Beefar's 鹿兒島燒肉

营业中

休息中

位於尖沙咀的 Beefar's 鹿兒島燒肉，是一間來自日本的高級日式燒肉過江龍。餐廳主打鹿兒島出產的薩摩和牛，所有牛隻由獲獎飼養員在自家農場親自照顧，牛肉的質素和品質有嚴格的監管和要求。首家海外分店在2018年抵達香港，多年前吃過一次，今晚因為要與親人慶祝，所以再次光顧啦! 店內地方不算好大，人客甚多，幸好有預先訂座，所以我們能坐進私隱度高的包廂。 餐廳採取Farm to Table的方式，牛肉由農場直接供給到餐廳，保證食品質素。除了薩摩和牛，連最矜貴的A5級的 4%奇跡之牛，也有供應哦~ 前菜拼盤 $138 前菜有四款，有炸和牛丸、和牛餃子、胡麻小白菜 和 海膽和牛壽司。炸和牛丸外脆內軟，沾上芥末後，很好吃呢! 和牛餃子的肉味超濃，很有驚喜。 Yaki Shabu上等牛腰背肉 $258 全晚最期待這份Yaki Shabu上等牛腰背肉! 牛腰背肉由店員親自燒烤，不用擔心要自己調教火侯。牛腰背肉超級幼軟，肉香嫩腍，非常好吃呀! 牛肋肉盛合 $358 牛肋肉盛合有牛肋肉、上特牛肋肉和特上牛肋肉。牛肋肉肉質較為結實，充滿嚼勁，嚼咀間流出肉汁。口感與牛腰背肉完全不一樣，個人比較喜歡肥美一點的軟

老公係個牛魔王，今日係我哋嘅紀念日，我特登揀咗一間高質素嘅日式燒肉店，同佢慶祝一下先來個Beefar牛肉沙律，沙律醬酸酸甜甜咁零舍醒胃，牛肉睇落雖然唔肥，但食落口都好嫩滑，係一個美味既前菜！我哋點左個薩摩牛牛肋肉盛合，分咗三個級數，當然最高級嘅油花會最重，真正嘅入口即溶，油花充滿着整個口腔，真係一個食靚牛嘅享受。霧島黑豚五花腩條，肉和肥嘅比例非常之好，黑豚肉入口夠濃香呢個名為「夏漾」嘅飲品其實係西柚有汽果汁，可以解除食燒肉嘅油膩感，非常適合。

睇戲前食個快飯，朋友話呢間日本過江龍7點有8折，同埋評價都幾好，一於食佢。餐廳係尖沙咀b2出口，零食x語上面。坐底就set好位，仲有圍裙同口罩紙。醬汁有黑椒鹽，醬油同有少少辣粉既醬油加熱茶一杯。我地大約6點到，都坐左一半客人。主打日本和牛，價錢中上，我地叫左一碟燒肉配白飯同一個和牛烏冬，自製兩個set首先上左燒肉，叫左牛肋肉盛盒，有三款牛肋肉：上等、特上同普通。職員話牛脂係要來抹係燒網既。 我地首先試上等，肉同脂肪比例大概4/6比，入口好香牛肉味但唔會酥。之後再試特上，佢既牛脂比例更加平均，牛好軟林林，就算燒到全熟都唔會un…牛肉果然係一分錢一分貨。而普通果款牛肋肉都唔差，燒到7成熟剛好，只係有比較下就另外兩款較特出。煙un日本米配上日本和牛，好好味呀！配飯的話，牛肉一d都唔漏再來和牛烏冬，一開始上枱係全生既牛加上超熱濃湯，幾分鐘牛就熟了，係剛剛好熟左。完成✅配上蛋同紫菜。 首先，呢個和牛烏冬好睇又好玩，打卡一流，4大塊和牛加一個半熟蛋只係賣148，我覺得好值。 烏冬夠彈牙，簿片牛牛厚度適中，湯底sukiyaki湯，成個配合得好好，推薦！我地叫埋單時，職員話惠顧就有雪糕送，叫我地出去揀

放左係watch list 好耐今個星期六終於起到身去尖沙咀食位置極方便 尖沙咀b出口 一出就係，呢間餐廳係酒店2樓 ，環境好好中午時間竟然得3台客，坐得好舒服佢地個lunch menu 2版 都有十個set左右揀豐撿由人最尾揀左2人套餐 $598前菜有 和牛海膽壽司 沙律 和牛餃子同埋和牛丸味道正常 ，粒丸子 牛味突出 好食同主菜 ， 服務員詳細解釋邊舊肉係咩位，燒幾耐 等等 同埋佢地會幫你燒埋牛利，因為佢地話火喉難控制。其他和牛都係 油花幾靚 牛味夠等等整體黎講 幾舊水 坐得舒服 ，有返和牛質素 。收貨

耐唔耐都有鋪燒肉癮～今次去食薩摩牛😋嚴選為日本一的薩摩和牛，其實大有來頭最小要係為A4等級以上既鹿兒島黑毛和牛，再須由少數的獲奬飼養員飼養，所以薩摩牛的優良品質係以飼養員悉心培養以成而且薩摩牛比一般和牛更着重血統所以薩摩牛年產量稀少真係非常矜貴。身為牛魔王一定要試！先睇睇舊牛油花分佈相當平均～烤一陣已經聞到香噴噴～放入口到牛味夠濃！真係好好食入口即溶！真係回味無窮！甜品叫左驚喜係烤菠蘿雪葩～菠蘿燒一燒神仙都企唔穩啦🤣

周末想食燒肉所以book左呢間屋企人推薦既燒肉店調味料都係基本setting叫左個二人餐每人會有一套咁既前菜整體普普通通啦無特別impressive既單品用料新鮮，海膽同件牛個人覺得陣味唔夾二人set既主菜調味做得幾好啲肉既質素 對得住個價錢印象中成個set都只係五百鬆啲跟餐牛肉湯牛肉好軟 但個湯極之咸咸到飲唔到爐夠熱，可以燒到有紋而家好多鋪個爐都唔熱燒十世件肉都唔熟飯後甜品有日本雪糕或者蛋糕揀但侍應淨係叫左我地去拎雪糕無問我地要唔要蛋糕雖然無打算食但呢下令我地覺得感覺麻麻地總括成餐不過不失但無咩特別令人有印象

服務：店員服務態度好，值得一讚👍🏼環境：算好濶落，唔會迫，食得舒服！食物：1. 全牛盛合：四個人食，成隻牛唔同部位嘅肉樣樣有啲，唔使諗🤣呢個餐嘅肉質就係一般質素，都好食嘅，但又未到好好食嘅地步。下次試吓佢嗰啲4%，睇吓有幾大分別。2. 甲羅燒：呢個好食，加蛋漿一齊燒，啲蟹膏好鮮好香，送飯一流！3. 温泉蛋沙律：味道OK。4. 豚肉腸：咸咗少少，送飯OK。5. 和牛餃子：一般餃子，冇咩特別。6. 牛肉湯麵：反而呢個有驚喜，麵、湯同牛肉都好好食，牛肉似係牛展位，炆得好冧好入味，仲有三大舊，真係大大舊㗎😋7. 牛大腸：我自己鍾意食牛大腸同牛肝，不過佢哋冇賣牛肝。牛大腸本身好有趙頭，而且呢度啲牛大腸唔會成舊脂肪咁，感覺上冇咁肥😄價錢：7:30pm前埋單全單八折，四個人食，以上咁多野加三個白飯一杯汽水，折咗之後$1,400埋單，平均每人三百幾。

🐄全牛盛盒 $998可以食到成隻牛嘅部位 可以四至六個人一齊share🤔🤔。 個人覺得份量有啲細 每一個部位都係得三四塊肉 每人食一塊就冇晒lu 不過每塊肉都靚嘅 🐂薩摩牛Yaki Shabu上等牛腰背肉 $238一上碟就話‘嘩’左一聲 兩塊肉都好靚 油脂雪花分佈極靚😍😍同埋佢配一個生蛋俾你 呢個嘅食法好似壽喜燒咁 首先將生蛋打暈 用牛肉旁邊附上的牛油搽係個燒烤爐上面 然後將肉兩邊各燒十秒 之後點生蛋漿食 入口即溶 超好食😛不過呢間價錢都小貴🤑

📍 尖沙咀The Otto 鹿兒島燒肉💰 午市 人均350 食日式燒肉當然是午市來吃最抵食！兩個人要了最新推出的秋日套餐！真是CP值好高，一份套餐600幾，加一服務費700多，不得不說牛肉的質素好高！尤其是和牛，點蛋漿之後入口即化，配上白飯一流。套餐包括前菜，主菜，主食，湯，甜品非常全～還會考慮再來～ 環境也相當安靜，服務態度好好

見openrice評價甘好，直接訂位啦，因為今年邊度都飛吾到，太掛住和牛啦，諗住黎個開心日本燒肉午餐，叫左2人套餐有好多款牛，黎到時個樣仲幾靚仔，點知d牛係扮和牛，仲未解凍有d雪，燒一燒，一食非常韌無味，成餐我同老公食到黑面......最好味係杯茶同雪糕價錢係合理，可能係午餐唯一幫呢間餐廳平反 - 之前睇到好多評論話佢地服務差，但我地覺得幾好，可能係欠缺笑容既環境幾好，因為安排2人房寧願去棉登徑食燒肉

親友請食飯選擇食日式燒肉😋店舖地點非常方便, 位於尖沙咀金馬倫道The Otto 服務式住宅2樓假日亦有午市套餐我們選擇主餐牌單點1) 全牛盛合, 8種不同牛的部位, 店舖建議享用次序1至8(如圖). -先食牛舌, 爽口-中排位置, 牛香, 脂肪較多, 偏油, 回味-最後4角位置, 牛質偏瘦, 可中和剛才油脂整體牛質素👍👍2) 限時優惠牛肋條我一向都鍾情牛肋條, 因有牛味, 有咬口, 肉汁多😋👍👍3) 自選海鮮拼盤海老🦐, 甲羅燒, 北寄貝, 廣島生蠔, 帶子. 基本上食材是新鮮, 不過冇乜驚喜😅稍為叫最好是海老🦐, 肉質彈牙＆有蝦膏4) 和牛海膽石鍋飯普普通通一個炒飯, 飽肚之選我會再次光臨, 因它餐牌還有其他美食可以試😬😬

朋友推介左呢間餐廳好耐，今日終於嚟試吓，果然名不虛傳。我哋今日揀嘅係午餐時段，午餐有好多個set lunch可以揀，價錢唔算好貴，最平由98至到298不等，仲有八折。我哋叫咗一個薩摩牛赤肉午餐同埋西冷扒午餐，西冷油脂分布好靚，油香好香，點少少鹽食已經非常好食，至於其他牛肉都有唔錯牛肉味，以呢個價錢來講西冷算係超值，跟餐仲有麵豉湯沙律同埋茶碗蒸。雖然只係A4級數，但係午餐食到呢一個級數已經好滿足，希望下次可以試埋佢哋最出名嘅4%牛。呢間餐廳性價比我會比5分，值得再嚟試下晚市。

我好少寫post, 如果唔係去到一個點都唔會想寫。我都幫襯左Beefar 幾次，都介紹左俾好多朋友來食，但冇黎幾個月，唔明點解質量可以咁差。我同朋友點左個燒肉盛盒$568, 啲牛黎到，比以前真係好唔同，我見黑黑地，我估應該係未完全解凍啫，但燒左幾塊，完全都唔係果回事，味道有，但肉質食落似放左好耐。就連餐廳出名4%奇跡牛都唔掂，完全感覺唔新鮮。食完後，我同朋友都感覺唔係好妥，己有想嘔感覺，我朋友返到屋企係堅嘔出黎。。。。雖然午市有8折，但都唔好連Quality都打埋折，真係同餐廳極度失望。相信真係好難再有第二次。。。原本是你們餐廳fans, 而家我真係唔想再黎，希望餐廳負責人可以好好監控質量

疫情服務依然態度差，尤其女侍應。問什麼都敷衍，態度惡劣。侍應只會在走廊站立，不理會客人。自己在走廊喝茶。牛舌好刃。紫菜沙律，毫無價值，無醬汁。牛肉冇牛味。不愉快的經驗

今日朋友生日，想食返d高質牛，以解無得去日本鄉下之愁🤪，就搵到尼間黎試試佢。 餐廳係新酒店裡面，人流唔算多，岩晒傾計既好地方，坐得又舒服，又唔會迫住哂。 我地叫左套餐，海鮮是贈送的，有扇貝，蠔、貴杞蚌。仲跟沙律，湯，白飯同雪糕！食到好飽飽，仲有跟個和牛海膽刺身，非常鮮甜 另外我地再叫左枝梅酒，味道總括而言算中上♥️絕對係可以回頭，食得好盡興！除左我滿心期待既牛舌個度扣左d分之外🙈😀其他都ok 既，埋單後仲會有$100 現金券，可惜限期好短用唔到