Amica

营业中

休息中

點了兩客午餐，除了主食，還包括麵包、湯或沙律和飲品。麵包：是香草麵包，若把它烘脆應該會好吃得多，跟麵包同上的牛油似乎也加了入了點什麼，但味道有點奇怪。沙律：我們都點了沙律沒點湯，沙律菜尚算新鮮，但配沙律的白汁味道很淡。燒豬頸肉、青瓜、柚子沙律配泰式汁：豬頸肉味道不錯，而且肉質很嫩滑，沙律菜頗多，但當中幾乎找不到青瓜和柚子的蹤影，另外配的是千島醬而不是泰式醬汁，味道雖然不錯，但和菜名並不配合。安格斯牛肉漢堡：這個漢堡就一點都不好吃，因為漢堡內的免治牛肉是完全沒有味道的，我們加了茄醬，又加了辣椒仔，那才勉強把它吃下。伴漢堡的薯角倒是好吃，外脆內軟，味道也好。飲品：最令人意外的是這餐飲。餐飲可選奶茶、咖啡或蘋果汁，我們選的是蘋果汁。這蘋果汁盛在熱飲杯內，竟然是室溫的。老實說，我從未試過在外用餐，點的蘋果汁竟然不是冰凍的。在這炎炎夏日，室溫的蘋果汁是多麼的令人失望呀！

公司介紹lunch time試咗呢間，地方寬躺，枱與枱之間都有一段長距離，感覺食得安心。我叫咗蕃茄手撕豬意粉，仲有餐湯麵包。意粉好彈牙分量超多，手撕豬肉份量都大，感覺非常抵食。餐飲叫咗黑咖啡☕️，跟咗奶同糖一齊上，咖啡質素不錯。我再看一看餐牌上其他咖啡種類，發現佢有好多手工咖啡，亦有好多唔同的拉花公仔，感覺佢嘅咖啡亦都有好多唔同種類嘅選擇。總括而言，餐廳環境舒服，空間感高，餐廳地方大，但不會刻意放好多枱，食得較安心，值得一試。

相隔一段時間再光顧，發現一切質素大幅下降，但價格卻在經濟差的情況下上漲！性價比差，午餐約$120 ，不算太貴，但有更多更多好選擇⋯⋯先說服務，不算太差，但可以說一點都不好，每名職員都無歡迎光顧或喜悅的面色，你入內當然不會說聲歡迎或請坐，都是一臉不願招待的嘴臉，最好少啲人幫襯、少啲嘢做，吃完快快走人，不要再來麻煩我們，相信是這裡員工態度，起碼我叫咗3次俾杯水我都無人理，而且類似情況原來之前有食評都反映過，實在叫人失望！食物方面，雜菜湯清清水，但也不打緊反正我都食得比較清淡一點，但是其他人相信就不太喜歡.主菜係一個雜菌雞肉意大利飯，說實在不太差，但都係相當普通，即係唔見有乜好食，認真的唔難食當然份量亦唔多！講到之後個甜品忌廉布朗尼，嘩出色呀，出色在可以嚇我一跳⋯⋯咁難食嘅！我認為一定差過嘉頓朱古力雪芳蛋糕，質感差，絕對不是正常的布朗尼，似 Cupcake 但有冇朱古力味，唉呀想點！最後咖啡 Flat White +$16的低下之作！首先咖啡豆的質素不高，欠缺口味和複雜，加上沖製技巧差，又無控製好溫度，再低埋賣相，一定差過麥當勞！希望你哋唔好再浪費食材，環保啲啦⋯⋯在逆巿中，相信會汰弱留強

這裡外面看進來貌似很細小，想不到裡面還有個小party房的空間 今日同朋友小聚 有得食有得飲🍻 估唔到🤣 （紅白酒都有）試下佢個77折優惠 - 美式風格燒烤盤有牛有雞有豬有腸仔 🤣🤣🤣之後再補番個甜品即刻full晒😌

今日同媽哥食，叫咗個雜菌蘆筍黑松露意大利飯（簡稱龍汁飯），泰式醬煎雞飯同埋牛柳飯龍汁飯好好食，白色令我聯想起美味，潔白無瑕，好creamy。泰式醬煎雞飯啖啖肉，而且雞肉非常嫩滑，牛柳紅紅地，香濃嘅牛味實在太正。而且每碟飯，好扮嘢咁放咗幾棵草喺上面，除咗顏色上嘅點綴，味度上得以中和。

估唔到！對我自己來講，味道偏啖咗丁丁，之不過已屬好味！龍蝦湯味正 ;牛排按要求4成熟 (好多地方做唔到) ;薯條好好味，有香草 ;魚煎得好靚，啱啱好;雞翼外脆内軟 ;環境因政府麻煩，反見寬闊舒服！服務態度非常之好！

在太子商場逛街逛累的時候，看到這間餐廳，便想進入去試試，吃個下午茶。短笛咖啡朋友因為這個名字很特別，就叫做這杯咖啡。咖啡到的時候，小小的一杯，有點像特濃咖啡。上面做了一個心形的拉花，很是別緻。咖啡一上桌，就嗅到很香的咖啡香味，喝下去也很滑，不錯。紫薯窩夫配雪糕上來的賣相不錯，配料草莓和藍莓作裝飾。窩夫脆脆的，很好吃。雪糕只有雲呢拿雪糕沒有別的選擇。但稍為失色的是，紫薯窩夫沒有紫薯味，被焦糖的味道蓋住了。見到別人吃的西餐，賣相也不錯，下次再來吃的時候，可試試其他的食物。

是日來到位於太子始創中心的Amica西餐廳，慶祝朋友的生日。餐廳面積不大，裝潢設計簡單，當晚顧客不多，所以環境頗為寧靜舒適。我們點了兩個晚餐套餐，主菜分別為煎羊鞍及牛扒。羊鞍煎至七成熟，肉質鮮嫩，脂肪比例適中。牛扒則煎至五成熟，肉質嫩滑多汁，伴碟的薯條也炸得剛剛好，值得一讚。餐後甜品是朱古力蛋糕，濃厚的朱古力味道伴着順滑的海綿蛋糕，絕不馬虎。餐後飲品則了鮮奶抹茶咖啡及泡沫咖啡，賣相及味道均不錯。食品價錢合理，值得一試

假日中午過咗去太子始創中心三樓的「Amica」吃午餐，餐廳環境悠閑，簡潔舒適。午市時段有Brunch供應，款式選擇多，定價適中當日點左兩份午餐，加一客餐湯薯仔煙肉湯湯質地比較稀身，品嚐到煙肉嘅鹹香又有薯仔嘅甜，味道不錯雜穀包餐包翻熱後先上枱，鬆軟可口，有麵粉香，雜錦穀物豐富左麵包的口感，感覺健康全日早餐All Day Breakfast豐富材料分別有：豬肉腸、煙肉、炒蛋、雞扒、蕃茄、炒雜菌等等。半肥瘦煙肉帶煙燻香；炒蛋富有香濃牛油味，仲有唔少蛋汁；蕃茄鮮甜多汁；雞扒肉質嫩滑又滋味炭燒紐西蘭肉眼扒配薯角及藜麥沙律七成熟的肉眼扒肥瘦適中，肉質彈牙有嚼口，牛肉味頗濃郁，且帶有牛脂肪香！薯角金黃香脆，薯肉飽滿！藜麥沙律新鮮爽脆泡沫咖啡☕️牛奶及咖啡比例剛好，濃厚醇香

同老公提早一日慶祝情人節，一黎平d,二黎又可以避人群😁今次擇選左老公公司附近既西餐廳。呢道位置寬敞。，感覺舒適。店員推介左比目魚扒dinner set 同碳燒西班牙黑毛豬扒。呢道dinner set好抵食， 有沙律，湯，主菜同埋跟埋甜品！沙律菜新鮮，蕃茄仔甜美。餐湯加左$12轉龍蝦湯，湯熱辣辣，口感細滑，好香濃好好味😋比目魚， 果然無介紹錯呀！比目魚配北非小米，魚好厚肉。魚皮香脆，魚肉口感非常嫩滑，好好食！炭燒西班牙黑毛豬，都好食，但個人鍾意比目魚多d😆豬扒好厚但一d都唔會”un “，肥瘦適中, 配菜係熱辣辣的粗條薯角，炸得香脆甜品係我地2個都大愛既窩夫，窩夫香脆，配搭左蜜糖，整得相當出色。

因為疫症， 已經有段時間沒有出外晚飯， 今日同朋友親親大自然後一齊食飯短聚下。Dinner Set 選擇頗多，店員推介黑毛豬扒同比目魚。每個set 都送餐包、番茄濃湯及沙律炭燒西班牙黑毛豬扒 配時蔬薯角 $188真的不介紹錯，黑毛豬扒肉質細嫩多汁，薯角香脆可口。紅酒牛肋骨配黑松露薯蓉、時蔬及紅酒汁 $208牛肋骨瘦肉多脂肪少，肉質鬆軟，黑松露薯蓉邪惡又美味。凍紫薯鮮奶 $42淡淡既紫薯味，飲落不太甜榛子咖啡 $38榛子與咖啡係prefect match ，飲落榛子味較突出，口感不錯。精選甜品好驚喜， 無諗過跟餐送既甜品咁精緻。

放假同朋友出左旺角,買完野之後有D肚餓,跟住搵地方食野因為仲要幫朋友買D結婚野,所以去左太子果頭食野會方便D,我地去左始創一間CAFE食野依度叫AMICA,係一間咖啡餐廳,但好有意大利餐既感覺,因為D野好靚首先飲左杯LATTE,拉花係指定動作,但咖啡幾好飲,好有咖啡味,唔錯唔錯朋友叫左海鮮炒飯SHARE食,海鮮粉飯好有口感,入口煙韌,做得好過好多高級餐廳,海鮮都幾新鮮另外個龍蝦湯都唔錯,每人一碗先夠飲,好有龍蝦味,係正宗既龍蝦湯,埋單唔太貴,下次如果有多D時間會食多D野

好耐無去太子食野,今日朋友咁岩約開係果頭有野比我,所以同佢食埋小小野先走大家都放假,所以可以下午茶,當然選間下午茶既餐廳啦去左3樓既AMICA,依度D野食好靚,終於有機會試下環境唔錯,坐得好舒服下午茶唔算多人,可以坐自己鍾意既位佢地個沙律好新鮮好靚,入口好好味,又唔會好多醬汁,做得唔錯另外燒雞飯都唔錯,雞肉好香滑,上面既芝士燒得好香,肉都好滑溜最後既飲品都好精緻,感覺依度所有野食都係一流同好靚,價錢都唔貴,一定會再黎

今日嚟到太子始創睇嘢 咁啱撞到個舊朋友 大家冇嘢做就坐低搵咗間靜少少嘅餐廳食飯~Aimca 採取開放式間隔 唔會有玻璃或者牆間住 整體係明亮有格調 而且價錢睇落亦合理！每個餐都會跟餐湯同沙律前菜嚟講算係唔錯 餐湯嘅香濃加沙律菜嘅清新爽口 開胃又好食！香烤peri peri 辣雞 雞隻用peri peri醬醃過後 味道除咗辛辣外 仲帶點令人食慾大增嘅香氣 雞肉吸曬香料嘅精髓 好入味同嫩滑🥰香煎比目魚配香草北非小麥沙律比目魚嘅魚肉煎得好嫩滑 幾乎係用刀輕輕切一切香脆可口嘅魚皮就可以切開 👍🏻 配菜仲有芒果墨哥莎莎同龍躉蘑菇汁， 完全突顯咗魚嘅鮮味 藜麥粒仲令到魚肉嘅口感更加好

慶祝生日，想搵間別緻啲嘅餐廳，就搵左Amica呢度，座位寬敞舒適，set dinner又唔太貴。好，坐低睇有咩好食先。龍蝦湯，湯夠濃郁，係鹹鹹嘅龍蝦湯味，餐包係法包，配牛油食。田園沙律，沙律菜夠新鮮，仲有蕃茄仔。炭燒西班牙黑毛豬扒，黑毛豬肉質白嫩，夠腍容易咬開，仲配雜菜薯角。燴紐西蘭羊膝，一切落去已經骨肉分離，淡淡羊膻味，感覺到食羊嘅質感，好味！餐飲叫咗熱柚子蜜。窩夫，好脆口既窩夫，下面仲有士多啤梨同藍莓，好有西式味道。