影片
更多
2022-10-18
856 浏览
可能近日天氣令人有點懶洋洋，平日返工已經要早起身，難得的星期天更是想瞓到日上三竿，瞓醒最好來一份豐富的 Sunday Brunch。早排就同朋友去了上環的 Ask for Alonzo，享受了一頓令人愜意的 Uncle Bruno's Brunch。餐廳屬於小店的格局，門前更有打卡位，想望望街景，又或者想吹吹風都無問題。Sunday Brunch 本身$268 位， 但只要另加 $198，就可享兩小時 Free Flow 紅白酒、氣泡酒、啤酒、Vodka 及 Gin，實在相當親民。而供應時間係逢星期六、日及公眾假期，由早上10點至下午五時，4間分店同樣有得食。Sharing StartersSELECTION OF COLD CUTS前菜拼盤已經夠爆，份量奇多，4人份分兩個木盤上，主力是三款廚師精選的火腿同莎樂美腸、Blue Cheese以及巴馬臣芝士。仲有 Parmesan芝士的 ROMAN MEATBALLS配以蕃茄醬，咬落毫不覺乾身，而且有肉汁，好味。當然不能錯過 FRIED CALAMARI，連埋水瓜榴，一齊蘸點檸檬蛋黃醬食，滋味無窮。客人仲可以選擇炒蛋、烚蛋或煎蛋，其實單食頭
早排就同朋友去了上環的 Ask for Alonzo，享受了一頓令人愜意的 Uncle Bruno's Brunch。
餐廳屬於小店的格局，門前更有打卡位，想望望街景，又或者想吹吹風都無問題。
Sunday Brunch 本身$268 位， 但只要另加 $198，就可享兩小時 Free Flow 紅白酒、氣泡酒、啤酒、Vodka 及 Gin，實在相當親民。而供應時間係逢星期六、日及公眾假期，由早上10點至下午五時，4間分店同樣有得食。
Sharing Starters
SELECTION OF COLD CUTS
前菜拼盤已經夠爆，份量奇多，4人份分兩個木盤上，主力是三款廚師精選的火腿同莎樂美腸、Blue Cheese以及巴馬臣芝士。
仲有 Parmesan芝士的 ROMAN MEATBALLS配以蕃茄醬，咬落毫不覺乾身，而且有肉汁，好味。
當然不能錯過 FRIED CALAMARI，連埋水瓜榴，一齊蘸點檸檬蛋黃醬食，滋味無窮。
客人仲可以選擇炒蛋、烚蛋或煎蛋，其實單食頭盤已經飽了一半。享用豐富的頭盤過後，又到主食上場，仗著人多，基本上可以盡點餐牌。
先係PASTA，可以在四款中任選其一。
SPAGHETTI ALLE VONGOLE四款中最喜歡的一款，意粉帶上了蒜香與海蜆的鮮味，陣陣酒香令人食指大動，家陣諗起都想食。
TOMATO & BASIL SPAGHETTI很傳統的風味，麵條是帶 al dente，小巧的一份啱啱好，不錯。
BREAKFAST CARBONARA把流心蛋戳穿，好讓蛋漿混和Parmesan Cheese的香氣，勁rich的口感，三扒兩撥便掃光了。
LINGUINE TRUFFLE & MUSHROOM而松露蘑菇Linguine就非常豐腴，意粉掛滿了醬汁，又有嚼口，滿滿的香氣，正。
MAINSELECT ONE
RED SNAPPER FILLET
紅鯛魚煎至魚皮脆卜卜，伴以烤薯，享用時沾上西西里蕃茄醬，微微的果酸，令人毫不覺膩。
ALONZO MILANESE酥炸豬扒配沙律菜、Parmesan薯條、火箭菜及西西里蕃茄，食之時澆上新鮮檸檬汁，平衡了豬扒的油份，而豬扒炸得啱啱好，酥化可口，想清新點？當然係食埋沙律菜啦啦！
PAN ROASTED PRIMAVERA SALAD太多肉想來點素菜？也可以，以雜菌、露筍、彩椒、薯仔及松子的組合，既簡單又健康。
DessertSELECT ONE
WHITE CHOCOLATE PANNA COTTA
白朱古力奶凍好輕盈滑溜，配以雜莓醬的微酸，平衡度拿捏得不錯。
MY AUNTIE'S TOAST多士炸得好香口，伴碟是 Mascaropone 芝士、野莓及糖漿，感覺上是西多士的進化版，當然味道及用料是優質得多。
MORNING GLORIA其實食甜品都可以好健康，以有機希臘乳酪加入 Granola燕麥片，再伴以新鮮紅莓及蜜糖，好味到一個點。
整體而言性價比幾高，食得過。
张贴
