616牛肉火鍋專門店 (新時代中心)

营业中

休息中

由於疫情關係，食市只能在9時前關門，所以提早到此點。早吃早享受的得著，就是能點到極罕牛部位，吊龍伴、封門柳、牛坑爪。此店封門柳十分之好，嫩滑是肯定，又有嚼勁，牛味足夠。吊龍伴稍為韌了一点，但仍然滑溜。牛坑爪也不錯，有質感。黑柏葉、牛骨髓也是少見的內臟配料，必能滿足嗜牛人士。水䰹和竹笙就可以不用點。2人光顧，點餐如下：醬料 x2鴛鴦青花椒牛骨湯 Green Pepper Chill Soup Mix吊龍伴 Spencer Roll封門柳 Hanging Tender x3牛坑爪 Rib Finger黑柏葉 Beef Omasum朝日啤酒 Asahi Beer竹笙 Bamboo Fungus菊花桂圓露 Chrysanthemum Drink牛骨髓 Bone Marrow雙層肉 Plate-Eye水魷 Squid油麥菜 Leafy Vegetable公仔麵 Instant Noodle無加一，合共HK$833

中意食牛嘅朋友一定要嚟試呢間出曬名嘅良心打邊爐店！銅鑼灣分店望落唔大，但佢嘅牆壁設計超級港式，夠地道。員工服務質素都超級好，雖然全場爆滿同佢嘅人手不足，但都盡力服侍每檯客人，又上菜又加湯又送嘢飲，服務態度一流佢個沙嗲湯底超濃，基本上唔洗點豉油點其他醬都夠曬入味。朋友都驚沙嗲湯太濃，所以嗌多咗個菜湯中勻翻。佢啲牛肉分咗唔同部位，因為第一次食，所以咩部位都試吓，當中最突出，回頭度最高嘅一定係花雕醉牛同牛肩胛，前者酒味濃但完全唔會醉；後者入口即溶又軟熟另外都推薦大家飲佢個玫瑰洛神花茶，酸酸哋，甚有開胃功效。仲要價錢唔貴，埋單每人200左右已經夠曬飽肚，性價比勁高

午市邊爐，ok喎，牛肉新鮮，款式又多魚皮：出色，厚身都脆，難得各款牛肉：由$48-68都有，我個人喜愛肥dd既，太瘦就會鞋口湯底：牛雜湯，入面多料，湯底無有味，唔重味精洛神花茶：清清地，啱哂打邊爐電腦落單：簡單又有圖，最啱d懶人埋單$480，唔算貴，會有下次

我朋友提議去撐黃店， 一入店內發覺裝飾同壁畫好特別……我喜歡食比較軟身嘅牛肉，侍應介紹我食「 安格斯橫膈肌」， 好濃嘅牛肉味，超正！👍 616仲有其他火鍋店比較少見嘅「牛骨髓」同「鴨血」，灼一灼非常滑溜。值得一提係佢嘅「炸魚皮」非常香脆可口，就算我怕熱氣都食咗半碟其實我朋友唔食牛但都仲有好多嘢啱佢食，「水魷魚」、「黑豚濃湯餃」、「黑豚梅花肉」、「黑豚霜降肉」等都食到舐舐脷616服務態度非常好，加湯快手又主動提供笊籬方便撈豆腐(女士可能會關注: 洗手間好乾淨完全冇異味👌🏻)，6pm前離座仲有折添！ 我必定會再幫襯！❤

☝🏻呢間616個主題夠港式，我幾鍾意。雖然細細間，但落地玻璃令你唔會覺得細間坐得唔舒服。而且員工嘅服務態度好值得讚賞！嗰日全場爆滿，店面得三個人，有一個仲要係新人，見佢哋忙到癲，但仍然不忘定時幫我哋加湯，仲提我地點樣食會好食啲、邊樣餸好食......好sweet!!佢哋三個人都好有耐性，少少攰同唔耐煩既樣都無，佩服！☝🏻😳不過食物質素來講，就覺得尖沙咀嗰間好食啲。可能我比較重口味，而尖沙咀嗰間啲嘢食例如個沙嗲湯底同埋麻辣牛肉餃好似真係濃味啲🧐。唔知有冇人都係咁覺得呢！

新一波疫情來襲，呢7日晚上唔准堂食，但真係好想打邊爐，唯有自己買料打邊爐，外賣自取有8折，其實都幾抵，去街市買牛肉都無咁平啦～提早一個鐘落單就拎得，都幾方便。叫咗安格斯橫隔肌、美國天然肩胛翼板、牛駝峰、澳洲和牛牛頸脊、吊龍伴。啲牛肉質素真係好好，勁有牛味，肉質好好，個人最鍾意澳洲和牛牛頸脊，勁正！啲牛肉碌6-8秒就食得，好新鮮，勁鮮嫩！雙拼牛肉餃超有牛味，真材實料！個麻辣牛肉餃勁正，勁juicy，啲汁咇哂出黎，又麻又辣，嗜辣人士必點！黑柏葉第一次食黑柏葉，感覺都幾得意，好爽口。同埋佢配埋個芝麻醬同油食好好味！墨魚滑、蝦滑好新鮮，勁爽口，正！由於屋企買咗其他配料同湯底，所以主力係度買牛肉，叫咗10碟，8折完4百幾蚊，都幾抵食，4個人食到勁飽～

我哋book咗位，不過都等左陣。叫左花椒湯底同清湯，花椒湯底唔會咁油，所以試下。想食牛栢葉，但賣哂。滑尾龍真係幾滑，可能係因為佢加左蛋既關係，值得一試。叫左好多牛，唔記得叫左咩😂，但都唔錯手打牛筋丸，幾彈牙，可以試下。鴛鴦餃，覺得辣個個麻麻地。魚皮、響鈴，not bad。鴨血，唔係滑個種，作為一個鴨血愛好者，um...可以食下。可樂係大支玻璃樽裝，好爽皮好鋸，而且只係$16，幾抵。叫左個五花茶，清下熱。整體黎講，616性價比都高，4個人食，一人只係$231，唔洗去食牛乜乜個啲任食。

有好多唔同牛嘅部位，好特別值得一試！嗰日佢同朋友慶祝生日，職員服務好好，唔小心倒瀉咗個醬汁，佢哋都會幫手抹返。有個秘制牛肉汁超級正👍🏻勁鍾意個汁，啲嘢食都好快就上到嚟

麻辣+牛尾湯底麻辣幾辣不過唔夠香，建議想食辣既人考慮嗌麻辣青瓜好過，果個幾正宗。牛尾湯度有兩三塊去骨牛尾+蘿蔔，唔係好重牛味，當清湯底arm arm好。蘿蔔都係普通唔係好入味。匙柄推薦食法係同胸口膀夾住食，不過星期日六點半去到已經無嗮胸口膀。齋食匙柄係好軟滑，不過味道最淡，無乜牛味滑龍尾+生蛋，真係好滑好好味，似滑蛋牛肉麵果款橫膈肌比較重牛味，好香好味西班牙雪花胸肋似平時打邊爐既雪花牛肉片，幾好味不過無乜特別鴨血切得好大塊，無乜驚喜，可以唔試。台式火鍋入邊果款好味d都係。ps 本身有原漿啤酒，不過話果排都無貨。可能因為疫情原因

呢間616牛肉火鍋專門店應該好多人都聽過佢嘅大名啦，出名食好多唔同部位嘅牛。作為連鎖店仲要表態，梗有一間係你左近啊💛·兩個人今日好鬼肚餓，所以叫咗好多嘢食—牛都叫咗三款～·首先推介嘅係佢哋濃郁嘅沙嗲湯底，估唔到唔係味精味！而係好龍口好似朝早食沙爹牛麵嗰種嘅質地！啊！冇錯呀！我哋成程食緊沙嗲牛呀🤣調味醬都冇乜點～·估唔到牛肉唔同嘅部位真係有唔同嘅口感。作為傳統嘅我就覺得雪花肥牛最抵食最好味啦🥳其他兩隻部位三花腱/橫膈肌就要咬多幾下，冇咁滑，口感就豐富啲～·另外要再推介嘅係墨魚滑，分到八舊咁多仲要超級超級彈牙， 係我食過咁多間火鍋店入面最高質嘅墨魚滑😱😱！！·牛肉餃口感好有趣，麻辣牛肉餃子令我流晒鼻水😪記住唔好當普通餃子咁淥咁耐，如果唔係好容易硬哂🥴·魚皮、響鈴、生菜、鴨血正常發揮，用沙嗲湯底就成件事昇華晒～·咁你哋可能會問，咁個清湯點啊？我哋用咗黎飲湯消化下，佢個清湯但係有牛肉味，都幾重黑椒味，清清甜甜，間場一流🤗-雪花肥牛｜$68橫膈肌｜$48三花腱｜$48墨魚滑｜$48雙拼牛肉餃｜$48鴨血｜$38唐山菜｜$28響鈴｜$28魚皮｜$28-616牛肉火鍋專門店銅鑼灣謝斐道391至407

同朋友食飯，4個人叫咗4款牛，唔多，但係每樣都可以試啲平板電腦落單，醬料自助每人$10橫膈肌牛肉味最濃，油脂同肉嘅比例均勻五花趾較韌有筋，但係都幾有特色蝦滑彈牙鮮味！short ribs係最多油脂，最好食嘅，淥6秒滑尾龍令人諗起尾龍骨，牛肉片真係滑，就算淥咗20秒，都仲係好嫩，好似茶餐廳嘅滑牛鴛鴦湯底好正，清湯個邊有蘿蔔牛腩，入面嘅牛腩仲要係幾靚幾好食嘅沙嗲味濃，重口味之選水魷乾淨爽口，份量有足足一隻牛筋丸彈牙，雜菇都好特別，有隻刨到好似鉛筆咁嘅菇，食落爽口最後仲叫咗啲芋絲，烏冬，encore響鈴，食得好飽好滿足

各種牛部位都食到！！坐位舒適！員工服務態度好！有趣嘅員工😏牛本質唔錯，必試彈牙嘅牛丸！食到咁上下，丸湯煮岀嚟嘅烏冬超正！！遺憾嘅係其他食品太小，對於想食到雜食嘅人嚟講，或唔係完全好食牛嘅朋友嚟講，基本上難以在此同枱食飯😂求老闆加入 魚蛋、竹生、蟹柳等雜食😌不失牛氣之餘又可以增加食材類別嘅刺激😌

呢間名為牛肉火鍋專門店，佢就梗係有好多牛肉俾你選擇！餐紙上仲有教你每一個部位應該祿幾耐😜 而牛肉質素都正常。我哋揀咗個卜卜硯湯底，有好多硯！食極都食唔晒🤣佢用iPad點餐好先進，貼心位係有安排個盒俾你裝衫，外套可以唔使吸晒邊爐味！溫馨提示記住飲多啲清熱嘅嘢，因為我打完邊爐第二晚就生咗好幾粒暗瘡😅

$78 鴛鴦酸菜牛骨湯original cox bone soup plus pickled cabbage soup mix➾$48 安格斯 - 橫隔肌near the diaphragm of a steer➾$48 匙柄the shoulder area➾$48 澳洲和牛 - 內群肉on the inside of the abdomen wall, next to the brisket navel end➾$48 滑尾龍rump mix with spices and egg➾$48 花雕醉牛assorted rump with chinese wine➾$68 金花趾the lower part of rear leg➾$68 澳洲五花趾the lower part of rear leg➾$68 吊龍伴the outer of rib-eye steak➾$28 白蘿蔔turnip➾$38 鴨血duck blood➾$28 紫羽衣甘藍borecole➾$15 烏梅汁sour plum drink➾𝓣𝓸𝓽𝓪𝓵$699 (+$40 for sauces)-biggg thro

呢間火鍋店長期滿座 所以記住要提早訂座今次係第一次黎銅鑼灣呢間分店 主要覺得佢嘅裝修設計幾有香港風味整體座位有點逼 四人坐得唔太舒服 明明餐廳內仍有其他四人卡位 在要求坐卡位後 店員仍然未有安排入座  有點不解整體而言 食物質素不錯 有不同牛的特別部位可供選擇 個人覺得最推薦安格斯橫隔肌 肉質好好 易咬又唔鞋另外都有其他有特色嘅肉 例如滑尾龍 有啲似日本壽喜燒 沾上蛋汁然後再放入爐都幾岩鍾意食牛嘅朋友黎試 一班朋友聚餐都係唔錯嘅選擇！