b420 Coffee House (已結業)

好耐無幫襯過, 突然想起順道call 埋朋友吃lunch。今次叫了兩個 set lunch, 一個是茄汁雞扒蛋炒飯, 配以星期四的沙律 +玫瑰花特飲, 另一個是咖喱魚柳配墨魚丸紅米飯, 同樣是沙律 +玫瑰花特飲; 前者炒飯熱中帶微脆, 汁夠濃, 雞扒亦是脆口無筋、骨, 細細件的一口雞塊, 真的明白客人心理 。至於另外一個餐, 都算不錯,份量好似少左少少, 但味道搭夠, 墨魚丸好好味, 真係唔會令人失望 !

因為某餐廳無位 , 所以我地決定試下呢間餐廳的早餐 一入到去 , 坐既位超窄呀 , 個袋放係大脾上簡直就唔可以再郁前郁後 其實本身我唔係一個太睇價錢食野架 , 但係一睇個餐牌 , 真係叫唔落手囉 , 一碗沙嗲牛肉面竟然要$27 , my god !! 我係某餐廳食比佢平之外 , 仲要可以選擇配多一樣餸 , 所以有對比之下就肯定唔會食囉 !到最後我叫左漢堡扒包+凍檸茶 , 我老婆就叫左豬扒包+熱奶茶 , 結果早餐時段竟然要等接近7-10mins先黎到 , 已覺得有點過份 , 幸好我個包都無乜問題 , 但係我老婆就話個豬扒包有d怪 , 佢杯奶茶先奇怪呀 , 有d浮起似粒狀既物體 , 但係經攪拌後就無左 , 食完後埋單大家都決定唔會再去呢間餐店食野 其實最大原因係餐廳位於住宅/港鐵站/工廠區 , 竟然繁忙時間要等7-10mins真係過份 , 服務員既服務態度嚴重欠佳 , 笑容無 , 禮貌無 , 食個早餐竟然要睇人面色去食 , 連機本禮貌都無 , ""多謝哂 , 下次再黎幫襯""" -------- 無囉 ! 食材上比起其他餐廳無特別 , 但價格上就比其他貴小小 , 環境/服務/食物絕對唔

今日去INTERVIEW,等勁耐, 等到有D炆炆地!IN完之後就返屋企附近搵下野食!其實成日經過E間野,不過一次都未入過去,佢D LUNCH SET對學生黎講都有D貴,大概$35-$45度啦!今日就試左佢D TEA SET,$24 豬排包+凍檸茶個豬排包係即叫即做, 好好食,包係有烘過的!不過我就略嫌$24得一個小小的豬排包同凍檸茶唔係好夠囉!如果加個小份薯條OR沙律仔就好啦!仲有, 佢果度下午時間好靜,唔會有好多人,靜靜地, 好舒服,如果情侶們OR姐妹們想靜靜地傾下計,去佢度食個TEA就最正啦!

今日囝囝考完試, 帶佢到這間試試, 看看小朋友是否啱食 ! 去到門口, 囝囝話 "好靚呀 " ! 佢無想過工廠區附近有如此的店舖, 非常特別, 又有特色, 還有很多他從未見過的擺設 。他點了一個午餐是茄汁波蘿焗豬扒飯、奇異果綠茶 + 羅宋湯, 後來又見是下午茶時間, 忍不住叫埋 豬扒包 + 我點的百香果綠茶, 頭盤先來了湯, 囝囝飲了一口由於個湯對他來說太 "西化", 佢飲開老火湯唔多啱, 益了我, 我最喜愛的沒有人同我爭 。 至於茄汁波蘿焗豬扒飯, 他說好好味, 吃了一半個豬扒包來了, 個賣相非常吸引, 忍不住要即食; 新鮮的生菜配以豬扒, 簡單組合, 小朋友至愛, 好快就入晒個肚仔 。至於 奇異果綠茶, 囝囝叫了很後悔, 淡而無味,轉飲了我點的百香果綠茶, 還很快飲完話 ""。昨日天氣很熱, 但店內郤非常 "涼爽", 真係好好 "享受"。阿囝出了門口望望附近還問 :點解這間店3:00多點解還有咁多人 "?

今日再去這間嘗第二次的午餐, 真係 KEEP住個水準, 叫左一個 SET LUNCH B餐: 西西利蕃茄蓉豬扒意粉 + 羅宋湯 + 凍飲玫瑰柑咭綠茶, 真係好有佢自己大套煮法, 好有 西式 FEEL, 羅宋湯材料新鮮, 薯仔細細粒入口即溶, 西芹保留其香味, 特別加了的應是檸檬葉 吧 ! 好香不感膩, 完全同茶餐廳無得比, 真真正正的一個 "正"湯 。至於個主菜, 份量剛剛好, 顏色鮮艷, 豬扒份量又多, 煎得好香及切好一小塊方便入口, 絶對唔會失儀, 仲好吸引 ! 飲品方面, 都好大杯, 不太甜, 好健康, 淡淡玫瑰花香味, 好清新, 下次經過一定再幫襯 ! 不過, 兩個人以上真係唔好揀正午餐最多人時間, 因為地方唔大, 等到來只有匆忙進食, 一個人就可以慢慢品嘗 !

一早想好於小妹生日當天到此一會,事關生於420的我與店名一樣。知道小店與B420之電影相連,而B420此名亦有特別意義,今日終於光臨,內裡只有三張二人座位及三張四人座位,卻不斷有人流出入,大概有一定吸引之處吧!不過小店沒有我想像中好客其實下午茶只需二十多元便有一個,不過由於快到晚餐,所以我只叫了一杯杏香酒咖啡。 - 杏香酒咖啡,每喝一口杏香味道於喉嚨散開,不過看來與我不太合拍。

工廠區午餐食來食去都係果幾間快餐, 有時真係覺得好厭悶, 又到中午食飯時間, 想來想去都想不到自己到底想食咩~ 有事外出的男友於電話中安撫我話由佢話事係外面買返午餐返來.我點都估唔到買返黎的竟然係西餐~ 因為呢個工廠區附近要搵間西餐廳都幾難, 我驚喜的發現有我最鍾意的南瓜汁, 今天的愛心午餐是南瓜汁雞扒焗紅米飯, 男友話佢經過無意間見到有我鍾意的食物, 所以買來俾我試試, 有個咁體貼細心的男友, 未食巳感心甜甜甜的南瓜汁配上煎過的雞扒出奇的配合, 再加上健康的紅米飯又沒有煮到太硬, 我同男友都好滿意, 後來見到or食評講此店的咖啡很出色, 下次我都要試下.就係為左杯咖啡, 今天我放假, 但特登外出找到呢間小店, 估唔到地點竟然係咁偏僻, 如果唔識真係唔識去, 但去到見到入面竟然滿坐店舖好細, 祇可以密密麻麻的坐十張2人枱到, 好彩我今天買外賣, 因為今天做外賣妹買愛心午餐俾返工的男友食, 午餐38-42元, 加3元要了杯焦糖咖啡, 因為是星期六, 所以還有杯細細既沙律. 此店證明了祇要用心去做, 好食既話地點唔係問題, 一定有有心人搵上門食, 希望繼續努力, 我會用行動去支持, 一於

不是食友'草'的介紹, 都不知道在繁忙的葵興港鐵站對開的小商場, 坐落了一間亳不起眼的小咖啡店, 打開門的一刻, 真是有沙漠中的綠洲之感覺, 店內放著輕快的歌, 還有不少店主喜愛的書, 小說, 漫畫, cd.. 就如一家樓上 CAFE, 看得出是花了很多心思佈置. 已是晚上7時, 但下午茶餐竟一直供應至打烊, 可見小店的彈性. A-S 餐選擇繁多, 雖然有 brownie 及招牌burger 這類很吸引的食物, 但因畢竟接著還要排舞關係, 想吃清一點的, 最後選了: 野菜魚柳使麵 , 配即磨咖啡, 提提神. 湯碗用上大裝日式瓦碗, 奶白色湯底則擬似是豬骨味, 鯰魚柳不是什麼貴價貨色, 勝在煎得金黃嫩滑, 天使麵亦不過淋, 最好就是份量夠多的什菜 /冬菇, 整個組合變得健康起來. 即磨咖啡用精美厚身瓷杯盛著,既美觀又有保溫作用, 飲下去是順口的, 很不錯. 離開時身旁食客仍在悠閒地享受花果茶, 希望下次再來次時可以一試啦.

食過幾次 lunch.....味道唔錯...但飲品最出色......朋友仔話其實佢D set lunch 黎黎去去都係果幾款.....所以成日重覆.....鮮茄豬扒意粉 - 豬扒煎得唔錯...但個汁太甜.....甜到怪.....意粉另外用香草炒過.....有心思.....芝士白汁海鮮焗紅米飯 - 個汁好味....海鮮料都好多...但係個飯底...點解咁爛架???要扣分...燒汁牛柳粒紅米飯 - 個汁勁難食....應該係燒汁撈左蜜糖...甜到怪......牛柳粒一DD淋....一DD "un"...都幾惡"鯁".....南瓜汁雞扒焗紅米飯 - 試過咁多次...呢個算係最好味....塊雞扒煎過....但仍然滑....又香....個汁好好食...同雞扒好夾.....跟餐送飲品....可任選 $15 以下的特飲.....而每日都會有唔同的特飲推介....玫瑰花柑桔綠茶 - 勁清....有淡淡玫塊味......飲完勁透心涼....芒果紅茶 - 真係切舊芒果放埋係杯入邊.....又係勁清涼......我最鐘呢個....士多啤梨芒果鮮打綠茶 - 芒果味比士多啤梨味重....飲到底先啜到粒粒士多啤梨籽

做了Open Rice 的無名用戶多年，終於因為這店子開了一個戶口。這天賦閒，便陪她到葵興工廠區辦點小事。頭一次來，感覺這兒工業味雖濃，卻又不失小情小趣的社區情懷。在步回地鐵站的途中，我們隨便鑽進了這個低調又老式的商場裡瞎走，在一列的髮廊和機舖中，這小店的精緻店面自然份外突出，瞥了一眼，是間像旺角哪些比較別緻的上樓Café吧，然而它樓底高，目光自然往裡面伸延，看到牆壁盡是異國電影、音樂海報，佈置有格，配著不落俗套的輕音樂，叫人立刻想起北京哪些所謂「文化咖啡會館」。工廠區的殘留影像下，反被這愜意的氖圍殺過措手不及！條件反射地看看店名 - <b420>，似曾相識，她提點才醒起，不就是數年前亞洲電影節中我們都喜歡的哪一套苦澀青春電影？半好奇下便摸了進去，隨便點了餐，便在menu內亂翻出店主的「自述」，原來一切並非事有湊巧，店主正是受<b420>這戲名感觸而寄寓開店的，寓意大概Do something b420( before too old )。其實，世界各地都有書店或咖啡館喜採書名戲名，香港卻似一直缺少，這店還取了個本地獨立電影戲名，頓時覺得香港文化彷彿自成

o係金龍返左咁耐工，終於唔駛過葵芳新都會就有得飲Mocha同Latte呢類咖啡。講真d款味仲要多過Starbucks Pacific多多聲，至現時為止試過以下幾款：薄荷Mocha　<------真係一流云呢拿Mocha　 <-------朱古力味重左ｄ，雲呢拿味唔係太覺，但都好味愛爾蘭　<-------適合喜歡奶味的朋友睇餐牌仲有好多款味，例如焦糖、榛子等等，什至有ｏ係Starbucks都搵唔到既椰香味同埋唔知咩杏香酒味，不過我仲未試

我o係大連排果邊返工10月中聽同事講葵涌中心果邊開左間裝修幾得意既新食肆就同大伙兒lunch去試下試過之後,水準中規中矩,同出面當然無得比但係o係葵興呢邊黎講又算係唔錯喎後來去多幾次,聽d同事講,又睇下佢menu篇序 (menu 都有序=.=")發現呢間舖應該係一個家庭開既做野都應該係屋企人o係葵興呢個快餐文化籠斷既工業區突然有間氣氛同態度都幾warm幾家庭feel既舖頭都有d出奇所以我拎左佢卡片同外賣紙o係openrice呢度post左出黎向大家推荐都係果句, 野食水準不過不失但坐低感覺幾好,可以同朋友同事傾下計值得一試

星期五回舊公司, 同事話試完佢地啲 set lunch ok, 所以我都去左一試。b420 其實係一間 cafe , 如果你早黎食, 選擇就係餐牌上的四個 set lunch 了, 冇其他食物。如果 tea time 先到, 就唔食 set lunch 重有 tea 可選擇如果 12:30 前結賬, 或 14:00 至 15:00 入座食 set lunch , 有九折 裝修係同區黎講係幾特別，係傾計同hea 嘅好地方。遲去嘅話有個唔好處, 佢啲食物有機會賣晒。我其實當日想食 A 餐( 墨西哥辣肉醬香腸意粉), 不過兩點幾去到意粉賣晒, 所以選了B 餐 (忌廉汁龍脷柳尖通粉)先黎餐湯, 意式雜菜湯。味道濃, 湯有好多料, 多到你唔覺得飲緊湯, 似食緊野......... 餐飲我點了芒果紅茶 , 黎到個陣呆左一呆 .........佢係有鮮芒果嘅 ! 好多唔講得,不過一般芒果紅茶係芒果味糖水溝紅茶, 呢到就勝一籌........因為佢冇落糖水, 你會飲到茶味, 同埋食到鮮芒果嘅甜味主菜 , 熱辣辣, 不過佢唔算龍脷柳, 比較似班腩, 不過味道係好嘅, 通粉都不俗, 如果個汁再creamy