A.T.A.S

营业中

休息中

本身自己都幾鐘意去星加坡旅行，但發覺好多地方都是星馬菜系一齊，今晚去一間人氣新加坡餐廳，在銅鑼灣邊寧頓街，行上一條充滿特色的樓梯上二樓，裝修簡約，以年輕人及家庭客為主。Salted Egg Soft Shell Prawn 黃金鹹蛋蝦星加坡名菜，加入鹹蛋黃炒好惹味，滿口都是滿滿咸香味，蝦殼好脆可以食埋，蝦肉亦都好新鮮Sambal Crab Meat Fired Rice 叄巴蟹肉炒飯叄巴醬好香好濃, 飯粒炒得好乾身，粒粒分明，加入蟹肉好鮮味Crab Meat Wanton in laksa Cream Sauce 喇沙蟹肉雲吞喇沙椰香味濃，雲吞沾上喇沙醬汁，雲吞皮薄餡靚Bandung 玫瑰露來自東南亞的飲品，玫瑰糖漿加奶，色澤漂亮，甜甜地好好味Pandan Milk Tea 斑蘭奶茶斑蘭味濃，椰奶味香，混在椰香奶茶之中，散發淡淡清香味道

香港唔算多新加坡菜嘅餐廳，今日食呢間係朋友介紹，見佢有有喇沙食，仲有啲西式嘅主菜，就特登過嚟試吓。-呢度係樓上鋪，鋪面好大，我哋仲要坐咗喺窗邊吧枱位，視野開陽，好啱同朋友嚟慢慢傾偈食嘢～👍🏻-Lunch Menu選擇都幾多（$98），我哋就揀咗傳統啲嘅新加坡新鮮蝦喇沙，同埋特別啲嘅辣椒蟹忌廉醬意大利蛋麵（$128）。 -喇沙湯底好濃郁，辣辣地好易入口，蝦亦都新鮮蝦唔係雪藏蝦，所以好彈牙有蝦味😋另外個意大利蛋麵都好有驚喜，個忌廉醬啱啱好夠掛喺蛋麵上面，識落唔會覺得膩，辣椒蟹嘅味道都幾出，雖然係fusion菜，但食得出呢道係新加坡菜式🤤-另外見佢啲特飲好似幾正咁，就叫咗美祿爆炸（$58）同埋美祿馬丁尼（$78），美祿爆炸啲美祿波波同美祿粉真係多到滿瀉，飲嘅時候要小心啲🤭另外美祿馬丁尼好靚，打卡一流，而且酒味唔算超濃，晏晝飲返杯都OK😝-原本朋友介紹我要食呢度咖央吐司，不過食唔落所以冇叫，下次嚟一定要試吓～

朋友介紹，有間星加坡餐廳係過江龍，果然餐廳夠星味！🌟 位於銅鑼灣地段，簡潔風裝修，適合年青人打卡📸，價錢仲好公道💰。 唔怪得咁多人嚟食，晏啲嚟都要排隊。 麥皮蝦連殼食，做得好酥脆🦐，咖啡排骨味道好特別☕，排骨好淋甜🍖。炒通菜香到隔離街都聞到🌿。第一次食魔鬼魚，原來啲肉好嫩滑🐟，加埋好獨特的醬汁，好 惹味。雲吞忌廉喇沙好creamy。大大舊嘅蟹肉炒飯🦀🍚煙煙靭靭，好得意😊。 不過要注意，佢每一道菜都係微辣嘅，我自己就好喜歡。一定會再嚟試下其他嘅菜式🍜🍛。

今日黎到侍應都係新加坡人好有去東南亞旅行嘅feel🩷整體質素不錯 會再幫襯！.辣椒蟹肉醬配饅頭 $98饅頭炸得剛剛好 外脆內軟唔會太乾醬料味道濃郁 好多蟹肉！4粒饅頭可以每啖都食住滿滿蟹肉😋.牛油麥片老虎蝦 $188麥片好香牛油味 增添口感 味道好特別 最衰要自己剝殼😂.叁岜蟹肉炒飯 $168炒得好有鑊氣！粒粒分明呢個蟹肉比例冇上面肉醬咁濃縮 反而更特出炒飯嘅香氣 .咖椰爆醬 $68三層吐司🍞夾住多重配料 非常值得一試

由於成日俾人話食嚟食去都係嗰啲，今次特登搵咗間新加坡菜試試，發現佢除咗有傳統新加坡菜，仲有fusion菜！咩都叫啲試吓，驚喜滿滿 😋★̆̈ 蟹肉雲吞配喇沙忌廉醬 $98 雲吞內餡係蟹肉，好特別，平時多數係蝦！個喇沙忌廉汁好creamy，帶少少辣，味道非常出色！✨★̆̈ 奶油麥片軟殼蝦 $188 改用軟殼蝦方便食客，不用剝殼直接食，好貼心！麥片香甜又脆，配埋蝦嘅鮮味一流！睇落好似得四五隻，但食落竟然有八隻，份量十足！🦐💛★̆̈ 咖哩春雞 $178 新菜式，春雞入味，咖喱香濃但唔會過辣，啱晒鍾意濃味嘅朋友 👍★̆̈ 玫瑰青檸水 $30 清新解渴，甜度適中，飲完好舒服！🍋🌹★̆̈ 美祿爆炸 $58 濃郁嘅美祿配埋滿滿嘅topping，好有驚喜，甜品控必點！🍫

呢間都幾正，一打開menu見到真係新加坡野，環境都好好，清新簡約風羅惹ROJAK $88見到menu 有Rojak 真係超開心！之前係新加坡食過就愛上，香港好少有！沙葛清爽，青蘋果酸甜，加上脆口油炸鬼，好特別嘅醬汁，好易食到令我停唔到口！呢度味道夠正宗！鹹蛋排骨$128非常邪惡嘅一碟，鹹蛋黃冇得輸，個ribs 都保留到肉汁，唔乾！叁岜蟹肉炒飯168都係惹味野，叁岜又係好香好濃，但又無蓋過曬蟹肉味，個飯都炒得好好，粒粒分明仲有叫咗兩個好特別嘅飲品班蘭奶茶，玫瑰露恐龍玫瑰露又幾特別，真係冇喺第二度飲過，上面加咗美祿粉，成件事好靚！又有星加坡風味！

說起星馬菜，第一時間一定係諗超銅鑼灣呢間由正宗新加坡老闆主理嘅餐廳。裝修平實，但食物卻別具風味。試過之後我簡直覺得呢度係一間被低估嘅寶藏餐廳呀！被我光速清盤嘅有🤍叁岜蟹肉炒飯，飯粒炒得夠乾身，粒粒分明而且超級惹味。老闆話原來用嘅係自家整嘅醬汁，一啲味精都冇落到！其實就算冇落蟹肉，好味程度都係滿分嘅炒飯。🤍辣椒蟹肉醬炸蛋未食已經流曬口水嘅脆邊溏心蛋，淋上自家製嘅辣椒蟹肉醬，胃口大開。🤍媽蜜咯咯雞終於試到呢個令人愛恨分明嘅Marmite醬喇！本身呢個醬係重鹹口味，但經調味後食落又鹹又甜，令呢個特色醬汁更容易入口。🍹Lime Juice🍹Pandan Milk Tea

我哋叫咗海南雞飯喇沙午市套餐。海南雞飯超級咁多骨，唔拆骨都算，但係斬得唔好有超多碎骨，根本唔敢一大啖咁咬落去。自己起晒骨之後其實得返嗰少少肉，幾大碗飯都冇用。之後叻沙都非常普通，配料全部都係平嘢。我哋再嗌咗佢哋招牌咖椰爆漿，幾年前食過明明好好食，而家嚇死人。好多款唔同的醬，冇一款係夾嘅，根本係火星撞地球，甜到喊。我哋食咗一舊就走咗。雖然而家感覺平咗，但係咁難食，以後唔會返嚟。本身有啲期望，但係都係去亞參好過😅

想食小菜OpenRice 見到評分唔錯平時又好少見新加坡菜所以就簡左呢間餐廳我哋2個人食一人叫左一杯美祿爆炸必飲！！試過最好飲的美祿好濃味足料性價比高唔舒服又想飲店員都好好幫手走左冰會因為杯飲品再返黎食叫左鹹蛋黃排骨表面充滿鹹蛋黃醬排骨唔會咸搶左啲蛋黃味鐘意蛋黃味的推薦見到媽蜜雞係新加坡特色菜之前都未食過所以試下佢係甜同咸咸地的炸雞偏向濃味食多2件會覺得咸奶油麥片老虎蝦啲蝦都大隻麥片有淡淡牛油味但食的時候有啲狼狽味道清香可以一試老虎蝦都有4個味道選擇奶油麥片/鹹蛋黃/黑胡椒/喇沙辣椒下次會想試鹹蛋黃味個人偏好鹹蛋黃味簡左一個菜豬油蒜蓉炒秋葵好惹味推介👍🏼全碟食晒總括嚟講值得一試同多人聚餐都好岩份量夠 多人仲可以試多啲菜式

位於銅鑼灣嘅新加坡美味☺️🤍第二次回頭嘅餐廳~~今次試咗佢哋嘅秋季二人套餐((咖喱蟹黃飯, 鹹蛋黃骨, 麥皮蝦, 沙嗲串,馬拉盞通菜另外再加兩杯嘢飲))呢個二人餐性價比好高，好多嘢食🤣🤣超鍾意佢哋嘅金沙鹹蛋，上次試過配蝦今次配骨，兩個都好好食。馬拉盞通菜超夠味 不過有少少辣..但係辣得過癮嘅🌶️💸💸秋季二人餐 $488美祿恐龍 $58美祿調酒 $78📍ATAS地址：銅鑼灣邊寧頓街9-11號登龍閣地下C2號舖

秋風起，唔知你哋有冇覺得呢幾日嘅天氣好舒服呢？留意到人氣店ATAS出咗呢個秋冬限定二人餐，知道朋友鍾意食大閘蟹，就即刻嗌埋佢去試吓辣椒大閘蟹膏配飯 $488滿滿大閘蟹蟹膏，超級鮮甜仲有蟹肉喺入面，加埋辣椒辣辣地好過癮，送飯一流沙爹串我哋揀咗牛肉同雞肉串，最正就係點埋嗰個沙嗲汁一齊食叁芭魔鬼魚個醬汁都有少少辣味，魔鬼魚魚肉好滑溜，比醬汁包裹成條魚所以好入味鹹蛋黃骨一上枱已經聞到好香，鹹蛋黃好濃郁，滿滿嘅鹹蛋黃醬包住成條排骨蒜蓉菜心苗套餐好均衡飲食，仲有得揀碟菜，我就好鍾意食蒜蓉菜心，蒜蓉味濃郁玫瑰精華 $78覺得粉紅色好靚就揀咗，有少少酒味，但係容易入口美祿爆炸 $58海量多嘅美祿粉，面頭再加埋美祿波波超級邪惡！成杯都係超濃郁既美祿

新加坡菜以濃郁既醬汁為大前提，味道都係鮮同濃味為主。散叫辣椒蟹醬配饅頭，蟹味十足，辣味夠惹味。二人套餐辣椒大閘蟹辣椒、番茄醬同蒜蓉既醬汁，加上肉質鮮嫩的大閘蟹，辣得過癮。五箱卷餡料包含新鮮的海鮮和蔬菜，外皮勁酥脆，點埋特製醬汁，好有風味。叄芭拉拉用辛辣的調味醬，搭配炒蜆，辣度加鮮味十足，蜆肉冇合埋，冇掉出黎，火候剛剛好。咸蛋黃骨將一字骨與咸蛋黃結合，外層金黃酥脆，香味同濃郁程度爆燈。豬油蒜蓉炒秋葵秋葵夠清脆，吸收埋豬油蒜蓉香味，絶。二人套餐$488，算好平，但全部食物都係偏濃味既野，會有啲濟同油。

同朋友👫行街街經過銅鑼灣 想食啲特別野 見到呢間新加坡菜 入邊職員全部都係外籍人士 我哋叫咗個二人餐 小食揀左五箱卷🤣 中英文都睇唔明 抽盲盒🤫 原來🦐🐷肉春卷 外皮酥脆 即整熱辣辣 味度都唔錯👍海鮮揀左鹹蛋虎🦐 有6大大隻🫢 蝦肉結實 每隻外表都滿滿均勻嘅鹹蛋黃😵超肥 超邪惡肉類係咖啡骨🐷 咖啡因超濃 係濃縮左既咖啡醬+烤到小小燶既金沙骨 有🖐️大舊 超飽🤭🥬係馬來風光🤣 原來係炒通菜 Sambal似蝦醬 再重口味少少🤏🏾 但整體係夾既💯飲品叫左ice lemon tea 但黎到原來係青寧～

見到呢間新加坡餐廳爆多食評（+正評）咁啱想食重口味嘢，諗住嚟食下喇沙、囉喏過下口癮試完一次就夠 👌🏻老虎蝦喇沙喇沙湯底算濃郁，亦見到落左唔少香料調味椰奶亦冇落好多搶左味有兩隻大虎蝦、豆卜、魚片、魚蛋基本上喇沙要有嘅配餸都齊虎蝦味新鮮度還好但索價稍貴（銅鑼灣地段都係食緊租金）魚皮「炸」通菜誤以為係炒通菜點知係「炸」通菜大大塊菜葉拎去炸，大開眼界但呢道小菜太熱氣，普通炸物，冇特色可言而且要$8X，性價比超低👎🏼👎🏼囉喏（新加坡沙律）之前有食過，呢度嘅生果算新鮮，味道亦都唔錯，但生果同油炸鬼比例勁唔平均圖為食淨嘅油炸鬼，佔左2/3⋯⋯頗為失望五香肉卷出面比較少見，味道&餡料豐富同樣係油膩炸物，但同前面嘅食物比呢個算係有特色+好味斑蘭薏米水好味，真材實料，建議揀少甜味道會較清甜最後2人埋單$4XX，滿意嘅係五香肉卷&飲品，其他一般/唔知食緊乜性價比低，唔會回頭

這家店是主打新加坡菜，菜名都從未聽過，很特別，非常有意思，看到了菜單都想多點幾個菜品嘗一下。#### 奶油麥片老虎蝦外層裹上麥片，增加了脆脆的口感，還將奶油麥片的香氣與蝦肉的鮮甜完美結合。咬下去時，麥片的脆感與蝦肉的肥美嫩滑在口中交融，令每一口都是味蕾的盛宴！#### 辣椒蟹醬配饅頭蟹肉鮮嫩，帶有海洋的清新天然甜味，混合辣椒醬後，微辣與蟹肉的鮮甜形成完美的搭配，沾上炸饅頭後，吸附了蟹醬的精華，讓每一口都充滿濃郁的風味！#### 咖啡骨咖啡骨是一道將豬骨與咖啡完美結合的創新菜品。豬骨經過長時間的炖煮，肉質軟嫩，肉質的鮮美與醇厚的咖啡香交融，真是好適合咖啡迷！#### 豬油蒜蓉炒秋葵豬油蒜蓉快速翻炒秋葵，洋蔥和紅青椒，自然風味濃郁，鮮亮的色澤，秋葵清脆滑嫩，令人食欲大開！#### 沙爹串外表微焦，香氣四溢，肉質保持了多汁的口感。沾上沙爹醬，濃厚的醬料與肉串的味道相得益彰！#### 玫瑰精華Cocktail粉紅色如夢似幻，品嚐時是微微的玫瑰花香，果汁的清甜！不僅賞心悅目，更是味蕾的奢華享受！#### 美祿爆炸杯上堆滿圓碌碌的朱古力球和一塊朱古力餅乾，朱古力味香濃甜蜜，豐富的層次感