Andy's 烘焙坊

营业中

休息中

之前未出名有朋友買過俾我試，都算幾好味。跟住開始上網有人報導出名咗，有日放工去，都預咗要排隊。六點前到，排到一半先後面個呀叔話要拎籌，佢都好好人比我離隊入舖頭問。點知舖頭個呀叔超臭寸，我同另一個男人問佢拎飛，問咗幾次應都唔應下，過咗幾分鐘再問佢先施施然入廚房拎左一張飛出黎比我前面個男人，一句説話都冇講。然後我問咁我仲有冇？佢冇答呀，然後如是者問多佢兩次先話冇晒㗎喇！個態度仲要好不可一世咁！前後浪費咗我差唔多十分鐘塞喺間鐘舖門口等答案！離晒大譜第一，明知人多要派籌唔該大大隻字寫清楚喺門口，唔係個個黎買都係熟客知你點玩第二，比完籌我前面個男人一句講話冇晒有幾難？等咁耐先嘔到隻字出嚟第三，大家要去請準備至少排一個鐘仲要受一肚氣！我喺等答案嘅途中見到所有員工手腳慢到離譜，幾十人排隊仲要一分鐘先收到一個客錢比蛋糕，個客問佢拎個袋都要比人寸！呢間野咁嘅態度真係不可一不可再，永不錄用。去過第二間手工蛋糕買好過，唔洗特登過嚟筲箕灣咁遠！

見網上推介，所以專登搭車嚟買等緊蛋糕出爐期間，見一位將會切蛋糕嘅姐姐掃地同掂晒垃圾桶後唔知有無洗手另一個就食完蜜瓜再掂垃圾桶，成手汁抹落條圍裙，再跟手摺蛋糕紙盒兩位都唔戴口罩同手套打完電話俾餅店店主Andy Hau同佢敘述，佢｢哦｣一聲就算！咁我咪唔買走人，當施捨啲車錢囉！做飲食一定要注意衛生！尊重自己嘅行業！

今日同班姊妹去上堂，於是放工後黎哩間開張不久就人流不絕的蛋糕店購買鮮製蛋糕，店內店員唔多，驟下只見一個年紀較大的女人負責做收銀和一個男人負責搬運、切蛋糕和包裝。我去到店內時只有原味和抹茶兩款口味以供即時售賣，收銀機旁還有大大粒的原味蛋糕比人客任試，我一口放了整粒入口，嘩，不得了，原來望落似海棉蛋糕，食落厚實的質感，好幼滑，好有鮮蛋味，正，忍唔住食完又想食。係等待購買期間，見到男負責人間中會行進裡面似廚房的地方搬運另一底蛋糕出來，見到還有點蒸氣散發在空氣中，知道一定是剛焗起，蛋糕有一個$50或半個$30購買，我只買了半份，叫男負責人將它切成三份，我由排隊及等候大概約十分鐘時間，坐左個幾鐘頭車拎到返上課地點，姊妹食完個個都贊口不絕，有姊妹仲話好似台灣的古早味蛋糕。

五點半左右到，剩返抹茶味，店員話六點芝士同原味會出爐所以我就排隊等，排第五。最後6點15分出爐，限售12個！蛋糕好軟熟又夠滑，淡淡蛋香，當然主角係中間薄薄嘅果層芝士，帶啲咸味但唔溜。我買呢件係全條，厚切可切七至八塊。一返到屋企已經無咗半條，因為大家都好清楚新鮮係另一層次。排我前面之前買過街坊提我只可放 1-2日，要盡快食。好食但當然未至日本神級水準，價錢公道，下次遇到唔使排隊會再買。btw 無遇到之前留言提到嘅串咀店員。

已經吃過原味 綠茶味蛋糕，味道又不算超好吃 但相比普通麵包店 是比較好吃的。流心芝士一直吃不到 因為指定時間才會推出 只得一底 要拎號碼籌一直排隊等到蛋糕出爐 原本下午3點出爐 竟然要等到3點半後才出 太太們更表示已等了45分中 每人張買一條 以上都不是問題 只能說員工沒有正確說出給客人知道 如買原味蛋糕是不用排隊 有很多客人就白白跟買要流心芝士的人龍一起排 浪漫時期 員工對客戶又沒禮貌 老闆咀臉更是不可一世 傲慢 客人喜歡吃蛋糕 可能是一種熱潮 必須要與客戶建立良好關係 才是做生意的皇道

對呢間餅鋪真係有讚有彈：讚嘅係師傅用心用功咁去做咗一啲好味嘅蛋糕，蛋糕嘅味道好好,質感軟綿同埋唔太甜 ，我隔幾日都幫襯一次 真係好好味， 我只係試過原味同埋抹茶味，原味嘅蛋味好濃，抹茶味嘅茶味亦都非常濃郁， 但係芝士流心我就未試過啦 ，因為成日要定時定候先至出爐，同埋星期六日又冇得賣。彈嘅就係嗰兩位售貨員，收銀嗰位售貨員經常都黑口黑面， 經常嫌人哋冇畀散紙，再加上佢似乎同另一位售貨員唔係好咬絃, 所以今天當我要問咗佢幾次有冇某種味道嘅蛋糕時，佢都唔會直接回答而係叫我去問該另一位負責包裝的售貨員， 而另一位售貨員就喺度好忙亂咁樣包裝緊，所以亦都冇回答我嘅問題。 我只係想問清楚有冇嗰種味嘅蛋糕先至畀錢 ，如果唔係畀咗錢又要喺度等45分鐘咁就實在太耐喇 。試問點解售貨員同售貨員之間唔好好咁溝通，數清楚所可供應嘅蛋糕嘅數目，先至售賣畀客人，而係要客人自己去問負責包裝嗰位售貨員仲有冇蛋糕賣，好奇怪，每一次去買都覺得好受氣， 但係屋企人鍾意食所以冇辦法唯有忍。 但係咁樣做生意發售貨員真係幫手趕客， 而佢哋包裝嘅速度亦都有啲慢。 好食嘅小店我當然希望佢繼續存在，但係出爐的間不算密， 包裝有啲慢， 再

自從食過原味，個心一直好想試流心芝士味。見三點出爐，今日早左半個鐘過黎，點知見間野吉晒，貼左張告示話：所有蛋糕暫停，原味會三點三再出爐😱😱😱😱唔通無芝士味！心都傷💔2:45 開始排，排到3:15 有飛派，問我係咪要芝士🤩🤩🤩🤩得番最後兩個籌好彩比我排到。（ps.每人只限一張飛）✨一排等到3:50 先見到個蛋糕出爐，真係企左成粒鐘腳都軟，門口又話3點出，最後比埋錢差唔多4點😵係咪玩野？？？定我唔係第一底？？？但我張飛係8號。✨排緊果時原味都好快清晒，剩左勁多抹茶味，佢有問有無人想買左抹茶先，不過又唔同出面排緊長龍果d 人講，咁如果排緊抹茶味果d 真係白等。✨不過買到都總算得番d安慰，立即飛車番屋企。✨番到去食d 芝士仲帶點流心，食落咸香好好味，講原味同埋芝士，比我下次都係買番芝士味。 可惜d 芝士剩係得面果一層，實在太少，食落去半層就係食緊原味咁，味道分離左。如果可以多番層芝士就好味好多，不過而家都好好食😝排左個幾鐘都算係值得。✨服務方面其實佢地又唔係寸只係無咩服務同比較慢，收銀果個本身就係天生黑口黑面，叫人排隊既就係無咩表情，所以難免令人無咩親切感同嬲嬲🐽。不過如果下次要排個幾鐘，我都

新開，見多人買就試下。三隻味，原味， 綠茶， 芝士有得試食原味， 其實試完已經覺得平平無奇，同普通牛油蛋糕無咩分別。 不過一場黎到， 就買半個綠茶味返屋企。同一時間， 都有位女士走入去， 佢問現場兩位阿姐個蛋糕用咩牛油， 兩個呆左唔識答。再問佢買左返去食唔哂點儲存，收銀阿姐就好笑啦， 答：「點會食唔哂，幾分鐘食完啦！」如是者重覆左兩次，位女士0左姐。另外切蛋糕阿姐又係可愛，堅持自己將D蛋糕切成正方形，半個平行切只可切三件不可四件，話個蛋糕好鬆會散喎。好，返到屋企開黎食，完全唔覺得佢講既鬆，實的的就真！

一去到有好多人排緊隊等出爐 本著嘗試心態 畢竟好遠過到泥 等到下午1點 終於見到原味同抹茶味蛋糕 排到入舖都仲要等 因為前面太多人 有位婆婆係龍頭同切蛋糕既叔叔講佢既要求 所以我地再等多左陣 其實等唔緊要最緊要係個收銀阿姐太串 我地未到收銀就當然無叫過去落單 點知排到阿姐第一句唔係問我地要咩 而係串我地：你地係咪買架?!首先我咁遠泥到 又企左咁耐 唔買唔通係泥消磨時間？再者過門都係客 洗唔洗咁既態度 加上唔係我唔想落order 而係前面個位婆婆阻左好耐令我未能夠排到去收銀落order總括而言 蛋糕口感okay 但等太耐 食超羣清蛋糕口感同價錢仲成正比 服務態度超差 令客人感覺唔良好 浪費我一番好意排隊等候！

聽同事講完，原本今日去食羅宋湯(下星期一定要去食XD)，就改去東大街，為既係呢個蛋糕.，但12點到都排唔到芝士...蛋糕實實的，不是空氣，蛋味亦重，返到公司一打開個盒就一陣蛋香~ 因為真係岩岩出爐，我地估師父切都有難度所以出左爐一陣既原味就可以一片片，但綠茶就唔得啦... 呢個蛋糕岩我，因為唔甜，係我食過最唔甜既蛋糕! 但又會覺得蛋糕係應該要甜尐，我肯定傳統既紙包蛋糕或同類型蛋糕都比佢甜，但我好鍾意啊！不過唔知幾時先有得再食，因為真係好難排... 睇下幾時有機會再排XD

今日專程由九龍過海去幫襯，我買三個蛋糕諗住今晚返去同屋企人慶祝，根本都唔需要你提供啲咩客戶服務，但呢間嘢啲人真係好臭寸！尤其係收銀嗰個大嬸，更加極度臭寸！ 呢次係我第一次幫襯！亦都係我最後一次幫襯！將來我唔會再幫襯呢間舖頭！另外，有個師奶買完綠茶蛋糕之後，對住佢哋講:你哋咁嘅態度，唔會令人再幫襯你囉！味道方面唔係傳說中咁好味，只不過係普通嗰啲鬆軟嘅蛋糕，相對我係台灣旅行時，淡水有間好出名嘅烘焙蛋糕，好味好多！台灣嗰邊啲人亦都好有禮貌，同香港呢啲舖頭，臭寸態度真係天淵之別！大家想受氣嘅！？不妨去試下！

今日特地預出爐時間去排隊買流心芝士蛋糕，真係好味，有如日本Pablo蛋糕（鬆軟感覺）加流心芝士。好rich, 食一件已經飽了。另外，師傅話剛出爐切唔到，因為芝士會流出黎，要自己返屋企切。同埋星期日及公眾假期沒有。

去東大街發現開左間新野，好多人排隊，主打一底底既蛋糕，有d 似台灣既枕頭蛋糕。不過見佢無特別既名，只係盒上寫住現焗蛋糕。✨蛋糕有原味，抹茶，芝士同流心芝士，可惜芝士味無晒，所以就買左原味。排到隊剛好沽清，好彩等5~10 分鐘就有喇。食客不乏老人家，睇黎應該都有番咁上下水準😙，蛋糕仲可以買半個半個拼埋一盒。✨原味蛋糕（$50): 勁大個勁厚身，切開有12件。蛋糕好香蛋味好有彈性，唔會太甜。質地好綿密，食完係勁飽肚果種唔會輕飄飄 👍🏻媽子都大讚。係個面皮乾左dd~~但值得再encore~雖然味道簡單，但就真係鍾意佢夠簡單🤣。隔左日食，質地依然keep 得到。✨不過包裝盒比較差，紙質太薄承受唔住蛋糕重量，行左一粒鐘番屋企，已經開始唔掂，要托住個底行，怕成個蛋糕飛落地。✨下次要買到流心芝士味🙋‍♀️🙋‍♀️🙋‍♀️東大街d 食店實在轉得太快，只賣一樣既唔容易生存，希望你地繼續keep 到水準我可以繼續幫襯👍🏻

有同事在群組對呢間位於筲箕灣東大街新開張的蛋糕烘焙店讚不絕口，於是我即刻標去睇睇到底有幾咁好食，買左綠茶味同原味蛋糕，綠茶味講真不夠濃郁，但勝在和原味一樣軟熟，有點像chiffon ，新開張見都有唔少人幫襯，依家到31號前購買仲有$10優惠，可以再試

今日在筲箕灣東大街開了一間烘焙坊,出售古早味蛋糕,有三種口味,經典原味、抺茶及流心芝士全部由舖面後工廠即場整作,老闆把成品蛋糕拿到舖面出售時,仍見剛出爐的『熱氣』從蛋糕面升出,証明是現場整作,不似一般連鎖蛋糕店由外邊工廠完成後再經運輸送到舖頭,這樣一定比較新鮮,而且可減少運輸途中受到污染,這樣會食得安心好多當中流心芝士看來最搶手,不停聽見其他食客查問,就算我這個不好芝士的人,聽了都好奇想試一試,但一出爐就被其他人火速搶光,唯有先試原味原味應該是古早味,好香的蛋味,厚實的質感,食後好有滿足感未有機會試抺茶及流心芝士味,相信是創新口味吧,下次有機會一定要試下