BBQ美食店

营业中

休息中

朋友不只一次推介第三街有間串燒好食....於是上網搵店名...最終上星期六嚟到BBQ...唔使5分鐘有位好開心門口招呼嗰位似老闆，超有禮貌 服務又好我們一行三人叫齊所有新鮮海鮮有幾樣嘢一定要推介燒鮑魚，勁好口感，我哋仲有返叫多次，因為實在太好味燒聖子，第一樣餸到，睇見已經好開心鵝肝多士，一份分三份，一口鵝肝啱啱好，朋友激讚燒扇貝，不嬲對呢味餸無乜特別感覺，不過超新鮮，入到口感覺驚喜!!!其餘仲叫咗啲普通串燒，都OK, 例如墨魚丸, 粟米，雞翼等等...燒覓菜，都OK, 上面仲加咗啲蟹子不過有兩樣嘢極度不推介，就係咸牛脷同燒美國珍寶蠔咸牛脷真係似食緊條脷，食咗一嚿就停手停口，我太鍾意食蠔，睇樣已經知道唔係美國珍寶蠔，應該叫珍珠蠔，尚有好大嘅進步空間。不過同朋友食得好開心，最後食埋個桃嘅雪巴我覺得好完滿。會再光臨

如果唔book 位去到就一定要等....佢地值得一讚既係服務...星期五晚, 原本book 左7:30, 但我要OT未走到, 改左8 點, 點知走唔甩. 之後再打去轉8:30.... 依然態度勁好, 照留位比我地....咁好既服務, 抵佢地咁多人幫襯!!!野食價錢ok, 好多都係$7 串, $10 串咁. 唔使點汁都照好味!!!! 仲有唔係好多地方有得食既雞泡魚干, 食到我同男朋友咀lam lam.

是夜完左FUNCTION, 就過黎呢度試下剛好唔駛等, 坐低即寫紙點野食是日魷魚沽清, 失望, 不過最後決定豪一豪佢, 叫鮑魚!!選擇左切片燒, 水準不俗, 很有咬口, 鮮味!!另外叫左牛脷, 呢度用上咸牛脷, 感覺麻麻, 唔係太MATCH, 如果用返原味燒會好D荷蘭辣肉腸, 友人指不夠辣, 但味道還可以雞翼就唔錯, 大細適中, 皮燒得好香脆, 佳作金菇牛肉卷, 幸好食完都無痴牙除左串燒, 仲有點左鐵板牛柳粒, 炸墨魚咀同炒飯牛柳粒有咬口, 不過有少許過火, 偏嚡墨魚咀脆漿夠薄, 墨魚咀本身也很爽, 送酒良品炒飯很有蒽香, 也炒得均勻眼看仲有超大隻既花竹蝦同蠔, 可惜已經食唔落, 唯有下次, 不過呢度真係好吊腳

n年前同熊仔來過，間野好細環境麻麻但收中上價錢，係貴左d但d野好好食，坐吧台又好好玩可以睇佢燒。可惜間野細太難等位。今次happy Friday係附近做完野同班friends一行成8個人即興打的9:00pm walk in 到來，對面街有分店但仍然咁多人要等40分鐘。電話冇電又餓死所以冇影相，不過食物仍然係好好，又夠氣氛: Delicious list: 燒聖子王: 真開心真高興，保留到海鮮汁，海鮮汁好甜燒秋刀魚: gooood，出哂魚油好香燒貴妃蚌: 好彈口又保留到海鮮汁，好正呀蒜蓉包: gooood燒大蜆: 開心，正，好味燒雞脾菇: 好似塊扒咁好好咬好味呀~~燒鵝肝多士: 真高興，鵝肝好厚好oily，好正，好襯多士燒金菇牛肉卷: 燒得黎，肉汁俱備燒羊架: 好味呀~ 好香燒白鱔: 好似塊扒咁，好厚身又好食燒煙肉車厘卷: 又oily又fresh，好夾燒青魚: 好鬼死香又滑呀, 可以送飯炸蠔: 好有日本吉烈風，外脆口內多汁燒咸牛利: 幾惹味架燒雞軟骨串: 好鬼日本串燒mood燒牛柳粒: 惹味之作，送飯之選燒粟米: 好鬼香甜又大件，好爽甜一般list: 燒蟹籽丸、燒芝士腸、豬骨粥、炸墨魚

晚上十時多，十人行到了第三街的bbq吃半晚餐半宵夜的一餐。叫了一堆東西，有串燒有沙律有炸物：煙三文魚他他：切碎了的煙三文魚粒在蒜蓉多士上吃，一咸一甜的很是有趣，多士又不會太油膩，是一醒胃餐前小吃。燒雞脾菇：咬下去有肉汁爆出，惹味非常，加上切得不薄，咬下去很有口感，必吃。金菇牛肉卷：這是一個必定美味的配搭，分別只在於牛肉會否太乾，金菇會否太痴牙等等。這裏的不會燒得太乾，還有肉汁在裏面，金菇也不會有種怪怪的甜味，整體是不錯的。燒芝士腸、芝士丸：無難度之作，腸仔是幾乎沒可能燒得難吃的。而芝士丸的饀會成半溶狀，吃的時候會流出來，很過癮。燒魚片頭：其實是一條魚片的頭頭尾尾，再澆上甜豉油即成，不是不好吃的，不過不算太特別吧。辣味豬頸肉：與其說是辣味，不如說是怪味，又濃又杰的醬油不能蓋過豬肉本身的怪味道，咬下去口感也不像頸肉爽脆的，總之是怪。燒鴨胸：不太咸，也得鮮嫩，有肉汁在咬下去時噴出，難怪成為這店的必叫之作。雞軟骨串也是沒甚驚喜之作，味道是四周鋪頭也能吃到的，不是難食但有點普通。而雞脾肉也是，啖啖肉不過不算太特別吧。蟹籽沙律、炸軟殻蟹沙律：有切得很幼的青瓜等等，拌着蛋黃沙律醬；味道是可以的，不過

本身住喺西環嘅我，BBQ由開業到而家我都有幫襯。近呢個禮拜我同男朋友再幫襯但感覺非常唔好，決定而後都唔會幫襯。反感原因:1) 勁加價：由原本$12/ 3 塊多士變到今日$6 一塊(加咗50%)。本人都做過飲食業，明白加價係無可避免，但加價幅度太驚人!!2)來餸太慢：唔知係策略定真係要咁耐，叫了20碟野，半個鐘先嚟得２碟。問嗰個呀姐，佢就話check吓，之後就無咗影。我哋就而為漏單，只好再落過單，十分鐘後啲餸打孖嚟。炒餸就話一切炒方便啲快啲，想問吓BBQ打孖一齊燒會用少啲時間嘅咩？3)味道碟碟一樣：開業嘅時候一啲味精都無，過咗一排可能多咗人去，但求快食得出落咗好多味精。到了而家，味精少咗但加咗七味粉所以碟碟味道都一樣。BBQ本是我其中一個最鍾意去嘅地方，留低唔少腳毛。質素淪落都而家咁，一定唔會再去！！

西環對於我來說實在太遠就是BBQ一店令我有衝動過去一敞表現不過不乏是日３位用餐點了約十款以上美食當中包括有名的鵝肝多士，Juicy羊架，燒元貝等等鵝肝多士Size 適中，人口即溶。可以再點！一口芝士好好食羊架我喜愛吃羊可是羊味比較淡燒元貝有少少失望太乾身無鮮味蟹羔海鮮炒飯飯夠乾身味道可以冷盤－辛酒東風螺味道一般　唔夠辣燒豬頸肉味道不錯　份量多　夠香！至於一些普通燒物（雞亦、雞腎、雞軟骨、司華力腸）不過不失海鮮類可以一試 特別是象拔蚌或蟹看見隔離檯點了隻蟹，不錯！下次會試下蟹總括，可以再試！但由於當晚full house，等候食物時間會比較長！

表姐忙碌中抽空跟我晚飯 實在好高興,,她想了想後提議我到此一試。回想起 這麼大個都未曾到西環一遊哈哈 2個小女人點了12款燒物:1.雞軟骨串 $7不太好 雖然在串燒行例 但吃得出是炸的唯一乾巴巴的 SIZE也好細少2.朝鮮醬炒八爪魚 $38八爪魚是新鮮貨 趙幾下已能咬開 而且JUICY啊味道惹味3.燒粟米粟米有微微焦了 不錯 吃出有牛油味 燒時以牛油塗抹 所以不至水份全都蒸發 仍juicy4.香芋丸平日少吃這個就好奇點了雖然不太q 但內裡卻有數粒芋頭粒 讚有芋香5.鐵板海鮮炒麵 ~$38炒麵略帶q 味道比醬炒八爪魚淡一些 正好互補不足 海鮮是少量蝦和帶子$38味道來算是能接受 ; 談份量是不太合理 貴了6.肥牛金菇卷 $18(4小卷)average 頗juicy的7.鴨舌 $18(8小條)乾巴巴的 沒什麼食物能下肚或許是我好久沒吃鴨舌 忘了是這樣但$18確十分不值8.蒜片炒雞腎 ~$35內裡只有炸蒜,韭黃,雞腎雞腎不老 但味道一般 不推介9.燒冬菇 $899%juicy 鹽下少一點更好10.chopstick:明太子魚餅 $28熱度100分 味道85分 魚餅頗Q的 不錯 內有適量明太子

連續２篇都係我～ｈａｈａ＊冇計～住附近嘛～不過今次帶埋３個住新界ｏ既朋友１齊食＊各人都讚口不絕～今次例牌叫最想食ｏ既海鮮不過非常可惜．．．咩都冇！！有咩冇呢？！白膳，大蜆，貴妃蚌，蟶子皇，黃膳．．．．　唉甘今次轉戰其他野食ｌａ！！鵝肝多士 唔怕油~ 必食!! 1定再叫~~蒜茸包 冇食鵝肝多士o既朋友話好好食* 佢仲食多次 xx牛舌 第1次食~還不錯* 西冷牛扒 叫左2轉, 第1轉超好食~ 第2轉有d un~ 煙肉車厘茄 相比上次食, 今次d茄茄細粒左, 冇甘吸引雞比菇 冇買相.. 真係好食咩???蟹子丸 不錯香"互"丸 又不錯喎~ 應該係... 本身粒丸好味~辣味豬頸肉 超好味la* 朋友激讚秘製東風螺 下次都會再食~~ 超好味!!扇貝 不錯帆立貝 冇特別* 不過幾大粒鰻魚 下次1定再食~超好味!! 大大件又厚蠔 有陣好蠔臭味.. 朋友話下次都會再來吃~諗定下次會試 大頭蝦~ 同埋豬骨粥^^

就近屋企~ 朋友試過好食~ 今次帶我食~ 1定要book位~ 唔book位自來好蠢的!!我地1男2女食晚餐~book 8點~ 早左到因為book左, 即有位坐坐低冇耐已經full晒~ 出面又多人排~叫左野食大概10多分鐘就有~惹味墨魚咀 - 好炸~ 可以la* 蟶子皇 - 好爽好鮮好好味!!雞翼 - 冇特別 海鮮炒麵 - no good 好油...蔥花元貝 - 正!! 唔un又好味!!燒海大蜆 - no good.. 好un又冇味燒腐皮卷 - 正~燒豬頸肉 - 味道超正!! 又多 墨丸 - 普通煙肉車厘卷 - 好食~ 大大粒茄蓋過左煙肉o既咸~ 好味道!!黎過食o既朋友叫親都好好味~反而我o係到睇.. 人人話好食o既今次絕對唔好食囉... 我都想知點解~1黎冇晒白膳已經極度失望~再叫呢到介紹受歡迎的全部又un又冇味... 真係唔得.... 失望到暈~~~~~~~唔知係受歡迎整得太多失手...定係大家口味完全唔同la每人150蚊~有涼茶飲~1支支計18蚊~羅漢果茶好味!!

晚上八点半左右到達,兩間分店一间爆場,另一间冷清。我選了冷清場。貪其少一点油煙。坐近电视, 靜靜地都幾舒服。食物要用點心纸, 分平价類, 海鮮類, 炸物類三种。平价類纸只出現一次,是入座时帶位員派的, 我发現枱上的點心纸架是沒有這款白色紙! 枱枱都冇,可係唔想人点平价食物吧!平价類: 丸類, 腸類,$30以下款式。海鮮類: 时价… 沒有点,太貴了! 一串九孔鮑得兩只索价$88!!! 兩只大中蝦要$188! 燒白鱔要$32/2件!!!炸物類: 都几多款!是次選擇了:免治雞軟骨串(2条)雞骨腸(2条) 一般 比起在吉之島買到的$20/4条 差很遠)惹味墨魚咀: $32 一藍 超大份量! 好味! 魚咀雖然好細粒,但出奇地有鮮味, 仲以为只係雪藏貨式冇太大期望。燒茄子: 加上了木魚碎…唔好味! 个汁同木魚碎唔夾。焗什菇: 冇味。 要將免治雞軟骨串的汁倒埋入去先有味!炸生蚝: $48∕4只 一般貨式, 不過不失燒雞脾菇: OK!个汁好味!飲品選擇: 汽水啤酒涼茶 (特別一提 羅漢果茶竟然要$18!!!!!)整體上算OK, 但不会再去了,這个价錢可吃別的。但服務真的很好很好, 服務員有禮,勤力!

串燒中食過最難食既一間，差唔多全部都用七味粉，樣樣野都係同一種味咁虎蝦名叫虎蝦，實質似大蝦，又唔新鮮，無膏，腥腥地(已經落左七味粉喇喎)牛舌既薄且un，唔juicy炒烏冬好普通，無野好講燒鱔還可以吧，但還是無鱔味，都係七味粉味聖子原本應該好鮮味，但係九唔答八落蟹子鋪面帆立貝好普通的雪藏野，無味既牛仔骨無乜油份，唔香，又係好普通燒羊架都可以啦，香口點，但係可唔可以唔要七味粉呀總之就真係好普通，燒得唔夠心機，好耐之前初初食過，得一間店既時候，可能無咁多人，有心機D掛，而家就得個快字，燒熟就算。。。又或者第一次來既時候，第一次食依類寸燒，覺得好好味，但係試過其他之後，原來係好普通，also都唔係好抵食。。。

男友話食過好味，就去食喇bbq...有咩好食丫燒白鱔，好肥美，不過好咸豚肉，雞腎，肥牛金菇，普普通通雞翼，我媽整果Ｄ好味好多喎雞脾菇（男友話上次encore左幾次）不過唔係咁值得encore ja帆立貝好味咸牛利，普通過普通海鮮炒麵，帶子同蝦好好味，又大又爽最後主角，明太子大頭蝦，$208兩隻，都幾貴ga...呢個真係好味！！！最後$385貴野先好味，平價野麻麻地，都唔知點解咁多人訂台黎食可能我地叫錯野，唔應該叫d普通野，應該叫下d活鮑魚，扇貝，羊架.....下次啦...

我地兩個女仔食左hot dog同心太軟之後未夠喉, 朋友介紹食BBQ, 所以就約左男仔朋友黎. 由於都係臨時想食,所以八點二先打電話黎訂位,訂八點半.八點半黎到等左三分鐘就可以入去, 坐得有d迫,但係無所謂啦,為左食想食既野.叫左唔係好多野,話晒我地再個女仔都已經食左野.燒白鱔2串, 有6件, $56我覺得最正係呢個,燒得剛好,出面燒得脆脆地,加上一層美味既醬油搽埋係出面,食落去又彈牙,又夠厚肉, 好味呀,無得彈!燒海大蜆1份, 有8隻, $78朋友話佢最鍾食意呢個, 個汁食到牛油味,又有d蔥花係面, 唔錯呀蔥花元貝1份, 有2隻, $78相比之下蜆好食d燒活鮑魚1份, 有2隻, $98鮑魚燒完切左薄片, 有十塊到,都唔錯呀.不過朋友話佢上次食爽d.雞軟骨3串, $21乾得濟,同埋有d燶.燒腐皮卷 1份, 有件6件, $16都好燶下,每人食左1件就放棄左蟹膏海鮮炒飯1份, $48好普通,無蟹膏味,只係見到蟹子係飯面見好多人都話佢服務唔好,態度差,不過我地去個時又無咁既情況,d職員都笑笑有,有禮貌.

逢星期五, 六, 日晚ger黃金時間呢度一定要等位, 所以我同男朋友都鐘意晏D先去, 唔洗等咁耐ma.今個星期五晚, 我哋成十點先去食, 即坐.呢度已經變成咗我哋ger飯堂, 一諗唔到食咩, 就黎呢度.每次來, 一定要叫鵝肝多士&燒蠔, 真係好好食.明太子大頭蝦都不錯 !!!最近仲有新款甜品, 香芋雪糕 & 牛乳布丁, 正, 啱哂我呢D愛甜的人.