BBQ Chicken Premium Chicken (已結業)

炸雞炸雞炸雞，哩排真係同街都係炸雞，今日就同個朋友嚟到紅磡哩間連鎖炸雞鋪度嘆個下午茶。餐廳格局都幾闊綽下，不斷重複播住韓國歌同廣告，食炸雞都要配韓味。我哋一人叫咗一款炸雞，一個芝士，一個韓式辣醬，仲另外叫多咗個泡菜餅(見隔離食得好似幾滋味)。總體嚟講，炸雞炸得唔錯，不過兩款嚟講我會鍾意式辣醬多d，辣醬係裹住咗成件炸雞，雖然超級爆辣，但辣得超級過癮，唔食得好辣嘅朋友可以叫佢落少d醬，至於芝士，我覺得個味普普通通，冇辣醬咁刺激。個泡菜餅幾有驚喜，唔同出面嘅整法，而係煙煙umum，我好鍾意。今次太飽食唔落主食，下次會試下佢嘅紫菜卷、飯等等。

同朋友去左呢間過江龍炸雞店, 朋友話開左一段時間, 但我一次都未食過, 可能地點太遠吧.唔想要普通蜜糖味, 試下芝士粉既炸雞, 百多蚊有10件炸雞.炸雞幾香芝士粉味, 入口個皮唔夠脆, 比較林. 芝士粉都幾咸, 食得耐左好口乾, 仲有D漏.而炸雞既雞肉尚算正常, 唔係太鞋.感覺同韓國食既炸雞仲差好遠, 要排隊可以唔洗揀.

最近呢兩三年韓國餐廳越開越多，其中都有去過幾間覺得水準都幾OK，今晚同另一半去食飯，餐廳地點佢定，仲以為佢會帶我去D西餐廳兩個人去據下扒，sweet sweet下，但佢話帶我去一間韓式BBQ，會比到驚喜我喔，睇下點。原嚟係 一間叫BBQ Chicken Premium Chicken嘅餐廳，系門口就見到大大個餐廳名，仲有明星相貼係門口。卡邦尼炒年糕$68，睇落又同其他一般年糕有D唔同喔，好似莆滿一層芝士咁，上麵鋪左少少紫菜同培根肉，甘樣又幾夾哦，都算OK喇，兩個人食分量夠曬喇。脆蝦沙律$55，有三隻大蝦炸過，所以就叫脆蝦，呢個沙律好多沙律醬，炸蝦加蔬菜再蘸D沙律醬，沙律醬味道幾好。蜂蜜脆片炸雞（10件）$115，呢種炸雞第一次食，感覺幾新鮮，炸得幾脆，一般炸雞都係香辣味，蜂蜜味別有一番風味喇。炸雞與啤酒真係好配哦，一啖炸雞一啖啤酒，真系好冰爽，一人飲左兩支，今晚兩個人都算食幾滿意喇，飲D小酒，都特別多嘢傾，一直食到人地快收店。

韓國料理近年來大行其道 ，身邊有不少韓迷朋友，早前和朋友去了紅磡行街,朋友話想吃炸雞，上網見到有人介紹這間,剛好在行街附近，就和朋友來了BBQ炸雞店,地方都好大,環境亦幾好而且亦好寧靜，我和朋友分別叫了一份韓式炸雞+1份甜品+2杯飲品,炸雞店去過幾間,至於這間BBQ又如何呢,呢度的炸雞比想像中好吃,雞肉十分嫩滑 ，另外又叫了紫薯冰,其實即是革新版棉棉冰,我平時少叫棉棉冰之類甜品，吃冰有咩好吃,朋友想試下就叫了這個，我真的不習慣吃冰,整體味道都OK,地方十分舒適，服務都可以，價錢平均150元左右，亦不是太貴，可以考慮再來味道招牌炸雞，雞肉味道都幾嫩滑 ,個雞皮炸得乾身咗些小紫薯,紫薯味道淡佐些小，雪糕就不太甜,雪糕口感幾滑荔枝梳打,味道酸酸十分開胃,幾好飲服務我覺得都OK環境地方十分舒適，座位坐得舒適價錢平均150元一個亦可以接受

這一天，又是DEFK不定期聚會的日子。對韓式炸雞情有獨鍾的我們，這次相約到紅墈去嚐BBQ Premium Chicken韓式炸雞。一直聽聞BBQ Premium Chicken的韓式炸雞味道不錯，這次是我初次到來，還是由來過多次的D先生發辦點選食物。餐前小食有泡菜、大豆芽及白蘿蔔。韓式涼浸浸特飲 (含酒精) $52 &水果冰條搞搞震士多啤梨味道 $48前者韓式涼浸浸特飲 (含酒精) 是韓國人氣啤酒D Dry Finish加上自選熱情果果汁混合而成，味道清新可口，配炸雞可謂一流。後者水果冰條搞搞震選了士多啤梨味道冰條，待士多啤梨雪糕冰條溶化之後，喝起來有點奶昔的感覺，而且粉紅色蠻漂亮的。秘制炸雞10件 $110秘制炸雞就是平時常吃的甜酸口味，炸雞香脆可口，肉質不會過乾，味道是不錯的，只是吃來略嫌醬汁不夠，若然醬汁均勻包裹每件炸雞，相信味道會更加好。香脆芝粉雞5件 $68賣相看來不太特別的香脆芝粉雞，入口卻令人驚喜，每一啖香脆炸雞均充滿香濃的芝士粉味道，實在非常香口惹味，推介！雙重芝士辣雞 $108半邊是味道香辣的雞件，半邊是烤得半溶的雙重芝士，芝士味道非常濃郁，以香辣雞件醮上半溶芝士，吃

紅磡開左好多特色食肆,韓國炸雞店都有幾間.有位朋友住附近,所以帶路黎搵食.見到呢間門面幾令,所以決定入去試下.叫左兩款口味炸雞,分別係蒜香炸雞同特色炸雞.另外,叫左一客韓式紅豆餅同手卷.先講炸雞,炸粉好大舊,入面冇咩雞肉.蒜香炸雞比特色炸雞香,因為有蒜.特色炸雞只係放左普通韓式辣醬上去,冇咩特別.手卷有D散,好細卷.最好食應該係,出面係酥皮,入面紅豆唔太甜,好香口.

行街食飯，呢排時興食炸雞，就帶埋朋友嚟呢間出名嘅炸雞達人啦~~店內環境好似西式快餐店咁，去嘅時候唔系飯點，人唔算好多。。 呢度除咗招牌炸雞之外其實仲有好多其他好有特色嘅出品，真係想樣樣都試下啊！~！~ 紅餅~~$45。口感似煎餅，不過又唔會覺得好油膩。 5件黃金炸雞&柚子炸雞，~~$128.炸雞皮炸得又酥又脆，咬落卜卜脆，雞肉多汁嫩滑. 泡菜餅，濃郁嘅泡菜味，加上薄餅嘅軟熟~~ 香濃芝士BB骨~~115蚊。一個碟，芝士占咗一半，BB骨占咗一半，將BB骨放落芝士到卷啊卷，濃濃嘅芝士就會將排骨包著~！

本想一試風靡香港的韓式炸雞，怎料失望而回。。。上：蒜香炸雞味道過鹹，而且蒜粒是生的，切得不夠幼細，完全沒誠意，生生的蒜粒與炸雞格格不入，味道一點也不討好。下：蜂蜜脆片炸雞蜂蜜與雞是沒有關係的，就像"搭枱"一樣。而蜂蜜與脆片也是分離的，而且用上的蜂蜜似糖漿，沒有任何層次，食材只是堆在一起但各行各路，貌合神離。除了食物質素不行外，等炸雞上枱也等了近40分鐘。經多次催促後，店員才恍然大悟，如影星劉德華所說一樣，"今時今日咁嘅服務態度係未夠嫁"。

啱啱去完日本旅行⋯食左咁多日日本野⋯今餐就揀韓國菜！黎左想試好耐既呢間食炸雞😋😋閒日八點黎到唔駛等位～ 坐低佢就話8點last order個啤酒優惠～ 我地唔飲酒既～ 所以慢慢睇menu～炸雞有好多款～ 仲有分5件10件or 15件～ 唔會好似某d炸雞店咁一叫就勁大份～ 人少都可以黎食！仲可以每樣嗌少少試多幾款～ 但由於每樣5件冇咁抵⋯我地2個人都係嗌左10件蜂蜜脆片炸雞😝😝😝 下次再黎試其他款😝😝😝 係揀野食既同時⋯已經上左3款前菜～ 有泡菜～芽菜～ 醃蘿蔔～ 雖然細細碟⋯但有得refill架😉😉👍🏻👍🏻炸雞外⋯我地嗌左個飯～ 惹味芝士泡菜煙肉炒飯～ 好快就上～ 望落唔算太吸引～ 芝士碎就咁舖上面～ 飯都熱⋯溶到d芝士⋯不過溶唔晒🙈🙈🙈 但溶左既都拉到絲～ 而個飯的確幾惹味～ 辣辣地好快就食完～ 差不多食完個飯就上炸雞😍😍😍炸雞淋上蜜糖同好多脆片 😍😍😍 脆片係早餐果d cereal 😋😋 但食既時候好多跌返落碟～ 我最後用羹"筆"黎食🙈🙈🙈 炸雞過半係雞翼～ 搭幾件雞鎚同雞脾肉～ 我本身都幾鍾意食雞翼所以冇問題～但唔鍾意雞翼⋯鍾意啖啖肉既朋友要留意下～ 啱啱炸起熱辣辣😋😋😋 外層好

和好友文詩伉儷相聚。今趟聚會特別在於有小友的突入。跟小友久未有見面的好友感嘆時光的飛逝，不見數載，他已由一個小金毛飛蛻變為嘴多多的八卦是非精了....選了在這個韓式炸雞連鎖名牌餐廳落腳，原因在於好友伉儷和小友皆對K-fried chicken有偏好，而且這裡更有小友最喜歡的花卷供應，大朋友和小朋友皆可各取所需，點自己想吃的東西大快朶頤....友人一坐低便大呼口渴難耐，於是馬上叫了一大jar荔枝梳打來當作解渴巨星。一大口冰涼清爽的吞下，人也突然變得醒神....一口氣點了炸及烤雞各一。為了不能食太辣的小友，專道先為他來一道蜂蜜脆片炸雞....雞外皮與舖面的脆片皆甚香脆；肉仍是滑嫩的還留有少許汁；配上惹甜的honey sauce，大人與小朋友都似乎抵受不住誘惑勢要將之清倉....較健康的韓式烤雞味道甜甜的，雖少了炸的香口但卻是有另一番風味；肉則和炸的一樣仍保持著不嚡的狀態....吃了那麼多肉，來點沙律來中和一下也是正常之事....菜尚算爽鮮但似乎和風芝蔴醬汁下得太過重手了弄得像水浸一般；炸蝦雖尚脆但肉就沒有甚麼味道的....一大個花卷拼盤包含了泡菜、蟹肉及醬牛三種口味....壽司卷卷得甚紥實

返工返到攰, 真係要食返啲辣野衝擊下自己先得! 今日放工就約左媽媽去食韓國炸雞, 正啊喂! 約左媽媽7點鐘喺紅磡火車站等, 人頭湧湧... 行左10十分鐘右就到BBQ Chicken, 新開無幾耐, 間餐廳都算大, 不過二人位真係有啲迫, 你預叫3個菜加野飲張枱已經full左, 同埋無乜位擺我地啲袋... 7點3黎到, 唔係好多人, 大概有1/3人左右, 有啲女仔係度飲野傾計。餐廳啲waitress個個都好韓, 染左韓國style髮型, 再加埋啲好多部電視播緊韓國MV, 可以一路食野一路睇吓啲韓國型男, 嘻! 其實係聽吓Kpop, 都幾好mood!好肚餓! 忍唔住一坐低就九秒九咁掃個menu! 最吸精既係佢個炸雞啦當然! 有honey, 柚子, 傳統韓辣醬炸雞幾款味, 識食梗係食正宗既韓辣醬炸雞! 仲要係"秘制辣醬", 好似好正咁! 呢排韓國芝士乜乜乜咁hit, 梗係都要點返樣黎試吓, 唔洗講, 一定揀芝士撈拉麵, 怕唔夠飽 (好似食好多野咁添 ^^"), 仲嗌左個泡菜蟹肉花卷雙拼, 即係好似sushi果啲呢~ 再加埋個韓式雜莓梳打, 喂喂喂, 夠啦唔好再嗌啦!一黎就已經送上三小碟泡菜

朋友係韓粉，出親街都係食韓國菜，是晚黎到呢度試下韓式炸雞，佢係紅磡都薄有名氣。坐低即送上前菜有小碟，超級酸的醃蘿蔔，勁辣泡菜同過咸大豆芽，三樣都可跳過不吃了。知道食炸雞一定好口喝，特飲一定唔少得，要左一杯白牛一杯黑牛 ($25ea)，白牛係雪碧加雲呢拿雪糕，黑牛係可樂加朱古力雪糕，無乜驚喜但勝在夠大杯，凍冰冰甜甜地。先上個蜂蜜脆片炸雞 ($68/5pcs)，蜜糖水很甜，加了粟米片同燕麥片更有口感。這裏的炸雞只有雞搥，幾易食，但雞略微乾身，烘熱太久了。另一款係秘制炸雞 ($65/5pcs)，本想點勁辣個隻口味，但店員示意話秘制已很辣，勁辣個種唔係人人食到。見佢咁講即刻轉呔要呢款啦，點知一啲都唔辣，個韓式辣醬似甜醬多啲。芝士撈拉麵 ($68)，好多芝士醬同芝士粉，拉麵彈牙，加了少許煙肉，仲有大量椰菜絲，口感不錯。芝士醬真係好邪惡呀，好味到用雞件點埋淨番啲醬。韓式壽司 ($58)，要了十六件的泡菜味同醬牛味，細細粒一啖一件好方便食，肥牛加了甜甜地嘅醬料，泡菜則幾辣，兩個味梅花間竹咁食很好味，中間個辣醬有啲似炸雞個醬，可能係同一個秘制醬汁？！哈哈。原來不用加一，餐牌上寫要加喎，抵左。

早前和阿女去了紅磡行街,阿女見到一間韓國料理，我和阿女行了入去吃飯，我見到餐牌大多數炸雞，我不吃炸雞有一點想走人,阿女看到炸雞之外選擇，既然入到來要試下,叫了芝士年糕豬肋骨/特飲/棉花糖雪糕，它的芝土年糕豬肋骨味道不錯,芝土味濃郁兼豬肋骨都OK ，甜品同飲品是阿女。我不愛凍野,阿女話味道幾好,服務亦好好,環境亦幾好,地方夠大亦坐得舒適

依家韓式餐廳淨係睇門面已經夠引人注門，大大張EXO成員做生招牌，感覺很願意俾錢做宣傳，就算貴少少都想去幫襯下看看它的來頭！睇到餐牌價錢跟其他韓餐廳差不多，仲有連飲品，而且又可以坐得舒服，這價錢算合理。進入餐廳後，餐廳空間很寬敞，通道完全不狹窄，行得很安心舒服，而且坐位不論是單人或卡位空間都很足夠，完全不會感到人逼人，坐位空間編排做得非常好！lunch set星期一至日都有，但星期一至五的選擇會更多，而香蒜炸雞為它現在的宣傳食品當然要試食一下，最後選了香蒜炸雞套餐。套餐內有三小碟小菜，每碟味道很好，芽菜加入麻油令味道更香，蘿蔔泡菜帶微酸但又很清新可幫助開胃，白泡菜辣度為中辣剛剛好。炸雞飯上菜速度很快，約5分鐘已上枱。炸雞的香蒜是原粒的蒜頭粒，果然是貨真價實的香蒜😂😂但因是原粒關係，蒜粒曬得不太均勻有點可惜，但仍可吃出蒜香，炸雞的皮炸至乾身完全無肥膏，完全可放心將所有皮吃掉，表面上再淋上醬汁增加甜味，但無沾到醬汁的肉反而是無甚麼味道。而飯的味道較一般，但仍是選用日本人米的，但炸雞配上飯感覺會太乾，另外套餐還配上特大杯的可樂，相信足足有兩大罐，人生第一次飲甘大杯可樂，完全足夠兩個人飲，自己一

還記得上年十月嘅時候去銅鑼灣排隊食炸雞，記憶中味道不錯～今日突然心血來潮要食韓式炸雞，所以決定搵返佢⋯原來短期內紅磡都開左一間分店～所以決定到紅磡覓食啦～紅磡分店門面同銅鑼灣差唔多，鋪面比銅鑼灣大，但就唔見有人龍，店內客人亦只坐滿七成左右，記得上次個promo係芝士味嘅炸雞，而今次係香蒜味炸雞～但呢兩種味道都唔係我今日嘅目標，今日目標係原味炸雞同秘製辣味炸雞$128（十件）！仲order左一杯可樂同粒粒青提冰特飲～餐前小食有三款，辣泡菜、大豆芽、酸白蘿蔔，之前銅鑼灣order左炸雞要等15分鐘！但今次⋯真係5分鐘都唔使，就已經可以上檯～效率快左咁多嘅？⋯有點意外！眼見炸雞好似唔同左⋯外表好似炸得過了火？乾乾的！但⋯點解全部都係雞鎚？？點解會咁架？乜唔係應該有雞嘅其他部位，雞亦、雞上脾呢？說好的韓式炸雞呢？忽然間有啲被騙的感覺! 原味炸雞同辣味炸雞嘅分別，只係將原味炸雞淋上香辣醬，而且辣醬又唔均勻包唔晒成隻雞鎚⋯好求其！賣相差！真係好求其！實物與圖片分別太大了吧？誠意何在？炸粉又厚，雞肉汁呢？肉質偏乾，冇味嘅！天呀⋯真係預計唔到會咁，今次完全中伏！粒粒青提冰酒味都幾偏重，初初以前粒粒青提