BB開心棧

营业中

休息中

今日跟團去食，但女人（老闆）態度極差，第一句就得罪人，講多幾句得罪幾個人，食客間自己聊天話細碟，佢偷聽到唔順耳就即刻插咀反擊。老闆態度唔休做！講真佢嗰一碟12個人分真係唔夠囉！何況15人一枱分一隻雞，隻雞又唔係大隻，佢偷聽食客每句實話都要反撃，宜家你唔比人講實話㗎？團友意見又唔係同佢反映，佢插咩咀啫？仲有菜式唔到位，名叫羅漢齋，但其實係四季豆蓮藕片炒菜+鴻喜菇！！完全唔係羅漢齋囉！咁唔好騙人叫羅漢齋啦唔該！

我冇食過，不過就算幾好食都可以唔使幫襯！餐廳入面個惡女人行出門口追住人嚟鬧，態度超差！喺門口睇完餐牌唔幫襯都唔得咩？唔明點解睇完餐牌就一定要幫襯。真係唔好食呢間！

31/7/2022 星期日，天晴，起程遊車河，郊遊大尾篤！由於天氣炎熱，大尾篤唔多人踩單車，揸車沿途欣賞郊外風景。到達大尾篤BB開心棧，今日午餐食客家菜。幸好呢度有室內冷氣房，酷熱天氣好難坐戶外了。入到冷氣房，即刻透心涼，坐低先叫杯凍檸茶，消暑解渴。再叫咗三款小菜：-菠蘿咕嚕肉，咕嚕肉唔油膩，啖啖肉，新鮮菠蘿🍍😋京蔥爆鱔球，香噴噴京蔥，啱晒夏天殺菌，鱔球肉香口，美味👍🏻蒜蓉炒萵筍，好清爽😋白飯一碗，粒粒飯👍🏻正宗客家菜，即炒夠鑊氣，熱辣辣上枱，食到咀舐舐😋大師傅即是大師傅👍🏻（後來見到隔離枱叫咗豉椒炒鵝腸，好難得有鵝腸架，下次要食這個！😊）大家到大尾篤，要嚟呢度試吓呀！佢呢度仲有其他小食，公仔麵呀，多士呀，豆腐花呀，唔一定要叫小菜，夠多元化！

呢度話難搵，又唔係。。但平時會忽視左佢。。黎到大尾篤一班朋友總會食d特式野，或者輕鬆浪漫一下。由於放低小朋友跟朋友們去踩船，而我們因為時間趕急，只可以搵間輕鬆坐既地方食野休息下。老闆娘好好人，打左2次問地址，好詳細講完仲走左黎接我地。佢的位置係沙灘對面，牌坊下面，走入去小小就見到。入到2種感覺，前面可細枱，寧靜，後面係大排檔感覺，有前後2邊位。適合2，3知己同大班朋友。。我們只有一個鐘時間，都唔知食咩好。咁岩見到後面台有炸大腸😍😋，但餐牌係冇既。。睇真d呢度菜式，主要係客家菜為主。最後叫左碟炸大腸， 好邪惡呀😍配啤酒。朋友叫左碗五香肉丁麵。食落去，忍唔住食第二舊。。我好怕會有味既炸大腸，但呢個係值得一試，冇果種騷味 ，香口，正👍👍食幾舊食埋配菜菠蘿唔膩。嘆啖啤酒。。令人就算速食快餐之餘都係一種享受。

走入大尾督並不是BBQ,  而係去搵BB姐，一行6人，浩浩蕩蕩黎到BB開心棧！BB姐安排左個VIP房比我地，朋友一早預訂菜式：梅菜扣肉黃酒雞鵝腸薑蔥炒蟹黃金日本南瓜BB豆腐炸金蠔香煎蓮藕餅雷沙湯丸

6/4/2021 星期二，天朗氣清，仍然是假期，要抓住假期的尾巴，大家都郊遊，今日我哋入大尾篤，一心想享受傳統客家菜，所以嚟 BB開心棧！佢哋有小菜，亦有簡單公仔麵，任君選擇！見到好多踩單車人士，嚟呢度抖一抖，補充體力！我哋食午餐，叫咗兩餸一飯：-啫啫薑蔥雞煲，一揭起煲蓋，香噴噴，夠鑊氣，雞球好入味，仲有豬肝，真好味！節瓜粉絲蝦米煲，調味適中，又多材料，美味！我哋二人，加碗白飯，全部食晒，實在太好食喇。配合兩杯凍檸茶，夠解渴！有誠意嘅大廚，要多多支持👍🏻

個豉油王鵝腸d油同芽菜仲多過d鵝腸 ！鵝腸肥膏勁多 d油多到我可以整天婦羅另外個梅菜扣肉 味道錯綜複雜 d肉又梅 係我食過最唔得嘅梅菜扣肉叫咗三個餸最入得口係個客家釀豆腐 呢個味道 食呢個價錢極度不合理

疫情期間，郊遊也許是一個最好的活動。而這一天，我們就開車來到大美督，同小朋友看看海，踏踏單車。而在進行戶外活動之前，就先要醫飽個肚。我們開車在一列的餐廳尋尋看看，結果因為冇車位而過主，最後，看見這一個《BB開心棧》附設有一個停車場，看了價錢牌又相對不貴。而且，早知道這同鹿頸的《BB開心茶座》是同一老細，那就給了我們小信心，決定入來，簡單食個午飯再去玩。同一老闆的《BB開心茶座》，早就是我們每次食完雲泉、去沙頭角遊車河再轉經大美督回程時，在鹿頸必停必食碗豆腐花的地方。而每一次經過大美督，我們都手指指，這就是《BB開心茶座》牆上，眾多歌影視紅星同老闆合照的客家菜餐廳。這一次，因為種種的因素而來到了大美督的店。我們立即發現，牆上的明星照更多。店方自稱是 "名人食府" 絕不是老吹，而是真真正正有明星來用餐。我心想，他們大概是喜歡這兒夠隱蔽，而且老闆娘應該是同娛樂圈有點點的關係。一家四口來大美督，而且是臨時決定來，我們是沒有來吃美食的準備。所以，這回遇上了茶餐廳式的食店，絕對是啱晒我們心意。我們點了一份羅漢齋炒麵給茹素的太太，而這炒麵的確做到好素，只有芹菜同雜菌，再用豉油打個茨汁。也可以說，整個

Weekend想呼吸下新鮮空氣，除左行山，踩單車都係一個好選擇。呢日由沙田出發，踩到去大美督，由於太耐無踩過單車，真係由d chur 哈哈，慶幸天氣好好，和暖的陽光加微風，算係踩得好自在，途經幾間餐廳仔，熟悉大美督的朋友熱情推介BB 開心棧。餐廳掛滿好多老闆同知名人士的合照，睇黎係呢區好受歡迎。因爲食完要在前進，唔想食太飽，今次未有機會試呢度既正宗客家菜。快脆食個餐蛋麵加枝可樂，唔知係太耐無食午餐肉定點，外層煎得金黃香脆、熱辣辣，幾juicy唔會煎到太乾，真係好好味，而且煎蛋裏面仲係流心，相當有誠意啊！公仔麵帶有麻油香味，麵條質感較爲硬身，仲加幾條白菜仔。玻璃樽可樂唔係度度有，好睇又特別好飲。

食物質素尚可，但做生意手法不老實，埋單時只㩒㩒計數機，便講總數幾錢，因為價錢同心中預算略有出入，便要求查單，豈料老板娘反應甚大，自己再講也講錯收左我幾多，只說不會收多喇，想借機不講，態度惡劣，最後不情不願下逐項菜式講出價錢，但又不說總數，本人回去後根據其逐項價錢再計，連埋茶介加一也不用所付費用，收多70幾蚊，失望，不老實，用70幾蚊看清這店

有啲咩係開心過踩完單車嘅時候可以食一碗又香又滑嘅豆花。大尾篤嘢食好似好南轅北轍。聽講好似有幾間可以食豆腐花，誤打誤撞之下去左呢間，室外有四五張枱，都算開揚。原來入面有十幾張大枱，有冷氣，我地入左去。外邊有好多明星相唔知係好事定壞事。原來除咗豆腐花之外，呢間野仲有好多好似圍村菜式食。啲相都吸引我叫左碗熱豆腐花，好滑有豆香。仲叫左腸粉同咖哩魚蛋，一般。另外碗牛筋楠麵，牛筋好稔身，可以試。如果踩完單車想坐得舒舒服服，可以去呢度試吓。

今日公司下午，定咗五圍枱食午飯， 餸菜味道已經係一般到一般，甚至乎係差嗰啲。招呼差到不得了，白灼蝦上枱，問佢有冇豉油，佢竟然話冇。全程口黑面黑。到上豆腐花時，問佢有冇糖。佢竟然話：（冇你為食齋豆腐花囉！）咁都講得出好似唔想做咁。 俾錢都要受佢氣，去唔去食你哋自己諗啦。

這兩年有幫襯開這家的豆腐花，味道唔錯，踩單車經過又可以坐係出面D檯休息一下。今日又去買外賣四碗凍豆腐花，點知攞到番屋企發現四碗都係餿的，變壞曬，陣味令人作嘔。本身間舖D衛生情況已經麻麻地，依家發現食物安全控制得咁差，以後都唔會幫襯，門口放曬D明星合照都無補於事！簡直離譜！！以後大家如果去幫襯都要小心D，如果唔小心食左D變左味食物就好大煲，分分鐘食物中毒都有份呀！希望店家以後要千萬留意食物安全的問題！

於大美督郊遊後，一家人到BB開心棧食晚飯。阿姨態度很好，見到我們有小孩，主動來推薦合適的菜式👍🏻人數不多，點了三個菜式和炒飯。推介😋入味而且肉的口感入口溶化蛋角香脆可口，小朋友非常喜歡

那天襯放假到大埔大尾督水壩郊遊，本是懐著軽鬆的心情，好好享受大自然。前往水壩前，想先吃一點東西，便在附近不同種類的餐廳中，選了BB開心棧。我們見到餐廳門外茶座有一張枱，比較開揚，便坐下來，但老闆娘叫我們坐入餐廳後面，我們問為何不可以坐這張枱，她說阻住送貨，最後我們説如果有人送貨，我們會讓路，最後我們吃完走了都未有人送貨。鹽焗雞米粉（$35）鹽焗雞味道都很入味，米粉一般，份量很少。牛根腩河（$35)本來是叫兩份雞米，但只有一份，老闆娘大力推薦牛根腩河，牛腩又瘦又柴，河粉又鞋。豆腐花（$12）豆腐花很滑，但個碗很細，份量少，我一個人要食兩碗才夠。