Amitie Kitchen (已搬遷) 新店位置

今日同E先生去左亞士厘道揾食，有幾座大廈都勁多野食，最近打邊爐打得多，就想食下西餐，係樓下甘岩見到「Amitie Kitchen」宣傳牌寫住五星級🤩🤩好似幾勁甘，就決定試一試。環境不錯，坐位之間有空間，當日上到去都非常full但唔逼夾。夜晚有set dinner或者想散餐都得。叫完野食，轉頭就上左麵包藍🤤🤤🤤非常有驚喜，唔係求其得一款，而係有三款，麵包控既我，即刻試晒三款，麵包都很鬆軟。法包外硬內鬆，長長係底既餅乾很特別，食入口香味非常。不只提供牛油，更有藍梅醬選擇。是日餐湯：蕃茄湯足料，不錯。沙律：芝士分量不少，紅菜頭很爽脆，甜甜的好好味，沙律🥗菜新鮮，感覺清新！ 黑松露薯條🍟上枱以為侍應落錯單，我地既黑松露去那了？原來一問，是用黑松露油炸的，每一口都有黑松露香味，非常有趣，好味，可以一試。北海道帶子蘑菇意大利飯伴黑松露晚餐賣樣精緻，原來有三大大隻既帶子，兩邊都煎香內軟👍🏼而意大利飯不會太硬，醬汁香濃🤤西班牙黑毛豬：豬扒兩邊被煎香，鎖住了肉汁，五成熟，口感肉嫩多汁，味道濃郁！比平常的牛排更好味🤤🤤當晚我就食唔停口。而配菜有薯仔、西蘭花...等等，很豐富。個人覺得這道菜Cp值高👍🏼👍🏼

好少會去食樓上餐廳，前幾日一試，真係覺得好正🤤同男朋友拍拖拖，緊係要去間有情調既高質餐廳，但為左男朋友荷包，又唔可以揀太貴既餐廳，呢間就滿足曬以上咁多既條件啦🤣叫左個豬鞍扒lunch set配薯菜$138、肉眼扒$148、朱古力香蕉金寶（餐加$50）同抹茶牛奶朱古力（餐加$15)。個豬扒勁厚，肉質又腍，非常似牛扒😂好juicy好正🥰 牛扒則比較正路，肉質鮮美，多汁，唔會太熟，恰道好處🥰今次最令我surprise 既係個lunch set前菜吞拿魚沙律，半熟既吞拿魚伴酸甜洋蔥汁，真係好開胃，估唔到係香港都食到咁正既吞拿魚🤣不過甜品等得有點耐，但都好好味，好香香蕉味😋

上樓餐廳雖然唔似得大商場咁五光十色，但上樓相對租平，用較平價錢食到好嘢的機會相對較大。今晚呢間西餐就係一個好例子。自家製黃金蟹餅有相你睇，蟹餅外層脆卜卜，切開裏面大量蟹肉，絕無偷工減料， 啖啖肉，無得輸 !大菇煙肉芝士牛肉漢堡漢堡肉剛剛好做到 Medium, 牛肉味濃厚。配上半溶芝士、Portobello、厚切煙肉... 邪惡，但極好食。燒菇鮑魚鮮蝦帶子龍蝦汁意大利飯帶子大大粒，外面微微焦香，裏面保持嫩滑。 大蝦爽口彈牙，無 Overcook 過老。意大利飯生熟度剛剛好，而且 “索” 盡龍蝦汁味道。

今日同我一個識咗好多年嘅朋友去食佢嘅生日午餐、加上都係佢生完小朋友之後第一次見面、就特登book咗呢一間餐廳同佢慶祝啦！我哋都好滿意覺得個牛扒同意粉好好食、我都好感謝呢一間餐廳幫我寫左咁靚嘅Happy birthday字！簡單來講感覺很好、食物好食！一定會常常帶朋友嚟試吓菜😉

好多樓上食肆都是有水準的，Amitie Kitchen就是其中一間。有單點，套餐及二人套餐，同友人點了二人套餐品嚐。有3款包類，一種是軟身包，可塗牛油食。另一款是脆餅，可塗藍莓果醬。第三款是硬包，可浸湯食。前菜：日式磯煮鮑魚沙律唔好以為是普通幾條菜，新鮮加上少少甜酸汁，感覺清新。沙律旁為鮑魚，非常彈牙入味！很不錯的前菜！烤燒8安士美國牛腹膜柳7成熟，呢個厚度要做到嫩囗真係唔易，值得一讚！意大利甜醋燴牛面肉配意大利麵牛面肉非常"林", 且入味，中間間著好棉好林的筋，口感大滿足！紅蘿蔔都一樣好入味！推介！最後是朱古力香蕉班戟，賣相吸引！

晚市套餐$198-$388, 二人套餐$648(加一)以下是二人套餐：麵包有三款，有軟有硬有脆，配牛油及果醬。是日例湯： 意大利雜菜湯前菜(二選一): 日式磯煮鮑魚沙律有水準的新鮮沙律菜及醬汁。比較少餐廳會用鮑魚伴沙律，完勝！意大利麵/意大利飯(三選一) ：意大利甜醋燴牛面肉配意大利麵比預期出色！牛面肉的肉及軟棉棉的筋膜黏連在一起，口感一絕不乾身！牛面肉及紅蘿蔔都非常入味，亦是很好的配搭。主菜(三選一): 烤燒8安士美國牛腹膜柳7成熟，肉質鮮嫩有o趙口，一點都不"鞋"口！以這厚度要做到唔"銀"一點都不容易！甜品：香蕉朱古力班戟Early GreyMocha整個套餐都是水準之作，欣賞廚師的用心製作！真心覺得食物質素比酒店還要好！

朋友之前介紹過話呢間好食～今次約咗好耐無見朋友出嚟食飯～就book咗去呢間食～上到去都幾多人～睇嚟呢間餐廳都幾受歡迎～店員安排咗我哋坐一個比較寧靜嘅位置～係板間咗好似一間房仔咁～好有空間感～睇完menu之後，我哋決定叫2個套餐，再散叫其他～首先嚟個餐包醫肚先～唔知係咪肚餓，覺得麵包特別好味，好鬆軟～仲有藍莓醬搽麵包，朋友勁鐘意～羅宋湯～酸酸哋，帶點雜菜味，夠晒開胃～紅菜頭菲達芝士合桃沙律伴黑醋～Menu上寫住餐廳沙律菜採用水耕種植，絕無農藥所以食落都覺得特別清甜可口～紅菜頭同合桃都感覺好健康～配搭得唔錯啊～美國頂級肉眼配芝士薯蓉焗蕃茄～肉眼扒煎到5成熟，好林，牛味好出～薯蓉亦非常出色～北海道帶子蘑菇意大利飯伴黑松露～帶子好大粒，食落幾爽口～意大利飯軟硬適中帶有濃濃黑松露味～西班牙黑毛豬扒～店員建議5成熟，老實講我未試過～但店員建議～我就大膽嘗試～喜出望外嘅黑毛豬扒～嫩滑多汁～非常好味～自家製美式黃金蟹餅咪以為係小食就細細塊～其實都幾大塊～超多蟹肉～超濃蟹味～連同醬汁一齊食味道更佳～黑松露薯條一開頭以為嚟錯咗個普通炸薯條～因為唔見有黑松露嘅物體，亦聞唔到黑松露味～然後我哋問店員先知～係用

溫左成個禮拜書，今日終於測完驗啦😆咁就緊係要食下好西啦！✨餐廳唔算多人，位置都幾多，幾寬敞唔會好逼，裝修都偏休閒一點。✨午餐黎講，Amitie Kitchen 都算幾高CP值，只係$138，就有一份西班牙栗飼豬鞍扒餐，可配餐湯或沙律，及甜品、飲品各一份，幾抵食！✨今次就揀左沙律-火炙半熟吞拿魚沙律配日式洋蔥汁，吞拿魚嫩滑而不太稔，淡淡咸香味配上酸甜既洋蔥汁。✨主菜-豬鞍扒，厚度十足，同好Juicy，唔會乾身，食落一點都唔似平時食開既豬肉咁，反而有點似牛扒😋✨紐西蘭肉眼扒$148 單點，同樣都係十分出色，呢個價錢可以食到咁高質既扒，真係好抵！同埋配菜 薯條十分香口，令人食極都停唔到口😂✨最後就係飲品，宇治抹茶牛奶朱古力，跟餐轉加$20，忌廉一飲就知係自家打既，絕對唔係買黎噴果D，十分結身，好濃好滑。✨甜品則加左$50轉朱古力香蕉金寶，高溫令香蕉完全溶左，十分香！

今日經朋友介紹下黎左呢間位於尖沙咀既cafe呢間cafe係由前五星酒店主廚主理既 質素果然好有保證⭐️起等候嘅期間先食左餐包 餐包拼盤係由幾款唔同嘅餐包組成 好鍾意呢度嘅牛角包 好香牛油味同埋好鬆軟 BBQ醬燒豬仔骨再加左芝士🧀豬仔骨份量好大呀 岩曬幾個朋友share 我同朋友兩個人都每人分到三條 豬仔骨面上既芝士係熱溶芝士 用火槍輕輕一燒輕易做出拉絲芝士既效果 我食個陣d芝士拉到好長仲包住成條豬仔骨好好食 至於豬仔骨既BBQ燒烤醬酸酸甜甜非常開胃 醬汁滲透起每條豬仔骨入面 而且肉質非常嫩滑 輕輕一次已經做到骨肉分離既效果 好值得推介油封鴨髀配蒜味薯蓉配藍莓醬汁 一嚟到就覺得賣相超級靚 油封鴨髀嘅外皮經過香烤之後好香脆 油鴨髀嘅肉汁好豐富而且軟滑入口溶化 好有驚喜 薯蓉軟軟綿綿 加埋鴨肉一齊食口感更加豐富 藍莓汁更加可以解油膩感 整體配搭得唔錯甜品方面試咗呢度嘅朱古力香蕉金寶 金寶上面有好多曲奇碎 令每一啖都好有口感

尖沙咀係一個好多美食嘅寶藏，好耐都發掘唔晒，挖極都仲有。今日挖到呢間AMITIE KITCHEN ，嗰頭附近有好幾多餐廳，呢間係間樓上餐廳。地方都好舒適。適合一班朋友嚟或者拍住拖嚟都得。選擇都好多樣化，另外仲有晚市套餐，都係唔錯嘅選擇。餐前食個包。包嘅出品相當有水準，好過唔少麵包舖。餐湯係南瓜湯，濃滑香甜，一流。呢係係小食，好似係辣肉腸配墨魚仔沙律。出奇地夾，幾有驚喜。另仲有個紅菜頭芝士沙律。主菜，呢個係牛油果🥑軟殻蟹漢堡，配番薯條。牛油果🥑軟殻蟹固然之無得頂，番薯條嘅甜齒頰留香。帶子意大利飯，勁大粒帶子，配上濃厚汁醬煮成嘅意大利飯，無與倫比。燒豬仔骨，好大一份，一份夠2個人食。切開個豬仔骨，入面仍然鮮嫩多汁，食得津津有味。甜品到啦，先係伯爵茶奶凍，品太甜，食出啖啖茶味。最後係熱情果芝士蛋糕🍰畫上完美嘅句號。

今日係尖沙咀附近搵野食，知道亞士厘道附近一帶都有好多樓上餐廳，就去睇下邊間好喇。見到呢間樓下貼有雜誌介紹，好似都唔錯。價錢都ok,所以就揀左呢間喇！上到去，環境都ok,坐得舒服既。見啲人都來呢間慶祝生日，都幾full喎。餐廳有提供二人餐，set dinner等等，我地見餐廳推介既野食都好吸引，所以無叫到set dinner 喇。點好菜之後，就會送上餐包給我們。有三款餐包，烘得暖暖的，食落麵包好軟綿綿😬除左有牛油仲有藍莓醬提供，多一個選擇😋叫左個前菜：火炙半熟吞拿魚伴柚子味噌醬呢個作為前菜，最好不過。用左柚子味噌醬調味，酸酸甜甜，食落好開胃。個醬又幾好味，帶點柚子既香味。吞拿魚燒到半熟，魚既味道更加突出😁唔錯！叫左個burger 🍔食得多牛肉漢堡，今次叫左 軟殻蟹牛油果🥑漢堡😬哇，都幾大個漢堡，好巨型。成隻軟殻蟹，都幾大隻好有肉食。炸到金黃香脆，都幾鮮味。加上牛油果，青瓜，蕃茄，食落好清新解膩。😋好滋味。再配有蕃薯條🍟，甜甜地幾好味。配埋個果醬沾，更加甜。另外叫左個蟹肉意大利麵伴松葉蟹膏忌廉汁🍝呢個又幾好味，個醬汁夠哂濃郁，好香既蟹膏味。令到意粉好有鮮味，食落好creamy 👍幾鐘意呢個

去左尖沙咀亞士厘道食街， 今日去左樓上食肆， 聞說呢間餐廳煮野非常好食， 揀咗個下午時間過嚟。 去到餐廳見到埋個有兩間細房，如果約多少少朋友可以入房食嘢， 增加私人空間感， 餐廳環境非常幽靜， 同朋友全程細聲講大聲笑。 粗略估計餐廳應容納到五十人左右。餐廳主要有四個裏面嘅食物一;漢堡二;沙律三;扒四;海鮮今日揀左:沙律牛油果/羽衣甘藍/車厘茄/豆腐沙律 88hkd（餐廳沙律菜冇農藥及用水耕種）最愛食呢!!! 麻醬緊緊貼住沙律菜， 冇水氣，食落fresh， 沙律上嘅白滑山水豆腐好有心機， 輕輕用微火煎過。海鮮香煎熱帶𩶘魚柳薯菜 98hkd熱帶𩶘魚煎到剛好，少少起焦， 咸道適中，無魚腥味。扒紐西蘭羊架（三塊骨）意粉138hkd三件羊架冇羊騷味，意粉好重香草味，添加左少量油上去，另配香濃蒜汁橄欖油驟點。熱情果芒果橙紅茶（跟餐送）袋裝茶包Coffee(跟餐送)是日清湯 68hkd + 10hkd 酥皮茄汁豆湯， 飲落似羅宋湯， 唔係酸味，而係甜味既。 湯嘅低座，有微火輕輕加熱。酥皮層次分明，薄而厚身，咬落有口感。

今晚輪到小學識到宜家既閨密同我補祝生日，就返其中一個係尖沙咀放工，所以揀係呢頭食。餐廳似cafe咁，細細間。A la carte menu 既pasta & risotto得幾款，主要肉類多啲，最後揀咗二人餐加一碟意粉同Ribs。點完野食送上餐包，微暖，入面好軟綿，好味！塊芝士脆餅好香，有少少番茄乾👍🏻👍🏻二人餐前菜揀咗法式焗田螺，田螺落左啲香草醬比較油，唔太鍾意田螺既味道，有啲怪怪地。但底下啲蒜蓉薯蓉好正超香！餐湯係雜菜湯無乜特別。Pasta/risotto入面揀一款，揀左黑松露芝士煙肉菠菜Gnocchi，大家食完一致覺得好鹹，gnocchi質感係幾好有啲煙韌，黑松露味都出既，不過真係太鹹喇食唔晒。Main course揀左烤燒美國牛腹膜柳，要medium，燒到好靚，一切就feel到肉質好軟腍，牛味都幾濃，side dish有啲薯蓉同茄蓉雜菜，相比田螺個蒜蓉薯蓉就失色好多，普通左啲不過都夠綿滑。另外叫左煙肉少椰菜仔，椰菜仔有少許澀但可接受，如果唔係連煙肉食會食唔出煙肉味，煙肉唔夠香。原先叫左松葉蟹🦀味噌蟹羔鵪鶉蛋意大利麵伴龍蝦汁🦞，但waitress話無蟹羔轉海膽得唔得，我地都ok所

望穿秋水，終於嚟到星期日！夜晚約咗朋友去尖沙咀食晚飯。之前喺ig見到有個朋友post過間餐廳好似唔錯，今晚就試試佢！六點幾餐廳已經坐滿哂人，好熱鬧喔！而且仲有房提供，小小既私人空間，非常方便三五知己聚會，加分！餐廳設有dinner set ，有齊麵包、沙律、餐湯、主菜同飲品。我同友人分別叫咗「芝士BBQ醬燒美國豬仔骨」同埋「慢煮法國雞胸件日式咖哩馬鈴薯丸」。等咗一陣，麵包熱辣辣上枱！分別有小法包、提子脆包同pizza 味脆片！脆片芝味十足、另外兩款則外脆內軟，不錯！過咗一陣，就上沙律。有辣肉腸配墨魚同埋紅菜頭兩款選擇。前者較惹味，外者就比較fresh一d，我自己就揀咗紅菜頭果款。然後不得不提個餐湯：超足料蕃茄雜菜湯！味道酸酸甜甜，有腰豆、西芹、薯仔同蕃茄茸，好好味！友人就比較喜歡點包食！之後就到主菜！見到個芝士豬仔骨已經流哂口水！邪惡得嚟又好吸引！不過如果薯條係粗身波浪紋果款，會再開心d！另外雞胸肉質都嫩滑，底下嘅薯仔波口感趣緻，帶有小小年糕感覺，配上日式咖哩汁，呢個crossover組合好新鮮！最後我地以伯爵茶同檸檬茶作結！

要係尖沙咀一啲都唔難，今次朋友推介去左間樓上西餐廳，發現原來呢間野都幾隱密，唔講真係會唔知，呢間就係 ❮Amitie Kitchen❯，聽講係由前五星級酒店大廚主理，所以都幾期待。環境都幾舒適，就算多人都唔會覺得好嘈。而且燈光暗暗地都幾有FEEL，整個用餐過程都好舒服。食物方面都幾多唔同特色，例如有咸蛋黃醬既意粉，又有松葉蟹，呢啲都係比較少見用係西餐廳上，感覺都幾特別。各款餐包野食未到之前，店只遞上不同種類既餐包，估唔到有驚喜！呢3款都係比我想像中好味，同埋同鬆軟，特別係個牛角包，一層一層既口感～另外個咸咸地既脆條都同樣不錯！龍蝦湯 $88呢款龍蝦湯都有少少特別，特別在於係會有個火座住，咁就唔怕飲飲下會變凍，熱熱既龍蝦湯裡面仲有龍蝦粒，而且幾乎每啖都會食到，龍蝦湯味道很好，我都幾鐘意～咸蛋黃醬汁煙肉蘑菇意大利麵 $128咸蛋熱潮竟然都可以同意粉有關，咸蛋黃醬汁配意粉真係第一次見。心郁郁點都想食下，鐘意食咸蛋味同咸蛋口感既朋友呢款意粉就岩哂，醬汁比較杰身，充滿濃厚既咸蛋質感，配上蘑菇同煙肉，整體好不錯～烤燒大啡菇、焗釀鮑魚、北海道帶子、虎蝦意大利飯伴龍蝦汁 $218這飯和平時吃的不同﹐