B&S 西班牙小食坊 (已結業)

母親節去左食呢間舖，假期關係，打電話留座，當日店員有電話提示訂檯。訂左8點半，但未夠8.30就電話問係咪真係出席。舖面唔算大，環境不錯，乾淨度高，出面高檯較寬敞；店內座位會較擠迫。我地點了夾心肉、义燒，高質素，肉質鬆軟又多汁，可配飯/意粉較佳。建議食夾心肉要提早訂座時落定，因為我地訂左有得食，隔離檯已經沒有貨了。小店關係，9點鐘已經賣哂意粉，出菜時間較慢，但如果係1班朋友傾計、食野、飲野都係唔錯既選擇。服務都細心，員工都有禮貌，有傾有講，關心好唔好食咁。整體都唔錯

其實觀塘真係好多野食 今日同屋企人黎到東廣場食野 呢邊人流都開始多 因為裡面開左唔同食肆 漸漸成為大家既聚腳點！難得觀塘呢到都有西班牙餐食 而且所有肉類標榜天然飼養 唔落防腐劑 無激素！講到咁健康唔試唔得喇～感覺呢到裝備好齊全 尤其鍾意佢d bar枱 嘆住酒食西餐覺得自己識享受烤麵包就咁睇都會覺得裡面好鬆脆 果然咬落係外脆內軟 再加埋面頭既醬 甜甜地好好味連麵包都咁好味 開始對接落黎既食物有d期望！燒春雞（半隻）標榜天然既雞是這樣的！就咁睇細隻左d喎 但還好食落肉質鮮嫰 無雪味！感覺上無添加雞隻真係好味d 同埋佢d配菜都好食 尢其係烤紅蘿蔔 超好味烤豬扒兩大塊天然豬扒！食落好好味首先唔靱 二黎好夠味 有少少咸咸又有少少胡椒味 送意粉一流！一口豬&一口牛可能豬有肥膏關係 咬落異常juicy！整得又夠味 又有蔬果幫忙refresh下 所以唔會好滯

買過幾次西班牙小食坊的食材回家煮，的確高質素，值得一讚。紅蝦、黑毛豬都很容易處理又美味，八爪魚每次都一定人吃人愛，不用多讚。最值得一讚的是有一次燒嘢食，本來想買豬肋排，但冇貨，老闆娘極力推介豬扒，對豬扒不大興趣的我也買了下來，因為要招呼朋友。派對就快完的時候，本來想收起豬扒因為忘了事先調味，大家也吃飽了，突然有人話不如煮埋佢啦，但又有人話都成舊咁瘦的肉，吾醃好難好食喎。我就二話不說即時落些香料及鹽切開便燒，上枱後，竟然幾個朋友異口同聲大贊，又問在哪裏買的，樣子不吸引，但切開後很多汁，有肉味，肉質很鮮嫩，大驚喜。之後個個要求購買地㸃。雖然食材比起在街市買到的貴些少，但比起高級食材超市還是很相宜及抵買，而且又放心，因為老闆們都是健康飲食派，所以我都信賴佢哋的標準。

我不是第一次光臨本餐廳。 覺得頭幾次食物同服務質素好好，所以特登帶媽媽來食，我地叫左一份烤雞和一份夾心肉。如常叫了兩碗湯。湯一來到一飲就知是隔夜湯而且非常咸，所以叫去換第二碗，一飲又稀又so.真係好難入口, 我清楚明白每個客人口味不同。但也有接受的程度，不會無理給評語。 之後上左那個夾心肉伴意粉。賣相同過往完全不同, 很薄又硬又乾像炸過一樣無分別。而我附近有兩台客也叫同一份夾心肉。和我這個差天共地。服務員給我指引說是每件肉來貨不同。有些客喜歡的厚薄也不一樣。但我落單時已講明要厚肉。 將心比己，但也不會像我這塊又乾又薄。完全不似樣吧。我之前在朋友圈分享大讚貴餐廳幾咁優質。唉。今天的服務和食物數非常失望。4月9號寄左email去餐廳直到而家都未有回應。餐廳對待顧客的怠慢態度，如何提供好的服務呢。我光顧左幾次，每次啲服務員都不同人，師傅又不同人。食物點保持質素丫。

因為朋友話呢度好食兼價格錢平民化，所以我地一行8人走嚟試一試。結後語，所有現成嘅食物都好食（例如入囗薯片，芝士同 Ham）不過要呢間餐廳煮嘅，除咗叉燒好好食之外，其餘全部都係垃圾。仲要俾人劏到一頸血。老闆話西班牙紅蝦一定要食。見 menu 寫$65隻，我地叫咗。惡夢開始喇。佢話唔可以全熟，我明。但係真係腥都死魚咁完全食唔到。我地有朋友頂唔住，要求將隻蝦煎熟先肯食。老闆極唔高興。叫咗一枝紅、兩枝白。D酒杯攞幾次嚟都係污糟。最後老闆娘話，你地自己用酒沖仲快過我洗。極冇品。叫咗西班牙海鮮飯，等咗一個鐘，諗住都好食。點知成兜飯都係無味。除咗食到咖喱粉味之外係冇鹹味。D海鮮係腥嘅。叫老闆娘入嚟試吓，老闆娘話我哋不嬲食啲嘢都係無味嘅。Dislike。仲有我哋之前叫咗七杯Sangria，好苦。有朋友叫咗cold press juice，我哋發覺係溝水。甜品老闆叫我地試西班牙雞蛋仔，燶嘅。買單收咗我哋$5,200. 點解咁貴？因為乜嘢都係老闆推介，所以會好貴。一隻紅黑明明係60幾蚊，最終佢哋百幾蚊一隻。佢哋收費完全係冇準則，所以你真係要去呢間餐廳到時食，一定要叫餐牌上面有嘅嘢。老闆同你講任何野，都千祈

Lunch time周圍都滿座，見呢間唔full，就試下先！餐廳以半自助式經營，所以無加一收費，移玉步出收銀落完order後返埋位等食。西班牙黑毛豬梅頭叉燒飯既肉質超腍，醃得好入味，肥瘦適中，啖啖肉，就算無汁送飯都無問題烤西班牙肉眼扒意粉既味道雖然無叉燒咁濃，但肉質好嫩，愈食愈有咬感。套餐只包一小杯花茶，加$10才有鮮果汁！整體味道佳，可能材料都係進口貨，碟頭飯黎講價錢偏貴，份量對於女士黎講都只是剛好。

尋晚行過，原來東廣場入面好多野食仲好熱鬧添！試左呢間，面積就真係細左少少，有啲迫但都可以接受。野食好味，叫左走地雞扒，啲肉好juicy，皮好脆，平時唔食雞皮既我都有食埋！仲叫左個叉燒，因為見好多枱都有叫到，所以試下，調味調得幾好！整體價錢不貴，伴碟啲菜新鮮好好食！一定會再黎！下次要試個西班牙海鮮飯服務幾好的，不過人手似乎唔太足夠

Spanish Tapas Place- very precisely named where you could taste Tapas from Spain. No meal set, but could add $115 for a bowl of rice. The owner warmly introduced the menu- they have majority of the ingredients imported from Spain in early advance since stocks are limited. Right that the meats are really extraordinary (especially juicy) yet very simply cooked, better to say heated. Both good and bad that customers could focus on the genuine taste of the exotic meat; or a waste in lack of seasonin

平安夜當日晚無訂臺成九點先出街覓食去到東廣場 好多鋪都就關門見哩間西班牙餐廳仲好多人飲酒所以就入去試試 我地最後選擇左黑毛豬，雞同沙律下圖為餐廳內部裝潢 鋪面好逼 ，D凳坐得唔太舒服不過職員同老闆都好好禮貌 同我地介紹有咩好食首先講左個香煎黑毛豬梅頭肉 哩個豬真係不得了夠淋 唔UN 就必須架啦 肉質仲好嫩 入面好juicy係凍左都唔會硬果種呢種西班牙進口黑毛豬係食橡果唔需要整到全熟BI 就食7成熟現時用橡果餵伺嘅黑毛豬只有7%可謂買少見少 餐廳標明所有提供的肉都係無激素，無農藥令食客食得放心之後試有機雞扒 （下髀） 塊肉的質地唔錯好簡單的調味已經夠但分量非常細叫多個白飯先勉強夠飽 至於哩個自選水耕菜沙律D 菜十分新鮮 帶有天然甜味真係食唔停口！個沙律本身有青口，蜆仔,聖子全部都腌製過 偏腥唔係人人岩 我個人黎講就覺得可以接受另外 BI加左深海八爪魚海蝸牛 同黑毛豬手切火腿深海八爪魚出奇地淋 但就唔爽口海蝸牛就幾爽最後叫左杯花茶earl grey結束平安夜的一餐 雖然份量偏細但材料由西班牙進口 品質唔錯唔趕時間嘅話不妨一試