% Arabica (益發大廈)

营业中

休息中

身為東區人住喺鰂魚涌，點可以冇嚟過海山樓打卡。%咖啡喺中環IFC已經試過一次，估唔到喺鰂魚涌海山樓開設新分店。店舖裝修時尚，空間感充足，買完杯咖啡仲可以拎出去同打卡熱點合照一張。係一個好成功嘅宣傳策略！講番杯咖啡，我同朋友分別叫咗一杯凍同熱嘅西班牙咖啡，由於我哋唔係咁鍾意太甜，所以都分別叫咗少甜，因為西班牙咖啡係會加入煉奶去整。所以份外滑口！凍同熱嘅分別就係在於拉花而且值得一讚嘅係，%已經走塑，用的管館係用紙去做

☕一直好想拜訪呢一間 只賣咖啡的咖啡店 ..( 聽落好似覺得理所當然, 但事實上 要搵一間真係只售一種產品既店.. 其實唔易 )今日 我黎左% Arabica既鰂魚涌店 .. 正正就係位於打卡熱點 海山樓地下🏢🏢🏢係咁舊既大廈之中, 有一間咁潔白又咁簡約既咖啡店搶眼得黎 又覺得好融和😌店鋪樓底十分十分高 .. 以木系+純白色為主調一行入黎 令人有小溫暖既感覺再抬頭望一望 .. 係一格格放滿咖啡豆既麻袋☕而天花係用鏡面鋪排而成, 增強左空間感(咖啡店以外賣為主, 不過店內面都有少量座位 可以坐低飲🌸)呢度供應既咖啡種類包括:: Espresso, Macchiato, Americano同Latte亦都有出售黎自世界各地既咖啡豆Size方面, 亦都show左係cashier位置 一目了然分別有: 最細既Espresso size, 一細一大熱飲size, 同埋一個凍飲size❄我同朋友分別揀左Matcha Latte (Hot, Short size即係上圖排左二個種) $50同埋Spanish Latte (Ice) $55Matcha Latte (Hot, Short size)

Hidden in Monster Mansion, you'll know you've found the right place when you instantly recognize the IG-famous spot (if you haven't been there already). The shop is stylishly decorated, with mirrors lining the walls on two sides, making the space a photo-worthy spot in itself. There was barely a queue when we went at around 3pm on a weekday. We were told it only usually gets busy during lunch hours. We ordered the latte (you can choose between blend or single origin) and matcha latte, both with

朝聖蜚聲中外，遠近馳名，難得一見嘅香港簡約設計包豪斯風格嘅海山樓⋯⋯附近嘅%咖啡店%Arabica。上個星期先去完日本京都，見到Arabica，我一般每次過到去都緊要整翻杯，再順便同Shoji生聚下舊。講翻呢間舖，雖然唔係好方便嘅地點，但由於在打卡環點附近，照樣能夠帶來不錯嘅人流。呢間舖頭同其他比較，有少許唔同，傾向夢幻，科幻嘅風格，其他舖多數以簡約設計為主。自助區+售賣一d杯。佢而家都開好多分店，將來肯定遍報世界。Spanish Latte，比一般Latte甘香味更重，我嘅至愛。叫咗兩杯。順便去打埋卡先。

今日去咗海山樓影相，意外發現之前好多人打卡嘅 “%” 咖啡店☕️店內裝修簡約，好有日本feel，好靚，岩哂我依啲文青😂😂間舖頭只係賣咖啡同咖啡豆，無小食或者蛋糕賣，所以餐牌都好簡單👍我同朋友叫咗一杯Ice Spanish Latte 同一杯Hot Tall Matcha Latte. Ice Spanish Latte好香滑，咖啡味重得黎又唔會苦，入口順滑👍Matcha Latte 拉花好靚，奶味同抹茶味都好濃，唔會太甜，不過飲完會有少少飽🤣

wow~~~太好了可以喺側魚涌有高質素的咖啡店了來自日本京都的%咖啡店記得喺京都趕行程時，都不忘排長龍去品嘗呢杯咖啡。當時心想， 如果香港有分店就太美好了。香港店的裝修和日本的大致相同。用上同一種色系，格調，布局。基本上一望到呢個裝修就會記喺係呢間咖啡店。一模一樣的咖啡機和紙杯， 認住呢個簡單的 %日本風的簡潔乾淨， 清新。喜歡不太濃咖啡味的朋友應該特別喜歡，因為奶味是比較重的。配上簡簡單單的拉花，一杯精緻的咖啡就在眼前了。

wow個日去怪獸大廈食泰國野跟住見到有間野發光 行埋啲啲睇 原來係%咖啡！！😱同同事即刻入去望下！裝修好靚，兩邊都有bar台同大鏡好多人潮聖同打卡中選擇唔算多，價錢中等仲有得買咖啡豆添！好靚呀我地叫左一杯iced cafe latte2杯spanish lattespanish latte係加左練奶架！好似茶走咁，飲落既甜味唔會蓋過左咖啡既香味，好夾！cafe latte即使加左冰，都飲到咖啡唔澀，證明靚豆，鮮奶好滑！以後lunch可以成日飲正呀！😻

我之前常常到中環IFC這間由大阪來香港的過江龍 % Arabica 咖啡專賣店細味咖啡，當轉了新工後，都有一段時間冇飲過了。當知道這店開到來鰂魚涌，來到我家附近，特意搵一天相約鄰居，一齊來這店慢慢地嘆著咖啡，過返個悠閒的day off。這店的格局又是以全白色之主，望上去有一包包的咖啡，充滿著藝術感，這店有賣來自世界各地的咖啡豆，例如巴西、日本、巴拿馬、哥倫比牙等地，亦分為不同size售賣。如果叫咖啡的話，有冷有熱，每次去光顧都會飲tall size，大杯d，滿足d。西班牙拿鐵 Spanish Latte ($50)，用上來自西班牙的咖啡豆調製出來，咖啡口感好香、細滑，用上日本明治的鮮奶拉花沖製，奶味是非常香濃，而且天鵝的圖案拉得好靚，為咖啡增添一份美感。抹茶拿鐵 Matcha Latte ($55)，抹茶飲黎口有少少回甘的味道，同樣也是用上日本明治的鮮奶拉花調製，同抺茶味道互相融合，好濃滑的鮮奶味，咖啡師拉上另一個圖案同樣好靚，鄰居也大讚好飲！

今日天氣好得令人心情愉快，星期日既下午最岩就係慢活，到處逛逛、影下相。碌ig見到朋友影位於鰂魚涌既怪獸大廈影得好靚，就捉左男朋友去睇。一去到發現原來有好多遊客都慕名而來，爭相係呢個香港獨有既景點打卡。我地影完一輪，時間尚早，見到隔離有間裝修好靚既咖啡店，就入左去幫襯。「%Arabica」室內空間都係以白色為基調，整體室內新潮又極具設計感，就連擺係店入面的咖啡機都唔似一台機器，用藝術品黎形容會更加適合。而佢地所賣既咖啡就同裝修一樣咁簡單直接，5款咖啡，就係咁多。我同男朋友各自揀左Spanish latte同matcha latte，咖啡同奶既比例非常好，入口香滑，甜度適中。好飲既咖啡再加上舒適既環境，今個星期日真係好出色呀！另外，唔講唔知，好多人以為% Arabica係黎自日本，但其實佢既發源地係香港，日本只係佢開始成名既地方。宜家呢個品牌既版圖已逐漸拓展至世界各地，除左香港同日本之外，仲有杜拜、科威特、阿曼、柏林等等呀！

怪獸大廈嘅名氣已經係全世界都知，但土生土長嘅香港人未必會行入呢個窿位。今日途經英皇道，好奇心驅使下入去一望--仲係咁多人嘅？？冇諗到呢個咁平民嘅地方竟然開咗間頗出名嘅％Arabica舖仔細細，但裝修好認真，完美將咖啡同怪獸大廈融為一體。店內只賣咖啡（同少量特飲），唔賣麵包西餅。Spanish Latte同Matcha Latte賣相簡約但吸引。Spanish Latte嘅一大特色係加入咗煉奶，但呢杯除咗甜味仲飲到濃陏奶香，適合怕苦但又想聞吓咖啡香嘅人。Matcha Latte同樣奶香出眾，細味下抹茶回甘。店內仲有唔少自家出品嘅周邊商品。店舖有少量吧枱位，但因為幾多人排隊，所以買杯飲品出去排隊打怪獸大廈卡會更明智。

呢間coffee shop肥雞聽就聽得多啦 尋日經過側魚沖就私下決定去呢一間隱世咖啡店睇下佢啲咖啡有幾好飲 之前有段小插曲仔肥雞搵嚟搵去都搵唔到英皇道1048號去到嗰度係一間 地產舖原來直行入去係位於一個大廈內為嘅舖頭 咁肥加入到舖頭發覺已經坐咗好多人仲有好多旅客坐系入面 肥雞嗌咗兩杯咖啡 一杯係spanish Coffee 咁呢個咖啡豆就嗌blend 嘅, 一邊係加咗煉奶 所以唔使加糖都甜甜地 佢啲咖啡豆好香 另外一杯就嗌咗普通嘅cafe latte 而今次嘅咖啡豆呢就係single origin 店員介紹 single origin嘅咖啡豆係比較fruity , 所以呢家又係佢哋唔加糖呀咗杯凍嘅cafe拿鐵 咁落去佢個咖啡味真係冇咁單一 多咗一個酸酸甜甜嘅感覺

今日黎朝聖拍照，便去了附近的網紅咖啡店幫襯。店內裝修設計很時尚，人流都很多，川流不息，我點了一杯西班牙咖啡☕️，有拉花，咖啡香氣四溢，口感滑順。假日打卡，休閒活動的一個好去處。

一直有聽聞 % Arabic 這咖啡店，但要留意，尖沙咀分店的Menu好像選擇較少，所以想試Spanish Latte及Matcha Latte的要留意。鰂魚涌分店位於超大壓迫感的山海樓，但進店氣氛變得輕鬆溫暖，感覺別樹一格。此店的咖啡可選價錢貴一點的 Single Origin，並有Tasting Note 介紹，但個人沒有特別喜好，只選普通 House Blend。點了Spanish Latte(Tall，$50)及Matcha Latte(Tall，$55)。此店的奶泡以全脂奶炮製，質地厚滑，奶味突出。Spanish Latte是此店的特飲，於一般的Latte加上煉奶，故此味道較甜。咖啡味輕輕，但喝後沒有其他連鎖咖啡店那種燥熱口渴的感覺。Matcha Latte的抹茶是以茶青味為主，但不會過份的腥，個人比較喜愛。此店質素挺高，不過考慮到$50/杯的高價位，應該不會是日常咖啡店。

尖沙咀碼頭過海向來都有一間咖啡店，後來轉咗 % Arabica，日本咖啡來的，奶味特別香，真開心，現在公司附近開咗分店，不過藏係舊大廈裏面，但有好嘢，好多人都揾到。我覺得最好飲呢兩杯，Spanish Latte and Matcha Latte。起初唔知前者是甚麼，原來好似越南咖啡咁加入鍊奶，組合真係幾好飲，蓋過咖啡的苦，但依然咁香，而抹茶咖啡的抹茶靚，奶味香濃。舖位細，裝修靚，外面無環境，坐得唔耐，外賣為主。

網紅咖啡店開係網紅打卡點，確實好勁！去怪獸大廈打卡後悠閒自在飲杯咖啡☕怪獸大廈對稱建築確實好適合打卡~這間網紅咖啡店名字都好簡約，%的符號好有標誌性，店面主要以黑白色為主要色調，是潮流最興的ins冷淡風，是令人覺得舒服的顏色。裡面都有車載咖啡杯買，下次買翻個都好~我最愛這杯Spanish，口感俾普通latte豐富d，咖啡偏焦，入口順滑，齒頰留香。拉花都做得好靚，好適合呃like不過飲到最後會好甜，最好攪拌後再飲。