Amour Garden Grill & Bar (已結業)

這一晚再度為了朋友生日而花心思, 搜尋特別的餐廳, 好讓大家留下一個與別不同的回憶。由於時間非常緊拙, 第二日又是假期, 很多地方早已滿座, 於是又是找了OPEN RICE這好幫手。地點鐵定了在旺角, 就搜尋旺角區的餐廳, 大多是連鎖店…….。唯獨, 這一間, 食評不錯,而又BOOK到位, 於是一試。 上到樓, 感覺不錯, 跟相中的相符, 而且侍應生的服務都是水準的表現, 特別是一位頭髮長度及肩的一名女侍應, 談討斯文,笑容親切。餐牌裡很多的選擇, 都是很吸引的。 我們點了5 道菜, 有意粉, 意大利飯, 扒, 墨汁意大利粉 (意想不到的好味) ;唯獨, 點了一個三文魚扒, 味道有點怪, 而且有少少魚臭味 (失望)最後還要一讚的就是飲品, 沒想到叫一杯熱朱古力的餐飲, 都會有拉花的圖案, 那一刻, 實在為我帶來了一絲絲驚喜, 味道還不錯啊! 今次我們坐的是室內, 其中這兒還有室外的, 是一個露天的茶座, 三五自己在這兒相聚, 實在是一個享受。有機會, 一定要再來吧。其次, 這兒是不有用收切餅費的, 所以食生日飯真是最好不過吧。

今日是吾與愛妻的紀念日。亦係朕最頭痛的時刻•••我倆也喜歡食西餐的格調，喜歡它的寧靜與浪漫，我們喜歡試新的東西，當我在想•••找那一間西餐廳又唔駛行咁遠嘅時候，有個小妹妹走過來給我傳單，看她彼有禮物就看看，看到傳單上的相片，我就覺得可以一試，反正就不想多諗，haha於是就跟老婆上去看看，心想這餐廳是個怎樣的模樣@@誰不知到步時已有服務員在門口，那個英俊小生好有笑容，突然覺得不太陌生，於是跟著他出到Outdoor，服務細心有禮貌有笑容，真係有份親切感，當堂個人都放鬆左，之後佢介紹左我地飲支紅酒又幾好飲，還分享紅酒的心得，跟別的餐廳有点不一樣。之後我們給他發板點了幾道菜，那個羊西冷很有羊味又不＂SO＂，很適合我，而我老婆側吃那個三文魚扒，肉質OK不會一夾就散，GOOD！跟手點了兩杯COCKTIAL，賣相與味道很正，不會揸留攤！Great：）總結：值得再來：0

之前見有雜誌介紹, 食評都OK於是專程約埋全女班上去試下地點都幾近朗豪坊, 算易搵樓下勁多桑拿, 幾驚去錯地方呀~~好彩, 入到去係兩個FEEL, 其實連埋露台都幾大唔知係咪星期日, 都3,4檯family客雖然係西餐, 但可能餐廳格局偏relax , 好處係有小朋友或講野大聲D都OK壞處係嘈左少少個日嗌左3個餐再加小食跟餐野飲都多選擇有水蜜桃乳酸個D, 唔洗下下剩係嗌凍OT直接講主菜豬仔脾配黑醋汁- 見其他人話麻麻地, 但我個日覺得幾好食D肉唔死實, 同埋可能我本身鐘意黑醋, 覺得都幾MATCH黑松露意大利飯- 好味好香, 同係出面貴餐廳食差不多煙三文魚闊條麵 - 一般, 無咩特別另外散叫左個沙律煙鴨胸凱撒沙津 - 其實個名有少少誤導因為唔係凱撒沙津個種dressing, 而係酸酸甜甜既汁不過都好食既, 幾開胃甜品試左牛乳布甸好重奶味 應該落足料侍應期間都有問我地意見, 都有誠意(可能岩岩開業, 比較緊張客人既feedback)態度都幾好臨有出去露台8掛下, 其實都幾舒服, 初頭以為係劈場, 但D客人都正正經經同外面燈紅酒綠形成對比價錢好合理, 定價都唔貪心下次應該會約一大班朋友上去

2月果時見到個團購幾抵就買左，但之後好忙差D唔記得左....趁未過期今晚同老公出去撐枱腳~ 首先簡單介紹一下喱間餐廳，應該用CAFE黎形容更加貼切。地點﹕位於旺角砵蘭街同上海街交界的商業大廈(感覺即刻一D都唔浪漫)店舖﹕一去到嘅第一個感覺就係...有D舊....因為D裝修基本上都甩得七七八八咁..雖然我地已經簡左坐入面，但係食食下都會好似無冷氣一樣食物﹕我地買嘅團購餐$199，分別有Carsar Salad、生蠔海鮮拼盤、招牌菜豬仔脾、鵝肝意大利飯、北海道牛乳奶凍同兩杯餐酒。首先，坐底唔夠5分鐘已經送上一紅一白酒同生蠔海鮮拼盤。老公一見到隻手掌咁大嘅生蠔就即刻話應該係美國蠔，而我見到第一時間就好驚會唔會淡茂茂架....食左之後，比想像中好喎~雖然一定唔夠食開嘅法國gillardeau咁好味，但都唔會似有D食店沖到D蠔咩味都無....而且都幾新鮮添之後就繼續有沙律同豬仔脾登場啦....沙律，我不嬲都好鐘意食~而且佢落左D沙律醋係我超鐘意嘅!!!但係個豬仔脾，我就比較鐘意食D伴菜多D囉........因為肉無咩味，但肉都唔算UN嘅，相反薯條熱辣辣，磨菇又好入味喎...所以喱碟有D"妹仔大個

在openrice見到有間新店開,諗住就去試試,點知失望,我地一行四人叫左:小食拼盤 (無味)煙燻豬仔脾配黑醋汁 (唔得係煙燻做法,亦無醋汁味)紐西蘭羊西冷 (無羊味)西班牙飯 (ok la)4杯杯酒埋單每人成200覺得不值**不過如果只係飲野傾偈就係一個唔錯既選擇

同女朋友係朗豪坊睇完戲，諗住求其搵d野下就算，見到有個易拉架上面個環境ok...就行前幾步走左上去，位置都算方便。樓下附近好多舊樓殘舖，去到口勁驚貨不對版。。。。但既然去到樓下就諗住上去睇睇。。。一入到去都算幾企理，之後有個著西裝仲要打呔嘅侍應招呼我地，跟住問我想坐outdoor定入面，困左係戲院咁耐。。所以想係露台抖下氣，所以揀坐出面，環境令我很意外，係旺角有咁大個露台真係少見，個侍應好好，即刻呢杯水同餐牌比我地，揀左一陣個侍應見我諗左一陣都揀唔到，介紹左個日本帶子海蝦茄肉意粉比我，話呢道菜比較開胃。。。跟餐有沙律同湯揀。等左幾分鐘就黎左個沙律，個沙律簡簡單單，但係加左d應該係柚子果類嘅汁料，好清新爽口，跟住上左個黑糖麵包，甜甜地，又好香，個男仔提我要趁熱食，幾細心。。。跟住又問我地happy hour叫唔叫酒，介紹左隻德國黑啤比我飲，入口好香。。。但又比一般黑啤易入口好多。。。真係唔錯，不過主菜就等左半個鐘左右，如果快到少少就仲好。個意粉隻汁好特別，有d似茄汁又唔完全似，仲真係有茄肉係度，帶子同海蝦都好新鮮。。。又唔會太酸。埋單果陣個男仔仲有問返d野食點，我就順便問埋點整隻汁，個

週六即興上網睇下旺角有咩地方可以飲嘢,我同朋友兩個女仔去了呢間新開BAR AND RESTAURANT搵到個大廈門口,下面兩層是色情架部,夜總會同按摩(2/F同3/F),一上LIFT見到三個少女去2/F夜總會,有少少驚,她們夜晚10點先返工?本來上網睇到有戶外座位,好吸引,喺呢個天時不凍不熱,好舒服,但戶外有人BOOK了BBQ,只可座室內.晚上10點去到,但營業時間網上寫到零晨2點,MENU上的食品只有小食類,但叫小食時好多話賣完,最後叫了肉醬芝士薯條($62)同燒黑豚肉($62),另叫了支裝APPLE CIDER ($45/支)同支裝BUDWISER ($32/支).肉醬芝士薯條($62):薯條炸得不脆燒黑豚肉($62):份量好少,味道普通,極之一般.講真食物質素一般,上樓飲酒的地方,價錢如中環老蘭,但地方寧靜少人,適合朋友談話,座得舒服WAITRESS服務不錯的,有禮貌

今日因工作關係而要係旺角幫公司拿野、離開公司當然不想甘快番去啦難得有得出黎蛇下先啦、甘岩去到朗豪芳當然要醫飽個肚先同打下機先啦、正打算搵野食同時有位挀傳單男仕捉住我話新開架、上黎試下啦、又話上面有空中花園和坐位舒服、見他甘好禮貌甘上去試下啦、上到去得幾枱客、不過都幾大、甘我緊係第一時間坐露台啦、又可以食煙又可以舒暢下自己、睇下有咩食先見到有扒餐當然我豪不考慮下選擇牛扒餐啦、個餐原來重有一個沙律、個待應重話如果有需要既可以無限次數提供沙律沙律到左試下先、個沙律汁好特別有柚子香味好開胃之後個扒到左跟飯、第一時當然試下個扒先啦、個扒都不錯、但個汁可以多D就好啦、我鐘意汁撈飯、果然係偷賴好地方下次試下晚餐先、走果時見到原來有生啤架

之前收到張傳單所以黎尼試下，上到去環境真係吾錯！有個空中花園，service幾好，佢地好細心，見天氣凍會問我地覺吾覺凍，需要既可以開暖爐，尼下真係加分，用茶餐廳價錢食個set lunch，有自助沙律，有幾個main course揀，我揀左西冷扒配意粉，味道吾錯！扒吾會太un，而配扒個汁吾似一般出面既黑椒汁洋蔥汁等等甘，係佢地自己公司自家調製既燒汁，我覺得佢個沙律個汁好特別，係黑醋汁黎，零舍開胃，一定會再黎！

買了團購coupon，以$199吃二人餐，六道菜，可惜一到樓下，便見到夜總會的燈箱，幸好室內裝飾不錯，有室外座位可選。先來海鮮拼盤，有蠔、翡翠螺及蝦，蠔的外型大，沒什麼海水味，蝦不太鮮甜。然後來沙律，令人大失所望，菜是熱的沙律你試過沒有? 全晚應該比較有"味道"既菜就係豬仔脾，薯菜是冇味道的，沒有放鹽，好健康呢! 反而豬仔脾是整晚最好吃的食物，外皮香，可肉煮得老了一些，有點難咬，燒烤醬汁不錯。而另一主菜墨魚汁大蝦意粉，汁很稀，蝦鮮甜，依然是淡味的菜式。飲品可揀紅酒或白酒，我們選了凍檸茶，可惜成杯檸茶是沒味的，一點茶味也沒有!!!我們離開時，看見其他枱的紅、白酒都沒喝完的，剩下了很多，難道味道太奇怪?最後吃的甜品是北海道牛乳奶凍，奶味香濃，餐廳員工有禮貌而且很年輕，希望他們能改善食物質素，那就更好了!

呢餐團年飯好特別，反而係我不再係同一間公司做既時候先食得成而且… 對我黎講好特別知道朋友仔最近比較辛苦，找個方便的位置應該幾好嘛先來一些小吃來測試這裡的quality新鮮既蔬菜，清甜蝦亦都好大隻呢豬頸肉每舊都係一小片整整齊齊的擺放好再來每人都叫了一個set dinner~奉送餐湯同飲品雖然店裡沒有牛油可以提供但其略有甜味的本身已經可以叫人就咁食~被烘熱了的包包，雖然沒有黑糖香，但清新脫俗的麵包香已勝一籌一點creamy 但不太濃幾適合一d 唔食南瓜既人飲用不太愛羊的蘇味但眼見朋友仔既食姿應該挺不賴雖然三文魚不是一些好品質既貨式但好香既橙味竟然帶起了三文魚既味道開頭以為有橙皮，怪怪的但其實味道反而不錯蜜糖介末味係朋友仔既偏愛燒春雞燒得蠻香脆閃令令的豬仔脾略嫌少肉男孩子的應該不太足夠吧三文魚打扮成玫瑰花放係正中間賣相為之吸引超 creamy 既意粉食完好full 好滿足聚在一起的感覺很好的耶我們.. 會有多少個年可以這樣呢?

其實一上到去既感覺係幾好，因為覺得幾乾淨。坐左一陣開始覺得熱，問過服務員有無開冷氣佢就話有，其實根本就無開，要我地問多幾次先肯開。因為要等朋友諗住叫D野飲下先，點知道叫完幾個字都未離，咁就諗住睇下食咩啦，咁發覺原來晚餐有野飲，咁就問個服務員之前叫D飲品係唔係會當晚餐既飲品，奇妙既事情就由尼刻開始，個女侍應就話:唔可以！咁我地就叫佢取消之前D野再order過啦！佢就開始黑面！其實叫左飲品再叫晚餐成日都有，好多餐廳都自動波會將之前order D飲品入晒餐飲到，佢竟然唔比！真係好特別！之後我地就order晒各人既晚餐，落order時間大約8點到，點知道由我地order到第一道食物竟然係要個幾鐘，仲到同一張枱order兩碟同一樣既食物要分開上，咁我又問個女侍應點解啦！佢個答案仲特別:佢話唔關佢事，係廚房事！ 由order到所有人既食物到齊足足兩個幾三個鐘頭。其實我地只係叫幾碟意粉同一件牛扒姐，都要等三個鐘先煮好！最特別係叫杯啤酒都要等半粒鐘以上。到最後我地叫佢拎我地買上離個蛋糕出離都仲要我地等！成晚最快做到既野就係埋單比錢！走果時仲要比我地見到廚房上個電視果條友仔"咀廟廟"！其實佢D野唔好食我

同男友買左團購試，係二人餐浪漫晚餐。地點唔難搵，餐廳內既裝潢令人幾舒服，奈何梳化坐落去太矮，男友咁高都話矮，何況我咁細粒點食。到野食來左，先來海鮮拼盤，有生蠔，翡翠螺同玻璃蝦，都幾新鮮。生蠔幾肥但屬濃味海水味重，男友唔食，4隻真係夠哂。然後上沙律，菜好青綠，配芝麻醬好味。再上飲品白酒，不要太高要求，但可以入口。男人唔飲酒，要補鐵叫凍檸蜜，因除酒只包25蚊餐飲，而25蚊餐飲只有熱檸茶檸水。主菜鮮蝦墨魚麵好食，但好(流)。兩個人一齊食ok。豬仔脾賣相好，食落都尚可以，有點難咬。到上全晚最後食既就係甜品。北海道3.6牛乳奶凍，奶味好香濃，岩哂我依d鍾意食奶類製品既人。總括來講成頓晚餐都不錯，團購價199包加一絕對抵。

一些朋友介紹.....話這間cafe的意大利菜有酒店水準，但價錢就相當便宜！！試個後，果然無介紹錯....款式同味道都當美觀和美味。本人由其喜歡cafe嘅招牌雞翼同推介嘅卡邦尼意粉。而朋友就同我講極之欣賞這裏的生啤...原來是很少地方有嘅，而e家又好多人鍾意嘅1664。環境亦相當舒適，真是不錯的選擇

今日同女朋友喺旺肖角買咗飛睇"一代宗師",仲有成個鐘先至開場但係又未肚餓住,咁就諗住揾間cafe hea吓~年幾前同朋友去過朗豪坊附近一間cafe,有個大露臺的,感覺幾舒服而且又可以食煙,於是乎就決定上去啦~上到去見到D裝修唔到晒以為去錯地方,一問之下原來轉咗手,anyway唔緊要啦,志在揾撻地方hea吓等開場~六點鐘上到去冇咩人鍾意坐邊都得,侍應生好細心咁介紹個menu同埋有happy hour,聽落幾底,生啤三送一,紅白洒一送一,cocktail二送一,本身想飲Hoegarden嘅,不過兩個人飲唔到咁多,而且凍冰冰,所以就叫咗兩杯紅酒慢慢飲,侍應生又問我地要唔要小食,介紹咗個"黑毛豬豬頸肉"比我地,同隻紅酒幾襯,其實我地就唔肚餓嘅,不過聽完佢介紹又想試吓,而且佢嘅服務態度真係幾難令我推卻~好!言歸正傳,杯紅酒真係唔錯,因為本人一向都有飲開紅白酒,雖然呢杯唔係好飲到識飛,不過house wine嚟講,易入口,果味重,單寧簿,而且我地買一送一,真係有重超值嘅感覺~跟住等咗十分鐘豬頸肉到埋,望落去同普通豬頸肉差唔多,不過食落又真係唔錯,爽口,而且感覺上唔油,味道又唔會好濃烈,幾好~幾好~