BBQ Grilled and Baked

营业中

休息中

每星期餐單都會有唔同，包保唔會食厭。外賣可以WhatsApp落單，一去到拿餐見到超級多人堂食。之後發現堂食送甜品。今次我叫了溶岩三重芝士醬，脆炸卡珍雞上腿配薯角$46芝士醬夠多夠唒濃。超大件雞少少脆，平時叫外賣還有碗忌廉湯及飲品雖然薯角比較淋，但整體黎講都👌下次都會再去。

某星期六晚上咗嚟BBQ食dinner餐廳位於富利工業大廈1樓，同一棟大廈入面仲有其他餐廳 eg. Gali、哈豆、芋圓控等我地一共嗌咗兩個餐：1. 墨西哥雞肉芝士薄餅配脆薯王 連餐湯同飲品($50)薄餅分成四件，入面餡料有雞肉絲加上芝士，芝士控必嗌旁邊配上紅莎莎，微辣• ───── ✾ ───── •2. 即煎安格斯牛扒配薯菜 連餐湯同飲品 ($60)不過不失，朋友食食下見到第二枱嗰塊大過佢依塊🤣餐廳位於工廈區，星期六晚去食依然滿座。五十蚊一個連湯同飲品嘅晚餐，真係好抵食！菜式都好特別，下次會再嚟試吓其他野食！留意餐廳只收現金，記得㩒定錢上去😹

價錢味道都KO貴佢一倍嘅餐廳，冇得彈，要encore🤘！・・・・・・・・・・・・・・・・・・・・🐔 BBQ皇牌燒雞配脆薯皇 HK$50・味道：醃得好入味，香草黑椒味desu👍～薯角面頭灑咗啲辣粉好惹味，仲有啲配菜都做得好入味好淋，唔係白烚㗎🤭！・口感：唔算嫩滑但唔鞋，皮唔脆但夠晒薄同香口！以為唔夠食但都幾飽下🤭🍝 意大利青醬野菌手撕雞忌廉汁意粉 HK$50・味道：唔係青醬，係蔬菜汁咁嘅醬，鍾意青醬嘅肚波失望☹️，都係想像到嘅味，唔差嘅～・口感：係雞柳條唔係手撕雞，所以都唔會好鞋，正常。🍗 水牛城雞翼5隻配藍芝士汁 HK$25・味道：水牛城辣味好出好惹味，藍芝士汁都幾濃，個汁再臭啲仲爽😂！・口感：厚肉入味，藍芝士汁是精粹🧀！！！餐湯🥣 & 蒜蓉包🍞 隨餐附送・味道：個蘑菇湯唔係罐頭湯嚟，係普通蘑菇粒嘅湯，唔係浠亦唔係濃，中等。反而個蒜蓉包蒜蓉味好重👍！・口感：個包脆啲就好了～凍檸茶 隨餐附送 ・・・・・・・・・・・・・・・・・・・・🤰性價比：高～🤰9衝度：9衝～🤰結論：一反「平嘢冇好嘢」concept，雞雞好吃😋！・・・・・・・・・・・・・・・・・・・・環境：要搭枱但其實冇乜人時都見到侍應

星期三晚上5:55到達，店外已經有人等候😯。餐廳6點準時開門，當時以為店內職員唔多，可能要等一段時間先有野食，但實際上菜速度比預期快，大概9個字，我地就食完離場。點餐後職員好快送上餐湯同蒜蓉多士湯係忌廉湯，有D甘筍同粟米粒喺入面，不過我麻麻地麵粉味多過忌廉香嘅湯，但呢個價錢，我地理解。蒜蓉多士雖然只有外圍脆，但味道唔差。即煎美國安格斯肉眼扒配脆薯皇 $60本身以為會係好薄、或者好似茶記果D鬆肉粉扒，但估唔到呢度塊牛扒有少少厚度之餘，仲要有牛味、有肉嘅口感😯，茶記價錢但比茶記好味好多😏。脆炸紐西蘭深海鱈魚柳配黑松露洋蔥炒薯仔 $58呢個我覺得幾抵，有兩大塊好厚肉嘅炸魚，仲要新鮮炸出嚟，外層好香脆，由於鱈魚唔肥美嘅原故，所以肉質幾實，食落好實在；另外鱈魚高蛋白，所以食完其實幾飽肚。薯仔有輕微嘅黑松露味，唔會好濃烈，我覺得幾好。墨西哥雞肉芝士薄餅配脆薯皇 $50夾餅即整出嚟，所以芝士仲可以拉到少少絲🙊；夾餅餡料飽滿，食落有少少煙薰味，不過鹹左少少。晚市套餐真係幾抵，最貴都只係$60，選擇又多，仲要無加一(餐廳只收現金)，抵過食薩莉亞🙊最後，提提大家可以留意下餐廳嘅FB，佢地會定期Post M

BBQ Grilled and Baked was boyfriend's recommendation for lunch one day. He said he wanted to try this place when it was located in the nearby wet market but it had closed. Or at least that's what he thought. It hadn't closed but moved to a larger location.Menu is in English and Chinese. There is no 10% service charge and you pay on your way out. During lunch they have sets that include a soup, garlic toast, main and a drink. Come after 2:15 PM and there is a further $5 discount. Honestly, it was

晏就喺觀塘揾食，見到呢棟有好多餐廳既大廈，就決定入去揾好嘢食。咁啱見到呢間嘢好多人排，就決定一試。去到見到menu上有好多唔同既嘢食，但價錢都落於平均五十至六十蚊，涷飲唔洗加錢。作為食肉獸既我決定叫個扒餐黎試。首先上左既係蒜蓉包同湯。忌廉湯有少量三文魚，飲落正正常常。蒜蓉包幾脆，食落蒜味都足。之後上左塊扒，餐牌上就寫7oz，對翻就差唔多200g，用叉吉一吉，稱起佢都幾有份量，冇偷工減料。賣相都唔差，上色上得幾好。味道方面咬落去唔靭，唔會好似牛肉乾咁，而且都幾juicy。但個橫切面睇落就似介乎七成至全熟，有少少失望。牛扒表面咬落脆口，食落都夠香，明顯煎既温度夠高，同時做到梅納反應同焦糖化。飯既質素可以接受，冇過生亦冇過冧。總括而言，呢個價錢食到塊咁既質素既扒，份量亦唔細，可話絕對抵食。塊扒明顯唔係咩頂級靚扒，但師傅手勢唔錯，都可以話係個唔錯既體驗，會翻嚟再食。價錢: $60

觀塘最優質打工飯堂｜BBQ Grilled and Baked 👩🏻‍💻觀塘打工仔系列曾經係駿業熟食市場排到人山人海都要等位嘅BBQ Grilled and Baked，最著名係燒雞😋我由熟食市場跟佢到工廠大廈，食過勁多次🤣CP值之高，menu又多選擇，我真係抵受唔到佢誘惑！午市套餐🍽人均：$50-$60🕰時間：12:30（1點左右到達就可能要排隊）跟餐有蒜茸包同粟米忌廉湯🫕同埋一杯咖啡或檸茶🥤今次除咗叫佢嘅A餐🍗BBQ 皇牌燒雞 1/2 隻配燒烤醬跟脆薯皇 $50仲第一次試佢嘅C餐🌯墨西哥雞肉芝士薄餅，脆薯皇-配紅莎莎，酸忌廉及捲心菜！烤雞就不嬲都咁好食多汁又滑！估唔到墨西哥雞肉芝士薄餅都整得咁出色，又係唔輸Oxxback!!!! $50有4塊，芝士好cheesy !  Salsa  醬店員都肯加，抵讚 ! 好想再encore😋但又想試佢menu其他餐，好矛盾🥹Bible rating: 9.5/10📍地址：BBQ Grilled and Baked觀塘駿業里6號富利工業大廈1樓C號

一個字: 好食二個字: 好抵食由駿業街市一路追隨到新店。最出名必定是A餐半隻燒雞！配飯或意粉，蒜蓉包，忌廉湯跟凍飲只50元！在官塘云云食店中CP值一定是數一數二的高。除了A餐，今日下午茶時段竟然仍然有F餐-慢炸脆厚切有骨豬 芝麻醬沙律汁 (午餐時必然賣斷市)！想也不想馬上食。目測最少18cm長厚必豬扒一如其名厚而大，即叫即炸炸粉薄身肉質嫩滑切開粉紅色，入口一層層豬扒油脂啖啖滿足感。味道方面，豬扒調味略為偏鹹而意粉偏淡配合得宜，加上芝麻醬沙律汁夠開胃，下午茶2點15分開始再減5元，性價比爆燈！

😂連登知名餐廳｜📍bbq grilled and baked（前身為百里香）😂呢間餐廳喺連登應該人氣僅次於九龍灣70蚊自助餐😂💡12：30pm前埋單/2：15pm後入座~4pm每個餐額外再減$5；所有套餐奉送餐湯配蒜蓉包+1細樽罐裝汽水或即沖凍檸(奶)茶一杯💡超抵❣️♡墨西哥雞肉芝士薄餅，脆薯皇-配紅莎莎，酸忌廉及捲心菜（多紅莎莎醬）♡｜💰$50跟餐餐湯麻麻哋，質感偏稀味道較淡🤔飲落好似用粉沖開嘅餐湯咁。蒜蓉包偏淋身有蒜蓉味但唔太重。餐飲揀咗熱朱古力勁淡味…可以唔叫🫡等咗陣正餐就嚟了，一上菜果下以為佢出錯餐，因為佢自稱自己係薄餅但其實係夾餅嚟😂夾餅有4塊望落份量唔太多，但其實每塊夾餅都夾滿咗芝士同埋雞肉❤️‍🔥雖然食落有啲滯但幾好食所以食完都好滿足，而且肯定夠飽😂紅莎莎醬食落酸酸辣辣咁幾開胃，配夾餅食可以解滯❤️‍🔥薯皇就正常發揮，美中不足嘅位係捲心菜會出水🥺🧏🏻‍♀️總結~雖然餐湯同餐廳表現麻麻，但係正餐其實都相當抵食，味道都幾好🫶🏻遲啲入座45蚊就食到墨西哥菜簡直抵到爛🫡搞手真係只求打和😂❤️‍🔥有興趣睇更多食評可以follow ig : fatting_eateateat❤️‍🔥

今次阿仔介紹,平時同學仔想同朋友仔聚下,又不須太貴, 而品質還好過屋村茶餐廳,這間是首選,第一：食品有新意👍🏻第二：質素好😋第三： 份量夠👍🏻第四：價錢合理👍🏻第五： 服務好👍🏻樣樣都熱熱辣辣出來,色香味美.地方雖然不大, 但有這質素是少見的一群.請加油keep 住.希望下次來.今次欣賞個湯 其次是 午扒意粉

呢間食堂每到食飯時間都會好多人，因為係觀塘區都係幾出夠嘅平民食堂，所以捧場客唔少。舊址係駿業街熟食街市入面，宜家搬咗嚟駿業里，位置更加方便～呢間餐廳每星期都會更新一次餐單，一般有A-H 八個餐，A-E是常駐套餐，F-H是限定套餐，套餐最平$48就食到，最貴都只係$58！今次同同事都叫了限定餐，分別是意大利陳醋慢煮豬仔背肋骨配黑松露洋蔥炒薯仔，以及脆炸芝士粉香草雞柳，檸檬青瓜乳酪沙律醬配黑松露洋蔥炒薯仔，每個套餐都會跟餐湯和餐包，今次餐湯餐包是忌廉三文魚湯配蒜蓉包慢煮豬仔背肋骨食到意大利陳醋嘅味道，而肉質都好淋好容易咬開，炒薯仔都香口脆炸芝士粉香草雞柳，炸粉唔會太厚，雞柳肉都唔會太乾，佢嘅檸檬青瓜乳酪沙律醬都幾清新，係幾特別嘅醬，亦好幫助減低炸雞柳嘅油膩感，不過芝士味就唔突出，不過價錢咁抵都冇乜投訴啦🤣份量夠多一定夠飽

今日本身想去食同事介紹話好食既西餐，平時飯點經過好多人等，今日同事早左去等位，但係餐廳話要分開坐，我哋話再等下想一齊坐餐廳話有排等😒甘算囉，最後係附近求其搵左間餐廳，間餐廳第一次去，環境唔錯價錢又親民.午餐選擇幾多款式，有A至H餐，樣樣睇起上黎都好似唔錯，本身想叫燒雞，但係望望下見至牛扒又想食，經過漫長既思考我終於揀定左我食邊個餐😂.至尊靚扒-即煎美國安格斯肉眼扒(7oz) $58午餐配埋忌廉湯同蒜蓉包而且仲會包埋餐飲。忌廉湯無乜味，蒜蓉包比較薄味道正常，扒餐配黑椒燒牛肉汁，可以揀跟薯皇/白飯或意粉，牛扒大塊多肉唔會好韌，整體質素一般，不過呢個價錢都算抵食，唔好咁高要求😂

📍 BBQ Grilled and Baked -觀塘〔E〕至尊靚扒一即煎美國安格斯肉眼扒 (7oz)黑椒牛肉燒汁配脆薯皇 $58 ［包 是日餐湯配蒜容包及飲品］.牛扒唔係頂級但呢個價錢已經好好〔F〕煙燻慢煮可口可樂豬仔脾（三支骨）配燒煙肉薯仔沙律 $55 ［包 是日餐湯配蒜容包及飲品］.唔會太甜 豬仔脾肉質幾淋 都幾入味♡香蒜雞翼 5隻 蒜香檸檬汁 $25.雞翼幾大隻 幾肥美 .半煎炸 外皮香脆.蒜香忌廉醬好好食 食完雞翼有淨 點左脆薯皇黎食————————————————————————＜全自費 真實評價＞🔎總結感想 煮法 味道 都偏向港式 大約$50的價錢可以食到呢個質素已經好唔錯🉑 可以有後續， 推介比朋友～————————————————————————📍 BBQ Grilled and Baked 觀塘駿業里6號富利工業大廈1樓C號舖✨人均消費: $50↑ 🈚️加⼀————————————————————————#katfoodiesnap #美食分享 #美食記錄 #香港美食 #Hkfoodie #foodie #food #hkeat #hkfood #美食推薦 #美食日

間唔中都會去工廈搵好野食有日行過樓下見到個menu唔敢相信 居然有平民價錢西餐50 60蚊內 有燒春雞/牛扒/burger等等選擇所以就約左朋友去試作為一個燒春雞愛好者中 緊係要試啦果然無令人失望D肉好嫩 而且熱辣辣 個汁應該係洋蔥汁 好惹味配合埋脆薯皇份量剛剛好佢跟餐仲有白湯同一塊蒜蓉包再跟餐飲 凍飲都唔洗加錢個日仲叫左燒豬仔脾 牛扒 同墨西哥薄餅

早排上網介紹觀塘工廈多野食，多到唔知食咩既情況下就揀左BBQ Grilled & Baked 試下啦今次叫左2個餐 包餐湯及凍飲 可選汽水、檸茶或奶茶第一個係BBQ 燒雞跟薯角 燒雞最怕鞋口 但今次非常滑 薯角香脆可口第二個餐係牛扒配脆薯角 牛扒唔完美但可以改善 凡惠顧套餐可以加錢換小食 所以我加咗個芝士蒜蓉包價錢吸引 加埋小食無加一$124離開 真係好經濟 記得上去食飯前要帶現金呀