616牛肉火鍋專門店 (已結業)

—喺元朗分店打完邊爐之後 一直念念不忘途經黃埔 估唔到主打火鍋嘅佢 其他鋪頭原來有lunch set提供 價錢相宜之餘 仲包枝飲品同甜品 十分吸引冰麻牛($38)有牛肉片,牛肚絲同手拍青瓜口感如其名 食落冰涼爽口 隨後帶重慶麻辣感覺嘅涼伴菜叫人食到停唔到口芝士紅燒牛肉麵 ($48)店員推介 據稱芝士喺嚟自荷蘭牛筋腩份量頗慷慨 口感亦軟腍 仲教我地 先飲一啖湯 整溶d芝士 再試個麵就可以品嚐到 最新鮮嘅芝士牛肉湯 咖哩牛筋腩飯 ($48)雖然呢個睇落平平無奇但個咖喱有驚喜 十分濃郁 同時又可以保留到肉味菊花冰粉 / 菊花桂圓露 (隨餐附送)絕對係食完辣野之後 下火之選 甜到適中 微微既花香 為豐富既午餐作總結———————————————————————616 七桌子紅磡民泰街27-47號黃埔新邨J,K,L座地下B2號舖

打邊爐就打得多，咁專業嘅火鍋店都係第一次見。同埋朋友喺黃埔搵嘢食，朋友話呢間之前食過大圍分店幾好食，於是就同佢一齊試吓啦。入到去首先湯底嘅選擇都已經非常多，但係啱啱病完唔係太舒服，都唔係太敢食啲好刺激嘅嘢。於是就叫咗個清清地嘅牛骨湯。落單非常方便，每台會有一個iPad俾你慢慢落單，有啲似元氣。牛肉嘅選擇都非常之多，我實在係眼花撩亂，係店員嘅推介之下我哋都揀咗牛胸同埋胸口膀。實在唔係一般嘅好食，真係非常好食，牛肉每一塊都非常之香滑，一啲都唔un 。而且佢有只是教你唔同部份嘅秒數，咁就唔怕淥得太耐牛肉變老啦，時間真係啱啱好！另外我哋仲叫咗牛肉餃，都係牛肉味非常香濃！總括而言，無論環境服務同食物質素我都要比10分！

之前同朋友都試過616其他分店，每間既食物都大同小異，但裝潢各有特色。呢度除左可以試到唔同部位既牛肉，價錢亦都非常合理，而且紅磡呢間唔洗加一，更加抵食～今次嗌左鴛鴦酸菜牛骨湯($78)，牛骨湯偏淡不膩，最能夠突出牛肉既鮮味，係我最愛嘅湯底。而酸菜湯賣相睇落去相當重口味，開頭味道冇想像中咁濃烈，但煮耐左會就愈黎愈香，濃，辣。先從我最愛嘅菜式講起，滑尾龍($48)，即後腿肉。灼燙前先將肉與生蛋拌勻，食落去肉質好特別，口感軟稔，肉味濃郁，有90分！澳洲和牛牛胸肉($48)輕輕一淥就食得，味道同口感都非常好。白色既係胸口膀($48)，只需淥十秒鐘，口感爽口，有油香之餘亦有淡淡牛肉味牛肉餃子($48)🥟皮薄餡嫩，份量十足，而且好彈牙！安格斯橫隔肌($48)一樣係牛味香濃，但口感比較鞋。手打牛滑，口感較粗糙但富肉香。娃娃菜($28)菊花冰粉($9)，冰涼透心，有菊花清香，解膩一流。烏梅汁 & 玫瑰洛神花茶($12)全部都係自家製，味道天然，同打邊爐係絕配👍🏻👍🏻

是晚下班後，同事相約到不遠處的616打邊爐。因為之前同朋友食過，所以選擇起來都特別快手！牛雜湯底 - 湯底清徹得來還帶有香香的牛味！有白蘿蔔作配菜，再加上豬大腸、牛肚等材料作配料，何其豐富！牛朴肉 - 雪花多且紋理分佈均勻，食落煙韌有嚼勁，薄薄一片充滿油脂香！安格斯橫隔肌 - 肉質香帶軟稔，肉味香濃，油花相對較少。滑尾龍 - 以鑊仔送上，面層加了雞蛋，與牛肉拌勻後入口嫩滑，肉味相對適中，入口不會太膩！烏冬質感彈牙，索滿湯底的精華，更加為之入味！洛神玫瑰茶 - 入口酸酸味味，頗醒胃。可以解解肉膩，繼菊花桂圓露後另一個不錯的飲品。雀巢檸檬茶 - 帶點甜的檸檬茶為朋友至愛的罐裝飲品，冰凍的效果配上熱騰騰的火鍋確實有不錯的效果！

一見到門口裝修到有架車系到，原來入去睇，真系有架車身前半邊，有座位，有軚盤，超級花心思。聽住佢播既歌，真系舒服🎼🎼一坐底即刻有西瓜🍉食，爽甜😋睇落去平平凡凡，但一滾左啲沙嗲味散哂出黎。沙嗲味濃。滑尾龍先將隻蛋同d牛肉攪暈佢，張圖教話 碌8秒（由於見紅所以碌左唔至8秒）🤣牛肉浸埋啲滑蛋，超嫩滑。烏冬, 炸魚皮, 響鈴，吸哂d沙嗲湯真系好好味。🔸炸魚皮大大碟，仲要勁香脆。🔸款式雖然唔算好多，但佢主要都系食牛為主。🔸2個人每人200蚊都唔洗，唔算貴。呢到仲要唔收加一。🔸環境食物都唔錯，冷氣比較弱，食到出汗😂

難得平日下午有較多時間食飯，突然想打邊爐，烚下烚下，即刻諗起最近朋友介紹嘅 616。 一坐底望到個裝修都覺得店主好有心機，呢間分店行懷舊 👍午餐餐牌得四款揀，價錢同出面差唔多。而家仲有優惠:第二個餐半價 (不過我好堅持想打邊爐，所以同朋友只點一個餐。）我地揀左芝士牛肉麵 ($48)， 加$9 有碟菜。 當個麵上枱，姨姨貼心叫我地先飲湯，再㩒芝士落湯浸一陣，食麵，完前飲多啖湯。 (好仔細😂) 第一啖湯好飲到香甜嘅牛味，我諗呢個湯有撈埋”蕃茄（膏）”整； 食到底真係要飲多幾啖湯，牛湯mix 蕃茄嘅精華！！ (我好少食完麵會再飲湯，但呢個真係正） 牛肉厚身連筋，好少出面食牛肉麵用呢part，頂到盡用牛展頂數。到我想食嘅牛肉～我點左牛駝峰 (前），朋友點澳洲和牛牛胸肉（後）。兩碟都分別$48。望顏色都有期望，餐紙建議呢兩碟都淥八秒，不過我地見多紅色 決定淥十秒😂🤣。 兩款都好重牛味，前者肉質較實，後者和牛入口即溶，我直覺質素同價錢太不相符吧，其他店食應該貴啲😍😍醬有好多款揀，我揀牛油豉油 同鮮牛汁。鮮牛汁必食，冇加味精，更點綴每片牛！再加埋青檸仔俾大家按口味撈，好少可！(講返我地牛骨清湯，真材

朋友試過大圍嗰間之後強烈推介， 今次我就去咗黃埔分店試😁book左六點半， 去到唔算多人，不過聽到之後walk in既客好似無位嚕🙈墊檯張紙會講唔同部位大約要煮幾耐，上菜時會有張紙講返係咩部位，窩心既設計👍👍真係勁多牛既選擇， 眼花繚亂🙈🙈🙈用tablet落單，好方便，試左四款牛，仲有比較少見黑柏葉等等😬😬內裙肉 ， 幾滑身，好有牛味，中意牛果種“蘇”味既應該會好中意🙈​肩胛翼板，好淋，唔錯唔錯😋😋​封門柳就好滑🤣我聽到隔離檯個女人問​店員果支菊花桂圓會唔會好甜，店員竟然話開俾客人試兩啖，如果太甜就店員自己飲返，無問題架！今時今日香港哋有咁嘅服務態度真係令人驚嘆！！😱😱會再幫襯👏👏

見apps哩間打邊爐幾多好評，就入去試一試下，一入去見到大大隻字【新鮮足料】睇下係咪名符其實，肉類主要食牛肉，有牛既唔同部位，湯底揀左沙嗲，好濃沙嗲香味，超正， 醬料有10種左右點左餐之後店員就拎左個”送餐時間保證沙漏”，佢話20分鐘未上齊會額外送一碟牛，不過應該享受唔到，好快就上菜牛舌我覺得麻麻地，因為太簿，切厚少少有d口感就好喇哩個好食，撈左蛋汁落牛肉，食起上黎好滑，但有少少筋，不過最正係哩個冇肥膏位，肉好腍身食飽飽，我覺得哩餐真係唔差，見佢都有好幾間分店，下次經開都可以再食。注意，餐廳冇收加一，但每位會收$10醬料費。

中午出席完朋友既小孩生日party，無無聊聊約左個住附近既朋友出黎行下街，行到天黑又係時候醫肚，佢始終係紅磡既地膽，我當然相信佢，就介紹左哩間主打食牛肉既打邊爐。入到店內，裝修都幾靚，係香港情懷既風格，侍應服務超幾禮貌，唔錯唔錯，醬料選擇都多，特別推介用肉汁，味道帶有少少甜味，點牛肉食好夾。麻辣＆牛骨清湯底($78)麻辣好夠辣，自問唔太食得辣，所以唔食得辣既唔好試主角黎啦，各式既牛肉滑尾數($48)哩個必叫，將蛋黃篤穿搽，然後將牛肉點上蛋黃汁，再去碌一碌，牛肉好滑牛駝峰($48)食落有d似肥牛牛舌($48)切簿片，食落有少少煙韌口感，唔錯牛上肋($68)哩個好值得食，碌完之後，紅肉位置好腍，白色位會好似肥膏咁，食落有d爽口封門柳($68)幾款之中，最重牛味既一款炸魚皮($28)加多個魚皮，食下d脆口野

616有好多店，今日係黃埔見到無乜人就入嚟食下。我地18:30入，到19:30-20:30d人入嚟滿座哂，幾好生意係星期二來說！加了青檸的鮮牛油醬油，比一般食既無咁咸，讚！牛骨清湯 $38好多大件白蘿蔔同粟米，大量牛骨同少少牛肉，湯底唔咸非常好呀！係有牛味同微微白蘿蔔味，幾岩專食牛肉！但食得辣可以食佢d青椒辣湯底！美國天然肩胛翼板 $48依個最好味最重味，成件都好軟林同第二少肥！澳洲和牛之牛胸肉 $48依個味道不錯，牛味中等，但有少少肥肉會有少少出汁感覺，ok喔！封門柳 $68推薦滾6秒，正！佢係控制橫膈膜的肌肉，每隻牛只有兩到！牛肉味全牛最濃，香甜既，食落係外微硬內心軟。姐係有得咬口之外，中心位林身。牛丸 $28比較咸，但嫩肉d，彈牙既！娃娃菜 $28佢同白蘿蔔一樣，愈煮愈入湯味，好食！響鈴 $28細細個，但脆得好白金色，唔算多油，掛湯能力有！野菌雙拼 $38幾脆爽口，用嚟配肉食健康多d！稻庭烏冬 $28有兩個扁類烏冬，有少少煙un，都有粉彈感覺。自製三色牛肉烏冬，哈哈！炸魚皮 $28少油感，依度炸野控制油份ok！浸左下湯都唔會油泡泡咁。淨食脆身唔會一面咸！最後食埋西瓜飽飽！小貼心位

自從黃埔開咗地鐵之後， 多咗地方去揾美食， 今日去距離地鐵站二分鐘嘅民泰街揾食， 好快就畀呢間舖頭吸引住。間舖頭竟然放到架車， 門口擺咗好多隻牛嘅座位，好打意。入到去見到好多特色牆， 有曾灶財嘅字牆， 亦有由馬賽克砌成嘅畫， 仲有呢啲傳統街市中國掛字， 影相呃like都抵。醬油區都有多款選擇， 最特別佢係鲜牛油醬油， 聞落去都好有牛味。我哋揀咗牛骨清湯底同沙嗲湯底， 牛骨都好入味， 食到我哋舐舐脷。欣賞佢哋喺餐前送上水果， 非常合符健康飲食法則。呢隻澳洲和牛三角柳， 店員教我哋灼6秒， 入口即溶，牛味濃，正。黑柏葉配上凍嘅麻醬，食到索索聲， 醬料配搭新鮮， 好過癮。竟然有羽衣甘藍做蔬菜， 貪得意叫來試下， 原來煑極都唔係好淋， 真係好有纖維。呢個紫菜卷脆卜卜，必食推介。叫埋呢兩支特色飲品， 滿足地完成我哋今日嘅晚餐。望下張餐纸， 原來周圍都有分店， 鍾意食牛嘅我地， 真係區區都有得食。

616，那回味再回味的牛肉火鍋專門店，紅磡的一間是離我家最近的616，我又豈會少得了光臨。紅磡的616，也是装修清雅，門口放了几張皮做的小牛牛凳子非常可爱，里面的装修也是够特别的，一整幅的牆上貼了曾灶才的墨寶，另一幅牆上則是七八十年代的懷舊香港，見到少不免令人聯想到時代的變遷，感覺到現代的不断進步。鴛鴦沙牛湯底$78。上次試過沙嗲鴛鴦湯底，覺得真是非常好味，所以今次又要了鴛鴦沙牛湯底。牛駝峰$48。今次食也點了牛駝峰，因為牛肉味夠濃郁，濃濃的牛肉味，真是十分推薦。封門柳$68。封門柳比較瘦，所以揀了封門柳，灼约8秒，㸃上辣醬汁，非常正。滑尾龍$48。滑尾龍非常吸引，生雞蛋由自己撈均匀，牛肉切得都比較大件，给雞蛋包着的牛肉，非常嫩滑。匙柄$48。上次試了匙柄，覺得好味又抵食，所以又揀了匙柄，這次我除了青菜外，差不多都用沙爹湯底，因為覺得沙爹湯底味道濃郁，令牛肉味道更濃厚。稻庭烏冬$28。稻庭烏冬吸收了湯底的精華，满带著牛肉的濃郁味，煙煙靭靭非常好味。羽衣甘藍$28。羽衣甘藍有抗癌作用，就肯定是不二之選了，雖然帶少少硬性，但吸收濃湯後，還是十分好味。那火鍋好拍擋，就是冰冰凍凍的飲品，今晚就

今日落大雨又咁啱想打邊爐，仲要手頭上有一張匙柄嘅贈券，於是就去咗好近紅磡地鐵站嘅616。每次去616都好窩心，因為店員都好有禮貌又細心咁去介紹牛肉唔同部位嘅特色。我同女朋友本身都唔鍾意食太肥嘅肉，每次店員都會好有耐性咁同我哋講解唔同部位嘅口感、肥瘦度、內味濃淡度等等，同我地上咗一堂牛肉課一樣。今次店員就介紹左肉味濃厚芳郁嘅橫膈肌、肥瘦適中嘅牛朴內同走肥嘅匙柄。我地仲點左彈牙牛丸，多汁雙併牛肉餃，同唔係好多地方有嘅羽衣甘藍。先講牛丸，比想像中有更濃郁嘅牛肉味而且十分彈牙真係好好味。雙餃子比較特別，其中有一款係麻辣餃子，裏面除咗有辣椒之外仲有一啲辣椒油混合湯汁係隻餃子入邊，食嗰陣時一定要小心啲唔係好容易辣親喉嚨，而且連一向嗜麻辣嘅我都覺得幾辣，如果鍾意食辣嘅你一定唔可以錯過！羽衣甘藍亦都好新鮮絕對可以一試。店員真係好好人，又俾咗牛頸脊嘅贈券我哋，睇嚟我哋好快又要去探下佢啦。

今日同老媽子晚飯，落雨就唔想周圍去，又係落左屋企樓下附近既呢間616打個邊爐啦！呢間616之前聽同事講佢出名食牛🐮，但估唔到原來唔單止係出名！係只有得食牛🐮🐮🐮🐮🤣好彩我地都鍾意食🤪🤣間餐廳裝修得好得意，門前有個麵包車車頭，入面又有啲60年代涼茶舖風。一坐低就可以用電子餐牌自行落單，我自己就好鍾意，因為咁樣唔會落錯單😂👏🏼但老媽子就見到都怕怕😣由於得老媽子同我兩個，所以我哋都唔敢叫太多肉，老媽子點名要牛舌👅🤣咁我就另外再叫多個牛駝峰咁就夠啦。至於菜🥗🥒🥦就可以叫多啲，我哋就揀咗油麥菜、金菇、豆卜、豆腐（老媽最愛）。加埋烏冬同飲品就好足夠啦🤗落左單，店員就同我講可以去自助區嗰度整醬料🤓整完之後擰轉面，已經見到個湯底送到黎我哋枱！仲有碟西瓜🍉送😍👏🏼跟住啲嘢食都係兩、三分鐘之內已經全部送到，速度驚人！🤣一睇到啲肥牛同埋牛舌果然好新鮮🤤雪花❄️都幾靚而且一啲雪味都冇👏🏼👏🏼其他菜、豆腐等等都洗得好乾淨同擺設得好靚，證明佢啲食材非常之新鮮。我哋揀咗比較清嘅牛骨湯底，鍋入面其實本身都好多材料，有粟米、蘿蔔、同埋好大舊牛骨😲😲老媽子仲話早知唔使叫咁多菜，起碼可以叫少一個豆卜🙈🤣由於個鍋都幾大下，所以

放工唔想煮飯，又忽然想打邊爐，一於去「616」淥一淥啦!怕麻辣湯太辣，湯底選擇了青花椒拼牛骨鴛鴦湯($78)，青花椒湯底味道微辣，帶種清新嘅辣味~自助醬料區: 必攞牛肉汁及青檸粒，同牛肉火鍋料非常夾!!! 醬料($10/位)稻庭烏冬($28)油麥菜($28)牛坑爪($68): 雖有脂肪，但又冇坑腩咁肥~  鍾意食肥牛者就一定愛上!牛駝峰($48): 接近牛頸脊位後少少!應該適合大部分人，因為平時最多人打邊爐食嘅部位就係牛頸脊~牛上肋($68): 有油香又唔會太肥膩!同牛坑爪並列我心目中首選! 吊龍伴($68): 即係肉眼邊，充滿肉汁嘅部位~