AGE Cuisine Express (已搬遷) 新店位置

住鰂魚涌的阿姨帶我去食晚飯，餐廳原來在工廈的11樓，樓下完全睇唔到廣告牌，真係去到門口先知食乜。食西餐。餐廳光猛，座位寬闊，食物美味。想不到工廈的西餐如此高質，價錢不是最平，不過份量足。★特濃黑松露野菌忌廉湯★$58：呢個湯好得。黑松露非常香濃，與野菌味非常合襯。吃到菇菌的粒粒，很有口感。盛湯的碟有深度，配埋鬆軟的餐包，夠曬份量。講真，當時真係有不如飲多碗湯唔食飯的衝動。★費倫天拿式菠菜焗生蠔及薯皮★$72：生蠔放在薯皮上焗，表面是菠菜和芝士。薯皮和菠菜焗得剛好，連同生蠔吃多汁可口。只是生蠔的大小不平均，其中一隻好迷你。★煙三文魚牛油果醬蘋果沙律伴腰果仁★$86：好大碟的沙律，有不少三文魚。雖然基本上是油醋醬，牛油果醬不特出，但都好開胃。★香草紐西蘭羊架伴蕃茄薄荷汁★$238：羊架有少許筋位，未算好腍。而羊架下的薯蓉非常非常好食，一來它本身很滑，二來吸收了羊架的味道，加埋翠玉瓜的清甜，好正！★意式奶凍配芒果甘露★$44：甜品用外賣碗上枱，有點奇怪，不過奶凍好滑，芒果醬有好濃芒果味，而且好大杯，忘記那個膠碗吧。知道工廈有美味西餐後，會再來，試下意粉和薄餅。

之前已經午餐時間食過一次，午餐有套餐大約$70左右有六七個選擇。今次試晚餐一家四口來，沒有之前評語講到服務咁差，都無大音量廣東舊歌，今日都係播d九十年代千禧英文歌。兩大兩小食量，叫左個Margarita pizza, 香烤魷魚墨魚汁飯，肉丸意粉，蝦多士，龍蝦湯，黑松露磨菇湯，巴馬火腿凱撒沙律。 pizza 水準之上，不是預制組件。墨汁飯個魷魚超香口，墨汁好多好濃郁。兩個湯都好夠熱，味道好香濃。肉丸意粉有適量香草味加埋肉醬蕃茄，味道十分配合。 最重要是所有的熱盤，包括湯， pizza, risotto 都好夠熱。有機會一定會再來。

之前在隔壁返工時候，中午就喜歡來這裡吃飯，轉眼間，搬到太古都快大半年了，還是想念這家西餐，放工特意過來吃。 在這個供應過剩的年代，能夠常情確實不容易。 是日精選餐湯 44南瓜忌廉湯，很暖胃還有配麵包🍞 凱撒沙律 82新鮮蔬菜可以幫助腸道健康，調味也很豐富。 水牛城雞🐔翼 76念念不忘的雞🐔翼，終於又吃到了。 煙三文魚牛油果醬，蘋果🍏沙律 伴腰果86很豐富多彩的口感，喜歡清新的蘋果和蔬菜。三文魚補充了蛋白質和大量營養。 焗露筍 76又是健康食品。 意式奶凍配芒果甘露 44甜品拉高了整餐飯的幸福感。 今晚之後，又要開始努力吃素了。AGE Cuisine Express鰂魚涌英皇道1065號東達中心11樓1104B室

朋友喺太古城收工帶左我去食呢間咁隱蔽嘅工廈西餐廳食晚飯😳佢唔帶我嚟我都唔知呢度有得食野🥳呢度傾計真係一流，好舒服😌-特濃黑松露野菌蘑菇湯（$58）呢個湯真係好濃郁🤩勁好飲好足料呀！💯-水牛城雞翼（$76）啱啱炸起脆卜卜，外脆內多汁，有少少辣辣地又唔會太辣，好鍾意食呢種口感，有時都好驚食到啲油淋淋嘅雞翼，呢個食完想再食😋-㊙️秘汁和牛pizza（$182）即叫即整😚佢個秘汁甜甜地真係幾好食，Pizza最緊要就係嗰醬🤩🤩唔知有冇人同我想法一樣呢🤪-流漿芝士牛肉，火腿漢堡伴炸薯條（$148）啲醬流哂出黎好吸引🤤漢堡上面仲有個窿放左小小火箭菜好貼心💕好驚啲薯條放到上枱凍冰冰淋哂，作呢度炸薯條都係即炸🥰

做人久不久都需要一點儀式感，尤其食西餐，最能夠體現人們對「食」的追求。加$48 就可以跟餐送你餐湯、野飲同甜品，很是高興！🐷‪ 𓌉◯𓇋德國酥脆咸豬手伴普羅旺斯式酸菜及薄荷番茄汁 $178份量又真係幾多喎，外層做到又脆又煙韌，肉質都好淋好嫩滑。特登上網搵吓咩叫普羅旺斯，search到嘅大概就係電影五星級大鼠入面嘅的普羅旺斯燉菜(ratatouille)。不過我都係唔知個選材係點整，不過又同個豬手幾夾囉‎(´-ᴗ-⸝⸝ก)再加埋個薄荷番茄汁一齊食，超級惹味，感覺上好地道好正宗！酸酸地又可以中和返啲咸味，一解油膩，極之吸引。🦀蟹肉扁意粉配蟹膏忌廉汁 $128一見到有蟹之類嘅意粉，通常我都會點嚟食，唔覺得好吸引咩𖦹 ̫ 𖦹碟嘢一上枱就聞到好濃嘅蟹香，夾起就有超多忌廉汁，食落口蟹膏嘅鮮味出晒嚟，係呀我食過都最濃最足料嘅蟹膏意粉！識食一定係食蟹呀( ⋅֊⋅ ).ᐟ.ᐟ+$48 跟餐湯同甜品🫕🧁個湯睇落平平無奇，又冇乜裝飾咁，點知食落去大為驚喜！鍾意食菇菌嘅朋友一定勁鍾意呢個湯，食落去仲有磨碎左嘅牛肝菌，超級好飲ˊᵕˋ至於個甜品係榛子味，食落去有陣金莎feel，蛋糕層層分明，唔會太甜太滯！呢餐真係食

本人很喜歡來這餐廳，它離我公司有小小距離但不遠的。因為坐位不多所以環境較靜，傾偈舒服。但因為坐位不多，最好打電話book定枱係lunch time時段。它的bugers好味，我多數食魚聊burger伴薯條，個魚聊burger既sauce好好味。今次試了新野 - 炸雞risotto 同埋pizza。每碟平均大約hk$8x 跟湯同餐飲，份量是足夠的。但Suggest 可以試下用燒雞with燒雞sauce 咁樣個risotto 味道可能會出d。會再黎P.S 服務員好似長期不爽的樣子但佢其實是無野的。

晚餐時間來光顧食客得一兩台Order左個 豚肉番茄乾菠菜番茄忌廉汁意粉$109幾好食！都多料意粉煮得幾好同埋燴紐西蘭羊後膝 $188好大舊！味道都幾好食，肉質好淋雖然都係會有種淡淡的羊肉騷味下面會有薯蓉墊底整體Ok  不過五算太好羊肉 所以一般般其中一個加左$48 upgrade做dinner set 會有daily soup+ drinks +daily dessertnot recommend to upgrade,only 湯過得去，其他野都好麻麻麻麻，個餐包難食到，完全搞唔掂甜品都係垃圾但個重點黎了 明明係食西餐 成間鋪頭都係到播埋d 6 70年代好出名Ge粵語歌。。。播足成晚又要勁大聲完全當無客係到咁唔知自己去左邊-.-成件事都勁奇怪勁詭異心霖，大佬我用500幾食西餐唔係聽你播埋啲咁嘅歌🤔同埋d服務都好麻麻。。奇奇怪怪甘唔太想理你食物ok但絕對唔會再黎强行逼食客陪你聽埋啲懷舊金曲cls😅諗起都覺得弱智。。。

當日整天都在鰂魚涌工作，所以晚餐都係喺鰂魚涌附近食～ 晏晝先食咗中菜…夜晚就食下西餐啦🥳店內主要分開咗兩個用餐地方：當晚去到餐廳Order左：1️⃣ Risotto & braised pork cheek meat （$148）作為今日餐廳晚餐時段嘅第一位客人，落左order後都等左將近25分鐘嘅時間🙈證明食物睇真係即叫即整，肚餓嘅小朋友真係要比耐性等等🐽🙊 豬面頰肉煮得好軟身，咬落仲有少少嘅醋酸味😌 呢度嘅risotto飯粒比起一般食嘅係偏硬，但我反而覺得咁樣幾有咬口🥰2️⃣ Chocolate Brownie （$42）平時食開Pacific Coffee嘅Chocolate brownie，相比之下就覺得呢一間嘅食落比較似蛋糕，因為真係幾濕潤，有輕微芝士蛋糕嘅質感，而甜度係剛剛好既😌

服務態度其差 上到去門口 無人理正常入去問 請問有無位 個4眼老細話唔係你問有無位 係要訂位 態度十分之差 請問冇咁串 態度非常惡 喺出面排隊等咪得囉差都爆 門口無人招呼 一定以後唔會再幫襯超級劣評唔會再嚟

8月16晏就打電話落黎book枱 係一位先生聽電話 當時態度已經十分惡劣語氣差到 從來未試過連book枱都要受氣好唔耐煩 幻想唔到落到黎食野你啲職員會點對待啲客頭先係電話就當我狗咁喝我 基本禮貌都冇 餐廳老闆如果你趕客 你請岩人

今次黎到呢個比較僻dd既西餐，overall都好食，尤其係個意粉！仲要係招牌菜！唯一樣要彈既就係佢比枝飛雪既樽裝水你但原來要收20蚊！係無講過既情況下要咁樣收20蚊一樽，我就覺得唔係咁好同埋太貴啦

10個同事一齊黎lunch🙈已經包辦左半間餐廳既位置😂坐得舒服，食物質素都不錯👍🏻下次要試其他款🤩紐西蘭雪魚柳漢堡配蜜糖芥末醬伴法炸薯條($76)🍔Burger size 夠大魚柳都好大塊‼️冇乜雪味同個粉都唔會好厚👍🏻👍🏻🍟薯條份量超多但略嫌炸得燶佐少少🤏上餐速度都快呢樣對一個鐘食飯既打工仔十分重要😂記得要book位喔🤣為食指數: 3/5性價比指數: 3/5推介指數:3/5

去觀塘嘅話就喺駱駝漆食嘢食得多估唔到喺太古城都有工廠大廈有嘢食㗎喎🤩見到前牌有人介紹過呢間西餐今日去開果頭諗唔到食咩就去試吓😋雖然餐廳唔係話好大可能擺得嗰10張以內嘅枱🤣如果真係想食就建議大家book定位因為我哋去到嘅時候都係得返兩三張枱如果專登去食但係食唔到就唔好啦😉👧🏻 #feiching_foodie西餐👦🏻🌟德國酥脆鹹豬手伴普羅旺斯式酸菜及薄荷番茄汁 $178豬手嘅皮揸得非常之脆口😋 但係份量就稍為有啲少 可能係去剝埋骨嘅關係視覺上好似少咗好多咁🥲🌟燴紐西蘭羊後膝 $188整體來講都幾好食 有啲部份仲特別淋唯獨是係有少少騷味🥲其他都冇乜大問題📌 AGE Cuisine Express (太古)太古英皇道1065號東達中心11樓1104B室🚇港鐵太古站 A出口 步行約3分鐘等候時間🕰 0 mins📍#太古

如果唔想成日食大型連鎖餐廳，鰂魚涌同太古既午餐選擇一向都偏少。今日難得約左朋友係太古附近午餐，上Openrice search，偶爾搵到宜間就試下。餐廳係工廈內，唔算難搵。Menu 除左大路既西餐、意粉，比較吸引我嘅係愕地既burger set ，餐湯、burger連薯條都係$70-80左右，太古附近黎講，非常ok。叫左個魚既漢堡，黎到都好大份，魚柳唔會炸過龍，仲好滑。而薯條都係熱辣辣，份量仲好夠！最後加多$8仲有餐飲，叫左杯咖啡，一樣無失望。總括嚟講，CP價 如果再經過一定會再食！

之前上網睇食評，一直都好想去呢間位於鰂魚涌工廈嘅餐廳。百聞不如一試，果然不負所望，食物味道同服務態度都好好，屋企人都好滿意，仲話要帶啲朋友嚟食😆點咗秘汁燒沖繩豚肉眼扒煮雜菜set dinner ($258)，前菜有意大利蕃茄雜菜湯同乾蕃茄餐包。餐湯味道濃郁，暖暖嘅餐包都好香。主菜豚肉眼扒肉質鮮美，略帶酒味嘅醬汁甜甜地，薯仔表皮似薯角脆炸嘅口感，但內裏嘅薯肉係燒薯嘅口感，有驚喜😋 蕃茄仔都好爽脆多汁另一道菜點咗燒豬臉頰肉意大利飯($148)，豬臉頰肉嫩滑軟腍，加上芝士條同牛油，味道非常香濃，個個都欣賞，仲話要食多兩啖👍🏽 另一道菜係豚肉蕃茄乾菠菜忌廉汁扁意粉($106)，蕃茄忌廉醬汁香甜濃杰，豚肉都幾滑，仲有芝士條同青瓜小黃瓜，色彩鮮艷又好食😋最後有餐飲同甜品，咖啡不錯，雪糕蛋糕都好好食，蛋糕中間有少許醬料內饀食物份量剛剛好，不多不少，係好滿足嘅一餐