Ben哥米線 (已結業)

坐低叫左個麵同野飲等左30分鐘連杯野都無到 已經唔係peak hour. 其他幾枱一齊入黎都等左半個鐘以上最後個麵黎左 不過個湯同d餸係凍既 特別係個豆腐 裡面無煮過咁呀姐係廚房有講有笑咁 幾枱食客等到唔耐煩 仲要幾枱都聽到佢落錯單吹佢態度又差 話比d耐性 我第一次食米線要行到去個櫃面先有人理仲要周圍都有烏蠅同蚊最後係間野到食左成個幾個鐘 第一次食米線要食咁耐同佢投訴就愛理不理咁 收錢果個呀姐態度其差我係唔會再黎 ....

咁啱嚟到新蒲崗做嘢，晏晝又想食米線，所以就試試呢間Ben哥米線。平時都係食開譚仔同三哥多，得閒都想發掘下其他好味嘅米線。入到餐廳，感覺環境衛生無譚仔咁舒服，亦都無人指示你坐邊。平時都好鍾意食譚仔嘅蕃茄湯加辣，所以就試試蕃茄酸辣湯底，由於本人係食辣癈J，所以就揀咗少少辣，同埋揀咗吸湯嘅蜂巢豆腐、蘿蔔同酸菜。蕃茄湯底唔同譚仔偏甜，飲落都重蕃茄味，但我覺得唔夠酸，蘿蔔同酸菜都冇乜特別，推薦蜂巢豆腐，蜂巢豆腐本身都用麻辣湯底煮過，非常入味同吸湯。而米線可以加一蚊轉七彩米線，同普通嘅米線冇乜分別，貪得意嘅話可以試吓。整體來講唔算非常特別，但間唔時想轉下口味可以一試。

食過咁多間都係鐘意食呢間 鐘意個麻辣湯 夠味 豬潤好食 不過唔係成日有😀真係要睇你好唔好運最好就係有時我唔食米線手可以比我轉芽菜底 lunch時間黎親都好多人 不過好快可以入座次次成班朋友黎 食到認得我

見d評論話好食唔知係我唔好彩定點但佢既味道係完全零分我嗌酸辣米線 小辣結果個湯底係一dddd酸味都無同埋無辣味最基本既湯底都做得咁差淨係依一點都足夠理由叫大家唔好幫襯..配料雞肉同生菜正常米線嗌左五穀米線 無特別 唔彈牙食食下個侍應仲飛左張收據落我碗麵到非常無奈

行過見多人，又係米線，諗住試下。舖好大，完全無人理會你，自己搵位坐，枱面食具污糟，都算，親手交單俾阿姐，落單後等咗15分鐘，聽到追單聲此起彼落，都有啲伏味，覺得唔對路，問阿姐會唔會漏單。阿姐（理直氣壯）：「當然有落單，我幫你落㗎嘛！嗱，你睇！」我：「但…完全唔係我嗌嘅嘢喎！」阿姐：「吓，你坐邊？」我：「我坐呢度囉！」阿姐（再㩒另一枱號）：「呢張先係！」我：「都唔係喎，我唔係叫呢啲喎！」阿姐：「咁….你等等先！」去咗派十杯凍檸茶，返嚟都係搵唔到張單，比鬼古我更得人驚。由於我lunch time已完結，只可以離開，咩都無食到。希望大家知呢間嘢咩料，唔好好似我咁，一心期待入，一肚子氣走！

建議：唔好揀奶茶🥲 超澀口聞名不如見面 #試伏專員 集齊出動去試 Ben哥 芫茜湯💚🤤 早午晚 同 Tea都有套餐價，仲有學生餐揀。對比其他米線舖，Ben 哥價錢算係貴，不過附近無其他米線舖 (譚仔要行番落街尾)，所以想食米線就無辦法啦🙈今次試左：▫️芫荽菠菜湯底＋五糓米線＋3餸＋飲品 (HK$44 起)套餐可以揀3個 HK$7餸，亦可以補差額。講下主角先💚芫荽菠菜湯底，一上枱真係好綠，面頭仲有啲新鮮荽荽，聞落好香。飲左一啖湯無咩荽味，反而係淡淡魚味。見寫住有菠菜，估計係想令到湯頭綠啲。米線有兩款揀：原味/五糓，最後揀左五糓米線 (原味/蕎麥/玉米/黑米/高梁) 食落係正常口感，無特別味道，係米線既顏色唔同🤣。配料就中規中矩，另外套餐包左熱飲，如果想要凍既都只係加HK$2。‼️強烈建議：唔好揀熱奶茶，茶底苦而且澀🥲 #浪費左一次奶茶quota 🤣

從來都唔打食評，但新蒲崗呢間ben哥真係差到離譜。一入去收銀姐姐望到你都唔會招呼任何客人，唔緊要香港人自己搵位坐。間鋪過千尺，中間啲大枱全部俾佢寫住留位封住哂，晚市只有約1/3客堂食，我坐左二人位居然都有人要黎搭枱，因為啲枱俾佢封哂😑我舉手交單，個呀姐埋黎見到我對面仲睇緊食咩，佢居然話：「你地搞掂先落單。」唔收我張單咁大支野😑我得50分鐘食飯其實好趕，但果下都算喇等埋佢。足足等左30分鐘，我同對面都一路望住佢，做野真係勁慢但都忍住唔催單。到真係催喇，竟然話：「唉呀冇單呀？」但啲呀姐完全係冇覺得抱歉架，呢間野真係世界級，得1/3客點解可以咁大支野，污糟就唔再多講啦

今日經開新蒲崗買完野之後想搵間米線坐低食下由於加入左香港米線關注組有幾多人大推ben哥米線所以咁岩見到喺附近就去嘗試一下啦.入到去之後地方都幾大雖然係午飯時間但唔需要等位位置方面都幾舒服唔會係人迫人.坐低之後就睇餐牌我都係揀咗最愛嘅系列1. 酸辣湯底2. 五穀米線3. 豬紅4. 豬潤5. 金菇6. 另外一份芽菜7. 凍檸茶走甜一個有趣嘅地方係好少地方有五穀米線所以抱着好奇嘅心就嗌嚟試試.嚟到之後發現芽菜都好大份如果行緊新同飲食嘅朋友絕對可以走米線多芽菜.佢入面嘅送分量一般唔算太多亦都唔算太少米線因為有幾隻唔同顏色望落去都幾繽紛但係當我準備迎接開心嘅米線餐發現我個酸辣係冇味㗎開頭我諗係咪我嗌咗少少辣所以佢味道就唔敢太濃烈但之後食落去連酸嘅味道都冇個人就有啲失望同埋個湯底係淡到好似冇加個酸辣咁仲衰過譚仔嘅清湯.唯一幾好嘅我覺得係佢哋嘅服務因為中間想去洗手間個姐姐都有本身話去唔知邊度拎鎖匙見到我好迷惘個樣最終都唔使我走來走去直接比佢自己嗰條我但係味道方面我就真係未必會再翻兜

新蒲崗雖然多工廠大廈，但亦都有唔少好食嘅舖頭今次我就試咗呢一間米線，短短三年都開咗四間鋪，初時以為係一啲抄習嘅米線舖頭，但上網搵嗰啲資料發現，原來都好似幾多好評喎🤣今次我去食嘅時候係下午茶時間，好抵食！$40包兩款餸仲包凍熱飲品，然後仲有like 社文平台page可以優惠價$5加配一個小食😍😍😍簡直係窮人恩物🤣👍🏻今次叫咗一碗麻辣中小辣米線，食落去嘅時候唔會覺得好油😙辣嘅感覺亦唔會麻到條脷麻痹咁，幾好😆如果好食得辣嘅建議試吓大辣🔥🔥🔥個五穀米線食落去其實冇咩分別，但叫咗五穀米線就感覺自己好似健康咗咁😝😝兩個加錢嘅小食分別係尖椒皮蛋同埋蒜香雞翼尖雞翼尖食落去就爽嘅，但係好似唔係好夠熟，啲肉係咁痴住喺骨度😭有啲失望尖椒皮蛋個皮蛋就麻麻哋，食落去好癡牙總結兩個小食因為係加錢$5一個所以就冇咩特別要求，平平哋有樣嘢食下咁~地址－Ben哥米線 (新蒲崗)新蒲崗大有街3號萬迪廣場地下B舖環境／設施－坐得舒服，冷氣又夠大特色－有五穀米線，暫時人均價格－$50評分－4.0/5.0#foodie

一直以嚟都覺得譚仔米線最好食，但奈何附近地點最近只有Ben哥米線，冇乜好選擇就只好去Ben哥食米線啦!食食下發覺其實Ben哥米線都有其特色風味，係唔錯嘅，尤其是佢哋啲蕃茄味湯底、五色鷄翼等都好味，而某兩個侍應姐姐亦服務態度幾親切，大家好似街坊咁嘅關係。不過，呢次我非常之失望，因為已經唔只係第一次嘞……一係走單﹗一係亂單!連枱都冇抺乾淨!我都算，自己抺，費事煩啲忙緊嘅侍應姐姐。之但係，中午食飯時間唔係可以慢慢嘆架!我哋卒之等咗至少有20分鐘有多，而最重要係眼見身邊比我哋遲入單嘅客，佢哋個個都已經食緊嘞，而我哋早佢哋Order嘅仍然連影都未見!有見及此，當然就追問啦!佢哋真係勁，一追問就如閃電咁送嚟其中一碗米線!(又會突然快得咁交關嘅？) 之不過，嚟嗰碗嘢係坐喺我哋隔離比我哋遲入嚟叫餐嘅阿叔嘅，準備食嗰吓發現根本就唔係我哋order嘅配料。然之後，另一個侍應姐姐仲要氣定神閒咁講三次……唔見張單喎!你哋冇單喎!你哋唔見有單喎!(好似個責任喺我哋度咁)可以依家再點過!有冇搞錯呀？!(未計食嘢時間)乜我哋仲有足夠嘅時間去重新點餐兼「等餐到」咩？﹗又要等幾耐呀？碗熱騰騰嘅米線嚟到係咪直接就咁倒落個

去到新蒲崗無咩選擇，經過而間米線店被佢既poster吸引「莞茜菠菜米線」莞茜同菠菜我都鍾意，而種湯底配搭唔知係點既呢🤔因為臨收工前食，所以莞茜菠菜米線沽清😞唯有選擇小鍋米線🍜唔記得走酸菜。但竟然好好食，好開胃，食完好滿足😌本身叫左兩個餸加米線，服務員提我叫套餐更加優惠，仲要有杯熱飲。男朋友叫左藥膳麻辣湯底，佢話好好食。不過黎緊要食返清淡啲😆有機會我要食返莞茜菠菜米線🍜🤨🤨搵日要再去😆😆

今日同老公請假去學瑜伽， 自己一個食晚飯。店內裝修清雅， 特色牆有幾隻碟？？？想表達咩呢？！環境舒服， 有梳化位可以慢慢坐休息放鬆下。今晚唔使為左個囡食清湯，食左個比較特別的藥膳麻辣湯米線。坐下見到，均媽到台灣必食的鴨血做限量新配菜，加 $12得2片，但止口癮都點左。藥膳味唔重，而且麻辣味蓋過藥膳味， 純辣味重過麻痺感， 口感一般，不過可以去試一試。另外要試的就係佢的五穀米線：原味/ 蕎麥/玉米/黑米/高梁顏色無想像中豐富， 米線較幼身，味道調味不錯，芫茜香，肉碎較肥。下次試其他。

下午經過未食午餐見到舖頭名叫Ben哥！那麼囂張就覺得要入去試一試佢！座低見檯面有張貼一款鴨血藥膳米線的宣傳，在其他米線店舖比較少見，所以就叫了它做個湯底，配餸今次就選了蘿蔔 ，豬腩肉，鴨血。之前我完全沒有估計到湯頭原來係咁濃味，好好味！藥材味有但反而只是淡淡的存在於濃湯之中，有劃龍點睛效果。配餸食落都一D都唔 hea，蘿蔔無渣入味，豬腩肉和鴨血同樣入味，但絕對不是無論你叫乜餸都一樣味那種，是各款食材都有各自的味道，相信是經過用心製作才成就出來的味道。這個米線天氣凍凍地必食之選，食完又滿足又暖~

經過幾次今次試咗Ben哥米線店內位置都多坐得幾舒服今次叫咗兩碗一碗係蕃茄米線 一碗係酸辣蕃茄米線 蕃茄控啱唒因為湯底好濃 米線分量真係好多建議細食人仕可以叫1/2份量米線或1/3份量如果唔係多數食唔唒另外酸辣叫咗勁辣 但無乜料到 (平時x仔連鎖店都食大辣)可能蕃茄味太重遮咗辣味而餸分別有叫冬菇、午餐肉、豬大腸、韮菜同豬紅豬紅吾夠入味 有少少硬其他嘅都不過不失啦至於Ben哥烤雞翼都係普通 吾太入味 個皮都唔脆早知試下五式雞翼 可以試下吾同味

下午我在「旺角」裡面購買外賣自取「咖喱牛腩飯」，以及大型盒裝「冰皮月餅」之後，提着所有食品坐巴士返回「新蒲崗」，打算在「新蒲崗」裡面享用雞肉食品作為晚餐，然後返回「采頤花園」坐小巴返回「西貢」。結果我在「萬迪廣場」，光顧港式米線食品餐廳「Ben哥米線」，「Ben哥米線」店舖面積頗大，而且沒有太多的電視噪音騷擾，如果不是還有收音機裡面電臺聲音的話，論「環境」可以算是很好了。享用售價港幣二十八元的「芫茜菠菜湯米線」，至於餸菜方面，我選擇了「雞肉」和「蘿蔔」。米線已經被完全煮腍，我甚至覺得食完「米線」感覺有點飽肚。我覺得「芫茜菠菜湯米線」裡面的「芫茜」味道頗香，聽說有些人不喜歡「芫茜」，亦有人對「芫茜」有瘋狂的愛好，我想我應該接受到「芫茜」，平日勉強還能食得完「芫茜」。但是我個人對「芫茜」的愛好，始終沒有對「皮蛋」愛好那麼瘋狂和執著，我自問很喜歡食「皮蛋」，反而我對「芫茜」，就沒有對「皮蛋」那麼瘋狂程度的喜愛。跟「菠菜」裡面的甜味也都算是頗為合襯，唯一可惜的只是「Ben哥米線」點餐紙裡面無法選擇「皮蛋」作為配菜，否則「芫茜菠菜湯」味道應該會更甜更好飲。至於「Ben哥米線」裡面的「雞肉」，屬於