Baby Elephant Thai Kitchen

营业中

休息中

天氣幾好去赤柱，唔到生意都幾好入面已經坐滿晒客人，所以要坐喺出面帳篷，亦都係因為咁樣，所以所有相都係紅色🤣 但係都係一個幾差嘅體驗，唔知係因為客人太多嘅原因定係乜嘢，所以個肥佬經理態度好差，掉低餐牌比客人。但係坐低咗都費事走，所以就叫咗兩樣嘢食完就走。坐低食咗一陣發現原來阿經理唔係淨係對客人態度唔好，對自己其他同事都呼呼喝喝🙄🙄🙄泰式炒河粉 (即係泰式金邊粉) $138 賣相正常，但係味道都幾唔討好，得個酸完全冇辣，而且金邊粉個狀態好似濕炒咁，又淋又梅。魷魚青蘋果青木瓜沙律$138某程度上，有少少違反商品說明，因為連一條青蘋果都食唔到同見唔到🥲

行完大潭水塘，搭車前往赤柱午餐。赤柱海濱長廊有好多食肆，無論邊一間都可望無敵海景。逛下逛下，發現新開了一兩間，新餐廳當然要試吓。最終選擇了泰國菜館。有午市套餐，都有多款不同。見隔離檯的 Pha Thai 好吸引，我都點了這個。賣相好掂，炒得乾身不油膩。配料好多，各式各樣，真材實料。蝦隻果真新鮮，爽脆鮮甜。湯或沙律二選一。湯是木瓜排骨湯。比較中式，味道都可以。還包了飲品。咖啡好濃厚，深煎比較苦澀，但我可接受。

難得放假山長水遠黎到赤柱玩返轉 行到攰想食餐好嘅作為一個完尾嘅結局 就黎左呢間泰國餐廳☺️☺️☺️裝修幾靚 亦都有對住海邊嘅室外座位 望住海食睇到日落好chill 仲係pet friendly 可以帶埋屋企狗仔去😍😍😍泰式拼盤 $158 （細）有雞翼 春卷 蝦餅 串燒 各3件 雞翼烤得出色 醃得岩岩好 香茅味出 肉質juicy 春卷好脆口 蝦餅滑溜軟熟 串燒有豬雞牛各1串 沙嗲醬幾惹味 雞肉肉質鮮嫩😃😃😃秘製咖喱豬頸肉 $168  咖喱係青咖喱 好香濃 都算幾辣 好刺激 豬頸肉咬落爽彈 份量多  好開胃🙈🙈🙈泰式炒通菜 $88通菜好新鮮 泰式隻汁幾惹味 又係少辣 好地道😄😄😄印度薄餅 $28有8塊 每塊都煎得岩岩好 好香脆 配埋咖喱一齊食好正🤩🤩🤩

港島一日游去左赤柱食左個靚泰菜做一個完尾嘅結局赤柱大街多數都係pet friendly, 因為好多室外位有部冷氣吹住小柴都覺得舒服唔太多人，可能時間仲好早TOM YUM TALAY$68好正宗嘅冬陰公湯夠辣SHAREABLE PLATTER   -  Small$158小食拼盤食泰菜必叫喇小柴都覺得香想試食PINEAPPLE FRIED RICE- KAOW OH SUB PA ROD$158菠蘿炒飯色香味都有小柴都好想食MANGO STICKY RICE - KHAO NIEN MA MAUNG$78芒果糯米飯甜品首選味道正宗，好似去左泰國掃街咁pet friendly 嘅餐廳唔多，所以今間咁舒服真心推介

難得平日放假去赤柱玩返轉。晚餐行到攰後喺赤柱大街見到有間裝修幾有氣氛嘅泰國菜餐廳--Baby elephant thai kitchen.有室外座，有梳化位。餐廳播住音樂，有種寫意舒適嘅感覺。食物menu都幾多，我同朋友兩個人叫左個串燒拼盤(豬，牛，雞)同青咖哩雞配薄餅。飲品menu有mocktail, cocktail, draght beer, 咖啡同茶都有。我地叫左杯黑啤Murphy's irish stout， 店員見我地兩個人好咁問我地要唔要分兩杯，相當細心。個串燒拼盤先到，共12串，調味偏甜，豬肉串好juicy。牛肉串用左黑椒調味，幾香濃。雞肉串唔會乾，串燒配醬好香濃，有好香嘅花生醬，質地濃厚，唔會太油，超夾。青咖哩雞配薄餅。青咖哩雞辣味有後勁，不失香草嘅香味，雞塊大大件，肉質軟嫰，唔會太硬或者太乾，西蘭花相當入味。熱辣辣嘅薄餅點埋青咖哩汁超好味！冰凍嘅黑啤Murphy's irish stout味道濃厚，飲一啖已經消除一日嘅疲勞。完美完結今日赤柱之旅！

放假去赤柱周圍行下，輕輕鬆鬆渡過咗一個下午然後行到去赤柱大街，見到呢間新開張幾個月既泰國餐廳，決定喺呢度食晚飯。因為時間尚早，只不過係18:00，所以仲好清楚見到餐廳外既無敵海景，就算坐室內都個view 都真係幾靚，仲好relax…… 秋冬天唔熱時一定會試下坐室外既座位，感覺應該會更chill。食泰菜指定動作，每次都必定會點冬蔭功湯，細碗份量2個人飲啱啱好，冬蔭功入面有常有既蝦，特別在仲有蜆同藍青口，所以個湯特別鮮甜。香辣澳洲肉眼沙律 - 原本諗住叫個沙律做前菜，上菜後先發現呢個係一個主菜既份量，已切件既肉眼扒足足有一整塊牛扒既份量，沙律菜非常新鮮，配搭酸酸辣辣既泰式汁非常開胃。另外叫左小食串燒牛及豬，燒到好香配沙嗲醬汁好好味，再叫多一個泰式炒河，都係水準之作。成餐晚飯感覺好relax 好嘆，推介給平日返工忙碌、想遠離都市壓力既人士，放假時候黎呢度chill 吓。

山長水遠黎到赤柱玩完，想食餐好嘅，就黎左呢間泰國餐廳，而且仲可以望住海食，零舍chill!生菜肉鬆包$98: 免治豬肉落左啲辣椒🌶️一齊炒，食落去更加香口，如果嫌唔夠辣，可以配薄荷葉一齊食。如果太重口味，又可以配青瓜夾埋一齊食。如果覺得唔夠味，亦都可以落魚露一齊食！夾埋塊生菜食，成件事真係好fresh好好味！印度薄餅$28: total有8小塊，每一塊都煎得岩岩好，食落去好香脆，配埋咖喱一齊食，真係一流！青咖喱雞$168: 咖喱有少少辣，而雞分別有用左雞胸同雞髀肉，一開始以為雞胸會好鞋恰恰，但估唔到食落去係咁嫩咁滑！泰式炒河粉$148: 河粉好有彈性好煙韌，而且有3-4隻大蝦，食落去爽口彈牙，汁醬方面亦調較得岩岩好～呢碟Pad Thai煮得幾出色！椰青$68: 飲落去非常清甜自然，而且椰肉亦都好容易「不」出黎，食落去有啖啖嘅清香！係夏天飲完尤其解渴！So far, 呢間餐廳質素真係好好，黎到赤柱嘅朋友，不妨試吓呢間餐廳啦～記得request海景位，真係好舒服架！

入赤柱行吓影吓相拍下拖 赤柱海邊有幾間大型嘅半露天餐廳 最後揀咗呢一間食泰菜嘅餐廳🤤 泰式拼盤 $158 （細） 雞翼 春卷 蝦餅 串燒 每件3件 雞翼烤得好好食！ 好juicy 同埋好香香茅味🤤 出色 春卷唔係圖中既網紋春卷🥲 不過都好食 好肥脆口🤤 蝦餅都幾好食 唔係劣質來貨 幾軟熟😚 串燒有豬雞牛 suppose 係會比3款有哂 但我驚豬老 所以無叫到豬🤣 雞好嫩 好食！ 沙嗲醬好出色！ 牛都唔錯🤤 整體都好抵食！ 冬陰功 $68泰國菜必叫冬陰功！ 冬陰功係一間泰國菜嘅最基本菜 一間泰國菜好好食就係要睇佢碗冬陰功好唔好飲 呢間好出色好正宗同埋好足料！ 幾乎多過湯嘅海鮮料 有青口八爪魚同埋蝦 蜆🤤 一碗都夠兩個人share 豬頸肉沙律 ＄９８勁多豬頸肉!! 個沙律係木瓜沙律! 好口, 超抵食!! 佢個豬頸肉 重要有個泰式汁沾! 超送飯!好惹味！泰式炒金邊粉 ＄１４８好食！ Ｄ粉唔會粉到痴埋哂一齊 重要好多料係入面！有好多蝦同埋雞肉, 每一啖都有好多料! 超抵食 我中意散D佢跟埋既辣椒粉同埋花生碎係度食! 超正! 整體黎講呢間餐廳既刎性價比好高! 重要係呢個view 呢個地點食

假日去赤柱影下相吹吹海風，夜晚再喺大街食個異國風情嘅菜式，有一個小旅行嘅感覺。餐廳有室內同室外嘅位置，比較多人鍾意喺室外用餐。室內都有啲位置，可以望住出邊嘅景色。TOM YUM SET 冬陰功套餐套餐配三串沙嗲及印度薄餅。冬陰功味道濃郁，但唔算好辣，唔食得辣嘅人都飲到。海鮮配上椰奶嘅香味加上酸辣嘅味道，值得推介呢個好好飲。 串燒都做得幾好喎，肉質夠juicy ，又夠香。而印度薄餅就有兩塊，仲要已經切好一小塊，好貼心。PAN FRIED WHOLE FISH 秘製煎魚原條大魚上枱都幾震撼， 配上甜辣醬汁同泰式沙律，魚外面炸到脆卜卜，魚皮炸完好香口，內面既魚肉嫩滑，加唔加醬汁都好食。Fresh Calamansi Soda梳打上加上滿滿鮮青檸，味道refreshing ，亦都好解辣。Be Moio呢杯cocktail 有Rum, Soda, Lemongrass, Cucumber, Chilli, Thai Basil, Mint。味道方面個酒味同青瓜 比較出，想試下泰式味道既朋友可以試下。堅持無味精，抵讚！

放假唔少香港人都鍾意周圍去，赤柱都係一個好好享受嘅假期嘅好地方。因為赤柱大街好多餐廳都係面向住海邊，日落中享受食物。一般赤柱大街都係西餐為主，今日經過赤柱搵食嘅時候見到一間比西餐包圍着嘅泰國菜餐廳！一於要試吓呢間泰國菜新開無耐，裝修四正亦都有對住海邊嘅室外座位。感覺比較新派而且仲有好多Cocktail選擇！食物方面我哋今次首先叫點一份串燒，可以揀豬牛雞，燒得好香而且雞肉非常嫩口！冬陰功湯方面顏色非常吸引，大有少少椰香而且飲落幾滑而且帶點辣，配料十足有好多海鮮。青咖喱雞加薄餅亦都係我食泰國菜必點之一，濃香青咖喱，配上啖啖雞肉，咖喱唔會太辣，加埋薄餅簡直絕配！最後點一份芒果糯米飯，芒果可能因為好合時，香甜而且糯米飯上面有椰汁，軟硬適中！作為飯後甜品最適合不！

假日到赤柱走走 走到累就找間餐館坐下海邊新開了間泰國小餐館當日下雨天，人不算多，直接入座一坐低，侍應立即遞上2杯凍水，夏日中的加分位👍🏻環境幾不錯，可以看海，二人坐四人位，十分寬敞舒適一般泰國餐館有的菜式這兒都有，待應熱情地介紹冬陰功湯和青咖哩是他們的招牌菜，我們各點了一個來試試，大約10分鐘，餸菜已陸續送上冬陰功($68)配三串沙嗲及印度薄餅（$138）冬陰功不太辣，少少酸，淡淡的椰香，十分開胃！入面有很多海鮮，青口、蜆、蝦都有！沙嗲惹味，配上濃濃的花生醬汁👍🏻印度薄餅富牛油香，又不過於油膩，用來點青咖哩一流青咖哩雞（$168）少少辣，雞肉是用煎過的雞胸肉，啖啖肉，配上西蘭花、泰國茄子，另加碗飯（$28），撈汁😋泰式炒通菜（$88）炒出來十分翠綠👍🏻👍🏻👍🏻爽脆，惹味得來又不會太濃味大大個椰青（$68）吃泰國料理必須配椰青，好大個，2個人share飲也夠份量總括而言，屬中價位的小餐館，但坐得舒服，服務態度好，又能看海，辣度適合大眾口味，連我們不太吃得辣的都覺得好ok，份量和味道對得起這價錢，值得一試，來這兒過一個悠閒午後/晚餐👫🏻

次次去赤柱都有一種出走嘅感覺，遊走赤柱大街就好似去咗歐洲咁樣。最浪漫嘅時候就係日落黃昏天空慢慢變橙黃色嘅時候，再入夜同情人手拖手行赤柱！旁邊係酒吧餐廳，另一邊就係藍藍無窮無盡嘅大海。悠閑自得，心曠神怡，再望住百年建築物美利樓又有另一番嘅體味，好似見證住歷史嘅變遷！今日選咗呢一間泰國餐廳比較特別，而且門口位就可以同時間望到海同美利樓！鍾意飲酒嘅朋友可以叫佢嘅生啤，唔飲酒嘅話當然要叫去泰國必要嘅椰青啦。一路飲一路望住風景，特別有度假嘅感覺，而且椰青味道超級鮮甜，飲完之後喉嚨特別舒服。佢個餐湯係中式老火湯，煲到入晒同出晒味。係蘿蔔粟米豬骨湯，蘿蔔煲軟左，吸晒湯嘅鮮甜味。好飲到想佢可以Double份量添！望住呢一張相就覺得好有feel，半個鮮菠蘿嘅外殼裝盛住滿滿嘅炒飯，聽住海同海浪聲，私人工作嘅壓力瞬間都可以放低。嘩！你睇吓佢嘅炒飯份量係好足夠，裝到滿滿就快瀉出嚟咁，兩個人都夠食！炒飯用黃薑炒過，係黃色嘅！中間夾住蛋絲，有隻隻大大鮮蝦，加埋肉鬆同埋泰式臘腸粒，好惹味，入邊仲加入咗新鮮嘅菠蘿粒同埋腰果，增添脆脆嘅口感，層次得以提升！食泰國餸就梗係要食紅咖喱啦！所以泰式紅咖喱牛肉配蔬菜！蔬菜佢有西

平日得閑久違地去咗赤柱散步放鬆吓💆🏻‍♀️ 經過赤柱大街見到呢間新開嘅泰國餐廳 就試吓啦！餐廳正對着赤柱海旁 望住靚海景食飯真係好舒服🤤內部泰式擺設別具韻味 燈光同氣氛都好舒適🌾當日我哋有黃昏食到入夜 望住太陽慢慢落下 好寫意🌅寧靜環境配上日落海景 滿足晒我嚟赤柱放鬆嘅願望🥰想再chill啲嘅話 餐廳仲有酒類飲品供應 俾你慢慢享受🥂餐牌有set dinner 同 A La Carte 選擇📖食物種類算多 樣樣賣相都十分之唔錯👍🏻食物質素同水準都好好 隨便揀都唔會有錯🤣🥬生菜肉鬆包 ($98)蔬菜種類唔止一款 有生菜、青瓜、金不換🥒肉碎份量有足足一碗 粒粒分明 有豆角碎同辣椒增添色彩肉碎炒得非常濕潤 泰式香料味頗重 但唔會辣🌶配上生菜包住一齊食 加埋金不換吊味 非常惹味😋生菜都好新鮮 食落非常清新又健康🥬🍍菠蘿大蝦炒飯 ($148)一大個菠蘿上面堆滿金黃嘅炒飯 賣相好靚🤩配料相當充足 有提子乾、腰果、臘腸、菠蘿、肉鬆等等食落口感非常豐富 甜酸鹹各種味道都集於一身😋大蝦都有四五隻 食落爽口唔會霉 🍤咁大個飯兩個人搶住食晒 剩返個菠蘿殼🤣🐟秘製煎魚 ($228)餐牌上見到呢個秘製煎魚咁神秘 就

餐廳座落赤柱海旁，內部放置著泰式擺設。食客可選擇坐在餐廳內/戶外雅座。當日正值大暑，天氣非常炎熱。坐下來，待應細心詢問需否另外開動冷風機，非常窩心。接著，一邊欣賞美景，一邊乘涼。跟著，奉上餐牌，仔細解說是日菜式。最終，本人及友人點了菠蘿炒飯及青咖哩雞肉，並各點了一客飲品。先說青咖哩雞肉。一般泰式餐廳只會使用肉片。但餐廳用上去皮雞胸，份量亦不算少。至於青咖哩，味道適中，不會太辣。非常好味，屬上佳之作。至於菠蘿炒飯，最吸引本人之處為原隻菠蘿及飯內的大蝦。一客炒飯，用上8顆大蝦，蝦肉爽口。炒飯方面，夠乾身，粒粒分明，可見廚師的功力。飲品則為青檸檬梳打及雪碧。即使簡單的一杯氣水，餐廳亦配上一片檸檬，賣相好的同時，亦為單調的氣水增加不平凡。另外，餐廳侍應細心詢問需否凍水，杯冰水係加入檸檬汁，清新又消暑！總括而言，呢度好多外國人光顧，彷如置身於泰國旅遊一樣。Excellent!!

Located in the touristic area of Stanley, Baby Elephant makes, I dare say, one of the best red curry in town! I went there when it was newly opened. The operation didn't look really smooth but I had plenty of time so I could enjoy a glass of wine and wait for the food. I order a set lunch Beef Red Curry with Rice and Vegetables $138.The starter soup was made with Thai herbs, minced meat and tofu. Quite a lot of ingredients inside but slightly over-salted.The red curry was moderately spiced, not