Bello Dining

营业中

休息中

【元朗區】【Bello Dining】傍晚嘅時間喺天水圍唔係好識搵嘢食，加上我當時都淨返唔係好多喺天水圍嘅時間，所以只能夠喺當時嘅位置附近覓食。而我都好耐冇行過天一商城，就入去望吓。之前都嚟過呢頭搵嘢食，好似食過一間茶記同一間粉麵店，但係今次見到有間西餐，就食佢。嗰時啱啱進入咗晚餐時段，加上都無謂呢個鐘數先食下午茶，就直接叫晚餐喇。我叫咗 $136 嘅「香煎加拿大豬鞍扒」，佢配「芥末籽燒汁」、「黑松露薯蓉」同「雜菜」，質素估唔到都 okay，叫做對得住個價錢。可能平時市區唔係咁嘅心理價位，抵咗。其實個餐仲有「餐湯」，都可以。而餐飲方面我加 $14 飲「士多啤梨奶昔」，個人就唔係好建議叫，因為都幾難飲吓。然後我再加 $18 食埋「是日蛋糕」，係 cheese cake 嚟，味道還好嘅。不過又咁講，咁樣食法埋單 $168，我又真係冇乜嘢好挑剔喎。。。（地址：天水圍天秀路8號天一商城2樓2011-2013號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #de

去咗食lunch，講價錢佢唔算貴，$6x - $80。但講味道佢就唔值呢個價錢，你食啲連鎖鋪都好食過佢。先講個湯，好似飲緊罐頭。沙律正常發揮，不過不失。忌廉吞拿魚長通粉，啲汁會唔會稀咗少少…蕃茄雞扒意粉，普通，意粉多。奶茶，你都係去飲檸茶穩陣啲。總括嚟講，如果你未試過，又喺度睇緊食評，你可能會有啲expectation，見啲食評都好似OK。但我就唔會再幫襯，因為食得出係冇誠意嘅出品。你會連向舖頭表達意見都放棄。大家可以$7x 買個體驗，睇吓有冇同感。P.s. 我冇食到pizza，但似乎會係最穩陣。

返完通宵更，瞓醒都 14:00 ，要搵食喇，屋企附近好多食肆，但鍾意食嘅唔多，咁就去左天一商場食 Bello Dining ，今日平日有下午茶，就叫左個迷你卡邦尼意粉🍝 + 牛角包🥐，意粉太多汁，食完個碗底都仲有汁剩，不過意粉就好煙靭，煙肉肥瘦分明，再加一點點香草🌿整體係好食嘅；而牛角包外層脆脆的，而裏面就多層，好香牛油味，做到外脆內軟，呢個會加分，再來一杯即磨咖啡，為一餐劃上完美句號。

話說在我約朋友去吃的之前，母親已帶我來吃過幾次，頭幾次個明太子帶子意粉都唔錯，等到我帶朋友過去食的時候水準便開始參差，並且他的辣醬雞翼，只得個死辣，希望換成水牛城雞翼，略嫌覺得佢帶子有些少，希望可以加多幾粒。

📍BELLO DINING係天水圍又想食西餐❓BELLO真係天水圍數一數二出名既西餐廳價錢親民又好食‼️🍝卡邦尼意粉 ($74 + $22轉套餐跟沙津/湯及冷熱飲品)意粉硬度適中入面有煙肉同埋勁creamy既醬汁簡單配搭已經好好味😋🥬跟餐既沙律勁多芝麻醬想健康D可以少醬或走醬🤣正常發揮~☕飲品揀左熱既蜜桃紅茶勁大杯❗蜜桃味好出好香又唔會蓋過紅茶既茶味~推薦👍🏻🍕蕃茄水牛芝士薄餅12吋 ($92)想揀個fresh D既pizza同朋友share可以揀呢個有好多蕃茄仔同芝士一啖咬落去D芝士真係會拉絲~好味❗🍕夏威夷風情薄餅12吋 ($94)經典既火腿加菠蘿pizza基本上熱辣辣加足料已經好正😚🐥玫瑰蜜糖&香辣雞翼6隻 ($48)蜜糖味既雞翼又脆又甜一隻接一隻食無難度😚香辣雞翼就配有辣椒醬不過個人黎講覺得太多醬咸左少少要揀我都係會揀返玫瑰蜜糖雞翼👍🏻🍟脆炸粗薯條配蜜糖芥末醬+黑松露醬+蕃茄醬 ($46)同朋友share小食既必食之選❗有三款醬可以揀自己最中意點都係黑松露醬黑松露既香加脆卜卜既薯條真係好夾🤤🥤美祿泡泡龍&士多啤梨奶昔 (跟餐加$14)忍唔住同朋友嗌多幾杯肥仔水🤭美祿泡泡龍既朱古力

網上睇到食評不錯，心思思想食一排，終於今日同個小情人去食午餐，叫咗卡邦尼意粉同夏威夷pizza共$138。卡邦尼意粉還可以，但pizza感覺個餅未烘到，唔夠脆。有個餐湯，不似我預期好味。整個餐有點偏貴。

今日試咗間食店個BBQ醬豬軟骨漢堡，嘩，真係無得輸！🍔 漢堡包外皮微脆，內面嘅牛油香味剛剛好，唔會太過。嚼落去嘅時候，牛油同微微烤香味交織，真係幾搭嘅。對於呢個價錢嚟講，我覺得質感仲好過預期。太陽蛋爆汁，啫喱啫喱好過癮，不過如果油少啲就更加正。🍳 豬軟骨煮得啱啱哋，軟腍入味，同BBQ醬嘅甜係啱哋比例。醬汁滑溜，好夾肉嘅口感。薯條夠熱，炸得啱哋，唔會太油，就算多吓也唔會覺得負擔。🍟 沙拉方面，嗰啲菜嗰句新鮮，涼爽消滯，穿插埋係漢堡薯條中間，真係提提神。整體嚟講，這次體驗算是驚喜。漢堡包質感好，配料搭配得宜，呢間唔洗講專業術語都知佢好味，有著老香港嘅味道，令人吃咗仲想再嚟幾轉！

今晚透過送貨平台叫左個pizza, 之前都叫過，幾好味，咁咪再叫。點知一大開，成個pizza邊都係燶，無燶果邊係焗到硬晒，打電話同餐廳講返，佢話自己check過先送貨，總話你自己打去外賣平台處理。咁做生意都得既，望到成個邊焗燶晒都總比得客人食，有圖有真相，諗住送左外賣出去，無人理。最後送餐平台退返錢，但我地係等緊個pizza食晚飯，小朋友見到個燶邊pizza好失望，希望間餐廳有些良心，下次唔好再咁做。

區內無咩cafe輕食，而呢間舖都開左好多年，望住佢細舖做到換大舖，多年後再次去食，廚藝水準一如既往，唯獨價錢越嚟越貴。生意多唔休做，老闆娘同班後生侍應態度依舊係差。入坐就一堆規矩，舉住黃店、小店旗號可以有佢態度，但如果想食下意粉飲下咖啡，其實仲可以去試下濕地附近相對上新嘅餐廳。

今次試左油封鴨脾Risotto鴨脾油香 諗唔到都幾大隻😂 好滿足Risotto岩香港人口味 飯粒無咁硬身（我諗可能驚香港人食慣咁硬身）但粒粒分明，每粒飯都被cream包圍住 好食另外order左炸粗薯條 又係好好食有3款醬點薯條 醬汁份量足夠 食晒d薯條都仲有少少少醬剩跟餐有飲品同餐湯兩樣出品正常 俾其他西餐廳好得多食完飽飽 滿足——————————————————————————————

天水圍少有的西餐店，家庭式主理，假日時候好多街坊都會排隊黎食人2。環境衛生整潔，以自助方式落單，上菜速度好快，要留意有限用餐時間60分鐘。餐廳餐點選擇豐富，有漢堡包🍔、意粉🍝、薄餅🍕。意大利飯、牛角包、薯條、小食等供應。飲品選擇好多元化，有咖啡、多款熱茶、特飲等等～有不同套餐選擇｜午餐｜Pinku Pinku 豬堡貝$78（配餐湯/沙律🥗、熱飲）實際上係伊比利亞黑毛豬粉紅漢堡包一，粉紅色奪目的外表💖，麵包質地香脆鬆軟，中間夾有黑毛豬肉漢堡扒，配上柚子醬、生菜🥬同芝士🧀，食落好清新酸微微～配粟米火腿忌簾湯、熱蜜桃茶｜下午茶餐｜脆炸粗薯條🍟拼香辣雞翼＄44（配熱飲）香脆的粗薯條，鮮炸鮮製，配埋蜜糖🍯芥末醬、黑松露醬心、蕃茄醬🥫就更加滋味。香脆雞翼配上水牛城汁更加惹味迷你卡邦尼意粉＋牛角包 $48（配熱飲）意粉加入大量新忌簾煮成，加入磨菇同煙火腿，口感濃厚 creamy。下午茶份量剛剛好，配埋鬆軟熱辣的牛角包，仲可以點埋忌簾汁，拌住意粉食，又多一重口感😋。配凍美式咖啡（+$10）、熱英式奶茶

今次約朋友喺天水圍聚下，又想食西餐，搵到呢間喺悅品天秀酒店旁邊嘅餐廳，就黎試下☺️🍲香煎帶子南瓜意大利飯 帶子有少少燶左😅賣相失色左少少🥲但肉質可以，意大利飯好creamy，滿滿嘅南瓜忌廉汁味，但如果意大利飯再淋身d就好，口感對我黎講有少少硬🙈🍤鮮茄忌廉大蝦扁意粉我覺得呢個幾好食，鮮茄忌廉汁好濃又唔會太酸😁大蝦煎得幾香口，肉質都彈牙嘅，唔錯🥰🍕夏威夷風情薄餅芝士鋪到滿哂成個pizza，切開拎起一件都有拉絲效果🤣我覺得批比較薄，比較鐘意食厚批煙煙韌韌多點😆

紅日12點開門已經有4-5組人係到排隊，我地都好好彩可以第一輪入到，入到去見到餐牌寫住得60分鐘進食時間都嚇左一跳，仲以為一間西式餐廳會可以比人慢慢坐底食🤣🤣午餐都算多選擇，我就叫左個夏威夷風情薄餅都幾大份，食剩左兩舊🤣 料都幾多，個皮脆脆地幾好食。再叫左一份雞翼，有兩種口味，玫瑰蜜糖同香辣味，玫瑰蜜糖好好食，有淡淡玫瑰味甜甜地好易入口，不過香辣味就麻麻地，酸味好重，辣味就唔係好出，所以我推薦大家食玫瑰蜜糖雞翼👍🏻環境都坐得舒適既，不過啲員工態度真係麻麻地😂😂

今日去左食bello 既lunch set 排左大概15分鐘左右就有得入去食🙂60-70幾既價錢有湯/沙律加個意粉同野飲🐻香煎比目魚波菜忌廉汁意式薯團 $78唔係咁多地方有薯團食所以叫左呢個試下個薯團無咩咬口，有少少好似食緊粉漿咁🥲忌廉汁太咸，不過條魚就煎得幾好食👏🏻78蚊既話我會揀食番個普通既意粉🐻鮮茄龍利柳扁意粉 $64蕃茄味不過不失，有茄蓉，扁意粉有咬口龍利柳就食到有少少雪藏味不過呢個價錢我會覺得算係咁啦🙈🙈🐻南瓜湯好淡，飲唔到南瓜味🤷🏻‍♀️總括而言，呢個價錢又唔洗加一我會話佢不過不失啦。比起以前係差左既。但係見有評論話服務唔好，我就唔係好覺啦🙈

Bello 曾經去親食飯都要等位，今日夜晚7點幾居然可以直入🌝唔通真係比wetland 既小店吸走左d客？🔸香煎帶子南瓜意大飯 $88意大利飯煮比較有咬口，南瓜🎃味濃，帶子嫩滑🔸香煎羊架伴黑松露薯蓉 $158 跟餐湯及蘋果紅茶羊架叫左5成熟，切開岩岩好，粉紅色既肉身配上肉汁，黑松露薯蓉好香黑松露味同埋滑身，跟餐既餐湯係南瓜湯，但同意大利飯個南瓜味好唔同，唔太岩我口味，同餐廳反映左佢轉左沙律🥗菜比我地👍🏻