BBQ美食店

营业中

休息中

今日翻睇自己臉書，發覺值得要上報openrice如果各位中環返工，同麻甩老一齊的話，不妨到此，一面飲啤酒清酒，一面叫燒烤物，寧捨有風味。貝殼類、鵝肝、魚、牛柳扒之類，真係必定！其他水準都幾好。可能生意太好，伙計服務質素有待改進。

想不到平時只會在OPEN RICE搜索美食的我， 都會有主動要留下意見的一天呢。其實之前都有幫襯這間食店， 覺得食物不錯，價格便宜，但今次真的很過份。整頓晚餐吃得不愉快，當然也沒有心情去拍照了。花了一點時間把這次經歷打下，希望大家當心一下。朋友忽然提出想吃串燒， 於是我們便WALK-IN到西環BBQ， 那時大約是８，９時許， 記得朋友還說了一句， “真好不用等就有位子了！”因為之前每次店員都會提醒第一次點單上菜速度較快，而之後落單會於45分鐘後食物才會送上，所以我們坐下後立即點菜，店員重覆食物，再問燒象拔蚌要２隻還是３隻，朋友說要３隻後，店員把菜單遞到吧台前長髮。負責收銀和燒物次序的女士前。在點菜其間發覺食物價錢都漲升了，丸物肉類呀什麼的都漲了一倍價錢呢。店員隨後遞上兩碗豬骨粥， 我們吃完後， 已沒有其他食物送上了，　當然我知道因為粥一早熬好，故定是會很早送上的。 其中見站燒物吧的店員一直在燒海鮮， 從他們言語間知道是對面坐鐵板燒的一台十幾個客人點的， 店員亦隨即把燒物從此店送到對面店中。 而於此際我們已等了一個多鐘頭， 朋友已有點不耐煩， 向我說道，　”我地淨係落左一次單都要等成一個

我家大人非常愛吃串燒, 自從朋友推介這西環BBQ以後, 己少去其他貴到冇倫的日式串燒店, 因這家串燒店除裝修及服務外, 食物絕對可跟貴價日式串燒店比美。這年間己成為跟飯腳常到的食府之一, 只需預先訂座就不用等候太久, 食物除一貫串燒物外還有多款不同種類海鮮選擇, 是一家可豪食唱飲而不需理會價錢的串燒店。這夜一行8人預訂房間....每次例必先來例粥每人一碗...(每日只出1款: 是夜"皮蛋豬骨粥" 粥底香甜軟滑+幾嚿非常咸香豬骨...正! )"鵝肝多士"入口鬆化鵝肝香濃,席間朋友話絕配 (我較鍚身只點"蒜蓉包"一樣美味)"椒鹽魷魚鬚" 伴酒一流"燒時菜" 比灼菜更嫩合到好處! 真不知他們如何處理！？"燒象拔蚌" 放滿洋蔥+蔥花令食物更能提升海鮮的鮮味...超爽ロ清甜!"燒扇貝" 跟燒象拔蚌一樣美味"燒雞泡魚干" 非常juicy"辣酒東風螺" 我至愛...略嫌花螺過靱, 但蘿白非常入味!"燒豬頸肉+雞翼+蟹籽丸" 燒物非常可口"燒鮑魚" 蔥花+日式醬油...鮮味滿溢," 燒大花蝦+大蟹" 這對寶貝己是必食之物,新鮮嫩甜+蝦/蟹膏滿溢, 我最愛原味!

特登渣車黎walk in 試下，食物不錯，但太耐了。第一輪已經等左成個鐘!!,好!!俾多次機會再落order,服務員已經講話串燒至少45分鐘!!!咁我咪話有冇d係快小小架，跟住就只係叫左個牛枊粒和海鮮炒麵，等左半個鐘先黎到個牛柳粒!!。當中見住d野食係咁俾晒最前門口d枱，我黎果陣果d枱都未有人座!! 心諗係咪訂左枱 定做熟客仔先,,..如訂左就有得叫先既,咁就咪做walk in 客啦!!!。而且如果你地燒d野係一大log燒既都唔洗咁耐，難道你地見一張單做一張單，見一樣燒一樣!!?? 。而最後個炒麵係等唔到囉!!心諗已經要埋單喇走!!! 圖中食物尚算可以~~~

食完好火. 影響心情.. 如果心急/有帶小朋友/ 趕時間/ 心水唔清既人, 真係要諗清楚先好去.. 分享事件一則, 希望如果想開開心心食一餐既人, 考慮清楚先好去, 否則實六點幾七點去到失望成肚火, 掃慶而回. 開咗咁耐, 我都未試過, 只聽說呢間野好HIT, 咁心血來潮, 諗住平日無咁多人, 試下啦. 我六點幾七點去到, 以為唔使等位好順利啦. 無咩客. 開黎落第一張ORDER , 落單其中兩款話無. 算. 問佢有無象柭蚌幾錢, 佢話有, 兩隻$68, 咁OK , 仲好, 兩個人食, 唔使爭. 咁同時你話兩款野無, 我地又落多張單追加野食. 好彩最後無叫好多野食.. 所以今餐食唔飽, 又等得耐.都成七十幾蚊一個人. 嬲飽. D野好慢, 陸陸續續好耐先上一碟..你最好要MARK 低自己點咗D咩. 呢間野做野一D 都唔系統化. 我地見食得七七八八, 依希記得仲有兩個菜好耐都未上, 問佢係咪仲有兩款未上.. 待應應咗你就算.. 過多一個字, 見無回應, 問待應乙, 我仲有野未上, 佢問你咩黎, 我只係記得兩款, 話佢知, 見佢寫返張紙入廚房. 又無回應.. 再過一陣,我問咁即係點,

跟男友吃過添好運, 因為蠻夜的了, 有些款都賣完了, 沒有吃飽, 就來了這裡鵝肝多士的鵝肝(其實我覺得是鴨肝)蠻厚的, 多士中間有牛油跟一些蒜蓉, 不錯吃燒牛舌, 金菇牛肉卷, 燒雞脾菇, 岩螺好吃, 但就是沒有驚喜的串燒我還是比較喜歡原條的燒茄子, 這裡的是切了片再燒, 肉就變得很薄, 自己不太喜歡雜菌西蘭花焗的一款, 清清的不錯吃, 吃串燒是要吃點蔬菜中和一下煙肉車厘茄的煙肉薄薄的燒得很香, 包著車厘茄很剛好番茄燒過之後很多汁, 我自己很喜歡吃燒雞皮也很好吃! 雞皮燒得香香的, 帶脆一點都不油, 雞皮味道就很香這碟其實已經是第二碟了推薦燒花膠, 看到廚房在燒一塊塊白色的就好奇叫來吃, 很好吃呢!花膠一點韌的感覺都沒有, 是用了醬汁一邊去燒吧, 外面烤得焦焦的, 裡面卻很嫩滑, 花膠的味道也還保留著炸雞軟骨一點也不乾, 很香口, 我喜歡他們有給bb牌的那種美乃滋男友叫了白飯去配這個呢為免繼續再點, 我要了燒粟米作結尾, 香甜玉米加上牛油香很好吃平日晚上人還是很多呢, 我們還是等了20分鐘才有位子不過還蠻好吃的, 好吃串燒就會很難吃得飽所以會點很多, 所以每次都會吃蠻貴的哈哈

我想有點人氣的食店都容易受到評擊,若擇正旺日去,難免受罪,我上星期三去到,因是平日,一進店已有位,我是單拖,試的食物不多,食物水準中規中舉,侍應服務尚可,最好味是燒鱔,皮脆肉甘, 粥偏咸,我是食住粥等燒鱔,未算等得耐,多謝店員合力,我哋至有啖好食。另外值得一提,借用洗手間時發覺廁所的香座是十分細心去選購回來,這點要加分。

安排坐位好有問題，有多餘坐位都唔肯安排換枱，要我地5人谷住坐4人枱加椅子坐廁所門口。後來者，2人坐4人枱，3人坐4人枱。又說已有客訂了6位，事實又真的不是那回事囉。真捧呀！！又唔係生客，得到如此對待。算了吧！其實佢地既食物質素都唔錯，但整作時間頗長，另外有某些侍應生服務態度欠友善，真的有點兒失望

The food was good especially the pork, corn. Some of the items were sold out. A tad too salty for my liking but it's probably catered for HK's preference. Very crowded even though they have another outlet opposite. Svc is slow but friendly. Def will come back again.

又係GIRL TALK TIME, 今日想食熱氣野. 就去咗 BBQ.好鬼鍾意佢地燒果D海鮮, 又有汁, 又鮮甜.先來鵝肝多士同芝士年糕. 炸芝士年糕伴住沙律, 不過無特別, 唔提.果鵝肝多士好厚, 好正, 甘香肥厚, 當然你地要同我一樣唔怕肥至奇. 先好試.因為真係好甘香, 只有脂肪才能給人如此甘美的感覺.跟住唔少得海鮮啦, 象拔蚌同鮑魚. 好鮮甜, 脆口, 可惜今次D鮑魚好細隻, 佢地自動減收我地 $10..最叻係上菜安排, 唔駛提都識先上海鮮. 有HEART !! 羊扒一客有4件, 竟然可以4 件唔同 %熟度, 夠周到.燒雞翼BBQ必食啦, 雖然唔係我至愛. 最後壓軸!! 追加明太子龍蝦 $ 268,雖然等咗45MINS.女仔傾吓講吓好快過.實在太好味啦. 我同D FRIEND 都停唔到口, 拍晒手. 明太子的咸香加芝士帶出了龍蝦的鮮.佢地仲放在冬菇去索晒D汁, 好味到, 想即時再ENCORE.

山長水遠都黎食, 幫襯左好多次. 好食同值得推介既已有好多人介紹過.今次確實有D嬲. 不嬲都知落第一次單既野食就黎快D. 第2次加單就要等成粒鐘先有得食.一開始黎左D鐵板類+炸物先. 食完就等. 等約半小時先有第2輪野食 - 串燒.食完晒之後其實都係個幾鐘之後既事, 我地發覺帶子未黎. 就叫個侍應如果未整既就唔好黎 (因為太耐喇...)之後個侍應 "好好" 咁話: 等我睇下整左未先下.... 整左喇喎, 等多陣啦~好衰唔衰我地坐既位置係望到負責整帶子0個個員工. 個侍應就同個員工打眼色+細細聲: 4隻帶子...我見個員工即刻點頭示意"收到!" , 此刻真係嬲.其實預左食預左俾錢, 係因為D野食黎得太耐所以想CUT左佢. 點知俾我見到D咁既態度. 一口話我知 "整緊, 就到" 都冇咁嬲!!最後4隻帶子出到黎個樣, 置身於水塘一樣. 梗係貪快加勁多水燒.....好似食緊sarp(灼)帶子............(我睇到其他食評家既帶子相, 同我食既非常大分別)其實我地食緊中途, 前面有台客, 我見佢地因為D野食等太耐未黎, 追過一次單.到最後佢地叫埋單時, 有個侍應同佢地講: D野食未到

對你, 我總是多一分的縱容. 為了可以同你食晚飯, 找了間近你的餐廳.由於餐廳於18:00才開始營業, 三時多打電話留言訂坐, 五點多收回覆訂位沒有問題. 約了你18:05於地鐵月台等侯. 但最後, 我遲了五分鐘.到達中環後轉的士到第三街, 司機不清楚正確地點, 嗯, 郵政局落車吧! 不料店只在街口第二間. 店坐位不多, 不過, 因時間尚早加上已訂坐, 可以自己選擇坐位. 我選了第二張的四人枱. 坐下後你外出抽一根煙, 我負責於四張的點菜紙上下單. 知道你愛上燒白鱔, 無理由不點吧. 點選了:   燒白鱔: 由抵店的第一個下單, 最後一個食物, 灟單. 不過鱔肉厚, 應該不差吧.  燒鮑魚: $68有3隻, 大量的蔥, 但不明為什麼要加七味粉. 未能帶起鮮味之餘反令之有點"多了"的感覺, 但是鮮甜及肉厚的.燒雞泡魚乾: 坦白說, 這個是差的. 不明白魚乾為什麼會是濕的呢? 不是說很濕有汁的那種, 而是魚身是濕的, 加上偏咸. 天婦羅大蝦: 脆, 不油, 不厚身. 中蝦的size, 好味道.燒墨魚丸: 可以考慮用第二間的墨魚供應商, 這個除了外面有味道外, 真的不知道在食

等位時間80分鐘咁耐,點知原來有位等食都要成個鐘,服務員話一般都要等50分鐘,因為佢地一張單咁整完左先會整第二張,眼見師父只有4個,全場有成廿張枱,咁咪即係只有4枱人可以有得食其他都要等佢張單完先可以到自己????連等位加上已經有2小時1串食物都未有出現,實在極之失望再詢問服務員係咪已經整緊,點知問完佢就避左答得地,只有無奈地等,終於等到有得食係短短30分鐘30串食完,等位連等食足足2小時有多,實在不滿!!!!點解唔可以一個師父負責2張枱輪流燒,起碼大家都唔使呆等,如果大家食完等一轉想再order要等時間需時過多小時,食一餐飯共3-4小有1/3時間要等!大家有時間唔肚餓可以一試,叫海鮮就會快d囉!!!一般串燒就靠肚皮要頂得住喇!!!!

最近全程投入燒烤和火鍋的懷抱, 原來最怕熱氣的我都暫時放低偏見, 在寒冷的天氣中儘情享受熱騰騰的美食!! 今次再相約熱愛燒烤的飯腳"火王"和"烈后", 他們真的很厲害, 可以一星期吃足火鍋和燒烤七天, 但"烈后"最近可能食太多肉類, 所以有少少肉類恐懼症, 最初聽到我說要食BBQ都有一點猶豫, 因為怕又是以肉類為主, 及後說明這裡有大量海鮮食材, 立即欣然答應 下午打電話來訂檯直接轉駁到電話錄音, 於是留低了預約資料, 大概1小時後便收到來電確認, 服務認真!! 準時晚上7:45到達餐廳, 入座率已是九成以上, 幸好有訂枱!! 餐廳是長方型格局, 開放式燒烤廚房前面有吧檯位置, 另一邊則按比例地擺滿了二人和四人枱, 感覺密集但整齊; 多人來的話可嘗試預約房間, 最低消費是$1800.00, 進食海鮮的話應該無難度. 安坐好後先點了下火的涼茶, 分別有五花茶和羅漢果水, 兩款都要了, 用作抗衡稍後一浪接一浪的烈火攻擊!! 醬料偏向泰式口味, 有惹味的紅色醬汁和較辛辣的綠色醬汁. 要點菜了, 火王原來想點大量肉類, 但一看烈后臉色, 立即放棄點菜權, 我亦沒有意見, 於是便安心等待烈后安排

This review is NOT about the famous skewers but the sides. The duck breast in red wine sauce was a surprise as it was, first, a cold dish served at a BBQ restaurant, and the meat was so tender that you almost forgot you are biting on a piece of breast meat. the sauce was a little sweet and sour and went well with the sliced meat.the deep fried cheese was less good when compared, for the cheese used was a bit strong but monotonic in taste. Perhaps a switch to brie and cheddar would be better.to c