Angel & Devil (已結業)

放假同姊妹去觀塘行完街，想搵個舒服又靜靜地嘅地方食tea，就嚟左呢度～今次試左同護膚品牌聯乘嘅下午茶，聽講加左好多美肌嘅食材，女仔真係要食多啲！首先嚟杯野飲，我地一人叫一杯，一凍一熱，姊妹嘅係乳酸梳打，我就係熱嘅肉桂龍眼茶，好養生！賣相完全唔似咁中式嘅飲品，上面層泡泡幾得意，味道都幾好，唔太甜。到主角出場，好耐冇食過三層架下午茶，今次就跟住傳統，由層食上去！咸點幾好食，推介芝士撻同埋雨衣甘藍，好好味！另外甜點都靚，姊妹話香蕉蛋糕好食，但我唔食香蕉就冇試，其他都唔錯，食完超飽！ $300兩個人都值得食！

放假睇工廈行下街 又唔洗迫都幾好原來有間食semi buffet環境又幾好，舒服，唔迫，岩放假黎Hea沙律區唔算多沙律，不過有幾款火腿同芝士，包仔都有幾款，算唔錯海鮮有3-4款，夠凍，食落都新鮮熱食就得1-2款菜，希望可以有多啲可能因為想你加錢食，所以冇飯冇麵，我接嘅甜品同生果有少量，竟然仲有朱古力噴泉

近排發現公司附近開左間新餐廳，就約左班同事一齊去會下佢😏一上到去見到成間餐廳都好chill, 又有藍球機，地方又大，d 位都幾好坐，仲有outdoor 坐，係呢度happy hour 應該唔錯。叫左個燒春雞set lunch, 整體黎都算還可以，不過價錢唔算平，最好食算係個dessert。

下雨天想和好友們找個地方hea下，不想移動得太遠，便上網找找觀塘區有無afternoon tea 。剛巧看到Angel & Devil 有英式下午茶便上去試試。這裏環境十分不錯，寬敞闊落。餐廳用angel 和 devil 作主題設計。坐位是黑白為住。白色卡位旁還可以見到羽毛裝飾的牆。我特別喜歡頭頂白色樹枝造型的燈。甫一坐下便和朋友拍起照來。我們點了二人英式下午茶＋餐飲，另外加了水牛城雞翼。這個下午茶味道比較正常的只有三文治, scones 和 brownie, 其他不值一提⋯而我另加的mocktail...根本就是蜜桃紅茶⋯但價值$58水牛城雞翼味道ok, 但不是心目中的水牛城醬汁味不知是否雨天和週末原故，我們留了大約2-3個鐘，只有我們一枱客人⋯此英式下午茶質素麻麻，不知道主餐牌的食物質素又會如何呢？有機會也會試試的。

近期在這區活動，所以特別留意附近食店。今日試了Angel& devil,想試試其半自助午餐。在光顅前當然參考食評，而大部分人都點了牛扒。牛扒賣相都很吸引。所以決定一試。12點到只有一，兩台客，地方寬敞，有露台係優點。我們安排在中間位置。兩邊風口直吹，凍死！好在有外套。食物方面：有兩組食物台，一組頭盆沙拉，湯及包，另一組甜品，有朱朱古力噴泉，芒果糯米飯，2款蛋糕及涼枌。個人認為食物䆄類不多，特別甜品方面。圭菜點了牛排，充滿期待，因為看食評照片是不錯的，但最後發現比想像中細。大家可以留意比例。雖然係細咗D，但肉質嫩滑。可以接受。服務方面，可以有進步空間。因為侍應每次都係問2次先記得下單內容。

沒想到這麼好，同朋友諗住試下新野，点知有驚喜。不論是食物資素，份量，環境，服務都一流。頭盤有湯或沙律，同朋友share, 番茄南瓜湯配2個法式麵包仔，重蕃茄味，好飲。沙律有驚喜好有酒店水準，配好似雪梨汁甜甜地超好味，食完頭盤已好滿足。跟住到主菜牛扒，份量一般但好好味配菜更出色，甜品有4至5樣揀，焦糖燉蛋一定要食超驚喜，重有塊燒過的黑芝麻，好特別又好好味。再飲埋杯咖啡，真係好好味。值得推介。價錢合理，198 加一，可以再同朋友去。

在巧明街上班每次經過樓下見到這餐廳的廣告都被吸引，今晚終於有機會上去試下，一踏入接待位非常有style立即想打咭兼影相，勁喜歡門口的水吧！型轉入餐廳區，嘩！真系好特別，燈光椅桌非常新潮設計者真有一手。坐在卡位也非常舒適，餐牌上食物也選擇多。點了set dinner 就往露台參觀一下，客人也有二十位左右，等了半小時 沙律及餐湯到了，一看，田園沙律為何乾爭爭的？仕應說 dressing是波蘿汁，ok ，但碟底一滴汁也沒有。湯是粟米忌廉湯，味道衰過金寶湯，一句冇味醬粉湯。主菜芝士烤雞扒，我以為去左麥記吃麥樂雞。最後，朋友的主菜等了一小時冇黎到，原來漏單。總結，甘靚設計有主題企理乾淨的餐廳，因為樓面及廚房，呢D人為失誤，令客人唔再幫襯，失敗也！

今晚同朋友去試這間新開餐廳，點了兩個晚餐。頭盤既薯仔湯香濃美味，主菜係安格斯牛同龍蝦飯都好好味。甜品既檸檬芝士餅并椰子gelato. 雪糕係有椰子粒和脆脆，質地軟滑。唯獨檸檬芝士餅太甜同無檸檬味，否則這個晚餐更完美。

已脫離了觀塘區上班一段頗長時間，今天回來當然是覓食。朋友介紹觀塘區也有不俗的西餐廳, 約好的星期六和她吃個Brunch 原來是在此區薄有名氣的Angel & Devil，從港鐵行過去唔俟10 分鐘， 就算一家大細過去都無難度。                   餐廳佔地相當多，有戶外地方也有兒童耍樂區。 卡位夠大坐得幾舒服。半自助餐由12點開始，包括了自助沙律、頭盤、甜品等。 主菜選擇夠多， 意粉、 All day Breakfast 、扒類 一應俱全 。我選擇了 $188，朋友選了 $198 選好主菜後可享受自助美食，選擇貴精不貴多，反正自己一向唔大食, 所以份量岩岩好。  個人比較喜歡小忌廉味的蘑菇湯，啖啖蘑菇蓉口感夠真實。 暖暖的麵包也是必食，一次過跟湯吃幾個都無難度。 接著我的主菜 也送到面前 香煎石斑，太薄欠口感，意大利飯也煎成一餅, 口感好似飯焦一樣， 汁都無一滴，令人十分費解。 朋友點了七成熟  比預期中熟, 大約八至九成熟，口感無咁好在所難免, 以牛味濃郁搭夠， 墊底配菜有燒薯仔和露荀，味道幾好。 甜品選擇不太合心水，只吃了一點已收工。 咖啡還好的。 

同男朋友慶祝紀念日，佢安排左依間餐廳晚飯餐廳環境敞大～裝修富有特色，空間感強烈有足球機、飛標機、餐廳入面仲有間房俾人舉行派對～可能算係新餐廳，o個晚唔算多人得3－4枱人，被安排到4－6人張ge 卡位坐得好舒服，環境靜靜地好適合談心同男朋友叫左兩個set dinner餐湯、沙律、主菜、甜品同飲品食物用材新鮮，份量夠兩個主菜－ 饅魚炒飯同意大利飯都好好好惹味一啖接一啖咁食～甜品好別緻，成餐飯都好滿意宜家o係觀塘晚飯人均消費高，依間餐廳嘅環境、服務同食物都屬於高質素比起其他餐廳唔算太貴有驚喜，物有所值，會推薦俾其他朋友～

其實第二次黎呢食嫁啦， 第一次無咩特別， 無提起勁寫食評，但今次好有驚喜，點都要表揚下首先係個龍蝦cappuccino, 上次已經飲過， 但要encore 再encore, 一樣咁好飲濃郁蝦味又唔腥， 講完又想飲呀黎左杯omakase cocktail 都係第一次！我唔知叫咩名呀， 但好靚同我好鍾意飲， 下次要再叫只可以俾返bar manager 睇啦～～ 但黎多次omakase 好呢好坦白講, 個沙律唔係好特別, 所以我無影~ 只係影左個黑松露意大利雲吞, 我覺得佢真係皮薄餡靚, 本來我怕飽食唔哂D 主菜, 後尾都食哂呀😅😅😅之後4 個女仔叫左4 個main course, 份量真係好大呀, 完全食唔哂, 因為樣樣都好好食, 都唔知食得邊樣好!!!! 印度烤雞配脆脆薄餅, 少少辣味多多香味, 雞係滑既, 但最好味係個脆脆薄餅配個source, 好味好味好味!果龍蝦鮮拆蟹肉意大利飯同個意式鹽烤鱸魚, 唔只係個presentation 夠吸睛, 食得出用料揼本, 仲好新鮮先做到唔腥, 魚又滑, 龍蝦肉彈牙。相對起泡菜雞肉漢堡, 好似都唔係好吸引嫁, 但係介紹下先知係心機野, 佢個雞肉漢堡

上星期六去左試angel & devil 嘅半自助午餐，都幾抵食！價錢由$128起就有一個主菜+任食沙律/前菜/甜品！我地叫左龍蝦西冷都只不過係$188！估唔到會有芝士同salami!!龍蝦龍粉超濃郁同入味，啖啖龍蝦鮮味，半邊龍蝦肉都好彈牙！讚！牛排份量大，好juicy!!餐廳環境仲要超正，好有空間感，坐得好舒服，好啱坐低傾計慢慢享受！星期六日真係要比自己好好放鬆一下！我地最後坐足兩個半鐘，大滿足，會再食！

係觀塘返工，lunch真係有時係想抖下氣，不過好多時想搵間唔錯嘅餐廳，坦白講真係麻麻，要好嘅點都過百元，所以放工無咩都唔會留係觀塘。呢日嚟到呢棟會所設備嘅大廈，佢有spa，gym咁，不過對於我嚟講，如上述，無咩都唔會留係觀塘。講番餐廳先，天使與魔鬼，餐廳主題當然都有配合到啦，部分係白色系列嘅設計，另外部分係黑紅系列。我地坐係白色個邊卡位，原來係棺材，幾有趣，不過坐得遠咗啲，要pat pat坐近邊先食到飯。有啲主題位置，可以玩同影相（可能可以book場搞party？）呢間唔平，未加一都已經98元，最貴都有158。餐包有幾款揀，都幾好味，幾正。我自己好喜歡佢嘅餐具，成件事加好多分。湯正常，幾好飲（餐湯我無乜要求，唔好凍同怪味就得）我要突破框框，我叫咗印尼炒飯，首先回應「誠意」呢點，我係觀塘食飯咁耐，無一間餐廳會熱碟上，呢間有，係真係暖。雞槌好大個，我地幾個都嘩咗，肉係幾嫩幾滑，不錯！唔好睇印尼炒飯細細磚，都幾多下。佢個飯小小辣，幾香口，仲有雞件，蝦同蛋都ok。甜品係Haagen dazs，完全估唔到，仲唔係有誠意！正！Latte嚟講都係苦，其他同事個杯咖啡都係偏苦，要改善下。

waiter 個個黑面，咩事? 埋單好耐，追先話攞左張咭去樓下碌……搞咩？問餐牌既野，唔識答，環境好但態度差，全場得3張枱，唔會再去，貼錢買難受……問甚麼啤酒，唔識答，話搵其他人黎解答，都係唔知……全場得3個Waiter, 全場3張枱，但又唔係一對一招呼，要人無人……

Came here for weekday lunch. On entering, the restaurant is spacious and bright with open view of the park in front, and a terrace - a rarity in Kwun Tong. Set lunch food was average at best with the food being lukewarm and uninteresting. Service staff could have been more friendlier (appeared to be rushing to get away from you even though they were not busy) and often answered with one word answers - such as when we enquired about the dessert expecting an explanation but only getting a yes/no/b