BBQ Grilled and Baked (已搬遷) 新店位置

駿業熟食市場翻新左好一段時間，保留原來街市風貌，多間唔同餐廳進駐呢間BBQ都係食第二次，唔知係咪我地晏定疫情影響，係好少客餐湯質素就麻麻，似中式打芡嘅西湯，料好少，當佢贈飲就好了A) BBQ皇牌燒雞1/2 $48燒雞好濃郁香草味，雞肉嫩滑，呢個價錢出去只食到碟頭飯咋B) 美國橙車打芝士牛肉漢堡 $55牛肉漢堡大又有肉汁，食到少少肉筋，芝士冇偷細，薯仔沙律係店員介紹，好味C) 墨西哥雞肉芝士薄餅 $45呢個好抵食，好有墨西哥風情，蕃茄同酸忌廉嘅酸度真係好開胃，薄餅少少燶好香好正F) 脆香巴馬臣芝士炸豬肉眼 $50兩大塊豬肉眼不得了，炸到金黃香脆，個青檸蜜糖芥末醬真係頂呱呱意粉佢落左汁煮，我會寧願佢就咁混欖油香草或者蒜蓉炒，因為意粉汁同個豬扒醬混埋一齊

食burger食烤雞咁抵嘅餐真係唔知邊度搵🤪性價比幾高 仲要係食到飽住走xd 係個舖位要啲時間搵 係熟食街市外面都見到咁靚嘅餐牌 就知無去錯地方佢個舖面雖然係有啲細 但勝在好有待客之道💛我係tea嘅時間去到(仲可以減5蚊)係有唔少客 但未至於要排隊等位 店員都比客吹住水咁食 唔會趕人走 呢點先係食得咁舒服嘅原因🥰重點係！點解係50蚊左近嘅價錢 都可以有餐湯、餐包、主食、餐飲、甜品 又唔係劣食 實在比n個👍佢都得！。。。🦔👉BBQ皇牌燒雞配脆薯皇 $48呢個招牌點可以唔試！望住咁大件雞😂即刻慶幸自己有同frd子黎開心share kekee 雖然無影到內在比大家睇 但佢比我想像中嫩、易入口 係厚啲部位例如雞胸嗰度有啲乾身 但有佢嗰燒烤醬就無有怕🤣(望住佢用好似去camping嘅cup再望下其他餐碟即刻好有feel⛺其次佢底部墊嘅薯菜其實都唔少 沾埋啲雞肉汁 令平凡嘅薯菜升級哂 我個人就幾okay呢度嘅烤薯仔同椰菜🤪。。。🦔👉美國橙芝士漢堡牛肉漢堡包配脆薯皇 $55我絕對相信佢個酸青瓜係自家製🥴因為真係酸到我差啲接受唔到 同金拱門相比絕對係有過之而無不及🤣好彩塊牛肉漢堡厚得黎肉質幾嫩😋質感唔

️ BBQ王牌燒雞+薯皇（餐湯配蒜蓉包）以呢個價錢來講真係幾抵食！仲會有蒜蓉包仲有餐湯～蒜蓉包都OK😉燒雞再加薯皇係絕對夠飽！以呢個價錢同份量來講真係性價比極高～燒雞都幾滑🤤同埋另外有個sauce加埋都幾好，個人覺得加埋嗰sauce 好食啲😂

行過路過唔好錯過，今日經過駿業街，行咗入去駿業熟食市場1樓嘅 #BBQ , 試下哩到嘅午餐先嚟哩個#德薩斯州煙燻BBQ手撕豬絲漢堡包 🍔配捲心菜及脆薯皇 ， 開始食之前見到佢哋用不鏽鋼平底鑊仔上碟同埋擺盤，已經覺得非常有誠意同心思未試佢嘅味道，已經加分唔少，無諗過喺熟食中心都有西餐廳嘅感覺講番個包先佢哋嘅BBQ汁非常惹味，唔太鹹，仲有啲甜甜地，感覺有啲似日本嘅照燒汁，但無咁「傑」身，配上用哩個豬肉絲，真係好夾，而且佢哩個豬肉絲非常淋身，一啲都唔「un」，當中嘅神來之筆，就係佢唔係用肉碎，好似平時做漢堡嘅方式去處理，而係用肉絲嘅手法，咁樣加容易夾雜多啲BBQ醬汁, 食落更加 juicy 有味，真係好有驚喜。值得一提就係佢哋選材嘅漢堡包，好厚身但係好軟熟，唔會死實實好好咁吸收醬汁同肉汁，令到成個豬肉絲漢堡包唔會餡料還餡料，包還包咁，好一體化，令人真係食緊一個完完整整嘅一個漢堡包🌻🌻🌻🌻🌻另外跟住包配上嘅脆薯皇，上枱嘅時候啱啱炸起熱辣辣，脆卜卜加上少少微辣真係好惹味，再加埋哩個捲芯菜作伴小小咁伴起嚟，去咁啲油膩，帶起一份清新嘅感覺🌻🌻🌻🌻而另外一道，就係 #至尊靚扒 ，即叫即煎嘅美國 #安格

平日下午時分去到，吾洗等有位坐滿心期待試個漢堡，雖然知道佢烤雞係熱門食物，但見網上都有人讚佢個牛肉漢堡，多汁大份點左餐好快上忌廉湯配一件小蒜香包食落個湯比較稀，冇咩忌廉味，吾算濃滑，個包都凍左稍稍變軟身，冇咁香口🥲好快上飲品同正餐喇 到枱望落真係名不虛傳，個包係好大份，薯格份量雖吾算多，但最後食到好飽望一望裡面有咩餡料，有大大塊既牛肉漢堡，好厚一塊，但配料就略為單調，只有一塊芝士同好少既醬🥲🥲🥲 呢點係略為等失望，味道食落較單調味道冇傳說中咁好味，個漢堡肉口感軟身有少許牛味，但未去到傳聞所講既多肉汁。後期食落會乾口，醬汁吾夠，加上個包好大，雖然有烤過，食落脆口軟熟，但包既香味亦略為遜色。而飲品質素算係普通，值得一讚係可免費轉凍飲👍🏾👍🏾總結係價錢抵餐大份，味道就普普通通，或者期望愈大…因為睇左好多人讚佢，下次可試下佢個烤雞

📍BBQ Grilled and Baked📍💡觀塘💛💛💛💛💛💛💛💛💛💛我諗呢間真係一間好少人知嘅小店，呢間店係觀塘街市入邊，性價比好高，用呢個價錢食到呢個質素嘅西餐❤️❤️🐥BBq 王牌燒雞 1/2 隻配燒烤醬跟脆薯皇 呢個價錢食到半隻燒雞真係叫大隻，真係癲抵到爛，燒雞燒到非常靚，外脆內嫩，完全唔鞋，配埋燒雞汁好好味。薯條即叫即炸夠脆。🐥墨西哥雞肉芝士薄餅-配紅莎莎唔好望落好似好細份，食完都飽，雞肉有肉汁，芝士份量多，薄餅細細有芝士拉絲效果，點埋個醬食真係啱啱好惹味，不過就有少少辣，都幾推薦食呢個呢個價錢已經包埋一杯汽水，餐湯、蒜蓉包，最後仲送埋一個焦糖燉蛋甜品😆個人係中意食個甜品

上討論區見到有網友日日都食呢間餐廳，當中最受歡迎嘅就係嗰半隻吼雞嘅午餐，所以今日lunch time特登嚟試吓佢，係咪真係咁正！佢午餐配有蒜蓉多士同埋忌廉湯，多士幾脆，忌廉湯正常，有少少蘑菇粒同洋蔥粒。至於烤雞，佢份量非常之大，炮雞嘅雞腿同雞翼位都好嫩滑、有肉汁，外皮亦都烤得好香，係中間雞胸嘅位置會有啲乾柴，但係都接受到嘅。佢配有洋蔥炒薯仔，薯仔外皮有微微燒焦，炒到好香口；另外仲會有啲椰菜同蘿蔔，味道正常，配搭炒雞同炒薯仔可以中和油膩嘅感覺～跟餐可以飲凍飲唔使加錢，凍檸茶少甜少冰正常，檸檬都有四、五片，都幾足料。咁大份同咁高質素先收$48 ，喺觀塘區來講真係好少見，係非常抵食，食完非常c伏，誠意推薦呢間餐廳！😆

今日去觀塘搵朋友食lunch地膽推介呢間喺街市熟食市場入面嘅平民西餐廳隱世高質小店無誤！本身諗住打風應該會少人啲⋯點知一路都好多人喺門口等位同埋叫外賣！店員姨姨嘅服務真係要讚兩間舖面走來走去咁忙都keep住好好耐性同禮貌有白湯同埋蒜蓉包朋友推介A餐係皇牌！雞肉好嫩滑，用刀叉食都好容易可以切開！（其實係食到一半先發現側邊有手套可以拎～笑）雞胸位有少少乾身不過可以接受到叫咗薯蓉無咁熱氣～好軟滑好好味！份量超多！差啲食唔晒～再試左朋友叫既紅酒燒汁慢煮牛面珠燉肉好入味，入口即溶！下次黎開附近都會再黎支持！聽講仲會經常有新菜式～讚！

同事話極推呢間餐廳，聲稱佢係平價五星級食堂，為左一證真偽，我哋就跟左佢一齊去食。餐廳每日有大概8個選擇，大部分都係大概50蚊，係幾平。但環境稍窄，而且極多人，所以唔適合長坐傾偈。————————————————🥖 餐包同餐湯（跟餐）（2.5/5）餐包係蒜茸包而餐湯係忌廉湯，包較乾，湯有香草，味道同正常茶餐廳差唔多。🍗 BBQ 皇牌燒雞脆薯皇, $48（2.5/5）烤雞味道中規中舉，有少少香草味同唔算好乾，皮唔係脆嘅。但用呢個價錢真係已經算係咁。伴菜脆薯皇有少少淋左。🍟黑松露薯條, $25（3/5）薯條較脆薯皇為脆，不過黑松露調味粉唔係撈得好均勻，所以有時會食到幾條冇乜松露味。🍗水牛城雞翼 藍芝士汁, $25（2.5/5）味道正常，但冇我之前食過嘅咁夠味，藍芝士都冇佢本身嗰隻獨有嘅芝士味。

之前行過成日見到好多人喺度等外賣，今日終於買個返嚟試一試。午餐有好多選擇，價格亦都好吸引，一個價錢包餐湯仲冷熱飲同價。而且餐湯種提供左兩個選擇，實在太驚喜。我叫嘅係A餐BBQ王牌燒雞脆薯皇，但由於我太晏去買，所以就變成左薯條。餐湯係周打蜆湯，比較水，但我覺得可以接受，而且湯料都充足。燒雞有半隻，燒嘅時間剛剛好，啲肉好juicy一啲都唔柴。但由於佢係完全冇切開，係公司食就比較狼狽。薯條嘅調味剛剛好，唔太鹹。以呢個午餐份量同質素，再加上外賣自取可以減多$5 ，CP值非常之高。下次可以試埋其他嘅午餐。

呢次去到一間觀塘平民西餐廳, 叫咗個藍芝士醬炸雞配黑松露薯仔沙津另外有忌廉湯同蒜蓉包, 咁多嘢食真係超值!!!先講講忌廉湯, 湯味比較淡冇咩味, 而蒜蓉包入口爽脆, 重蒜蓉味, 係好食嘅而呢個藍芝士醬炸雞配黑松露薯仔沙津係有驚喜, 炸雞外表炸得金黃, 但入面肉質都保留到水份, 食落唔會好dry藍芝士醬嘅酸味伴以炸雞係十分開胃黑松露洋蔥薯仔沙津都唔錯, 洋蔥嘅爽脆同鬆軟嘅薯休食落好有層次感, 亦有黑松露增加風味總結黎講呢餐食得好滿足, 味道亦唔錯, 下次可以再幫襯!

各位唔好_觀塘老mo住，今日為大家介紹呢間$50有找、位於駿業熟食市場嘅是靚午：有湯、蒜蓉包、嘢飲（冷熱同價）、春雞，仲有海量薯蓉，真係CLS( ┐΄✹ਊ✹)┐，咁平cover到成本咩？🐔🐔🐔🐔；BBQ皇牌燒雞1/2只配燒烤醬跟意粉 $48一上檯已經好impressed，賣相靚仔。塊包塗滿咗蒜蓉，係脆嘅；個湯好濃，一啲都唔hea；春雞可以再入味啲，不過大大隻、外脆內嫩，又唔鞋！薯蓉滑，撈埋啲燒汁，嘩，巧飽巧c伏，開心到唔g講咩好(★‿★)。

係觀塘工廠區個邊嘅駿業熟食中心，其實有好多隱世平民餐廳。今日周圍行，想食個下午茶，就搵到呢間餐廳啦。。叫一個餐，送湯+蒜蓉包，仲有個焦糖燉蛋甜品，仲有飲品。餐嘅份量係大份，但質素絕對對得住比嘅價錢。我影左食物相，修圖，隨心影。應該都睇到出餐廳誠意。。舖頭裝修或周圍環境一定係冇得比高分，因為熟食中心係冇華麗嘅裝修嘅，餐廳內部枱櫈都正常平民百姓用，但係餐廳努力將衛生做到最好，例如所有餐具都有用膠袋套好。其實先$4x-$5x/餐，咁樣嘅小細心，已經有驚喜。下午茶再減$5😂，平到你唔信。。唔使下下去地舖餐廳食嘅，試吓行入熟食中心搵吓好嘢啦。🤗️咁嘅價錢，咁嘅食物質素，對得住天地良心。

呢間餐廳都hit左好耐😆 聽講佢嘅薯仔沙律好好食，但之前食過好多次，都冇一次係有薯仔沙律呢個choice，今次終於撞啱日子就買咗外賣返公司食😋H餐-焗全隻美國卡珍大雞髀，青檸蒜香汁，配煙肉薯仔沙律 （菜名咁長就係呢間餐廳嘅特色🤣 ）講吓味道，雞髀肉係超！級！滑！係嫩滑到可以用叉扯佢出嚟果隻，雞肉非常入味，青檸蒜香汁唔係好食到酸味，但蒜味就好香；薯仔沙律嘅薯仔質地啱啱好，唔會太軟太硬，沙律醬有少少煙薰嘅香味，加埋洋蔥煙肉好好味🤤BBQ不愧為觀塘區其中一間飯堂😆 食過咁多次食物質素都好穩定，而且每個星期都有新menu，唔會食厭，想試嘅朋友可以去去佢社交平台睇每週menu架👍🏻

經常見到某老細介紹呢間餐廳🤣 搵日專登去到觀塘試一試😋 估唔到熟食中心都有咁唔港式既快餐店🍴 仲要價錢CP值非常高💰⭐️ 車打芝士焗水牛城雞上腿 藍芝士忌廉汁配雙重芝士牛肉薯蓉 🍗聽到個名都充滿芝士😋 雞扒煎得好嫩好Juicy 🐔 啖啖肉配上香草同半溶Cheddar Cheese既調味好豐富🧀 Blue Cheese汁反而就無咁膩 同Cheddar 比起有另一種感覺 💕 反而薯蓉份量頗多🥔 雖然Creamy 但有點膩 烤蔬菜份量可以多一點🥕中和芝士既膩每個餐仲送埋餐湯 同野飲☕️ 尤其凍檸茶既茶味好濃👍🏻CP值超高‼️