Alchemy ORIGIN

营业中

休息中

推介一下在太古附近，週末人不算多的高質Cafe✨️宜家好多Cafe都比較小同窄，呢間係太古坊二期的隱蔽Cafe是我每一個月都會同朋友去的選擇🤣💗木色設計店內非常大，有落地玻璃，而且好多圓角檯非常打卡！● Mocha 因為對咖啡豆認識不算好深所以選擇alchemy blend, 另外有巴西咖啡豆blend選擇呢！喜歡可以轉植物奶～♡這次點了牛奶L大小 濃厚而且拉花維持很久！● 青醬雞胸肉沙律 每次必須叫（笑）全港最抵食唔講笑🤣90幾有勁多塊雞胸肉同沙律。新鮮而且可以醬另外上。雞肉依舊juicy夠軟值得讚。● 宇治抹茶生酮甜品 （推介）屋企人糖尿病好怕食甜品🥲呢個用仙人掌糖整，真的低碳水和低糖，完全不會甜！！反而有宇治抹茶原本的味道。鍾意食京都苦抹茶雪糕的一定要試試QR落單有加一，但店員都會拿食物到檯面，所以整體可以encore!洗手間很乾淨💗✼••┈┈••••┈┈••✼🇯🇵𝕂𝕦𝕣𝕚𝕟 𝕚𝕟 𝕁𝕒𝕡𝕒𝕟美食好去處分享 : #Kurin東京攻略↑右下Bookmark收藏🔖(ᐡ•͈ ·̫ •͈ᐡ ) Like 保存✮↑follow我 @puddingfoodhk 同like💌是我的更新動力喲✼••┈┈

放工想輕鬆一下，又去左公司附近一間充滿非洲風嘅咖啡店咖啡店環境用上非洲夯土建築方式計設，瞬間置身於非洲紅土屋店空間感十足，環境舒適，適合休閒慢活地去品嘗咖啡美食餐廳提供精緻西餐主食、全日早餐、多士、沙律、奄列、意大利三文治及甜品等美食食品方面:青醬雞胸沙律配檸檬醋醬 : 雞胸份量超多，慢煮雞胸肉質軟淋，配上青醬後味道清新，再加上超大份既新鮮沙律，夠曬健康美味煙鴨胸配菠菜扁意粉 : 菠菜味扁意粉口感煙韌，加上忌廉汁、菠菜及鴨胸，夠曬美味烤雞菠蘿漢堡配乳酪醬及焗薯 : 烤雞肉質嫩滑，配上原塊菠蘿、蕃茄、沙律菜及乳酪醬，非常足料，再配埋焗薯做配菜，份量十足自家製香蕉蛋糕 : 外邊焗到脆身，質感結實，濃濃既香蕉味，用料十足自家製咖啡胡桃蛋糕 : 外邊焗到脆身，濃濃既咖啡味，配埋胡桃粒，更有口層美味鮮奶巧克力 : 夠曬冰凍，口感順滑又味道濃郁既凍朱古力網址: https://www.alchemycoffee.net/

假日嘅鰂魚涌相對平日寧靜，係個休閒好地方，Alchemy ORIGIN悠閒舒適嘅用餐環境就啱晒relax一下🔖［ 青醬雞胸沙律配檸檬醋醬 ]最強嘅雞胸沙律雞胸，雞胸份量超慷慨厚切雞胸肉夠juicy，肉質嫩滑帶青醬清新香味配沙律菜、車厘茄，酸酸甜甜檸檬醋醬，健康美味兼備，好少地方食沙律可以食得咁滿足🔖［ 煙鴨胸配菠菜扁意粉 ]同樣係好足料，忌廉汁creamy，均勻掛上意粉調味唔會太重手，剛好中和鴨胸嘅鹹香🔖［ 自家製咖啡胡桃蛋糕 ］蛋糕烘暖上枱，外層微脆內裡濕潤軟綿，正好係我鍾意嘅口感，加上香濃咖啡味，呢件cake無敵🔖［ Espresso Tonic ]

平日lunch遲過12點都好難食到依間cafe，襯weekend去唔洗排隊又少人，可以嘆吓個靚環境，全店以橙紅色流線設計貫通，重點：食物份量可能係全香港cafe 之首😂個個朋友食完都話好大份啊！！！—— 青醬雞胸沙律 $92雞胸份量十足，塊塊厚切！用咗青醬醃夠哂香，沙律配檸檬醋汁好fresh好開胃，蔬菜好新鮮爽脆，健康之選，唔怪之得咁多人叫！—— 煙三文魚牛油果碎三文治 $89未見過啲三文治咁足料😂😂啲餡疊到勁高，牛油果溝埋雞蛋做沙律，就咁同包一齊就好好味，仲有唔少煙三文魚加蕃茄同菜，塊包都有烘過，成個組合超滿足！！！🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️ 📍 Alchemy ORIGIN (鰂魚涌)英皇道979號太古坊二座地下A號舖🔎分類搜尋：#FTHK_西式 #FTHK_鰂魚涌

太古坊二期間Alchmey Origin好大間🤩非常有空間感坐得好舒適，而且餐廳室內用嘅主色調帶比我一種秋天感覺！嗌左個烤雞菠蘿漢堡配檸檬醋醬及焗薯🍔好巨型呀個buger!!!!個烤雞仲要係兩大塊咁疊住架，足料到呢😍而且烤雞嘅調味係用左Cajun粉，好香好惹味！菠蘿食得出係新鮮菠蘿黎，食落亦唔會有渣。好抵嗌呀呢個burger!!咖啡胡桃蛋糕，焗熱左表面微脆好好食！咬落內裏好鬆軟。同埋重點又係比預期中大塊，好抵食！！鮮奶朱古力，連朱古力都拉花拉到咁靚😍未飲都已經好開心。我轉左skim milk,呢杯朱古力幾低糖，勁岩我！！

主食有意粉、漢堡🍔輕食有沙律、自家製蛋糕🍰最緊要係有靚啡☕️靠窗座位獨享大片落地玻璃，好有空間感，適合朋友chit chat或者一個人放空嘆吓咖啡🔖青醬雞胸沙律配檸檬醋醬雞胸肉份量比想像多，同沙律菜各佔一半重點係雞肉嫩滑多汁，相當高質沙律菜新鮮幼嫩🥗加上檸檬醋醬，酸酸甜甜特別開胃🔖咖啡蛋糕上菜前會再將蛋糕烘暖，口感鬆軟，外層微脆而且咖啡味突出，好鍾意香脆合桃，增加咗多一重香氣🔖Flat White可以選配全脂/脫脂/燕麥/杏仁奶，相當貼心靚靚拉花，咖啡順口，味道香濃

Alchemy係一間我幾經常去嘅Cafe啦，原因好簡單—就係因為呢度嘅Panini!!!🤎平時食西餐或者去cafe都好少會有Panini，喺朋友的推薦下我決定一試，真係好好味!! 雖然我食過唔多間cafe嘅Panini，但呢度可以話係我食過之中最好味的🥹之後去其他地方都食唔返Alchemy嘅感覺～所以都會忍唔住要encore再encore🤤🥪檸檬汁烤雞煙肉意大利三文治 (Panini)🥪青醬烤雞特茄芝士意大利三文治 (Panini)☆ Panini即叫即焗，上到黎仲係熱嘅，口感鬆脆；而且雞肉份量非常充足，每一口都會食到嫩口嘅雞肉，無論係配搭檸檬汁煙肉，定係青醬番茄組合，都係perfect match！可能有人會覺得冇咩特別，但個人真係好鍾意💯☆ 我亦試過煙三文魚牛油果碎雞蛋沙律蕃茄三文治，好大份，碎蛋份量好多，但就唔太食得出牛油果位🤣試一次就ok～

第一次幫襯Alchemy都要數到幾年前佢位於鰂魚涌海灣街既小店，Alchemy呢幾年不斷擴充，店舖越開越多，終於Alchemy Origin再次回歸鰂魚涌🥳Latte揀左Alchemy Blend豆，奶泡打得綿滑，拉花真係好靚，飲到底個拉花依然好完整，整杯帶nutty甜感，一貫好飲Uji Ceremonial Matcha Latte用上宇治抹茶粉，味道濃郁，走甜同轉了燕麥奶拉花線條都咁清晰，咖啡師功力真係唔簡單香烤蜜糖鴨胸沙律配檸檬醋醬鴨胸唔會話醃得過咸，肉質都幾嫩，烤既時間拿捏得好好，配以沙律菜同檸檬醋醬，味道清新又健康雜菌黑松露醬芝士意大利三文治炒香既雜菌加上黑松露醬，香味更加濃，加埋mozzarella cheese, 味道好夾無諗過假日都擠滿人，店舖空間大，環境都幾舒適，咖啡食物都有水準，除左咖啡，呢度仲有酒供應，放工後想過黎飲返杯都係一個好適合既地方👍🏼

次次lunch time去呢間食飯 要預咗早啲落嚟或者要罰企一段時間😅呢間都食過幾次 做到忙落耐chill吓係OK嘅厚切意大利煙肉卡邦尼意粉卡邦尼就好Creamy 奶味好重 反而意粉食過幾次 感覺都係煮耐咗 發脹咗偏淋煙肉就比出邊嗰啲係厚切多少少 唔會太鹹 有咬口但冇咩肉香味烤雞菠蘿漢堡配檸檬醋汁及焗薯個漢堡包真係好大份 麵包都係啱啱好烘好 暖暖地好香有兩塊雞扒 雞扒偏滑偏多汁 但雞扒冇咩味 真係正常普通煎雞扒菠蘿 唔太酸好多汁反而唔係幾食到有檸檬醋焗薯就幾好食 好香薯仔味 焗到好香 加咗啲黑胡椒同鹽香草 簡單味道

難得鰂魚涌食晏，朋友介紹揀咗Alchemy Origin，早去大把位，轉眼已爆同排隊。坐得逼，QR code落單，叫咗Cajun chicken and pineapple burger（$128）,唔記得叫走醬，個包都ok，有切薯，但我鐘意薯條🍟多d，餐飲single origin brew,可以😌加奶，香濃咖啡☕️味

🍔烤雞菠蘿漢堡配檸檬醋醬及焗薯 $128 (5/10)好大個，烤雞冇啲人講到咁好食，食落乾身鞋口，個包幾香甜甜哋，係罐頭菠蘿，唔係新鮮，加埋生菜蕃茄，普通唔算好食，但唔油膩！☕️鮮奶咖啡 +$16 (5/10)有拉花，個味好濃幾苦下，帶少少微酸，冇想像中好飲。🍰抹茶生酮忌廉卷 $61 (6/10)口感好特別，蛋糕好碎散，忌廉唔膩比較實，但好重抹茶味會回甘帶苦，感覺唔肥？？？OK的。推薦指數: 5.5/10正常，但唔係好食，勝在坐得舒服🤣

與媽咪嘆下午茶，揀咗太古坊嘅 espresso alchemy，因為環境靚、咖啡有質素、食物又好味。鮮奶咖啡 $39黑單品咖啡 $30一黑一白，一人一杯，媽咪的單品抵飲，自己混的豆，很香。我的 Latte 拉花靚靚，奶香滑。煙鴨胸配菠菜扁意粉 $106好鍾意食呢度嘅意粉，今次點咗煙鴨胸配菠菜扁意粉，醬汁又多又濃超美味！牛肉意式香草包伴蘑菇芥末醬 $110大大個香草包，芥末醬豐富，牛肉蘑菇都好多，沙律配酸酸地的青醬好開胃！ 自家製香蕉蛋糕 $34最鍾意係香蕉味夠濃，夠軟熟。

星期日走到鰂魚涌太古坊的Alchemy Origin brunch, 店子在落地玻璃窗內, 外面看到已經感覺開揚; 坐下用QR code 落單, 看看環境, 天花板超高, 在商業中心區來說算是十分奢侈的空間感，先點了雜菌豬頸肉漢堡配芥末籽醬, 沒想到豬頸肉份量額大份, 夾雜著雜菇很香濃的味道; 加上突出的芥末醬味, 整個漢堡吃來很惹味。吃得半飽就點了最愛的 flat white, 口感豐盈; 喝過後又心思思想叫甜品, 見到有店的自家製咖啡胡桃蛋糕就忍不住點了; 蛋糕本身有香濃咖啡味, 夾雜幾粒胡桃增加口感, 加上用焗的方式加熱才上桌, 令蛋糕來到時帶著濃濃的香味, 非常吸引; 最後再多叫一杯桂花龍井清淡一下, 吃得非常滿足

到鰂魚涌處理保險文件後才有空醫肚, 在OR search到Alchemy 正好有店在附近, 平日多數到尖沙咀分店, 今天終於可以一試; 店正正在太古坊中庭, 由馬路一個轉彎就到, 鄰近都被樓宇包圍, 形成旺中帶靜優勢這店很濃厚中東風味,  流線形的裝潢, 樓底空間甚高, 似乎是眾多分店中空間感最寬敞的天氣熱不可耐, 即時要了杯 iced cappuccino降溫尖沙咀店沒有的豬頸肉沙律配青木瓜絲, 跟平日吃慣的豬頸肉不一樣, 這裡是會切得略有點厚度, 配上微辣的青木瓜沙律, 中和了肉質的口感, 清新之餘也足夠飽肚驚喜見到有尼泊爾炸洋蔥, 滿滿香料味跟洋蔥絲很配味, 比起一般炸洋蔥圈令人回味之前試過抹茶及咖啡, 今次就試生酮花生醬朱古力忌廉卷, 花生醬意外的濃郁又不太甜, 非常合口味

今日過嚟搵friend食飯，揀呢間諗住近佢，不過都幾多人食，1點後嚟都要等多半個鐘至有位。本身諗住叫下pasta食，點知嗰friend 極力推介雞胸，平時啲friend 係無可能叫雞胸食，今日一反常態，就知應該好好食、就叫咗青醬雞胸沙律配檸檬醋醬。果然個雞胸係超滑、超juicy，完全唔似食緊雞胸，配埋啲酸酸地嘅檸檬汁，夠哂fresh。未試過食雞胸食到想繼續食，相信呢度其他嘢食都有水準，下次再嚟試下啲pasta 先