BB開心棧

营业中

休息中

2010年7月10日 大埔 ( BB開心棧-1 )去年來大美督度假，試過這店，覺得不錯，今次又來這裡度假兩天，第一天的晚餐，我們也選了這店。要了金牌鹽焗雞、BB豆腐、客家炆腩仔、生炒排骨及大蓮煎藕餅。金牌鹽焗雞(148元)，雞很入味，少許嚡...鹹鹹香香的味道，OK的...BB豆腐(68元)，外脆內軟，惹味可口。客家炆腩仔(68元)，有淡味鹹菜，腩肉用南乳來炆，腩肉鬆軟好入味，很好味。生炒排骨(68元)，配料有青椒、紅椒及菠蘿，排骨似是雪骨，肉質比較實，這個實屬麻麻...。大蓮煎藕餅(88元)，除了油點外，味道都很好。這裡有大量明星與老板娘合照，難道...老板娘曾是圈中人！相中人還有特首呢！老板娘都幾NICE...架...食物質素亦係OK...。

無意中走到這裡.. 便在此進行晚餐吧!沒想過原來這裡曾經有很多名人來到.. 相片滿載轉牆身..環境不錯.. 有室內外雅座.. 任君選擇.. 服務態度親切.. 讚!食物方面想不到會有驚喜..那些雞很入味.. 豆腐內軟內脆.. 藕餅亦很爽.. 真的值得一試!

五一下晝五點撞左入去, 大開眼界.伙計行黎行去執野, 硬係睇你唔到. 好野!終於得(可能係)老闆娘招呼, 見佢真係寫低左我地個 order. 兩味小菜, 兩碗豆腐花. 問佢要兩杯水, 佢話等一陣.這個一陣其實超過 30 分鐘, 30分鐘過去, 小菜無黎, 豆腐花無黎, 兩杯水都無黎, 即係乜都無黎過.我地決定唔再等, 起身行人, 幾驚被人收返多少坐低基本收費, 結果無, 我估我地走左都無人知道, 或者係無人理會. 經歷都算幾得意, 原來入左呢間開心棧, 可以變做隱形!

踩單車去到呢度 食碗豆腐花先豆腐花唔太滑 好大舊實的的嘅 又唔特別好味 不過唔難食嘅 起碼好食過連鎖嘅公和香港我最鍾意食順興隆嘅豆腐花 - 滑到喊

我住在大埔汀角村十年,是BB開心茶座(鹿頸)/BB開心棧(龍尾村)的fan.見其他食家品評, 投訴BB的服務差. 作為熟客,我知道他們不是惡意的. 由於餐廳位置偏遠,不是每天都旺場,老闆娘通常請住在附近的村民/學生做part time 睇樓面,方便調動人手,有些part time 大嬸或學生妹妹比較呆和鈍,待慢了客人.另外, 即使假日人手較多,但仍然不足,若遇上其他客人訂幾圍枱, 廚房忙到"踢晒腳",出菜便慢.我也試過為一碟炒菜呆等半小時. 熟客通常都會明白,不會計較,但這給新客留下壞印象了.服務間中不太週到,但我和其他熟客還是很樂意去光顧, 因為食物實在太美味,而且水準穩定. 其他食家說開心BB價錢不便宜,這是對的,但老闆娘統兒和大廚喜哥堅持用新鮮靚料,絕無欺場,我覺得很抵吃! 餐聽人手少,其實就是老闆娘要節省開支,將資源投放到食物上. 必吃推介:黃酒煮雞:傳統客家菜, 用鮮雞烹調, 雞煮得滑,黃酒很香,冬天吃最正,可以暖身.開心BB豆腐: 豆腐外面煎得香脆,上有一層薄薄的椒鹽,咬開竟然十分嫩滑,充滿豆香.兩種不同口感的強烈對比,很神奇! 一定要趁熱吃.鹽焗走地雞: 很細隻,但雞味濃

睇番d舊食評，發現我同so ho ee的遭遇好相似，比人激到要發表"我的第一次"。我地同so ho ee 一樣諗住選間清靜的食店午膳，又見門口牆壁貼滿店主和明星藝員合照，自稱"名人食店"，應該靠得住，點知原來係黑店......下午2時到店，見到客人不多，無人主動問你食咩，舉手示意無人理，d侍應走來走去執枱，就係睇唔到你隻手，同唔經過你將枱，已經有d火火哋......幾經辛苦落咗單，離咗兩杯飲品，之後等咗30分鐘都冇野食，我地只係叫兩個炒粉面，點會要等咁耐?問侍應係咪漏單，佢好似走去查，但係又冇覆我地。又等咗幾分鐘，佢話煮緊。又再等，都係冇離，再問覆番要等陣，問佢要再等幾耐，個侍應話唔知，我諗如果你係我都會發火，於是同佢講等多5分鐘唔離d粉面就走。當然結果5分鐘後都冇離，佢夠膽話"而家煮"，10分鐘前話"煮緊"，10分鐘後話"而家煮"，即係點呀?玩呀?於是一路埋單一路閙，不過我地雖然唔係名人，都算係斯文人，無講粗口，唔知係咪我地唔夠惡，向老闆娘投訴，佢竟然一點歉意也沒有，只係叫伙計快d找錢，比人閙少兩句。係呢個時候，我先醒覺佢地冇做錯，係我地去錯地方，因為"名人食店"，唔arm我哋呢d平

十月秋高氣爽...到大美督食午餐, 以為擇間清靜一點的餐廳....點知.....走進了...黑店 點了碟 椒鹽鱔球 價錢$88元 , 惡夢 即告開始(1) 餐廳以內已有兩員工在我們 二三呎以外抽煙 (2) 共兩台客, 只有我們一台點小菜 / 飲啤酒的, 呆等了20分鐘 (3) 送上一碟 極之失望....沾滿了粉.炸的....椒鹽鱔球 ???? (4) 用放大鏡才能找到 <椒鹽> 粉 !!!!! (5) KFC / McDonald 的炸雞可以升呢叫做 <椒鹽> 炸雞 (6) 價不平, 食物無食慾(7) 我們已打算付錢..離開, 萬萬沒想到, 女店東竟然將碟拿到另外一台, 叫他們評理 女店東(肥女人) 服務態度惡劣到極, 大大聲 似鬧交 (8) 我的苐一次....遇過咁唔尊重客人的食肆俾人侮辱 展開我寫食評的....苐一次 食物不好吃是其次........受了一口肚子氣

簡單幾句:豆腐花;必試; 非常滑鹽焗雞; 不會令人失望;好味;但沒有驚喜豬扒包; 好味環境清幽舒服; 坐到耐一耐; 老闆都唔會俾面口你睇;好好人踩單車人士休息必到CHECK POINT值得再光顧支持~~~~~~

週末和家人踏單車前往大尾督，因在飲食雜誌看過此店的食評，遂前往試試這兒的招牌小食。招牌豆腐花：非常香滑，good！ BB豆腐：椒鹽外皮香脆惹味，內裏豆腐細滑，good！ 大蓮煎藕餅：味道不錯。內含洋蔥及豬肉粒，很惹味！ 以小食味道來說，確是不錯，但價錢略貴。

久不久都會帶狗狗一起到這家位於大尾督的茶座食走地雞。今日公眾假期，　一家人同狗狗殺入大尾督坐了５分鐘都未有人得閒理唯有自己去攞餐牌好不容易才叫到伙計點菜好明顯佢地真係唔夠人手同Ｄ伙計好似係ＰＡＲＴ　ＴＩＭＥ咁唔係太醒目點咗一隻鹽焗雞、ｂｂ豆腐同客家炆腩仔雞肉夠滑少肥羔，仲有ｑｕｏｔａ既可以食埋雞皮，真係好爽口ｂｂ豆腐水準冇變，　外脆內滑，　炸至異常鬆脆的椒鹽外皮配滑滑豆腐可謂一絕兩個招牌菜保持一貫水準唯客家腩仔肥咗Ｄ，個人唔太欣賞價錢唔平　埋單３４０

星期日到大美篤, 發現這家位於龍尾村附近的小廚.開頭只知豆腐花好滑, 原來小炒也不錯. 最good 的可算是出名的bb 炸豆腐, 牛油黑椒炒雜菌.甜品當然要嘗一嘗豆腐花. 配他們自製的薑汁糖水,一流.

傳聞呢間嘢係鹿頸食干抄牛河好出名,昨日就一心駕車入去試下啦,點知去到鹿頸泊完車,坐低左先知道原來佢地所講果個名廚搬左去大美督新鋪,所以係鹿頸就冇抄嘢食,咁為有駕車去大美督新鋪食啦,當遊下車河囉.去到大美督,搵左好耐都搵唔到,最後發現原來佢係個地盤隔離,入到去,好似入左森林咁,黑蚊蚊,裝修勁舊,個玻璃天窗好似就跌落黎咁,好恐怖.坐低左大約兩分鐘,有個女人走過來問我地想食d咩,可以試下好出名嘅干抄牛河同星洲抄米,見一心入到黎試下佢地有幾好食,最後就決定叫了佢話好出名嘅 干抄牛河同星洲抄米,,,點知就出事啦...1.出品時間勁耐:落完單等左五個字先出碟干抄牛河,再等多三個字先出星洲抄米,共等左40分鐘2.出名食品奇差:兩樣嘢都係話最出名,(唔通係出名差)...兩色干抄牛河河粉抄到兩隻顏色(因為抄得唔均雲),牛肉超UN,,,超鞋星洲抄米米粉超硬,仲一舊舊,咖哩粉未溶晒,食完個口同條舌感到超鞋,超多粉3.服務態度惡劣:個待應跌左碟醬汁落地,d汁反彈到我朋友條褲同隻鞋到,對唔住,唔好意思,,,都冇講聲,,,就連紙巾,布都冇拿比佢抺,都唔知佢係咪特登就以上3點,我以後一定唔會再去,不知所謂.

我們一行９人，踏完單車想食碗豆腐花,於是每人只叫了一碗豆腐花,其中一位友人叫了一杯凍檸賓，跟住大家又叫了一個加大的豬皮羅白。當事頭婆拿杯凍檸賓過來時，我和友人看到杯裡有一塊銀色的東西，便很仔細看杯凍檸賓，但事頭婆看見我們這樣便即刻拿起杯凍檸賓話係檸檬核，仲吋我們話凍檸賓就實有檸檬核啦！跟住我和友人肯定不是檸檬核便想再看清楚一點，但事頭婆再看我們兩個這樣，便很沒有禮貌地從我們手中搶過杯凍檸賓話換過杯給我們，仲話係檸檬核來的。那位事頭婆的態度實在很差，我和友人由此至終也沒打算要向事頭婆投訴，我們只是想看清楚是什麼，但事頭婆就心虛，拿走杯證物，而且態度其差，雖然我們只叫了少少食物，價錢不多，但也不代表要對我們態度差，今時今日這般服態度是不行呢。

很久沒有到新界旅行，上星期天約了數位朋友到大埔一遊，小巴將到達大美督時，遠處看到有一間村屋寫著「BB開心棧」，好奇心驅使前往看看，原來是一間食肆，老板娘姓李，據稱之前在鹿頸有一茶座，因種種問題而在大埔的龍美村開設食肆，提供fusion菜式及私房菜。她說，祇要客人提出要求，均會盡量滿足。她知道我喜歡吃黃酒雞，便提議我一試該店的黃酒雞，並建議我們一試那裡的日式燒鱔；此外，我們還點了BB豆腐及豆腐花。那的黃酒據老板娘說是自已釀製，不過無論是否自家釀製，反正味道一流而且雞肉仍非常嫩滑兼酒香撲鼻；日式燒鱔則皮脆肉厚又多汁；ＢＢ豆腐亦皮脆內嫩，最主要是我並未發覺有其他食試有同類出品。飯後甜品豆腐花須然未必是全港最正，但都應列入十大。埋單除開每人祗是數拾圓，抵食到極！

原本在粉嶺舊址巳專登走去食她們的走地雞,及合桃露,E+搬左入大尾篤,門口可停車更方便了些.可能很多舊客末知新地址及地方大了很多,今次去到等一會就有位,走地雞依然有水準,但來貨少只能order例牌,好彩新店新加多了幾味招牌菜,其中BB開心豆腐好正,最後我至愛的合桃露暫停供應,改了自家制的豆腐花也不錯.