Amica

营业中

休息中

同朋友去始創中心食晚飯，見到呢間餐廳裝修優雅，好像酒店式的感覺，好吸引，是一間座位舒適的餐廳。先叫個小食，香辣青檸炸雞配冬蔭功蛋黃醬$78，鬆脆惹味，微辣，主菜叫了烤大蝦配龍蝦汁意大利飯$148，上枱時，樣貌仿如龍蝦，因為隻蝦真係好大隻，口感好彈牙，意大利飯索滿龍蝦汁味道，好濃郁，又唔會太稠，剛好，蝦頭還有膏。另外叫了M8澳洲和牛芝士煙肉漢堡$168,和牛漢堡好厚身超多肉汁，一切開已見到肉汁流出來，因為用了手打和牛，咬落肉質都好鬆軟，好香牛肉油脂香味，配上大大塊的香脆煙肉和甜甜的竹炭包，好滿足，配菜係熱辣辣的粗條薯角，飲品叫了黑糖咖啡$38，有精美的拉花圖案，咖啡好滑，好香濃。另外叫了杯葡萄柚茉莉日本綠茶$46，茶味香醇。

朋友相敍當然地點很重要，要揀一間旣交通方便又要食物質數唔差的食肆；真係幾傷腦筋。幸好朋友提議太子始創三樓有間餐廳正附合以上兩大原素，而環境清靜優雅舒適，所以大家不約而同地贊成。餐廳提供的食物都多元化，有沙律，漢堡扒，意粉，意大利飯和扒類之外，還有甜品和自家製特式飲品添。M8澳州和牛芝士煙肉漢堡個包是用竹炭包，勝在夠特別。漢堡扒採用M8和牛，身價名貴；而且很厚身。夾上煙肉和芝士咬落juicy，牛味濃郁。慢煮美國 Prime 級肉眼扒(10安士)肉眼扒以慢煮方式烹調，煮後約五成熟；內裏肉色呈粉紅，一D都唔鞋口很嫩滑。烤大蝦配龍蝦汁意大利飯大蝦烤得很香，肉質彈牙。飯很有口感混入龍蝦汁惹味非常。青檸蝶豆花 soda青檸梳打一向都很受女士喜愛貪其清香消膩之感。今次加上蝶豆花令整杯飲品更健康和買相很靚。芒果抹茶soda抹茶飲得多，芒果梳打亦試過；惟獨三者混合一齊都是首次品嘗。抹茶甘香，芒果鮮甜；有氣梳打令我有齊味覺、嗅覺和感覺feel，頗為特別之選。

始創中心開左間新既西餐廳了，食飯又多左個選擇，咁又會多d過來行下。很悠閒的設計，飲杯野嘆下都幾唔錯。蝶豆花白桃玫瑰梳打，靚靚的紫色，令心情很舒暖，白桃味好香甜。凍抹茶鮮奶，抹茶濃郁。價錢就偏貴少少，味道就幾好，食材上用料都高質素，值得既。大啡菇茄子蕃茄醬菠菜闊蛋麵，好健康的一道主食，蕃茄醬同菠菜闊蛋麵好夾。香煎比目魚配香草北非小米沙律，好鐘意呢道主食，比目魚健康有益，口感嫩滑juicy,北非小米很特別，飽肚又健康。

平時好少去始創中心，早幾日同媽咪行完街去食午餐。無意中發現左呢間幾舒適嘅餐廳。海鮮香茄意大利飯呢個意大利飯睇個樣已經好想食，食落去有好濃郁嘅蕃茄味，但又唔會太酸，因為我唔鍾意太酸嘅蕃茄味，所以我覺得味道調較得好好。海鮮有魷魚、蝦、青口、扇貝。澳洲和牛芝士煙肉漢堡我幾鍾意漢堡包係用竹炭包，雖然口感同平時啲包差唔多，但感覺健康啲😆和牛漢堡好厚身，肉味香濃、仲好多肉汁！配埋溶溶地嘅芝士同煎到好香脆嘅煙肉，真係覺得超級夾！薯角都好好味呀，外脆內軟！黑糖咖啡葡萄柚茉莉綠茶

早幾日去咗始創行街，估唔到都搵到間正野！呢間餐廳環境舒適，地方夠大，最緊要食物質素高！員工服務亦都好好！我叫咗個紫薯鮮奶飲，紫薯味重，好香，好滑。芒果綠茶梳打，超重綠茶味，本人不是十分喜愛綠茶都會覺得唔錯。海鮮香茄意大利飯意大利飯好軟熟，粒粒分明，每一啖都有鮮茄味，青口都好大隻！慢煮美國prime 級肉眼扒（10安工）肉眼扒軟硬度適中、屬於高水準的烹調，而且肉汁鮮美，厚薄口感唔錯，附上的黑椒粒，突顯其肉味。#amica

為了幫友人做花球，今日專程去了花墟買花，不經意己揀選了三個小時，真的累了，走過去始創中心，找一下有冇餐廳我末試過的，順道食晚飯。一層層地上，見三樓嚟間餐廳裝修得幾好，翻看餐牌，價格也不貴，就決定了。點了一杯士多啤梨蝶豆花梳打，淨係賣相，色澤已好吸引。有紫有紅，味道清新，酸酸甜甜，透心涼。意大利飯採用龍蝦汁餚製，飽滿的飯粒，粒粒沾滿醬汁，有濕潤感，好正！烤大蝦有手掌大，蝦頭部位爆膏，非常甘香。蝦肉又爽又彈，鮮美！M8澳洲和牛漢堡非常精彩，生菜，蕃茄，煙肉，芝士，配料豐富，口感複雜。漢堡保持了肉汁，不會乾巴巴。配菜薯角也不遜色，外脆內軟，薯香四溢。

平時比較少去呢到，都無發現開左間西餐廳。裝修好靚，位置寬敞。因為諗唔到食咩，就叫餐廳職員推介。短頭髮個個女仔好nice 同細心，最後推介左比目魚扒同海鮮意大利燴飯。比目魚扒外皮煎到好脆，魚嘅肉質好嫩滑(好想知點樣可以做到呢個效果)。口味清清地。配合埋酸微微嘅小米沙律入面有芒果，冬菇，番茄仔，感覺好清新好Flash。海鮮意大利燴飯燴飯嘅軟硬程度適中，每一粒都有濃濃嘅蕃茄味。蝦肉同小扇貝好爽口。抹茶鮮奶好濃嘅抹茶味，入口好滑，味道唔太甜。抹茶控必點。奇異果焙茶好特別，酸酸地，入口有淡淡嘅奇異果味，好清新。

多年沒來始創中心，原來已煥然一新，餐廳選擇相當多，其中這間令我感到很滿意。餐廳環境很雅緻，感覺高尚，坐得很舒適，又不會好嘈雜，可以盡情跟朋友邊吃邊聊天。餐廳服務亦佳，店員們親切有禮又殷勤，值得欣賞。慢煮西班牙伊比利黑毛豬鞍扒份量十足，豬鞍扒大件厚身，肉質夠嫩更帶爽口，肉味濃郁又能鎖住肉汁。配上蘋果椰菜沙律佐柚子汁，甜甜酸酸的味道很清新，成功中和油膩感，肉味層次也得以提升。伴菜忌廉薯蓉也很有驚喜，口感非常軟滑，薯味濃厚，好味得吃過清光。自家製瑞典肉丸闊蛋麵醬汁豐富，十分creamy，煙韌的闊蛋麵掛滿醬汁很入味。肉丸很大粒，好濃肉味，跟一般肉丸很不同。抹茶鮮奶附上可愛拉花，賣相滿分。每一口都散發出香醇抹茶味，茶味跟奶味也能達至平衡，甜度亦剛剛好。白桃玫瑰蝶豆花梳打賣相亦一流，充滿藝術感，香甜的白桃味中滲出啖啖玫塊花的幽香，有種清新的感覺。最後才看到這張推廣，十分抵吃，下次一定要來吃這個！

早前同啲朋友完咗聚會上嚟「始創」食晏，朋友建議食「紅蔥頭」，點知原來已經轉咗手，變成另一家西餐廳「Amica」。但由於星期六、日不設午餐，只有散點，所以，嗰次就無幫襯，落咗地庫嘅「台灣麵」。最近，睇過一啲介紹，覺得呢家餐廳唔錯喎，所以，約咗個識食之人嚟試吓新餐廳。間餐廳轉晒以前鋪位嘅格局，加上燈光，明顯感覺開揚好多，醒神好多。而且，枱櫈嘅編排，更無以前咁逼，配上布藝木椅，好坐又舒服。水吧位設晌近門口處，加上鋪面對出有一處空間都喺屬於餐廳，好似商場嘅一部份咁，擺明就做埋優閒外賣，好似啲咖啡店咁，賣杯咖啡坐低嘆吓。而且，呢一層喺傢俬鋪樓層，應該引到啲客路行攰咗嚟嘆杯咖啡。講返有啲咩嘢食揀先，先睇睇散點餐牌，印刷幾精美，部份菜式附有圖片，但就最怕呢類膠面餐牌，反光嘛。大類選擇分為湯品、沙律、小食、全日早餐、漢堡、三文治、意大利麵、意大利飯、主菜、甜品，以及各式飲品。選擇全面，每個分項亦有好多菜式揀，定價屬中等價位咁啦。此外，有做緊個推廣，美國厚切安格斯肉眼，標明15安士，唔講得笑，喺一個超重量級嘅份量，原價賣$350，依家只喺半價賣$175，俾多$38可以變為套餐，好適合人多嚟一齊「些牙」。

炭燒西班牙黑毛豬配時蔬薯角 set dinner$188沙律🥗新鮮爽口，有幾種蔬菜加少許沙律醬，開一開胃先。Soup of the day忌廉蘑菇湯蘑菇湯口感豐富，想必用上了數種的菇菌整成，適量的忌廉令口感綿滑卻不會太膩，很滿足。炭燒西班牙黑毛豬配時蔬薯角黑毛豬配上惹味的燒汁，外面燒得焦香，內裏脂香滿滿，入口脂肪同肉都非常有彈性，有脂肪卻不溜。值得欣賞的是連旁邊的蔬菜也一絲不苟，有翠玉瓜、蘿蔔、茄子🍆均被茄醬炒香，不能自拔地吃了！朱古力雪糕雪糕本身已非常creamy同rich，大愛的香濃可可味，雪糕還夾雜著杏仁及棉花糖，令口感更多層次及豐富，一再回味。

今日同朋友去太子做facial，決定一齊食埋飯先返回家。最方便就當然去始創中心搵嘢食。雖然始創中心不算大，但都有唔少食肆。我和朋友就來到位於三樓的西式餐廳Amica。見佢環境好精緻，舒適乾淨，不少食客都在品嘗它的牛扒，望落很不錯👍🏻。所以二話不就便進去了。餐廳有多種美食，如果不太餓，有一些全日早餐，漢堡，麵包類可供選擇。因為放假都想食好一點，所以我們分別點了一個意大利飯和牛扒作為主菜。慢煮美國Prime級肉眼扒 $268肉眼扒足足有十安士，五成熟。裏面仍保持粉嫩效果，牛味濃郁，一點都不Un，很容易切開。配上的紅酒汁味道比較清，更能食到牛肉香氣。配菜有黑松露薯蓉，黑松露味道很香濃，薯蓉香滑，很好食！烤大蝦配龍蝦湯意大利飯 $148大蝦真係很大隻，鮮蝦很爽脆，絕對是新鮮。上面被烤過的效果更帶鮮甜。濃郁的龍蝦味道配上煙韌口感的意大利飯，味道很不錯！ 芒果抹茶梳打$46這個是一個很新的嘗試，酸甜的芒果加上抹茶的甘香，從沒有試過這樣的配搭，原來都很夾的。再加上有氣梳打，在這個夏天飲，清涼解渴。紫薯鮮奶 $42紫薯味道香濃！牛奶香滑！ 最後二人埋單大約$500，但意想不到的食到高質的牛扒，確是覺得

行完大眾書局，順便走入隔離這間cafe店🤗這店是我第一次光顧，店鋪都算好大，而且坐得好舒服，看完餐牌，價錢略貴了少少。點了這個餐：茄子嫩露荀蕃茄醬菠菜闊蛋麵，算是素食吧，份量不大，未必夠飽另外餐湯都幾好飲，好夠味，餐飲就揀了咖啡，雖然整餐不過不失，不過相信我未必會再來光顧了。

已經有一段時間沒有去過太子始創一帶，商場餐廳原來已經悄悄起了變化，三樓頂層開了間名為Amica的餐廳。光從裝修看來，淺木色襯上淡色傢俱，似是輕食咖啡室，但餐牌既有散叫沙律小食、三文治漢堡包、主食、甜品、咖啡特飲，亦有一人及二人晚餐，提供種類頗多。南瓜湯是日餐湯為南瓜湯，南瓜味道甜美，橙紅色的南瓜肉很襯近日漸濃的秋意。湯內加入了細碎的薑粒，增添些微辛辣，每一口湯都令人回味。田園蔬菜沙律蔬菜沙律很特別地加了哈蜜瓜，與沙律醬為蔬菜帶來了甜味。炭燒西班牙黑毛豬扒炭燒西班牙黑毛豬豬鞍，厚切肉質柔軟有彈性，豬胺味道鮮甜濃郁，配上帶茄蓉味道的時蔬，酸甜有緻。配菜薯角外皮香脆，薯肉腍甜。M8澳洲和牛芝士煙肉漢堡漢堡包用上竹炭包，鬆軟程度與一般漢堡包無異，但感覺比較健康。漢堡包身微暖，焗得外脆內軟。和牛漢堡厚身，肉質鬆軟多汁，肉味香濃。芝士被漢堡熱力溶化，兩者味道合而為一，奶香肉香兼備。煙肉鹹香酥脆，豐富了漢堡包的味道。漢堡包當然不可缺少香脆薯角，薯角簡單點上番茄醬已經很美味。甜品為雜莓伴雲呢嗱雪糕，賣相精緻討好。抹茶鮮奶友人超喜歡三眼仔，知道抹茶鮮奶有此拉花當然不會錯過。此杯抹茶鮮奶味道微甜，抹茶味濃

以為可以吃到美味的牛扒，結果非常失望!凍咖啡又沒有給糖漿!牛扒更加沒有牛肉味。只有野菌湯好飲!我剛從大陸返港。侍應以為我是大陸客，白鴿眼!以後不會光顧。非常失望!差劣，差劣!還是名寶石餐廳比這家好好多。第一次光顧，印象甚差。5成熟的牛扒又老又沒有肉汁。價錢又昂貴!凍Latte，又沒有給糖漿我。服務態度劣!今日第一次光顧，非常失望。沒有驚喜!野菌湯還可以，有濃郁的菇菌味!這餐廳又沒有set dinner 。只有2人餐!好鬼貴!

great lunch set: creamy veggie soup, nice main dish + a dessert and coffee. I grabbed the today sandwich and the tofu was crispy and tasty, and fries fresh. dessert was a light strawberry mousse cake with fresh fruit: good texture, taste not overwhelming. given the quality, the price (around 100) is a bargain. staff is nice and good selection of vegetatian dishes (2 out of the 10 sets available). will definitely come back and recommend.