Bello Dining

营业中

休息中

元旦日除左去食mc cafe 之外，仲搭輕鐵去左個無野行既天秀😅個度有一千零一個商場—天一商城，於是入左去搵野食，無意中發現左呢間黃店😎雖然要等位，但為左支持都照等下啦！💫鮮茄雞扒扁意粉跟餐湯 $56呢個餐湯同樣都係蕃茄湯，我老公覺得唔錯幾好飲，酸酸甜甜，不過我就覺得太過茄醬味，無蕃茄既鮮味。而意粉亦都係一樣，汁量好足夠用黎撈意少，但唔係好鮮茄feel,茄醬多，同偏甜（可能我食開淡味野😄）雞扒就煎得唔錯，皮脆肉嫩🤗整體雞扒比意粉好食🙆🏻‍♀️💫迷你卡邦尼意粉配牛角包 $42呢個迷你意粉一啲都唔迷你😂只係用左細碗裝，份量同鮮茄意粉有得揮！卡邦尼呢個好食過鮮茄意粉，每條意粉都沾到醬，唔會話乾爭爭，另外佢既牛角包🥐超大個，我以為下午茶係比啲一口size,黎到都呆左🤪飲品方面佢同其他茶餐廳/咖啡店唔同，咖啡跟餐要額外加$10，我地覺得有啲唔值，於是只叫左杯熱檸茶&熱奶茶。檸茶開頭怕會有苦澀味，但呢杯無，證明啲茶底用得唔錯呢～

呢間都認真推介俾大家既 基本上一個月都會食一次既 佢嘅意粉係好好食 我同老婆一致認為吞拿魚長通粉係最好食既 另外佢薯條都 好正 是關佢有三隻汁 黑松露汁 茄汁同埋黃介辣 呢個係必食既小食 仲有仲有 佢雞翼都好好味 飲品方面都好出色架 不過有一個缺點 就係等位真係比較耐 之前未搬鋪 真係等好耐 如果大家想食既話 預反早少少去排隊 不過依家限堂食時間 之後好耐無過去食啦 要求唔高既話可以外賣返去食既 服務態度好多人都話差 我就覺得我可以理解既 佢自己都估唔到有咁多人去幫襯 佢已經搬左大鋪架啦☺️👍

之前朋友食過，叫我去試吓，咁咪自己一個人去食個下午茶。可能疫情關係，店舖都冇咩其他客人，咁服務員就帶左我入去坐，我見到張凳有舊餅碎，咪叫佢幫我抹抹，點知佢叫我坐對面咪得囉，我話我想坐呢邊，佢好唔高興咁幫我拎塊濕布抹左下就行開，跟住我自己拎張紙巾抹番干。等左陣，食物就黎，坦白講，就算幾好食，就已經扣哂分，所以我都係食左幾啖就走......更何況食物都係一般而已.......

$114 香煎紐西蘭牛柳 （已包套餐：沙律/湯及飲品）牛柳嗌咗五成熟，本身有啲驚會血淋淋但其實啱啱好😌肉質除咗有啲位煎太熟老咗有啲韌之外，其他唔會韌又保留到肉味；黑松露薯蓉都好香。$80 忌廉明太子帶子意粉 （另加$22轉套餐：沙律/湯及飲品）意粉煮得啱啱好，有咬口唔會太淋，而且分量都足夠；味道方面就正常啦，夠味又夠creamy嘅忌廉汁，相反明太子嘅味道唔太明顯；配料只有兩粒帶子，食落爽口彈牙唔會霉，但略嫌有啲寡。$12 朱古力雲石芝士蛋糕 （跟餐價）一件有三層嘅蛋糕：面頭係雲石芝士蛋糕，口感冇一般芝士蛋糕咁扎實；中間有一層朱古力，算係為成個蛋糕增加一啲口感，朱古力苦澀味較多；最底係朱古力海綿蛋糕。成個蛋糕嘅朱古力味好濃，加$12嚟講冇咩好挑剔。$34 美祿泡泡龍 （加跟餐需額外加$10）鍾意飲美祿嘅朋友真係唔好錯過！「極～邪惡」🤣好濃嘅美祿上面有whipped cream，whipped cream上面仲有美祿可可球，成杯好肥但飲到好開心😂✴️整體嚟講，食物味道不過不失，想搵間小店支持下都不失為一個選擇👍🏻餐廳長期好多人等位，所以想食嘅記住早啲去到啦！

今次介紹嘅係喺天水圍難得一見嘅高質西餐😍😍📍 芝士焗田螺拌黑松露薯蓉 ($46)：次次嚟都會order，因為真係好好食！滿滿嘅芝士鋪滿喺黑松露味濃郁嘅薯蓉上面，加埋焗得啱啱好嘅田螺，真係一流呀🤤🤤🤤好食指數：5/5📍香脆流心芝士條($40)：芝士條炸到好脆口，一咬啲芝士就流出嚟，口感外脆內軟😋 配埋酸酸甜甜嘅醬汁有助減少油膩感好食指數：4.5/5📍香煎帶子南瓜意大利飯($82)：呢碟都係每次嚟都會order嘅☺️ 微甜嘅南瓜汁包裹住每粒飯，食落啖啖都充滿南瓜味，大大粒嘅帶子煎得香口，推介大家！！好食指數：5/5📍香烤豬仔骨配薯條沙律 ($110)：BBQ醬甜甜酸酸幾開胃，豬仔骨咬落唔會韌，味道幾唔錯好食指數：3.5/5📍香辣蒜蓉蜆肉意粉($76)：意粉辣辣啲幾有蒜蓉味，蜆肉幾新鮮，味道幾唔錯好食指數：3.5/5📍卡邦尼意粉($68)：個source幾creamy，意粉軟硬適中，味道正路，可以一試好食指數：3/5📍千島海鮮薄餅($94)：pizza非常有自家製嘅感覺🤣 味道正路，不過個人覺得千島醬落太多好食指數：3/5🌸天水圍真係好少好嘢食，所以呢間餐廳開咗之後真係好旺場，成日都大排長龍，

呢間天水圍黃店係區內都幾出名，經常都要大排長龍，晚飯時間可能要等半個鐘以上，但食物質素唔錯，價錢合理唔算好貴。今次我地兩個人就叫左兩樣野，由於朋友係素食者，所以揀左蕃茄水牛芝士pizza同埋大啡菇黑松露risotto🤤🤤🤤🤤Pizza好高質，蕃茄味好濃郁，芝士都夠多，熱辣辣可以拉芝🥰🥰好正！！不過今次就焗到有少少燶邊至於risotto，個sauce好creamy，好重黑松露味，啲飯唔會煮到太軟👍🏽👍🏽大啡菇好juicy好好味🤤🤤🤤🤤值得一試呀👍🏽👍🏽

今日同屋企人黎呢度食，平時經過門口都有排長龍，為左唔想等咁耐就6:15已經到左餐廳，岩岩好可以入座唔洗等位。如果單點飯或者意粉可以加$25包埋湯/沙律同埋咖啡或茶，轉特飲再加$10，曲奇沙冰係我的最愛。仲要咁好彩今次係我鍾意飲嘅蘑菇湯。蜜糖雞翼好好味，d蜜糖係淋上去的，所以可以點到多d蜜糖明太子帶子意粉，帶子都幾大粒，幾彈牙，仲有好多明太子起中間呢個牛柳6onz係套餐黎嘅，基本上每次黎親都會叫黎食，叫左5成熟，肉味都幾濃同埋都淋，個薯蓉都好好味。墨汁意大利飯，d飯唔會太濕呢個藍莓芝士蛋糕，味道ok，不過芝士味唔算濃同埋佢個蛋糕係海綿蛋糕黎，覺得少少唔抵，如果套餐加就係$12都可以一試，不過正價就$24。另外佢有個積分卡，儲夠就會送小食。

難得假期，同班朋友一齊出街食飯，揀咗係位於天水圍既西餐食。位置唔太就腳，因為大部份人都係大西北牛牛，獲得一致同意。有朋友住附近，預先取籌，省卻唔少時間。策略係每人揀一個餐，再share小食。餐湯羅宋湯：熱辣辣，辣度適中，用黎開胃一流！肉醬意粉：市面上既肉醬意粉，大多數用免治牛肉再加d番茄醬整，呢間係用鮮茄做，難怪朋友傾力推介。玫瑰蜜糖雞翼：玫瑰味好啖，反而我食得出蜜糖味，btw整體幾香口，Not bad。人均消費約$100，食到個lunch set + 2個小食，抵！

午餐的時候總是很多人在排隊在天日商城算是環境最好價錢最公道的餐廳$56有一份雞扒或龍利柳扁意粉，有餐湯或沙律最開心的是凍飲也不用加錢意粉不會煮得太稔香港餐廳的通病不過感覺上在吃快餐，吃了不久以後店員就會想快快收碗趕你走

不想排隊等候這家熱門的西餐廳，我們決定點外賣支持小店。吞拿魚長通粉口感偏軟，吞拿魚肉碎平均分佈整盒意粉，醬汁帶有輕微忌廉香味，而且調味適中，整體長通粉的份量很多，性價比較高。卡邦尼意粉相對下側較乾，醬汁有輕微結塊的狀況，味道較為清淡。對比吞拿魚長通粉，這盒意粉的配料較少，洋蔥和煙肉份量並不多，而意粉的口感就為中等。雖然是外賣，但香草炸芝士條送到的時候仍有少許流心拉絲效果，奶味香濃，反而香草味不太突出，美中不足的是炸粉略為太厚，而且有明顯的粉感，不過芝士條與千島醬的配搭令整體味道恰到好處。蘑菇湯的味道令人喜出望外，香濃的蘑菇與濃稠的湯，造就出香濃綿密的口感，每一口都是滿足。整體來說，食品品質良好，用心製作。推介大家嘗試蘑菇湯～大力支持一下小店。

我見搬咗後，就試下啲意粉....食物方面：（1）意粉：有味，唔淡口，但較硬唔軟身；食落去後有幾條意粉既軟硬度唔均勻。（2）蜆肉：原隻上，但係蜆殼、蜆肉和醬汁的份量比例不太平衡，蜆殼和醬汁較多而蜆肉較少.... 使到食唔到蜆肉的味道。（3）醬汁：通常都係集中於喺蜆肉上，在蜆殼上見到好多的蒜蓉，但食落後辣味係蓋過蒜蓉味。（4）整個意粉：辣味較濃，有落蒜蓉，但蒜蓉出唔到味，令辣味搶咗蒜蓉既味道；差唔多食完後，盒內較多油。服務方面：可能做完差唔多一日既工作；覺得服務時，待應沒有笑容係可原諒，只可惜說話較串，唔係好友善，同埋覺得唔係好有禮貌。

天水圍係美食沙漠，天一商城落成終於帶黎新面目。呢兩年商場嘅小店要淘汰嘅淘汰，要擴張嘅擴張。而Bello Dining係為數不多嘅擴張小店。午餐附湯/沙律沙律菜算新鮮。卡邦尼意粉稍微過於濃稠。餅底做得好薄，柔軟，入口成口芝士、蕃茄醬，口感豐富，蜆肉鮮甜。茄汁意粉，醬汁真係有用蕃茄熬製。一粒粒番茄蓉增添層次感。龍利柳，外脆內嫩，惟解凍得不好，腌得唔夠，雪藏味濃。抹茶奶綠正常抹茶+奶嘅味，但我估可能加左忌廉，口感濃厚。以下兩杯沒試飲，但聽友人說曲奇妙趣像是特濃朱古力嘅高配版，所謂高配也只是多了塊oreo跟朱古力條。50多元嘅價錢可以食到質素中中挺挺嘅西餐，都算划算！再貴啲就第二個講法lu！總結來說，味道還不錯，可以再戰。

📍天水圍良心小店 -- Bello Dining🍝💛見過唔少人介紹bello dining嘅食物唔錯，而且仲係良心黃店💛前排咁啱有啲事要入天水圍就順路食埋呢間🤤舖頭開12pm，大約11：50已經開始見到人龍，想試嘅朋友真係要早少少嚟等位呢😹------------------------------⭐️忌廉明太子帶子意粉（$80）意粉睇落好細碟，但食落原來份量都幾多😹👍意粉嘅軟硬度拿捏得唔錯，頗有咬口🤤明太子忌廉醬汁creamy，幾有鹹香，但食食下都會幾滯，兩粒帶子則正正常常，由於意粉無其他配料，所以整體會略為單調～------------------------------⭐️夏威夷風情薄餅($56)餅底係薄身，食落幾香脆～芝士加火腿嘅combination 幾有鹹香🤘------------------------------整體嚟講食物不過不失～🙈良心小店值得支持下嘅💛🤘------------------------------賣相：7.6/10味道：6.8/10性價比：7/10回頭度：6.5/10

叫左個牛柳七成熟佢比塊生既我 面係熟但中間生既 RAW!!! （唔記得影相）之後叫廚房煎返七成熟 然後塊扒切開中間仲係流緊血水問侍應竟然話要全熟先會冇血水一係全熟一係有血水！已經再煮過都仲係咁嬲到佢叫唔洗再換最後掂都冇掂過塊扒 擺埋一邊冇食啲血水係流到我朋友個飯食完都仲流緊🤮好明顯冇解凍就攞去煮同朋友之前係呢間食過其他野食搬鋪前都食過幾次架啦真係覺得搬鋪前好食啲 而家差左今次塊牛柳仲要咁既質素真係短期內唔會再幫襯😑

眼見下午茶幾抵就一於試試佢，叫左個tea set卡邦尼意粉&牛角包，+$10要左杯cappuccino同埋叫左個lunch set水牛芝士番茄pizza+蘋果紅茶。先講飲品cappuccino 一上枱心諗好似中伏咁，杯樣唔靚完全唔值加$10，飲落去似一般茶餐廳既口感唔順厚👎🏽(macafe都好飲過佢)，而蘋果紅茶個茶底麻麻飲落硬係有種澀口既感覺。再講牛角包同pizza，感覺就好似近排興既氣炸食品咁，現成熱下佢就食得😯而卡邦尼就普通無特別。只能說佢地點算開得好，附近唔多餐廳選擇所以先多人排😶