Amour Cafe (已搬遷) 新店位置

小妹今天行程首先要去佐敦拿取音樂會門票，然後折返屯門，晚上再去元朗食飯，來回三邊走，第一件事就去佐敦食午餐先。佐敦不太熟悉，都是上網看看有什麼好吃的。見這間有湯、主菜、甜品和飲品，很豐富！其實位置並不難找，是小妹行經2次都不擦覺，只是門面太不起眼，錯過了！幸好最後也找到~門口有3人在等位，小妹也站邊企。餐牌寫在大黑板上，旁邊還有很多紙箱擺放著，很雜亂的感覺。等候了片刻有客人走出來，小妹不客氣走入去。坐了一張4人枱，對面有一對夫婦叫了1號及4號餐，小妹也叫了4號。轉頭大叔放了3杯有匙羹的杯子。初頭小妹完全不為意？想也沒想過湯用膠杯盛上 。 意大利什菜湯(套餐)，喝一口，凍的？滿頭問號，心裡暗暗想著是否走錯黑店？最後只淺嘗2口便放棄。不久後 黑醋豬柳意粉$57也來了！份量標準，豬柳散發出香草味道，意粉屬幼身煙韌，帶少許黑醋的酸甜味，不過意粉下了許多油炒，滿嘴也沾上油脂，加上洋蔥和蘑菇片，意粉質素也不錯。為了吃甜品，小妹的意粉吃不完，留個位置殿後。 芝士蛋糕(套餐)，蛋糕質地硬身，芝士味偏淡口，不太甜！正合小妹不愛甜的風格。另可選配吉士蛋或+$9轉藍莓芝士餅。 意大利咖啡(套餐)，最

本人母親曾推介此餐廳既咖啡和意粉俾我，但每次經過，見店面窄窄人多多，裡面又唔似可以坐得舒適，一直無入去試既機會和衝動。直至昨日回家路上，想起家裡無人，在不願自己煮飯既情況下，決定鼓起勇氣一試。一個人，伙記安排我坐廚房門口個雜物架旁既二人檯，後尾有個阿叔入黎又係一個人，故被安排同我搭檯，以此店格局，我都預左。我叫左"蘑菇煙蠔意粉"，跟餐有薯仔忌廉湯仲有意式咖啡同甜品(我選吉士蛋)。最初伙記唔記得俾湯我，所以意粉先到(又係果句，茶餐廳格局，無所謂)。其實上菜速度都幾快，湯無咩特別，至少唔似罐頭，稍嫌佢用咖啡杯上，跟隻茶匙用黎飲湯感覺好怪。至於個意粉，雖然唔係我食過最好味既意粉，但以咁既價錢同格局，其實水準真係幾高! 個汁係有番茄味既忌廉汁，濃而不稠，spaghetti意粉熱辣辣唔淋身，好明顯係現煮即上，入口順滑有咬口，煙肉塊咸脆適中同個汁好夾，至於幾粒煙蠔，味道似蠔豉，幾特別，加埋兩塊番茄同蘑菇片，感覺好完整。我見對面位果位阿叔個忌廉煙肉意粉，看上去同我個粉差不多，只差個汁係白色同埋無左煙蠔同番茄，應該同樣入口順滑(略嫌唔似正宗卡邦尼亞汁咁稠身)，應該都唔錯。整體份量尚算足夠，我全碟清晒。

Happy Friday~ 放工後和老婆來到這裡二人世界歎晚餐~ 七點多晚飯時間連最後一張枱也剛剛坐滿人客~ 唯有和老婆看著門口的晚餐牌選定各自目標準備落單~ 星期五的晚上實在是太肚餓了~  還好了十五分鐘左右便到我們入座~ 餐廳四處有些藝術畫~ 提高了點食西餐廳的感覺~ 坐位間位置不多~ 不過尚可接受~ 我和老婆都點了是日晚餐米蘭豬扒伴蕃茄銀魚意粉~ 包餐湯, 飲品和甜品~ 第一樣出場的是意式雜菜湯~ 我們連湯渣都食埋~ 真係幾好味~  第二樣出場是兩杯熱朱古力~ 感覺甜了點~ 跟著過了二十分鐘左右~ 主角意粉出場~ 一上枱~ 那金黃色的豬扒便深深吸引著我~ 那適量的芝士粉~ 那沒有充滿著炸粉味的豬扒~ 那一口咬上去外脆內軟的豬扒~ 可以吃的出廚房師傅的用心製作~ 那是要時間慢慢炸才能得出的水準~ 感覺那二十分鐘的等待是值得的~  加上那有水準的意粉 (一吃便知道不是街邊貨式, 不太軟不太硬, 接近食 Italian Tomato 意粉的感覺)~ 再配上充滿蕃茄醬和小銀魚 (用鮮蕃茄才能做到!)~ 真的太好味了~~~  (哈哈~ 旁邊枱剛來到的聽到我和老婆一直說豬

不知大家有沒有同感，覺得老闆有時候真的不通氣，明明還有兩分鐘便到午饍時間，而事情又不是那麼趕，他非得要於那倉促的一刻去找你問找你幫忙。是日臨午飯前被逮住了，踏出老闆房時得知平日一同午飯的同事已行到無雷公般遠，沒心機走太多路，自己一個來到闊別數年的Amour Café品嚐它的美味意粉也好。獨自一人被安排出菜位旁的二人桌，論環境及舒適度這兒比好多餐廳稍遜，不過若能吃美味的東西也顧不了這麼多。午市套餐有四款選擇，價錢由五十二至六十五塊不等，包湯、意粉、甜品和飲品，非常合理。意大利菜湯(set)用一個杯子盛上，沒有美麗的外觀，味道酸酸甜甜的，算不上好味道，但喝得出是真材實料沒多加添加劑。香蒜西蘭花豬扒意粉$57意粉即點即製，上桌時還是熱騰騰的，一般街外烚好意粉再淋醬根本無得比。帶點凌亂的意粉色澤亮麗啡黃，弄開的時候看見熱煙徐徐上升，繼而嗅到醬油的香氣，有點像日式炒麵的感覺；豬扒鬆軟有肉汁，意粉煮得彈牙入味，鹹中帶甜，惟豉油略嫌下得重手了點，但整體來說仍是滿意的。芝士蛋糕 (set)甜點共有兩款選擇：吉士蛋或芝士蛋糕，記得數年前吃過吉士蛋不太對胃口，還是穏陣點選芝士蛋糕好了。芝士味不算濃郁，不像

無意經過此店，外表一d都唔起眼，而且得大約20個座位，但係全滿。種類唔多，點了芝士蘑菇牛柳長通粉，因為即叫即做，所以都等左差唔多20分鐘先有得食。係完全無寄望下都幾驚喜，牛柳煎得岩岩好，皮脆有肉汁，個芝士汁又香濃，感受到廚師誠意。套餐配嘅芝士餅唔太甜，食完都唔會膩，唔錯。可以試下。

今日行過佐敦，上開飯見到的好評。。。叫左個 忌兼白汁煙肉長通粉set 送雜菜湯，芝士餅+飲品我揀左mocha。。個長通粉 汁稀 肉硬。。雜菜湯淡得黎有啲怪味，因為入面加左翠肉瓜😲芝士餅一般，仲可以。。每樣最多都係食左幾啖。。本人並非簡飲揀食之人！平時就算點都吾想浪費食物！但 實在食吾到落去！最後等埋杯mocha,又係失望！係屋企沖3合1咖啡好過佢😖😖😖

9:30同老公諗食咩，openrice一下家附近嘅餐廳，Amour Cafe我留意過好幾次，唔記得點解總係冇嚟試，可能因為佢門面暗，我又唔鍾意食港式西餐（即係嗰啲牛扒乸到冇味，意粉烚到好淋，茄汁意粉落樽裝茄汁，白汁係牛奶開生粉水嗰啲），咁佢嘅格局似港式快餐店，我以為係嗰種，所以遲遲冇去試。今晚心血來潮，第一次去幫襯。。。原來我住在附近3年幾，就係錯過咗佢的美食 😋😋絕對唔係港式西餐，只係環境和餐具係啫，呢種crossover又幾得意😄😁~介紹寫在以下圖片下，三句講晒：抵食到暈，平民式靚西餐，冇得彈 👍👍👍👍👍呢度將會係我的飯堂😄😄😄

基本上同佐敦太不熟。上open rice 見食評ok就試下，但當然個環境麻麻。。不好有期望。。個吉土蛋真怪怪。。焦糖不似焦糖味。個蛋的質感不滑。。。可能用料問題。。⊙_⊙個意粉比我想像中好，下午茶29蚊有咁大份。而且味道ok,以茶餐廳質素真是不錯啦。。＼(^o^)／另外同友人分別点了ice coffee 同熱奶茶。。。。兩杯野都真是好難飲。。好像完全用好多水溝好多奶所制成。。飲左一啖真是放棄左。。=皿=

小小的鋪子，外面看來像外賣店，內裡裝潢簡單，看起來整潔衛生。餐牌選擇不算太多，有蔬菜豬牛雞魚海鮮樣樣有齊，價錢相宜。點了蕃茄雞扒長通粉及白汁魚柳意粉，候餐時間不算耐，重要的是食物來到檯前新鮮熱辣，絕不是預先弄好保溫再混成一碟的那種。茄汁鮮甜，雞扒沾了面包槺煎得香脆，不油膩無雪味;白汁幼滑，香濃奶油芝士味，不膩口，魚柳外脆內軟無雪味。兩款意粉味道適宜，餐湯意大利菜湯稍淡，但清清地也不俗，芝士餅濃淡適中，飯後吃剛好，不會太甜太滯，飲料選擇有多款選擇，由於本人不喝咖啡，未能評價。鋪子平平無奇，但味道不凡，侍應服務周到有耐性，老闆娘友善親切，常跟進客人需要。當然，如果用幾百蚊的要求和口味來吃幾十蚊的餐，那一定挑剔到不行。但平民的價錢能吃出起水準的意粉，一定會再幫襯!

是咁的，昨晚練完六十分鐘長跑，身體十分疲累，忍不住走到阿麼咖啡來品嚐人氣店。大家都欣賞性價比高、質數不錯的西餐，我又何以錯失此等店。是日蕃茄魚柳意粉，手掌大和厚的新鮮煎龍脷柳，香！軟滑魚肉！ 蕃茄意粉新鮮煮起，有qq感，沒有茶餐廳的「軟淋」，也沒有一般用開的「茄汁」。蒜香、人手炒，有誠意，味道很好！沒有吉士蛋，換來芝士餅，芝士味正常，比較散，餅底就麻麻，包羅宋湯一杯及咖啡或茶。消費54個大洋，好抵食，好食過係椰閣閣個d. 可惜地方比較少座位。

因事去佐敦，忽然想食意大利粉，朋友介紹我去了這間Amour Café。點了「奶油蘑菇煙鴨胸意粉」、咖啡和Cheesecake，一落單老闆娘就問：「你等唔等得？好耐架喎！」我問要等幾耐，佢話要半粒鐘，又真係冇呃你，確實係要等足半粒鐘，趕時間的朋友真係唔好嚟。但要等咁耐我相信佢係好有心機泡製啲意粉出來，食後亦冇失望（雖然亦冇特別驚喜）。意粉的料和分量都好足，食完飽到頂上心口；不過口感就沒有想像中彈牙，不過也不差。比較失望係個汁，我個人喜歡creamy 的汁，但這個汁我覺得太稀。最後係坐我隔離那兩位女士讚不絶口的cheesecake，少少的一片，味道不太甜，吃完不膩，但個餅底我覺得不夠鬆脆。整體來說我覺得可以一試，價錢也不貴。

無服務可言！一副"你唔等得唔好食"既態度 點餐要重覆4次先齊晒, 不停漏單 意粉咸到好似咸魚煮咁 上菜勁耐, 催完先好侮氣咁上唔明點解有咁多笑臉？？？無service, 無quality, 無heart！

無意中找到這家餐廳  沒想到這家的食評也算不錯就決定試。點了套餐~因為有湯、主食、飲品，還有這裡很多人推薦的甜品 ^^湯是用杯盛的 - 薯仔忌廉湯。口感其實跟薯蓉差不多~ 味道不錯!!主食方面，2個人都是點了長通粉 -w-第一個是 米蘭豬扒伴奶油長通粉。奶油味濃濃的~很喜歡!!!豬扒的口感也不太差~而且肉不會太老!!! 另外一款長通粉是 - 番茄蘑菇雞肉長通粉。試過一下~覺得還是奶油比較吸引><！！飲品配咖啡~ 這裡的咖啡是即磨的~很香而且也很滑 =)之後就來到最重要的甜品喇*3*!!!!!芝士餅 : 沒有出面那麼膩~吃完主食再吃也不會覺得太多。吉士蛋 : 好味!!!! ///A///　吃完可以再吃多過ＸＤ！

首次寫食評，全因成為主婦後，體會到由個人主義至小家庭責任，為了養成知慳識儉的美德，除了經常入厨外，亦不斷搜羅市面上的抵食美食以增加兩口子的生活情趣，今次更決定回饋網友，分享好食處，順便重拾年幼時的寫作興趣 今天因為看了很多網上好評而嘗試這間曾經過數十次並不理解為何門面凌亂，有D似粉麵檔卻又屹立不倒的Cafe，以抵食為先，所以向下午茶出發  

昨天學校有測驗，八點才放學，可是十點就要去跳舞，而且在想：難得一個人吃飯，就去試試自己沒去過的餐廳吧。所以就在開飯隨意找找看，最後就選擇這間離跳舞地點不遠，價格相宜的Amour Cafe。九點左右到達，還好不用等位置，不然我一定來不及啦。坐下一會兒後，店員看到我東張西望，就向我推介特餐，說「包曬所有野」。但我那刻沒有了解到她說意思，所以最後叫了奶油蘑菇煙鴨胸意粉套餐，包一款17元或以下的飲料。這個意粉真的挺好吃的份量中上，我吃完覺得很飽。至於飲料，我叫了熱柚子蜜，味道不過不失，但不會太甜，我覺得這一點不錯。後來我在等餐時無聊，細看餐牌後才發現，原來特餐「包曬所有野」的意思是指有湯、意粉/飯、飲品及甜品，而且價錢只要大約50-80元不等。哈哈，只好下次再來吃吧。