7號美食共和國 (已結業)

今天和同事上去7号美食廣場食午飯,因先前在寫字樓曾叫過他們的外賣飯盒食過,覺得他們的越式豬扒雙蛋飯同越南牛肉河粉都好好味,上到去發覺地方佷寬敞,裝修很有特色,起碼有位坐先,今次再試下他們東南亞菜的海南鷄脾飯和星加坡蝦麵,鷄脾有鷄味同飯都很夠熱,另外蝦麵的油麵很有咬口和蝦湯很夠蝦味,以四十幾蚊快餐價錢食到先前在灣仔某有名東南亞餐廳和蝦麵店的味道,但價錢就平ㄧ半,下次再試埋他們的火車頭湯河和越式雙豬飯,睇下有無ㄧ樣水準

好難食物 間野賣海南雞係B號開頭 大家留意去到千奇唔好比海南雞張圖厄我從來未食過甘難食的海南雞我覺得連狗唔會去食飯唔配任何醬料 雞一睇就知係雪藏好耐 肉質咬落去好似煲湯雞甘 好嗐 無味 有d臭填而且間野有個耳環四眼叫餐佬 看上去唔太注重個人衛生 而且勁無咩禮貌 問過去食過d同事 個個都話唔會再去 因為真係好難食 難食道我都要特登上黎 提醒各位千奇唔好去試 但不過入面都有間日本野 算唔錯 快餐 新唔新鮮就唔知啦 味道 造型 起碼超海南雞幾條街有機會再試埋其他店

聖誕自助晚餐$168差到離哂譜 味道不能評論因為跟本就補唔切食物排幾個字 咩都無甜品無 主食無 連涷水都無（得滾水）同甜到嘔的茶浪費時間 浪費金錢 浪費食物請都唔會黎 如果朋友請你黎食 一定要拒絕

呢個「7號美食共和國」都已經開左一段時間，從佢裝修開始，到開幕後一直都想黎試下，今次終於有機會!因為係星期日黎試，點知有兩間「韓國、東南亞」美食都無開，不過都唔緊要，可以試其他野~成家人一齊黎，最好就係唔使等位，唔使排隊。入到門口，見到環境唔錯，好大，感覺好舒服，唯一問題係唔知點叫野食，而門口係有位姐姐企係度，大家有咩問題都可以問佢!睇左一輪，最後我地成家都決定食「日本菜」!!!日式滑蛋焗豬扒飯   $48雖然唔係好明點解叫焗飯，不過整體賣相都好吸引!豬扒肉質軟滑，好有咬口，香噴噴的加上珍珠米，蛋汁帶點甜味，幾好味~日式炒拉麵    $48呢個拉麵，最欣賞就係佢夠多配菜~一黎已經嗅到好香，醬汁惹味，拉麵爽口，唔錯!日式炒飯   $45呢個炒飯感覺較為普通，不過米飯粒粒炒得好分明，都值得一讚~芝士年糕  $18好失望啊~~~~拉出黎雖然見到芝士，但食落竟然係完全無芝士味?!好奇怪~~~~炸南瓜餅  $18咬開入面係紫色gei，味道十分普通，只係比芝士年糕好食~整體感覺算OK，不過不失，最鐘意係佢個環境夠舒服好靚~~~其實服飾態度都算唔錯~唯一就係感覺食物種類看似很多選擇，實際其實不算太多

嚟個food court第1次去晚飯時好中意，食果間應該係正宗印度咖哩野食，d咖哩好入味，辣度適中，收銀個女仔同出菜個印印男仔都好好禮貌。第2次又去晚飯，試其他野，我試果個青魚定食都幾好味，又夠熱辣辣，由於果度無咪叫攞野食，佢地只是大聲叫人攞，我地又坐好入，所以要行嚟行去睇幾時有得攞，但未到我坐番低，但個女仔行到入嚟問我是否叫左野，我話係，想行出去攞，佢即刻叫我晤洗行出來，佢送到我個位，好好人，但我女朋友叫另一間的la沙粉，啖到無論，d湯好似飲滾水咁啖，而果間野出菜嘅肥仔態度都幾串。第3次係同家人去，這次亦會係我最後一次去，我地叫左d台灣牛肉麵，味道都夠濃，係少左d，但我主要晤係講嚟樣，係我地叫左另一間d海南雞飯，無味無道，d雞仍然好生有血滲出，我差d想搵膠布幫隻各各雞貼住，但我晤想再去嚟個亦晤係主要原因，由於無咪叫人攞野，我地又係坐好入，我便出去睇，我行左好多次都未有，最後，我剛剛行到去，個肥仔終於好大聲叫我個號碼，我便過去，佢竟然喝我話“我叫左幾次la”,che線！你估順風耳牙，你地間野同我坐個位咁遠，我地屈左入去坐，我點知你叫好多次阿！價錢又晤係平，做咩食飯要受你氣阿！所以，我地

越南菜 “海南雞飯”……雞；無雞味，凍嘅……飯； 唔熱都算，仲要係凍嘅...…至於嘢飲方面；係分開黎攞嘅……我未食過咁難食嘅海南雞飯……完全同想像中差好遠囉，根本两樣嘢黎……

返工個陣既時候，我就同班同事去左一齊過左去太古坊附近食中午啦。 咁我地黎到呢度真是有好多唔同菜色的餐廳可供選擇啦。 我就選擇左一個意菜的餐廳。我就叫左一個爺飯焗，都只係$40。爺飯焗有唔少的水蜜桃同埋菠蘿，而且豬扒亦都焗得岩岩好，唔會話太老身，味道吸左啲水果味，少少甜味，更加是大大提升左個菜味道的層次。 下次又多左個可以平食的Food Court 去簡。

上星期收工去過附近個food court食飯，這新場設計感覺新鮮，跟一般商場內的food court不一樣，每個角落都有鮮明主題，感覺時尚又醒目，用香港人熟識既地方粉飾牆身，多多少少引起大家共鳴，應記一功，值得一讚，香港地有好多勵志既故事，吾知有沒有一兩個小故事係你附近呢? 除了設計，桌子及坐位都算舒服吾會太迫，光線算柔和。只是可否有多幾塊號碼板? 這方面不夠體貼，又扣回一分。今次點了Za爺海陸空配菊花蜜，分量都算多，有燒汁豬仔脾及雞扒、鰻魚、仲有2隻焗扇貝，仲有沙律菜及飯，如果吾太飢餓轆轆兩個人share都夠分的。講了分量再講味道，如5-0星星我會給4星星，整體算好味分量又足，而且有汁送飯吾會太dry，燒汁豬仔脾醃得算入味，味道剛好，雞扒、鰻魚味道OK，這些食材配搭都算穩陣，食完飯再飲菊花蜜，清清地好適服。不過如果可以選配飯或意粉就更好。

尼日lunch time系側魚涌mtr附近，成條街有好多茶記同大快活呀大家樂個D，跟住見到系大快活樓上既NO.7，平時冇見過尼間foodcourt我諗尼到應該新開既，所以走左上去食尼到lunch time坐爆哂附近反工既人，地方都幾大好多間舖 好好彩系入D搵到位唔洗等入面其實有好多大家成日食既舖頭，今日同個朋友尼到簡左米飯主題，叫左兩個飯分別系濃咖哩烤雞扒芝士焗飯同埋板煎雞扒蛋包飯尼日NO.7仲搞緊個like fb page送野飲，仲好唔洗加錢買野飲，我諗佢地應該不定時會有D優惠去吸引D人去食，仲有得申請張佢地既卡去儲分，但我幾可尼一次尼邊食 當然join左個野飲就算尼個咖哩芝士雞賣相就一般，但未整開尼食尼經聞到好香既咖哩味，芝士驟眼睇落都冇比得好少食落D飯有D似大快活焗豬個隻又乾一粒粒既飯，D醬都夠而D雞冇話特別好食，正正常常啦，份量都食得飽既幾大兜而尼個蛋包飯賣相幾靚側邊都有D沙律咁，但佢舊雞扒唔及咖哩芝士個個好食，佢就乾D同可能冇咩醬佢個飯就好食過咖哩芝士個個，系一粒粒圓圓地，佢地賣點可能系尼個有機紫薯飯同D蛋，食落系同普通飯浸味唔同既，都可以一試如果再有機會尼會試下其他舖，lu

Prices are good, but complicated ordering process. Few menus in English (at the payment counter there is paper packet of all the restaurant menus in English), but many photos available. Must go to payment counter with restaurant name and order number and then pay separately again for drink. Must have payment receipts for your order and then give your receipt to the restaurant in order to collect your food/drink. Good challenge for a treasure hunt in case looking for a group activity. Must walk u

妮妲到訪，鰂魚涌仍然平靜。友人卻忽然致電他公司早已在四點放人，剛好搭車路過鰂魚涌，乾脆找浪子來一個快閃聚會。選了7號美食共和國，除了貪比較少人外，也很想將這間新店介紹給朋友。在樓下門口看到他們出了新的下午茶招牌。主食我仍然是選擇漁民樂的米線。但卻看到原來在漁民樂前面多開了一家新店"長洲平記糯米糍"，友人又說想試試，便買了一件。因為這個時候我負責去漁民樂取餐，浪子付過款後便著友人在糯米糍這邊取貨。不過今天集中在糯米糍上，那我就先省略之前已寫過的米線餐。順帶一提，糯米糍較特別，是在自己的店裡收銀的，沒有八達通可用。與其他統一在中央收銀機點餐收錢並不同。取餐回來，浪子真係O哂嘴，友人竟然拿著一包用廚房紙包住的東西。一問之下，原來這就是"馳名的糯米糍"。浪子還記得收銀職員有問過我是堂食還是外賣。但堂食竟然無餐具無碟無膠袋，得一張廚房紙包住???咁外賣你打算用咩裝俾食客?之後浪子再回去該出餐部取餐具，才拿到兩隻膠叉。其實店方是有膠叉的，但就是好環保的不打算主動給食客，而且還是收埋的，與其他出餐部放在外邊任取的堂食餐具不同。先說食物：糯米糍是大件的，一件已經等於普通貨色的兩倍以上，拿起手還份量十足

難得出差到鰂魚涌，當然要乘機搵食。聽聞鰂魚涌開了個food court,當然要去試下。個food count就剛好在地鐵對面，大快活樓上，個名叫7號…有中西日韓,比較出名既應該是古今2吧。由於時間有限只簡單點了意粉、檸茶。黑松露野菌炒意粉，等候時間不是太長，份量不是太多，意粉咬落彈牙，除了野菌，更加上粟米增加爽口程度，黑松露的味道不是太濃烈，多點會更好，野菌的份量比例不少，草青味已經處理掉，容易入口。冰檸茶，可轉外賣杯，可食完隨時離開。味道沒有茶餐廳的檸茶濃郁，超多冰，不過不失。

繼上次魚湯之後，其實浪子都還繼續有幫襯這間新食街，但覺得試了的都沒甚好寫，所以也就省略了。這天試的是內裡"米飯主題"的全日早餐。在下午茶時段食早餐真的有點吊詭，但偏偏他們就是有這種早餐。原來共和國裡有總共十間餐廳，大約是沒有重叠的，所以也就有十個國家的特色菜。今次幫襯的是"米飯主題"價錢不貴，才不過三十多元。這個早餐份量十足，香腸，火腿，太陽蛋，多士和焗豆都有。不叫做"全日早餐"應該是因為沒有一些全日早餐亦具備的材料(如磨菇，蕃茄，煙肉之類)。不過這個價錢，平民化一點的下午茶裡的早餐是可以理解的。這個餐的出餐時間頗耐，大約用了8分鐘左右。但其實裡面的材料幾乎都不是太繁複的處理，除了煎蛋，幾乎全部烚熟的，焗豆是凍的，多士是放了很久的，好奇怪這也要做這麼久才能出餐。不過也許是這種平民和這種經典，浪子一邊食，一邊覺得是一種幸福。可能是勾起以前家裡整早餐的回憶。我們都是吃著這些腸呀，火腿呀，太陽蛋呀，然後上學去的。人大了，早餐好多時都不會食得太多，有時候也會轉而吃健康一點的麥片，對這些經典早餐反而疏遠了很久。

上次黎7號美食共和國食台灣野, 今次就試下日本野啦!!!! 對於小妹黎講, $60一個lunch 唔包野飲, 其實覺得好貴, 但見個樣幾正咁, 就試下啦!! 芝士。脆虾。三文魚卷一共有８粒，壽司面上有點ｓａｌａｄ醬，三文魚係面，三文魚肉貿較林，唔似平時的ｓａｓｈｉｍｉ，飯粒不硬不林，口感適中，唔會好多醋味，中間有層紫菜包住芝士的虾，脆虾仲係好脆口，夾住軟軟的芝士，好好味，而脆虾肉質爽口，肉質唔會好梅，十分好味！！！旁邊附上酸姜，我冇食到，因為本身唔鍾意食姜。

7號美食共和國走的是食街路線。就是中央收銀處點餐，共享全部檯位，而食物由不同特色的出品部提供。這裡開業應該還不到一個月，算是附近搵食的一個新地點。位置是鰂魚涌AB出口的對面，大快活的樓上。住在鰂魚涌的街坊大概知道，這裡的大快活之前曾經是美心MX，而No7美食美和國原址應為一間韓國餐廳。要上來是要行兩層樓梯的。一上樓梯，就見到大大個招牌，搶眼!門口就是五大塊電子餐牌，詳列所有共和國裡提供不同的風味菜。大約有穆斯林，米線，台灣麵，日式，米飯主題，燒味......還在試業期間，所以貼了一些"打底貼紙"，大家高抬貴手，俾啲時間改進咁解在等候食品製作期間，遊走了一圈，發覺場內真的很大，而且座位很寬，很闊落，絕對沒有一些食街喜歡攝得就攝咁將啲檯放到密密麻麻的感覺。而且不同角落有不同的特色，有些是高櫈，有些是海盜筒型的櫈，有些像汽油罐，加上牆身的塗鴉，真的頗有一種異國風情的味道。這個新派食街有走在潮流尖端，有會員制，有mobile app，可以在手機看餐牌，儲積分。著實有點意思和幾懂得去build customer loyalty。不過報號碼好似是沒有喇叭去報的，要自己望住屬於該餐品的那個出菜部的螢