Bamboo Thai (THE SOUTHSIDE)

营业中

休息中

有晚星期五同屋企人（有老有嫩）行黃竹坑呢個新商場，經過見到呢間泰國菜望到入面都幾多人食同啲環境幾靚打算入去試下，開頭都知道比較多人食沒有卡位，之後由一位戴眼鏡身形龐大嘅經理招呼我哋入去，見到得返2張高枱可以坐，一來高枱又唔啱我哋有老人嘅家庭坐（二來其實我哋係見到有些兩位客人可以獨霸一張5-6人卡位）表示不理解❓之後果位經理都叫我哋嘗試坐一坐（我哋同行其實一睇都知唔啱老人家坐還試坐？），經過再查問後經理說沒有其他位置，佢回覆一句叫我地擇日再訂座用餐，他這麼說我覺得作為一個經理係好不禮貌同埋是趕客行為！！我哋同行其實聽到好唔舒服，食到不安樂心諗普通一間泰菜餐廳要做到訂座先至有得食嘅話（還真以為甚麼高高在上的餐廳）…說真的出面港島區都十分多選擇總括然而服務算是周到，食物質素亦算正常，但是如果經理的說話唔係這麼不知所謂就好，因為作為一個經理懂得語言藝術都好重要，希望餐廳可以加強培訓‼️

黃竹坑THE SOUTHSIDE整個商場都唔多人, 唔洗等位都係一個好大既賣點, 呢間Bamboo Thai分店既裝修亦好有格調, 環境溫馨，木質桌椅搭配柔和燈光，營造出舒適的用餐氛圍, 岩晒食完飯同朋友仔傾返幾個鐘。火山排骨 (番茄辣版)排骨size仲大過塊面，但骨佔7成，出肉率唔高，合共2塊，排骨肉質軟嫩，輕輕一咬就脫骨，配上番茄mix辣椒, 辣度適中卻後勁十足, 馬拉盞椰菜苗馬拉盞的獨特鹹香搭配炒得爽脆既椰菜苗，味道十分唔錯，加上炸蒜粒同蝦米增添左層次感生牛肉湯河湯底濃郁，聞起黎香氣撲鼻，帶有淡淡的中藥香，但又無蓋過牛肉既肉香味，食起黎味道平衡，但要生牛肉快d食，因為熱湯好快就整熟晒d牛

提起泰國菜的連鎖餐廳 早前發現Bamboo Thai進駐了黃竹坑The Southside 並開設了旗艦店 店內設有主餐區及露天休閒區 此旗艦店更特別邀請到本地人氣日籍藝術家創作大型手繪壁畫 取材自泰國當地獨有的文化特色 如老虎 花卉及圖騰等 為整個空間注入濃厚的異國風情 .餐廳供應多款地道泰式佳餚 頗喜愛以下幾道菜式 黃金蝦餅外皮炸得酥脆金黃 內裡是鮮嫩彈牙的蝦肉 泰式珍寶蟹肉奄列的份量比想像中大 蛋卷表面焦香誘人 包裹著鮮甜的蟹肉絲 蘸上微辣的拉差辣椒醬 滋味可口 泰式辣椒膏炒蜆則帶有絲絲辣勁 大蜆以各式配料如指天椒 紅蔥頭 魚露及金不換等炒香 濃郁惹味 絕對能夠刺激味蕾 .餐廳寬敞舒適 一踏進店內就已感受到悠閑自在的感覺 加上菜式頗多元化 不失為港島南品嚐泰菜的好去處💆🏻‍♀️

9月為慶祝阿媽生日，星期六入住海洋公園酒店一晚，當晚去咗the south side 食晚餐，選擇咗大路嘅泰國連鎖餐廳，幾年前都係朗豪坊食過佢哋嘅火山排骨，食物水準不錯，不過份量比較少，個紙米春卷好明顯雪櫃啱啱扲出來，串燒好幼，唔值得叫，價錢又唔平。上個月我哋住海洋公園酒店又再嚟食。今次啲嘢食又差咗，份量又細咗，今次個火山排骨直性排不到小山，幾過份⋯⋯。真係冇下次啦。

叫咗個生菜包、串燒、炒馬拉棧通菜、冬蔭公湯咖哩豬勒骨！叫完order不到五分鐘，全部菜品一次過上齊，好似煮好晒在廚房，一有order 就立即攞出嚟，我哋幾個都好小心奕奕，逐個菜去試，每個都係暖暖哋嘅，我哋都話有冇搞錯，個串燒剛燒的話，又怎會是暖的，大家食過串燒都會知；個冬蔭公湯又係暖的，通菜、咖哩豬勒骨也一樣，最好笑就係個生菜包，一般都係用西生菜或者用椰菜，佢哋居然用中式生菜，仲係細細塊那一種 ，怎樣包呢？😅馬拉棧通菜-甜甜地，，無理由架；生菜包嘅料又乾又冇油分，總之就好好食到暈😨😨

值得一試再試嘅泰國菜排骨山好好味，喜歡重口味嘅一定要試。酸味味，少少辣，好惹味，配碗白飯平行一下更正。芒果牛油果米紙卷：唔係好食得出有牛油果同芒果。略嫌這兩樣生果不夠豐富。炒菜不嬲都好好味，試過蒜蓉椰菜苗或蒜蓉通菜都好好味，份量也足夠。環境就冇得彈，好舒服。

12月30日夜晚同朋友到黃竹坑South Side 既Bamboo Thai 晚餐，以價錢裝修作選擇，那裏環境舒服，空間感敞闊，乾淨整齊，上餐很快，食物味道5錯，其中點了豬頸肉，肉質軟熟，和牛炒飯粒粒適中硬度，如果多些和牛粒就更好，馬拉盞通菜咸味重了些，不過外間一般泰國菜，都覺得味道略咸，所以整體都係好味，價錢一個人算180元，認為合理。當刻餐廳人流比較多，但想讚一位partime員工Mandy，佢溫文招待，對單清楚，說話簡單清晰，在適合時間會介紹餐廳飲品同甜品給客人，但又令人感覺舒服，態度非常好，值得讚。

早2日我和朋友到餐廳用餐，服務員帶我們入座時看到梳化非常污糟，投訴後要求轉枱,但轉枱後枱面竟然仍有食物殘渣。而地上清潔衞生也很差，令我以為去咗茶餐廳的感覺。因為之前早幾個月來的時候服務和衛生都非常好，為何現在變成這樣呢？而且還看到管理人員（穿便服）用手指插杯執枱，感覺服務衞生真的跌了很多，再不像以前高級餐廳的樣子。希望餐廳管理層能多注重客人用餐的感受，環境衛生和服務技巧等等。畢竟我也去過Bamboo Thai 其他分店，好像都不是這樣低水平的。期待有所改善！

在10月16日晚上大约8時30分到45分左右经过你们餐厅的经理或管理层身边，嗅到很浓烈的酒味，而且不只是一个穿便服的管理人员，之前也看到这兩个人员在酒吧里面可能喝酒，以为是客人，怎知看到其中一个在和客人下单，才知应该是餐厅经理或管理人员。看到客人对他很不满意还问他是否喝醉！我顿时感觉到很诧异，為何这个餐厅或集团可以容许经理等管理人员上班时间喝醉，而且不只一个管理人员在喝。如果他们在上菜的时候因喝醉酒不小心把热湯等泼在身上什么办？？这些安全意识都不懂叫我什么放心在这里吃饭？希望贵公司能够正视这问题，並可翻查监控看我说的是否属实。这种情况如发生在內地肯定会给相关部门检控的！希望贵公司能给我一个说法和什么处理这些不合规格的管理人员。谢谢！

Friday 通常會食餐好少少的晚餐，去開the southside 都未食過依間Thai 菜，今晚見冇乜人排隊，所以入去試吓先⋯⋯排了2 分鐘安排入去餐廳最入位置，有八九成滿坐，內𥚃少少暗，光線舒服，design 靚有高級泰國feel , 出面有outdoor 位，好似幾正但現在天氣太熱所以都係冇人坐😂😂坐低冇QR 落單，佢哋用人手落，叫左一會先有人得手，見佢地人手差dd, 今晚叫多咗少少野食….叫左咖喱豬肋骨，通菜，大蝦蟹肉米缐，雞肉串燒，兩個包，兩個雜飲總括食物係好食的，造得細緻的，但價錢不算大眾化…但都值得一試的

今日同朋友到咗呢個新商場SOUTHSIDE, 以為好多人好難搵食，但可能係落雨嘅關係人不太多，兩點到達，整體上呢個商場每間餐廳都不用等，揀咗呢間新派泰式菜。兩個人嗌咗一個拼盤，生菜包及兩杯特飲1. 拼盤有五款$198：蝦餅，魚餅，串燒雞，春卷及米紙卷- 整體上五款都幾好食，蝦餅好食，不過有啲實要好用力先至咬得開。2. 生菜包$1xx : 應該大約可以包到六至八塊-肉味道有點辣肉但我覺得唔夠味3. 兩杯特飲$5x 兩個人食咗$538，價錢可以，不過特飲要50幾蚊，我覺得有啲貴。

餐廳幾空曠，佢埲牆畫咗啲主題設計嘅圖案，好精神青咖喱雞薄餅青咖喱好香滑，雞肉份量適中，肉質幼嫩薄餅鍾意佢夠燶柚子芒果沙律啲蝦同啲柚子一比一咁大，酸酸甜甜真開胃份量都多要食到唔太酸又甜嘅柚子都幾難得😂虎蝦隻碟幾靚，佢俾咗啲蒜蓉辣椒，隻嘢辣辣地好惹味洗得乾淨招牌菜冬陰功雞翼，酸酸甜甜好盞鬼炸得好脆芒果沙冰x2加咗兩朵泰國花好有風情😂好大杯，好抵飲

Bamboo Thai全新旗艦店首度進駐香港港島區，選址黃竹坑新地標商場The South Side。他們邀請了我們去新店試食。室內設計融合了現代風格及大量泰國當地獨有文化元素，帶來異國度假氣氛。有來自泰籍的大廚及廚藝團隊，用上環球食材及風味多樣化的泰式香料結合現代烹調手法。「脆炸豬肉春卷」泰國夜市風靡菜式「火山排骨」，在這裏也可以吃到。採用了優質豬頸骨，注入了多款香料慢火烹煮90分鐘至肉質軟腍。「沙嗲雞串燒」雞肉肉質嫩滑，配上濃烈花生味的沙嗲醬。「泰式燒豬頸肉」「泰式蛋咖喱炒皇帝大虎蝦」皇帝豆庫克來自泰國及緬甸海域，鮮美大牙，與秘製蛋咖喱配搭，另外特意加入花奶，令口感層次軟滑。「泰式珍寶蟹肉奄列」以泰式肉蟹炮製，精選蟹腿之間的肌肉部位，非常厚實飽滿。最後以兩款泰式甜品作為結束：「芒果糯米飯」及「泰式奶茶雪糕」。

第一次幫襯，食物質素唔錯，味道非常好。但其中一個男性Staff極度不滿意顧客用會員coupon,露出一副不耐煩的樣子。其他staff的態度也很好，只是個別員工有待改善

見到新商場，於是同屋企人一齊嚟試吓。見到裝修好靚，環境好有feel ，所以入咗去試吓。前菜小食蝦餅好彈牙，份量都足夠唔會太細粒。裏面係真係有鮮蝦唔係得麵粉！值得一食😋跟住叫咗燒豬頸肉，燒得啱啱好，吾會太燶！重點唔會超多肥豬肉！👍👍主菜生菜包啲豬肉炒得好入味，同埋都有少少辣。但係食落係好惹味嘅，如果你怕辣嘅就唔好叫啦。大蝦炒金邊粉金邊粉炒得乾身，唔會太腍。味道亦都係正宗泰國嘅味👍👍甜品叫咗芒果糯米飯，芒果有少少酸，但係配埋椰漿飯都冇咩問題好食。整體嚟講CP值都高