Ben哥米線

营业中

休息中

平時喺呢邊返工想食米線嘅選擇唔係好多，最鍾意食嘅其中一間就係Ben 哥米線，叫咗個酸辣湯底米線，揀咗要豬耳同埋豬皮，呢兩個餸同米線係好夾！同埋好想講佢啲豬皮好入味真係好好食！🌟 十分推介！

有時喺牛頭角呢邊做野要食個快飯都選擇黎呢間Ben哥米線，最鍾意就係每次坐低唔洗思考太多，因為佢本身已經有4款預設咗既配搭俾好似我呢啲懶得逐樣揀嘅人一tick就搞掂，分別係牛、豬、魚同埋一個素食之選，由於近年都真係比較少食牛 (靚牛除外)，所以差不多每次一坐低就拎起張紙然後揀呢個豬八戒配呢個沙嗲豬骨湯底同走綠色野啦，而豬八戒就係由腩肉、豬耳、豬紅組成，以前有得轉薯粉就再開心啲，不過印象米線以外既麵類選擇係時不時都會轉，好似有試過係米通粉的，所以好期望著粉會回歸唷。

Lunch hour嚟超級多人排隊 大概等咗10幾分鐘有得入去 空間狹窄 座位逼夾 點咗豬軟骨生菜麻辣湯底中小辣 豬軟骨入味肉質夠冧 湯底惹味 米線質地軟糯 不過杯凍檸茶就份量太少 差唔多大半杯都係冰

試下牛頭角位於宏利大廈的Ben哥米線，lunch時間都全場爆滿，要等一陣位。今次揀左雞肉午餐肉麻辣湯米線，夠濃味，但湯有點太油，要自行撇油先食到！午餐時間送熱飲，凍飲+$2，牛頭角區黎講，性價比算高！

接近20個鐘冇嘢落肚嘅我，終於捱到lunch break… 可惜對腳生得太短，行得落去周圍已經座無虛席🥴 諗住簡簡單單喺附近食碗 #米線 啦！點知都等咗十幾廿分鐘先有位，#香港地 搵食認真艱難😅其實每次幫襯 Ben哥米線，我都會左諗右諗叫啲咩嘢食好🤪 不過到頭嚟我都會揀套餐，費事諗呀嘛😅 呢日我就叫咗個「豬八戒」米線配 #蕃茄麻辣湯底，唔知係咪我睇落去好肚餓，阿姐送過嚟碗米線特別多… 不過點都唔夠浮喺面嗰層 #辣油 咁豐厚😅 肥嘟嘟嘅 #豬腩肉 配上 #豬紅 同 #豬耳，雖然個外貌認真麻麻，但係味道辣辣哋都幾惹味嘅… 不過唔知係咪望落去個 #湯底 #太油膩 嘅關係，#小秘書 呢次真係無能為力清咗佢… 唯有做隻 #大嘥鬼😝 食埋碟 #生菜 🥬 就算數喇！📍 Ben哥米線 (九龍灣)海濱道83號宏利大樓1樓W3 號舖

每次一到食晏時間，都好傷腦筋食咩好，附近餐廳巳經差唔多試晒，大家都無咩idea既時候，我地都會諗起食Ben 哥米線，呢到既辣番茄湯底好正，巳經食過10次都有😂😂😂同同事傾計講開，原來芫荽同菠菜都係好野嚟。芫荽有消炎功效而菠菜有抗氧化同護心功效。一於就試下甘健康既芫荽菠菜湯底啦。芫荽味較濃，菠菜味唔太出，湯算係唔錯。我每次都係叫牛魔王，有肥牛、牛丸、金錢肚，三樣餸我都鍾意食，每次食一来樣既餸都唔會厭架。大滿足

食過麻辣同藥膳，唔太深刻，自從食過酸辣湯底之後返唔到轉頭，同同事一致認為實在太出色，自此永遠酸辣湯底。今日加酸菜（$4.5），我嗰碗冇事，只落漏咗辣肉碎（成碗變咗酸湯😂），同事嗰碗大獲啲，佢嗰盒仔酸菜「叔」咗，加咗落去先聞到，搞到佢本身嗰啲酸菜都唔敢再食！堅慘！雖然係咁，我哋都係佢嘅粉絲，會再encore😂😂😂

我係番茄控，每次都食蕃茄湯底，今次係同事介紹牛魔王藥膳湯底，一試就愛上，重成碗飲晒，原來藥膳湯底加中辣係咁好味架，真係十分出色，而且牛三寶亦係我至愛，可以補一補添😋

位於觀塘一帶的米線人氣店，以前常常吃，因疫情後很少外出吃，見到有外賣whatsapp，就跟大隊叫定，然後自取，十分方便。 今次為了叫酸辣蕃茄湯底而來，酸辣口感重，而蕃茄濃湯卻沒有被酸辣遮蓋，另有蕃茄粒和洋蔥粒調味，口感豐富，蕃茄控最愛。 菜式方面，選擇十分多，最後點了腩肉和生菜，腩肉的數量唔少，重點是大片而且肥瘦剛好，食落口感煙韌，又不油膩，十分滋味。另外，生菜好食在於吸入湯底的精華，味道滿足。總結，在工商區的確是午餐好選擇，有whatsapp外賣特別細心。

Friday Lunch With Teammate~around 2:15來到居然現場都仲好多客！不過附近不算多米線店！🍜之前試過mfc嘅分店覺得味道都正正常常～但今日試完覺得再好味左😈芫茜茶餐（已包2餸）揀左五穀米線（一半米線）B3. 蘿蔔B4. 金菇菜C7. 雞肉（+$10）D2.熱檸水（跟餐送）total $51～！芫茜菠菜湯底超級翠綠吸睛✨✨飲落無咩菠菜以芫茜味為主，清甜得來但味道又不會太淡～！餸份量都算多！蘿蔔和雞肉都各有四五大舊～雞肉都幾滑嫩！！不錯～足料！蘿蔔好出色最最推介！入味又大塊軟腍～！完全無估到！！絕對會encore～！食到尾個湯都好綠綠綠～～！

之前係因為有人介紹話好食, 上次太多人食唔到, 試咗隔離果間, 今次終於可以嚟試食下, 門口係有好多人排隊, 但大部份人係等外賣, 堂食既唔算太多人, 如果兩位就好易搵位, 三至四人就要等一等豬紅藥膳麻辣湯底米線 - 好濃藥膳味道韓國魚蛋麻辣湯米線 - 麻辣味都好濃麻辣金錢展 - 不錯麻辣墨魚頭 - 墨魚頭好爽口, 必吃韓國魚蛋花枝卷芫茜菠菜湯米線 - 芫茜菠菜湯底都唔濃芫茜味既, 韓國魚蛋一大片都幾好食韓國魚蛋沙嗲湯五穀米線 - 五穀米線都冇乜特別腐乳通菜 豬紅魚腐芫茜菠菜湯米線 豬紅花枝卷辣蕃茄湯米線 - 豬紅必食, 蕃茄湯底都濃味五色雞翼 - 有五款味道, BEN哥烤雞翼, 柚子,黑糖薑母,蜜糖黑椒,麻辣呢五款, 但其實都係面層既味道分別, 內裡雞肉都係冇味尖椒皮蛋 時令菜芯 韓國魚強墨魚頭五穀米線 - 散叫墨魚頭比叫小食麻辣墨魚頭既份量多, 只係有辣汁同冇辣汁既分別總結 : 食完返唔到轉頭, 兩星期必有一日去食, 連譚仔都食少咗

米線平日就食得多但黎黎去去唔係清湯就麻辣酸辣想試新野就可以試吓依間🌟沙爹豬骨湯底+響鈴+肥牛（$57）平日茄湯清湯就食得多米線配沙爹豬骨湯底都係第一次嗰湯夠濃啲米線又掛到汁少少辣咁真係幾惹味😋肥牛不過不失 係肥膏多左啲反而想推介嗰響鈴為左唔好浸到腍晒所以叫左分開上食之前先浸落湯就可以少少腍之餘又keep到入面脆脆地仲要索晒啲沙爹湯真係好好食😍-依間米線除左沙爹湯底之外仲有啲比較特別嘅莞茜菠菜湯同藥饍麻辣湯貪心啲想食多幾個餸仲可以食佢啲牛魔王阿豬八戒呢啲set送埋野飲都同某大型連鎖店一樣咁抵食架😉

地方超大新淨必試藥饍麻辣五殼米線主要見到有明目杞子👍🏻👍🏻👍🏻麻辣湯底夠哂香😋😋😋😋😋五穀米線食落去其實同普通米線冇大分別但就係彩色比起平時米線睇上去就冇咁單調🥰🥰餸方面叫左韓國魚蛋，豬紅，花芝卷，腩肉，蘿白餸雖然少因為韓國魚蛋同花之卷只有各一件但味道的確唔錯👍🏻韓國魚蛋我係第一次試係平日食過魚蛋味但就係薄薄的一塊有啲似腐皮但口感唔似腐皮咁淋依然有魚蛋嘅微彈力❤️值得一試😋😋😋😋😋

間野係公司附近，由於附近餐廳唔多，間唔中都會食下，感覺質素好參差，辣度睇廚司心情，有次叫小辣，感覺係中辣，今次叫小辣，結果係唔辣，其實對佢都無咩期望，點知今日又黎料，碗米線漏單黎少咗個餸，轉頭用個碗另上番個花枝卷俾我，咬落去係凍既，同呀姐講，佢同我講話係咁架，用米線個湯浸熱佢，o左咀，成舊野凍既，究竟要浸幾耐先會熱呢，我話我取消呢個餸，然後佢就話拎番入廚房煮番熱俾我 ，如果唔係無得揀真係唔會再幫襯。

今天午飯決定吃米線，見到呢間米線店選擇頗多，決定一試。湯底我選了蕃茄酸辣米線，餸方面我選了生菜、炸醬及豬紅，喜歡吃芫荽的我，加了芫荽底。第一啖吃下去，蕃茄酸辣湯底不算好辣，因為我只選了少少辣，蕃茄湯味尚算濃厚，我最欣賞是它的炸醬，他炸醬中的醬以辣為主，但亦不會是太辣，送米線吃一流。相比起三哥米線的炸醬，我不太喜歡它炸醬中的醬，以酸甜為主，吃落口感太軟身，與米線不太夾。午餐可以選三款餸加湯底，更送熱飲，價錢大約$45至$55不等，都幾抵食。