Beef & Liberty

营业中

休息中

推薦指數：🤩🤩🤩平時上機前都好趕，今日反而預早左到機場，早Ｄ入去睇下有咩好食！見到呢間餐廳好CHILL又唔會太逼，一於食佢啦！但其實LUNCH TIME都幾多人食~ 嗌左個豬肉絲BURGER 配SWEET POTATO CHIPS! 非常正呀~SWEET POTATO CHIPS厚切手指左右的粗幼度好有口感～而且味道好天然唔會好油膩！食落都算唔錯呀今次專登一試豬肉絲BURGER ~ 平時食BURGER通常都一定食牛肉芝士漢堡。今次一試特別~豬肉醃醬味道都幾特別，帶點酸酸味味，尚算開胃！就好似將豬肉絲成手絲感，配埋漢堡！不過我都係鐘意傳統的BEEF CHEESE BURGER多D  另外呢到的凍檸茶估唔到有驚喜~我一向鐘意茶底濃的檸茶!岩哂我口味的~

每次去機場，唔入lounge嘅唯一原因就係beer and liberty.佢嘅價位唔低，大概$200一個all day breakfast，但每個配菜都做得到位冇馬虎。面包夠新鮮，包皮夠脆口得來中間仲係軟身嘅。用嘅牛油亦係鮮牛油面唔係植物牛油煙肉同腸仔呢類嘅加工肉類最怕就係太咸，但呢度整得唔錯，腸仔有香草味中和👍🏼蔬菜方面有蕃茄仔，用嘅係進口圓身比較甜同薄皮嘅款，同大陸橢圓形嘅酸蕃茄真係好大分別！仲有長身版西蘭花，平時比較少見，會爽口d。焗菇嘅調味都做得唔錯👍🏼

機場近排裝修，好多餐廳改頭換面。貴價既有，平價既好似小左。但同事介紹呢間漢堡話好好味，於是就去會一會佢。返工響機場，食野閒閒地都六七十蚊。呢間一個漢堡、加薯條（可以轉蕃薯條）加一杯汽水/蘇打類，大約$100-$130客。有質素既，間中食下都無所謂。我叫左手撕豬肉漢堡，有豬皮脆口，加上青蘋果沙律菜令到呢個漢堡無咁油。任何野配上燒烤汁都好味既。食埋蕃薯條。真係飽晒。野飲方面就差d 喇！好多以為有既蘇打都話無。結果只可以叫個可樂。

臨去旅行，係機場當然要醫醫肚！不過機場貴過外面餐廳真係好多，但呢間係度算幾CP值高，價錢同中環分店差不多！-🍔Bacon Cheese Burger $137嗌咗Medium Rare，手打牛肉好juicy加上溶度剛好的Raclette cheese，仲有少少脆邊但唔會太乾身的Dingley Bell 英國bacon，呢個burger高質呀！Burger 入面仲有焦糖洋蔥，唔會太多配料，所以每咬一啖都唔會散出黎，係最perfect的厚度。-🍟粗身薯條炸得好香脆，但令人唔停口係佢地秘製嘅醬！太正啦~-☕️Latte 味道都不錯，所用咖啡豆都係高質的👍🏻

在機場突然很想吃西餐，看到這裏有Beef & Liberty，於是便進去吃個晚餐才上機。之前也到過別家分店吃漢堡包，覺得品質相當不錯。這次點了cheeseburger，選的是五成熟。可惜這次的漢堡扒有渣，雖然很juicy,但也扣了分。可能機場分店的品質沒那麼好吧。奶昔好像也很好吃的樣子，可惜太heavy了，還是下次再吃吧。

那麼愛吃burger的我，遇上了航班延誤，於是馬上在機場找burger店😋這家Beef & Liberty開在美食廣場，附近還有lady M，簡直棒呆了！🍔芝士漢堡 119HKD五成熟，第一口下去煙薰味很足很滿足🥰 整體來說牛肉味道不足，而且口味這麼淡的我都覺得不夠咸，肉餅有顆粒感是我喜歡的🍔手撕豬肉漢堡 99HKD這個有驚喜，是甜甜的醬汁，裡面有烤脆的豬皮碎和青蘋果椰菜salad，口感更有層次，味道也剛剛好🍟芝士辣肉薯條 62HKD辣味突出，份量剛剛好為了手撕豬，我願意再吃一次😬😬********************

[🇭🇰香港- 赤鱲角].香港機場越黎越多高質餐廳進駐,可以早啲黎食飽飽,上機即刻睡!今次食左個好滿足嘅"Breakfast Hamburger,"有牛肉扒,煙肉,洋蔥同煎到好吸睛嘅🍳將蛋漿流曬落塊扒到,口感更正,不過就會有機會食到污糟邋塌🙈.🔻🍽 Beef & Liberty📌 地址: 赤鱲角暢達路1號香港國際機場機場客運大樓(禁區) 第7層離港層東大堂7E138號舖.#tummysready #tummysreadytoeat #tummysreadyinhongkong #tummysreadyatcheklapkok #tummysreadyforburger #tummysreadyforwestern #tummysreadyforamerican

經歷了昨天航班取消飛唔到，今天再次到機場飛泰國，不敢在非禁區逗留，辦好寄行李手續就直入禁區，先至同肥髀食早餐，擔驚受怕要對自己好一點，去呢間食早餐（試過赤柱分店）店面大，門外會有吧枱水吧，店內走型格機場風，最喜歡航班顯示板，會不停跳出啲心靈雞湯式勵志金句，我背對顯示板都常常忍不住回頭看！落單都是英文店員，不過基本落單的英文我都可以吧，店員提醒肥髀的餐點要15-20分鐘（應是以免趕時間飛的客人食唔切）三文魚配水煮蛋（$129）比想像中份量更大，擺盤是樸實不花巧，麵包是我喜歡的歐式麵包片，皮不夠脆，幸好切的薄都不至於咬不動，麵包芯是軟軟的，麵包味濃，水煮蛋蛋黃半熟，蛋味濃，蛋白彈牙，三文魚店員有提醒是全生的（不是煙三文魚）擠點鮮檸汁，唔腥ok，最開心是拌碟的大量蔬菜，撈了油醋汁開胃又不會蓋過食物味道，加上牛油果，整份早餐層次好完整伯爵茶（$31）金屬銀色茶壺，好可愛是牛奶壺（牛牛奶壺）茶味正常香濃，沒有要求加水了，一大壺都夠了！肥髀食：全日早餐（$129）蘋果汁（$36）食物好味，店員勤快有禮，但出菜實在偏慢，幸好我們剛到場時客人不多，所以我們上菜時間還能接受（我時間已經預算好鬆動）15分

✏️Hamburger ($109)Lunch表示好想食漢堡🍔最好嘅選擇梗係嚟呢度🙆🏼‍♀️為咗減輕熱氣 今次我捨棄左一如以往會叫嘅蕃薯條🍠🍟(不過未試過嘅朋友強烈建議你要試吓佢嘅番薯條 很高質很好吃喲😻)不過沙律嘅分量都非常慷慨🥗而且配佢嘅 黑醋汁酸酸甜甜 好開胃🤭主角漢堡包質素高 個牛肉餅牛肉味好重 而且食落唔會有過多嘅肥膏😌配合生菜 紅洋蔥 醃青瓜 令到整體口感豐富咗🤓另外個人幾鍾意嘅係佢呢款係冇配芝士 而係配左層番茄醬🍅雖然我知芝士控可能會失望 不過我真心覺得冇芝士轉落嘅番茄醬反而令到個牛肉味道更突出啊

要搭零晨機，難免要捱夜捱到肚餓，經過一當當機場禁區內的餐廳，要有超強的忍耐力才可以全身而退，而我明顯地沒有這樣的忍耐力。這次敗給了一間漢堡餐餐店，跟住叫一個牛肉芝士漢堡，在上機前工作公幹的肚子，在飛的上把飛機餐都忘掉了。

🔹️Cheeseburger & Fries 🔥🔥🔹️Love u 3000.❤ Bet Tony Stark would also love this gorgeous cheeseburger from Beef & Liberty.😋🍔The cheeseburger was composed with a thick beef patty, raclette cheese and caramelized onions.👅I ordered a medium beef patty, and it was pretty juicy and meaty.😋 The bun was toasted crispy and mixed with some caramelized onions, simply full of flavors.🤤Just a BIG BITE in this would makes you satisfied.👅👅The side fries were pretty gold. Slightly crispy and goes well with the spic

最近愛上了入機場(禁區)食漢堡, 這間漢堡店係外面都有分店，但這間的手工確實做得不錯，令每日午餐都常常坐滿人。我今次就點了黑椒芝士漢堡，肉質極厚而且有肉汁，黑椒味亦好香濃，最愛係佢的薯條即炸即做又夠厚令人食得好滿足。如果想特別d，仲可以揀蕃薯條，味道甜甜，外面好少食到，好值得推薦。

✏️香蕉太妃批 ($69)喺放復活假之前 午餐先來一點甜😚見到呢個甜品好似幾特別咁 就叫咗嚟試下🤪上面係鋪滿咗朱古力脆脆爆炸糖 然後就有一層超級厚嘅忌廉 忌廉嘅質感好輕型 但奶味唔算好重🌚不過由於個人唔係特別鍾意食忌廉 我覺得呢一層有少少太厚 不過好在佢質感夠輕盈 識落唔會覺得好膩😌而最鍾意嘅一定係佢下面2層嘅配搭 係新鮮香蕉片🍌淋滿咗焦糖汁 然後餅底係燕麥消化餅底🍪就咁食呢兩層會偏甜 但整體連上面嘅淡忌廉一齊食就可以中和下邊焦糖香蕉嘅甜味 味道真係唔錯😚而且分量幾大 絕對可以食完主菜之後share黎食 都對得住佢嘅價錢🤭

相信對好多人黎講去機場不外乎老麥、Starbucks、貴賓室，但其實出左境既離港大堂仲有幾間值得留意既餐廳，就好似今日要介紹既呢間。呢間餐廳行過經過見過好多次，但就未食過，原因好多香港人包括我都係會去以上提及個三個地方食野，但係機場點止呢兩三間食得過呀，呢間係西式餐廳，主打漢堡包，今次就叫左個全日套餐（$130）試下，呢個套餐有一個手撕豬肉漢堡、一個配菜（薯條/蕃薯條/沙律）我揀左沙律、一杯凍紅茶，再另外加多個芝士辣肉醬薯條。首先黎到既薯條賣相好吸引，份量多而粗身既薯條加上辣肉醬、芝士同酸忌廉，薯條炸得岩岩好，外脆內軟配埋微辣既肉醬，其實唔洗點茄汁都可以一條接一條，怕辣既朋友仔可以點埋酸忌廉黎中和番辣味同油膩既感覺。跟住黎到既漢堡包連埋配菜（沙律）一齊上，首先有黑醋汁既沙律我就唔太喜好，但都有食曬，食得出啲沙律菜都夠新鮮；係咁大碗沙律隔離既漢堡包對比上好似兒童餐size，但其實個份量係岩岩好，夠飽架，講番味道先，呢個手撕豬肉漢堡味道上真係好有趣，因為個漢堡包除左夾住混左醬汁既手撕豬肉，仲有青蘋果絲、蔥絲，所以除左鹹、甜兩種味道外，仲有酸同辣，可以話一個包送俾你味蕾四個唔同既刺激，而我就

呢間beef & liberty位於機場禁區入面，平時搭飛機可以入去試下。呢間餐廳主打burger，平時lunch time都好多人。由於員工折扣，所以叫了一個精選漢堡的套餐，$109，平日可能要貴幾十蚊。精選漢堡，叫左牛扒5成熟，口感岩岩好，唔會好硬，牛扒肉質軟熟，唔會乾，很juicy。漢堡厚度適中，唔洗分開兩層進食，可以一次過食到成個漢堡，入面夾左生菜、洋蔥、青瓜等，一口咬落去可以食到菜同肉完美配合，好味！呢個餐可以選擇配薯條、蕃薯條或者沙律，薯條炸到好脆，外脆內軟，唔點醬都好好味。之前亦試過手撕豬肉漢堡同蕃薯條都同樣出色，手撕豬肉比漢堡扒更是juicy，加上他們自己的調味，是我的最愛。蕃薯條則是很少餐廳有賣，所以建意大家試下，甜甜地，我自己鐘意佢多過薯條，哈哈！