影片
更多
2024-05-28
5597 浏览
位於中環蘭桂坊意大利餐廳BACI，由意大利總廚主理，充滿正宗地道意式風味，餐廳一直獲獎無數，包括亞太區50大薄餅大賽（50 Top Pizza Asia Pacific 2022）中奪得亞太地區第12名同埋全港第2名。星期日二訪BACI度歎weekend Brunch同埋Semi Buffet，餐廳吸引咗唔少外國人光顧，氣氛熱鬧。餐廳提供3小時任食即叫即烤嘅得獎pizza，海鮮、沙律、意式凍肉，芝士同埋甜品等，種類豐富，每款都好高質，另外可以加錢選擇一款主菜同埋2小時飲品free flow，包括有雞尾酒同埋紅白酒。值得一讚嘅係餐廳每個店員都殷勤有禮，服務周到，喺呢度可以過一個好Chill嘅Weekend Brunch。新鮮烘焙薄餅得獎薄餅有五款口味，Margherita、Italian Sausages、Tuna, Onions & Mozzarella、4 Formaggi 、Pepperoni ，直接同店員order就可以，意大利廚師利用傳統石窯烤爐炮製正宗意大利薄餅，廚師中途會用工具將薄餅keep住轉邊，令到薄餅烤得均勻，新鮮即整熱辣辣。四重芝士薄餅會有拉絲，充滿濃郁芝士味。每款
位於中環蘭桂坊意大利餐廳BACI，由意大利總廚主理，充滿正宗地道意式風味，餐廳一直獲獎無數，包括亞太區50大薄餅大賽（50 Top Pizza Asia Pacific 2022）中奪得亞太地區第12名同埋全港第2名。星期日二訪BACI度歎weekend Brunch同埋Semi Buffet，餐廳吸引咗唔少外國人光顧，氣氛熱鬧。餐廳提供3小時任食即叫即烤嘅得獎pizza，海鮮、沙律、意式凍肉，芝士同埋甜品等，種類豐富，每款都好高質，另外可以加錢選擇一款主菜同埋2小時飲品free flow，包括有雞尾酒同埋紅白酒。值得一讚嘅係餐廳每個店員都殷勤有禮，服務周到，喺呢度可以過一個好Chill嘅Weekend Brunch。
新鮮烘焙薄餅
得獎薄餅有五款口味，Margherita、Italian Sausages、Tuna, Onions & Mozzarella、4 Formaggi 、Pepperoni ，直接同店員order就可以，意大利廚師利用傳統石窯烤爐炮製正宗意大利薄餅，廚師中途會用工具將薄餅keep住轉邊，令到薄餅烤得均勻，新鮮即整熱辣辣。四重芝士薄餅會有拉絲，充滿濃郁芝士味。每款薄餅餅底充滿濃郁麵粉香，邊位微脆帶有焦香，口感軟熟煙靭，店員亦會提供自家製辣椒油比客人點薄餅食，增添辣味。
Tagliata di Manzo
主菜烤澳洲和牛西冷，牛扒煎至Medium，內裏色質紅潤，和牛油脂豐盈，juicy有肉汁，牛肉味濃，肉質軟腍，表面烤至焦香，加上紅酒汁烹調，令到味道提升，帶有微微酒香。配以香脆炸薯條，薯條已經有調味，鹹香惹味。
Penne alle Puttanesca
鯷魚番茄長通粉，意大利南部經典美食，鯷魚柳鹹鮮味十足，配上番茄醬汁，長通粉味道酸酸甜甜，另外用上Taggiasca 小橄欖、酸豆去調味，味道豐富。
海鮮櫃枱
海鮮自助區冷盤有爆膏開邊波士頓龍蝦、龍蝦鉗、紐西蘭青口、海蝦同埋翡翠螺，每款都好新鮮，龍蝦肥美，爽口彈牙，肉質鮮嫩，龍蝦有爆滿紅色膏，帶有甜味同埋濃郁海鮮香氣，而龍蝦鉗味道帶有海水鹹香。旁邊仲有唔同嘅醬汁可供自行調配，另外廚師refill海鮮嘅速度好快。
甜品及水果拼盤
甜點種類繁多，有tiramisu、朱古力蛋糕、雜莓芝士蛋糕、檸檬撻、馬卡龍、芝士蛋糕、焦糖布甸同埋雪糕等，蛋糕切件size 大件，味道唔會太甜。朱古力、雲呢拿雪糕高質，旁邊仲有雪糕筒提供。旁邊仲有水果區，有大量嘅新鮮蔬果，包括火龍果、蜜瓜、提子、西柚、西瓜、橙同埋菠蘿等，可以作為餐後水果。
廚師精選沙律
餐廳有好多特色意大利沙律提供選擇，充滿地中海風情嘅沙律，沙律款式比好多五星級酒店更好，沙律擺放得整齊企理，賣相精緻，有多達二十款沙律，每款新鮮健康，膳食纖維豐富，包括有紅石榴藜麥沙律、黑松露蘑菇、蕃茄水牛芝士、卡布里沙律、煙燻三文魚等。
精選特級意式凍肉及芝士拼盤
芝士同埋凍肉都有五款，包括有黑松露芝士、羊奶芝士等，芝士已切好細細件，方便客人去拎。Parma Ham味道鹹香，質感油潤，火腿味濃郁，配搭蜜瓜嚟食一流。
El Grape
餐廳signature cocktail ，以茶為主題，特調出好特別嘅雞尾酒，鳥籠狀嘅雞尾酒杯懸喺半空加上色彩斑斕嘅花瓣，造型好夢幻。EI Grape用上自家制伯爵茶氈酒同埋巨峰提子汁作為主調，香甜嘅提子味中滲出伯爵茶嘅茶香，再加上接骨木花糖漿同埋檸檬汁，味道甜美芬芳。
Yum Cha!!
Cocktail以中式嘅設計，用上花瓣點綴，好優雅。玄米茶vodka 味道突出，玄米味香氣四溢 ，配上椰子水斑蘭糖漿嘅味道好特別。
张贴
