極樂脆蠔啤酒魚 ﹗

奧志雷等级4 2018-08-08

641 浏览

個天咁光既？天光喇？好很醉。見到紙巾印住 M1，查詢下原來 Fish & Beer 係 under M1 喎，完全不知道。飲開繼續飲，只要飲不要停，Second stop ﹗對手工啤完全不認識，都係讓美女調酒師推介吧。Yet Chin，甘味特濃，有著出色的花香餘韻。酒精濃度最高的手工啤，已好巧醉，再飲更醉，升仙飄飄然。外賣到街吧慢慢嘆 ﹗食得鹿鳴居太多，轉轉口味食西洋菜都好。剛才嘆完盒油雞髀四寶飯做早餐都係唔多夠飽，依家係時候嘆個午餐補補倉咯。餐牌有心思地印上釀製啤酒過程，有趣。細閱菜牌，發現新增多款菜色，梗係要試試去 ﹗酒吧菜牌主要為煎炸食物，正常不過。食過翻尋味，一次生兩次熟，添食添食。邊飲酒、邊玩啤牌、邊掟鏢、邊等外賣速遞，耐心等候 30 分鐘終於開飯喇﹗蟹餅，手起刀落，一刀切到底原來係腍劈劈多士底喎。蟹蓉、忌廉、芝士、煙肉、流心蛋、火箭菜，擘大口連乾身多士底一啖咬去，味道撞埋非常清新開胃，有著酸甜咸辛香，雖然完全感受不到蟹味，但美味食得過。炸薯角，微暖腍腍的，內外軟軟的，薯仔甜甜帶著鹽味，合格的。美式辣肉腸炒飯跟炸雞及炸蝦，炸雞被鬆化脆醬包著十分香口熱辣辣，雞肉嫩滑多汁夠水潤，醃味濃濃可口美味，以料之外有質素。炸蝦啤漿厚厚脆卜卜，食不出有啤酒味道，蝦有鮮，爽但不彈。什麼炒飯來的啊？Risotto 嗎？調味極濃重口味，強勁茄膏味，濃到混濁，勁濕勁黏，太多汁咯。飯粒有咬口而微脆，辣肉腸片夾雜其中。炸魚手指，香草味道突濃，粗麵包過厚咯，魚味已被淹沒，沾上他他醬或茄汁好食多了 ﹗脆脆外殼，結實魚肉，酸酸甜甜的醬汁，過關。啤漿炸廣島蠔跟薯條，滾熱辣大大隻的炸蠔非常滿意，喜出望外 ﹗外脆內嫩，熱騰騰一咬出煙。啤漿好似有層膜保護一樣，沒有啤香沒有啤甜㳉沒有啤澀，微脆鬆化抱著鮮蠔肥美多汁，餘韻久久不散，濕潤甘香鮮甜不停交替，滿分好好食呢。啤漿炸大西洋鱈魚跟薯條，不用睇菜牌，一眼就認得出不是龍脷、不是青衣、不是海斑，非常明顯係高檔鱈魚黎喎﹗真係開心都離唔切呀。急不及待立即伸手處理掉﹗大大碌真材實料，狠狠地趙落去，新鮮出爐好燙啊 ﹗魚味濃厚深沉，散發海魚清香，無青味無腥味，感動得很。結實不散，滑滑彈彈，魚汁微滲，加上啤漿金黃鬆脆，連醬都可以慳返，非常好食。Encore 第二籃大西洋鱈魚薯條，鱈魚燶燶的程深啡色，咸咸的難以入口，淋上大量茄汁中和一下，免強食完不要浪費。失敗之作，人有錯手，馬有失蹄，明白的。啤漿炸洋蔥圈，洋蔥圈香脆，藏著裡面濕潤清甜洋蔥肉，必須要趁熱食，越凍越油啊 ﹗盒底發現裝滿油，炒碟菜食都有剩。溫泉蛋卡邦尼意大利粉，可憐忘記走洋蔥，幸好不是太多。吉穿溫泉蛋讓蛋漿流出跟意粉混和，再慢慢張洋蔥全部挑走，起動﹗等了那麼久才送到，意粉估計是新鮮即煮的，要花上十分鐘啊。質地有咬口，嚥韌帶彈，搭載特濃蛋黃忌廉芝士汁夾著煙肉絲，各稱味道及香氣融合和諧，蠻不錯的。卡邦尼汁太水汪汪希希的，應當剛剛黏付在每條意粉之上，薄薄的包得均勻。味道雖然非常濃厚，用上的芝士品種味道太像卡夫芝士，強烈而帶點酸，香氣不足，不喜歡，一試無妨。啤酒蒜片辣椒煮青口，這道菜有驚喜喎 ﹗時間掌握得十分準確，肉質無變粉無變老無變韌，嫩滑有彈性，依然保存天然青口海鮮味道添，煮理出色有深度。沾上微辣蒜香辣汁更是醒胃惹味，整碟一人享用都不算過份。裝飾的多士就可有可無，有就可以飽肚一點。香腸併盤，三款同樣肉汁豐富濕潤，但只有辣肉腸最合我口味，雖然都偏咸，不過已係最淡喇。脆皮腸食得過癮肉味強勁，波蘭腸好咸好滯腍劈劈。因為太咸配不了芥辣，配上茄汁酸酸甜甜舒服多了。蜜餞雞中翼，金黃香脆的外皮，脆脆的包著嫩肉，銷住所有肉汁，水潤甜美損得津津有味。脆卜卜炸漿黏上少量蜜糖，如果能夠滾上大量蜜糖就更加開心啦。墨魚汁海鮮意大利飯，非常港式的調配。意大利飯全熟嚥韌，味道中規中矩，有墨魚汁鮮甜味道，還有蝦仔、青口、洋蔥粒襯托著，無味爽蝦一定要跟飯一齊食。落汁太過多，濕淋淋不乾爽，賣相單調，還有半溶芝士一劈劈一篤篤係面度好核突。炸海鮮併盤，炸鱈魚炸生蠔無得頂，拍爛手掌要添食添食呀！炸蠔頂呱呱，炸蝦小喇叭。又無手切薯？取消左炸薯角真陰功啊，我淨係食新鮮手切薯架乍。安格斯芝士漢堡，忘記加蛋添，有流心蛋黃當然會更好味道啦。分甘同味一開六，一口漢堡啪入。無可掩飾的自家漢堡扒，有靈魂有生命，並不是老麥牡丹樓屍肉漢堡，死實硬崩崩陰沉無鮮味，諗起就極度討厭喇﹗肉質鬆軟油潤，汁液奔騰，鮮味突出耀目，併埋蒜蓉芝士番茄沙律菜讓軟塾麵包夾著，那有不好吃的理由 ﹗我再混埋茄汁芥辣品嚐，真係如虎添翼，如沐春風啊﹗炸蕃薯，眼望還以為普通炸薯條，有創意幾得意喎，第一次食。切得太碎太散，大條一點好感更好，味道更出。鬆軟的蕃薯肉天然甜甜的，少少脆少少腍間歇地出現，蠻不錯呢。继续阅读