A.T.A.S

营业中

休息中

走進ATAS，彷彿進入了一家新加坡餐廳，樓高兩層，一入到餐廳，員工們立即幫我地搵位，上菜速度快👍【白雪牛油骨】價格：$128白雪牛油骨是ATAS的招牌之一，質地嫩滑，每一口都能感受到濃郁的肉香與脂肪的甘甜，外層撒滿了椰絲和，入口時帶來一絲微妙的香甜，令人回味無窮😝【叁岜海鮮炒飯】價格：$138.0炒飯中融入了多種海鮮，如蝦、魷魚、魚乾等等，飯粒炒得粒粒分明😉【咖椰爆醬】價格：$68.0咖椰爆醬是創意菜品，將傳統的咖椰醬與爆醬結合，創造出獨特的口感和味道😋【玫瑰露】價格：$28.0玫瑰露以玫瑰花瓣為基底，調配出獨特的玫瑰香氣，口感清新，帶有一絲自然的甜味😎【美祿爆炸】價錢：$58美祿爆炸帶來了一種爆炸性的味覺體驗，每一口都讓人驚喜連連🥳好味指數：9/10 性價比指數：9/10

原來就係我舊公司附近😂 同小胃女性朋友分吃叫左兩個Main 食下野傾下連咖啡骨($128): 見Openrice 見到好多人讚,我地都叫左一份🤭一碟大概大8-9舊,咖啡味道偏濃! 估唔到咖啡都可以做咸食😲海鮮盛宴($258): 算係海鮮雜燴,有大蝦,青口,花枝片,蜆同蝦仁~不得不說佢個咖哩都好香~甚至吸引我想叫碗飯去撈🤩美祿爆炸($58):應該算係依到Signature既飲品~ 真係超!足!料!足料到本身想抽起匙羹去攪勻都有困難🤣🤣一抽起d 美祿波波就會跌到四圍都係🤣🤣🤣同埋美祿粉多到飲到一半都好飽🤣🤣🤣Btw,佢地個肉骨茶係白胡椒口味~ 仲要勁重手👍😂😆

價錢合理 係銅鑼灣呢d地段 週末午市套餐$88內都食到 重點係份量都幾大 選擇多 食完好滿足😋咖啡骨 ($128) 份量不錯 排骨好淋有好juicy 滿滿的肉汁！咖啡味幾特別 仲有一層薄薄的脆皮/炸粉 果然係招牌菜👍🏻板面（$88） 闊麵好煙韌 個湯唔會太咸 偏清但係配埋炸蒜、魚乾、肉丸、醃菇、等等 仲有蛋花 令到個湯味道更加豐富👅 咖央多士🍞（+$38）滿滿的咖央醬 又好似有少少檸檬汁(?) 甜酸甜酸 中間夾住一大舊牛油🧈 食落超級邪惡😈多少薄薄哋 脆卜卜 呢個絕對好滿足飲品：斑斕奶茶（$33）- 我覺得呢杯麻麻哋 無咩奶茶味 但係斑斕味都幾香 下次可能會試試咖啡☕️美褖爆炸（$58） 味道：😗😗😗😗/5📍A.T.A.S (銅鑼灣)地址：銅鑼灣邊寧頓街9-11號登龍閣地下C2號舖

人氣新加坡餐廳相當受歡迎🇸🇬老闆是新加坡人，主打正宗地道菜式🧑‍🍳價錢親民。不少人為此慕名而來😃咖椰多士是餐廳的招牌🥪味道清香，食落花生醬味味道香濃又不會過甜。喇沙配料有蝦肉、魚蛋、魚片🍜雞蛋及豆卜，相當豐富😙魚蛋爽口彈牙，湯底椰漿及香料相輔相成♻️微辣有後勁，參參麵索晒湯底掛汁又惹味🥹海南雞飯富有爽彈雞皮及嫩滑的雞肉🍗附上泰式酸辣醬汁蘸點，提升味道🌶️油飯配以濃雞湯及香料烹煮，份外好吃😋囉喏是一種混合蔬菜🥬水果、魷魚及油條的沙拉🥗淋上以蝦醬、辣椒醬、糖的醬料🧂風味濃烈，十分惹味😍飲品方面，美祿爆炸是人氣之選🏅整杯鋪滿美祿粉、朱古力波波和曲奇🍫加上甜甜煉奶，味道邪惡😈班蘭咖啡順滑入口，亦留有斑蘭香，比普通奶茶清新🤗

今日去咗銅鑼灣呢間主打新加坡菜，全部菜色冇加味精嘅餐廳。走上樓梯就好似去咗新加坡旅行咁餐廳內部非常闊落，坐得好舒服。仲好有東南亞熱帶風情今日試點咗四道菜同兩杯嘢飲。麥片老虎蝦Cereal Tiger Prawns美味的老虎蝦，外層裹上香脆的牛油麥片Luscious tiger prawns coatea in crispybutter cereal crust that will leave your taste buds roaring for more 呢度菜可以連蝦殼食，鮮味十足。月光河粉Moonlight Horfun月亮代表我的麵Silky smooth noodles with raw egg in the middle to represent the moon. 撈埋中間嘅蛋黃一齊食，河粉即刻滑成倍。Oyster omelette 蠔仔煎食到啖啖蠔香，啖啖蠔肉鮮炸咸蛋黃魚皮蛋黃鮮味夠晒過癮美綠爆炸Milo Explosion係升級版的美祿恐龍Upgraded Milo Dinosaur美綠味十足柑桔水夠晒refreshing

<A.T.A.S> 📍銅鑼灣🔸家庭式新加坡菜 🇸🇬🔸二人豐盛晚飯套餐都係$388起 咖喱海鮮盛宴 — 大大盤海鮮上檯 ❣️ 用料新鮮，大蝦都有手掌大小，食落零冰鮮味 🥴 其他食料混和喇沙辣椒口味好夾 🌶️ 鹹蛋骨— 鹹蛋骨外皮酥脆，內裡肉質細嫩，鹹蛋香氣十足。調味適中,不會過於油膩或鹹,是一道不錯的風咪坡菜小吃。炸饅頭係配餐先有，好耐冇食過 😆😆😆 好味！！！ 最尾仲有餐茶，叫左一杯斑蘭奶茶 😯 驚喜地順滑又有特色。

今日約咗老公食lunch，去咗銅鑼灣呢間食星加坡菜嘅餐廳，有lunch set。我哋各人嗌咗一個set，再追加兩款小食share。喇沙呢度嘅喇沙好正宗，花生香味濃厚，少少沙嗲嘅感覺，加上椰汁同埋夠辣，新加坡嘅味道出晒嚟。我哋揀咗米粉，口感好好，好掛湯。配料好豐富有白魚蛋，炸魚片，幾隻彈牙蝦仁，同埋勁吸湯嘅豆腐卜，仲有半隻蛋超豐富。海南雞飯呢度嘅海南雞飯係有骨嘅，雞皮爽滑，雞肉有雞味，而且唔嚡，底下還放有青瓜片吸汁，好入味。飲海南雞嘅醬料有齊三款，我自己就最鍾意就係黑醬油加薑蓉。個飯唔會好油，充滿椰汁嘅香氣，食落清爽又好味，齋食個飯唔駛餸都食得津津有味。薑黃炸雞翼我哋套餐加配嘅小食，炸得非常香脆，雞皮下已經沒有多餘嘅脂肪，皮脆肉嫩。咖椰多士另外我哋仲加配咗呢個多士，非常非常邪惡，每件脆脆多士入面都夾住勁大勁厚嘅牛油加上惹味嘅kaya, 想唔好食都難。美祿爆炸飲品方面老公叫咗普通嘅美祿，而我就叫咗呢個升級版嘅美祿爆炸，好大好靚一杯。美祿上邊鋪滿左美祿穀物脆脆，再灑上美祿粉，再有塊夾心餅，超邪惡好味。食完呢個滿足嘅lunch，補充能量，我哋又各自去繼續返工。

咁岩同朋友行開銅鑼灣，就搵左呢間新加坡美食🥰，餐廳環境都幾闊落，整體食物都夠哂地道，好有當地風味。叁岜小炒皇韮菜，蝦乾，菜脯，魷魚，蝦仁，花生江魚仔入面材料都好豐富，海鮮滿滿，食落鹹香味足，超級惹味好食🤤白雪牛油骨賣相已經好吸引🤩，一上枱就聞到好香噴噴，件件juicy厚肉，肉質都幾嫩彈，夠哂入味，出面仲有大量椰絲，食落陣陣椰香，再配上牛油香，奶滑香口大蝦喇沙湯頭好香，入面有油麵同米粉，口感豐富，大蝦蝦身都夠大隻厚肉飲品，一食星馬菜系列都必會叫美綠飲🤣，美綠爆炸，濃郁到爆既美祿，超級滿足朋友就叫左杯青檸茶，清爽好飲，岩哂夏天😉

今日想食新加坡嘢，喺OpenRice 🔁 見到間A.T.A.S剛巧在我附近，就嚟試吓呢間嘅午餐先。🥤 玫瑰露恐龍中間粉紅色嗰層充滿玫瑰香味，上面頂層充滿大量米祿粉，而最底層就應該係煉奶，整個飲品相對較甜身。🍴 喇沙呢碗喇沙好足料，有豆卜、魚片、魚蛋、蝦和雞蛋、而且湯底好香濃，椰漿味夠晒十足，勁惹味。🍴 咖椰多士麵包烘得好鬆脆，中間果層就係最邪惡嘅牛油同咖椰醬，味道一流，但真係好邪惡。🍴 黃薑雞中翼一啖咬落去，首先感受到雞翼炸到外皮嘅鬆脆，又帶著啖啖黃薑粉嘅香氣，而雞肉又夠晒嫩滑。

叫咗個二人Set - $418辣椒蟹醬配饅頭炸饅頭外脆內軟辣椒蟹醬份量都幾多而且幾惹味不過好似有啲稀就咁沾會沾唔到要搵匙羹幫一幫手放上個饅頭度囉喏同朋友都唔知呢個係咩嚟好似幾新奇咁所以就決定試一試原來佢係一個沙律入面有唔同嘅配料有啲水果，又有啲脆脆同埋炸豆卜嗰調味就酸酸甜甜咁好開胃麥皮老虎蝦 - +$30老虎蝦好大隻肉質結實鮮甜蝦頭都有好多好香嘅蝦膏平時溝水溝奶嘅麥皮就食得多就咁乾食唔知大家又有冇食過？原來都幾好食少少甜甜地咬落又脆脆地好似食緊啲好健康嘅薯片咁咖啡骨呢個有驚喜呢個骨嘅咖啡味好出苦中帶甜鍾意飲咖啡嘅人應該會幾鍾意呢個味個Ribs都好滑而且啲肉唔會黐骨食起上嚟都唔算麻煩叁岜通菜通菜唔會好老個調味都幾好少少辣咁幾惹味斑斕奶茶 - $33斑斕味唔係好出奶茶飲落又有啲淡味-美祿爆炸 - $58美祿波波又勁多粒好有童年回憶個味都幾濃

係香港少見的新加坡菜，係銅鑼灣就有一間，今晚就約埋朋友一齊去試下。Seafood Extravagance 海鮮盛宴$258聽個名就知巴閉，豐富海鮮，咖哩醬汁唔算太辣，味道濃郁，香味撲鼻，同已拆蟹肉蟹膏完全咁融合。有超大隻虎蝦4大隻，大蝦頭豐富蝦膏，肉質爽口，鮮味滿滿。花甲完全冇沙，係醬汁底下索哂汁好惹味。蘇東即係魷魚，份量都好多，切成細段更易入味，完全唔韌。年糕係底，索哂辣汁精華，食到停唔到口。魚片同魚旦爽口彈牙，同辣汁完美配搭。洋蔥三色椒等蔬菜滿滿，健康之餘口感更豐富。粟米超甜超甜，粒粒飽滿彈牙。Coffee Pork Ribs咖啡骨$128咖啡骨真係第一次見，有成7-8條骨，咖啡味濃，估唔到同豬肋咁夾，而且肥瘦均勻，肉質好冧好入味，一咬就開，食落完全唔乾口，咖啡同油香結合夠哂創新。Ban Mian 海鮮板麵$88材料十足，有虎蝦、青口、肉丸、半熟蛋同炸魚仔，板麵似刀削麵咁，煮得軟硬適中，偏闊身更易索湯汁，口感順滑Q彈。斑斕薏米水夠哂消暑解渴。玫瑰檸檬配搭特別，顏色好搶眼，味道夠清新。📌A.T.A.S地址：銅鑼灣邊寧頓街9-11號登龍閣地下C2號鋪評語店員友善好客食物夠新穎環境企理

海鮮盛宴 $258有啲類似西式嘅shake shake海鮮，呢個海鮮盛宴材料超豐富，包括：老虎蝦、蝦仁、花甲、青口、蘇東、蓮藕、粟米、秋葵、年糕、魚蛋、魚片加上當中嘅靈魂-新加坡辣椒蟹醬，味道集咸、辛、甜、鮮於一身，所以海鮮都沉浸於濃郁醬汁之中，非常惹味咖啡骨 $128咖啡骨係餐廳其中一樣招牌菜，味道非常特別，甘中帶甜，而且肉質軟腍，啖啖肉一咬即開🐷海鮮板麵 $138板麵係新加坡常見嘅麵食之一，湯中有溫泉蛋、肉碎、江魚仔、菇菌，更加有大蝦和青口，味道更加提鮮泰國象啤 $32玫瑰青檸水 $28 班斕薏米水 $282款特飲甜度適中，味道清爽，岩晒而家熱辣辣嘅天氣飲🧊

又是自己單獨吃晚餐的日子～今晚想吃點沒吃過的菜式，所以找來了這間新加坡菜😳正式坐下前都還不太清楚到底時吃什麼的😂感覺新奇又有趣～看到餐牌上的海鮮盛宴很吸引，但因為只有自己吃怕吃不完🙈所以決定選其他～看到名字的時候不太懂😂後來上網一查發現原來是醬料marmite的諧音🙈醬汁是以marmite為主再配以蜜糖、醬油、芝麻等的調料製作而成🌟味道鹹鹹甜甜的♥️雞塊經過油炸再裹上醬汁，口感依然香脆，肉質嫩滑🌟對於喜歡粉麵的我來說，看到餐牌有寫是招牌麵又怎會不吃看看😂選了辣椒椒面～是用手工製麵條再配上豉香蝦米辣椒醬、碎肉、蔬菜、江魚仔和溫泉蛋等材料配成的一碗拌麵🔥拌勻後蝦米和江魚仔的鹹香味很濃郁🌟板面口感滑溜有彈性👍🏻阿婆真的很愛美祿🙈看到這杯美祿爆炸鋪滿了美祿粉、可可球還有美祿餅乾～表示很愛🌟味道超濃郁🔥

每次講起新加坡菜都會諗起呢間餐廳😋因為香港好多馬來餐廳，但係正宗新加坡菜就好似比較少🤔今次weekday lunch嚟食，套餐都幾抵， $88有個主同埋嘢飲，仲可以加錢追加小食🤤 - Lunch set-喇沙：$88味道勁香濃，好香椰漿味，亦都因為係正宗新加坡味，所以好夠辣🌶️麵係用左油麵，材料好豐富，有好多豆卜、魚蛋、魚片、蝦、蛋啲蝦好大隻👍🏻👍🏻魚蛋亦係新加坡魚蛋，好彈牙！ - Lunch set-肉骨茶：$88好特別嘅肉骨茶，因為加左蘿蔔，味道mild左，入口冇咁辣，但都有好香嘅胡椒味，食完唔洗怕太躁👍🏻 - 小食- 黃薑炸雞翼：$22雞翼炸得勁脆！就算擺耐左都係勁脆！鐘意香口野嘅人唔好錯過🤓 - 小食-咖椰吐司：$38用左正宗嘅黑麵包，烘到好脆口😋中間有好邪惡嘅好大舊牛油同咖椰最正係雪到凍冰冰！夏天食一流🤤 味道：🤤🤤🤤🤤🤤/5性價比：🤤🤤🤤🤤🤤/5

今日中午發現銅鑼灣嘅一間東南亞餐廳，餐廳裝潢簡單素雅，綠色佈景有種置身於大自然的感覺，用餐時環境安靜清幽👍🏻點了沙爹米粉，米粉Q彈有勁，吸附了香濃的沙爹醬汁，與滑嫩的魷魚、彈牙的蝦肉、嫩爽的豬肉片以及脆脆的豆芽菜完美融合😍朋友點了喇沙，濃郁微辣的喇沙湯頭醇厚鮮美，麵條有嚼勁不會過軟～湯中的大蝦肥美彈牙，魚片Q韌可口，香噴噴的豆卜好綿密，不錯😆黃薑炸雞翼，外酥內嫩的雞翼配上帶有微微酸甜的黃薑醬汁，香氣四溢，好開胃！最特別是小食囉喏是新加坡的傳統小吃，新鮮的時蔬和水果被切成適中的塊狀，包括蘋果、青瓜、油炸鬼等，然後淋上濃郁的黑色醬汁，酸甜鹹並濃，層次豐富👀