哋揀咗最普通嘅湯底牛骨清湯$38裏面已經有牛骨粟米同埋白蘿蔔可以選擇自己鍾意嘅醬料呢度嘅火鍋材料主要都係牛肉既吾同部位，墊枱紙有好好寫明咩部位叫咩名，方便顧客了解👍🏻最推介嘅係澳洲和牛三角柳$68牛味十分突出，簡單三四秒，就可以食用，油脂分布幾好，有少少入口即溶嘅感覺🤤另外推介美國天然肩胛翼板$48，感覺雖然冇上面嗰個咁滑嫩，但係幾香，口感唔錯😸另外仲有叫豆卜同埋牛丸試吓豆卜吸收左牛骨湯嘅湯底變到十分香甜牛丸彈牙多汁，牛肉味濃😋淨係叫咗兩瓶係自家製嘅嘢飲，菊花可以清熱氣，洛神玫瑰茶酸酸甜甜，開胃得來又安神，值得一試👍🏻

今日老公生日，決定同佢由朝食到晚平時都比較少去紅磡，黃埔地鐵開通左之後，就走去黃埔搵食，行下，睇下戲咁啦！見到都唔少人介紹616，我老公又鐘意食牛，咁就入左去試下！估唔到又真係有料到wor門口有格好吸睛既車，做裝飾，都好有特色！我地12點去到，人唔多，但食食下，已經開始full lu！重要既野要講先，呢到既服務真心好，侍應得2個，但係都keep住有笑容仲有介紹得好清楚，平民既價錢，但係有五星既服務，抵讚環境黎講好舒服，我老公尤其鐘意特色牆，話將來屋企都想整返幅wor🙈價錢真係抵wor！講真，大家樂食野都差不多50起跳啦！不過lunch set選擇唔算多，但應該就係想簡而精啦，所以食物質素高老公生日就食得豐富d，下午就黎一個hot pot 牛肉既選擇多，醬料就超多算擇，我最like既係牛肉汁，沙茶醬，仲有新鮮青檸都特別！估唔到又好match 牛肉，好正如果只係食lunch，就無得免費任用醬料喇！我地叫左紅燒芝士牛肉麵！侍應好好咁溫馨提示，先飲一淡湯，再拌勻d芝士，再食麵！個湯真心正wor，甜甜地，辣辣地，飲落唔算好油膩！芝士好足夠，拌埋d麵食超夾！牛肉都夠淋，同埋超足料打邊邊！揀左最清既

今日友人找我在屋企附近食lunch,行過見到間牛肉火鍋店個lunch menu幾吸引，尤其個芝士牛肉麵，入去坐底，見到佢有牛肉火鍋，突然又想試埋但友人已電光火石間叫左個lunch芝士牛肉麵；個feel有d台灣牛肉麵，味道不錯，而且牛肉量頗多，芝士還可拉絲，有飲品送，抵食之選但我仍叫火鍋，而因為lunch應該不會食很多，所以我叫左駌鴦湯底清湯牛肉有牛味，沙嗲值得一讚很濃嚟果叫滑尾龍，用蛋包住牛肉一齊烚超好味仲有其他牛部位