Ben哥米線

营业中

休息中

因為工作關係經常到這裏用膳，這裏的時令藥膳湯底非常好飲，藥膳味濃，每次也必定飲清光。米線也十分彈口，餸菜選擇種類也非常多。但個人認為價錢偏貴了少少，希望這裏的時令湯底長期都有啦！

食左幾次，試左好多湯底但最喜歡既湯底係麻辣小小辣既味道～餸我一般都叫紫菜同墨魚頭紫菜襯啲湯真係一流，索曬啲味墨魚頭都唔錯～爽口可惜呢間店太細，一開門就好快full🥺

超鍾意食蕃茄同埋次次都會叫蕃茄湯自從食過呢間Ben 哥米線 我覺得係我食過最好味嘅蕃茄湯真材實料 蕃茄湯好濃郁唔係剩係得水而且配菜都好好味仲要下午茶夠平靚正佢仲有沙嗲湯底同埋麻辣湯仲有小食 好值得一試

湯底比之前淡，蘿蔔無味，腐竹太硬，員工態度欠佳，收左錢但唔比食物，客人等左半小時。米線分湯都淋，之前好好的，出左名之後，質素下降，早果排堂食試過叫菜，咩菜都無。

其實之前已經行過幾次，但係次次都係要排隊，真係冇乜心機等咁長籠，應該係好好食所以有咁多人排隊，今日會見到唔使排隊，第一時間走去食，原來唔係唔使等，只係我太晏食飯，等一枱走咗就到我，等候期間見到好多人叫芫荽湯，我就跟大隊叫一樣，菠菜芫荽湯五穀米線，先飲啖湯覺得好清熱下火，飲完成碗湯完全冇口渴嘅感覺，五穀米線粗幼顏色不一，口感好豐富比較QQ, 但又掛到湯味，揀咗3餸：豬軟骨肉骨各半，無乜肥但唔會硬，滷水汁做得幾好，唔會太咸影響湯底，蘿蔔好重本有好多之外，應該有筋既部份全部切哂，紫菜2大片完全冇沙，唔會碎濕濕，應該係貴野，提提大家如果要叫紫菜，記得要叫多湯，唔係你會發現將紫菜放咗入去撈湯後，即時唔見咗好多湯

呢間Ben哥米線喺美孚，佢亦有幾間分店。我每次去食都係食蕃茄湯底，因為佢個湯底好足料，好多蕃茄🤤👍🏻，而且佢啲餸都有好多款，任你選擇😋除此之外，佢有學生優惠同下午茶優惠，價錢合理，經過美孚嘅人可以試下！😌

Ben哥米線最鐘意食ben哥既酸辣蕃茄米線，因為我好鐘意食酸野🤡佢個蕃茄湯極之濃🥴好正而餸方便要大力推介豬膶，不過成日賣哂，腩肉、豬腸都唔錯。大大碗好抵食，下次真係要扣底。不過少少意見係米線唔夠彈牙同煙韌🥴

自從轉左手之後就好少黎食，因為覺得越黎越難食，但琴晚實在太肚餓又想食米線，所以黎左呢到。見個menu宜家有中小辣，就叫左個酸辣中小辣，但最後落到單都係寫中辣，但我都幾食得辣，所以就算啦無所謂。一上到黎一片血紅色，厚厚一層辣油，然後突然聞到一陣辣油味，係個種超市買既cheap辣椒油味，我真係一頭黑人問號，我住係美孚咁多年食咁多年都無試過聞到咁既味道。咁我唔信邪試左一啖，我簡直以為我味覺出現問題，好似你發燒失去味覺咁，咩味都食唔出，只係得個辣味，我個下差d以為係我問題，但飲一啖檸檬茶又的確有檸檬味wor。d米線既質地反而同以前一樣，但個味道真係世界級咁難食，我覺得全香港求其搵一間米線都無咁難食。佢地根本就係煮完個米線倒左半支辣油落去當酸辣米線。大家如果想試，根本唔需要比錢黎食，係屋企自己煮一煮倒辣油都得。

轉了ben哥之後都吃過幾次， 放工經過見下午茶時間，便再去吃下午茶 $36 2 款$7 餸 包一杯熱飲如果轉湯底 加$2豬紅配墨魚丸 麻辣湯底$38以2 餸來說，都算便宜豬紅份糧蠻多 墨魚丸有3 大顆足料~麻辣小辣 算蠻辣， 食一口，嘴邊會有麻麻感覺，喜歡吃辣的話，這家做的不錯！但對我來說偏辣看到對面吃莞荽湯，很多莞荽，下次一定要嚐嚐~服務比以前好很多， 店員很有禮

Ben哥米線是我選擇米線的第一考慮。價錢合理，米線量充足，湯汁不斷推陳出新，睇得出老闆非常用於追求創新，不甘守成。我一般會叫三個餸，豬軟骨係必點，因為肉質鬆軟，加上入口即溶的骨膠，非常惹味。牛丸也是最愛，入口彈牙，牛肉味新鮮。最後會再叫一個豬紅，純粹自己的心頭愛。每次lunch黎，呢度都排嗮隊，睇得出Ben哥有幾受歡迎！相比其他的米線店，呢度勝在價格抵食，菜款新，有創意，湯汁濃郁，確實誠意推薦大家一起來試試！

本人同男友既口味可謂係南遠北撤，所以都盡量唔跟佢搵食，但喺佢極力邀請之下終於跟佢去左一間佢既心水店食野。Ben哥米線位於美孚，店鋪唔算大，但好多人幫襯。我叫左牛𦟌豬腸酸辣米線，湯底既味道有點淡，作為一個嗜酸既人，覺得唔多夠酸。餸菜方面係唔錯既，牛𦟌同豬腸都入味，可惜豬腸略硬。但男朋友叫既腩肉同豬潤，我就好喜歡，豬潤好新鮮同爽口，好想再食多d。腩肉充滿肉脂甘香。我地仲叫左味價值38蚊既麻辣墨魚頭，好大碟，冰凍爽口，唔算麻，但辣味好香。叫左兩碗米線（5個餸）再加一碟小食同兩杯凍飲，埋單$145蚊，算唔錯。

琴日同屋企人想食米線，但又唔想食譚仔咁悶，於是黎左呢間岩岩推出芫茜菠菜湯米線既Ben哥米線呢到供應多款湯底，今次我地揀左芫茜菠菜湯同小鍋米線湯！呢到仲提供左8款小食，不過今次無試到啦～～呢到外賣全日9折；而揀兩餸就送野飲，價錢唔算貴～今次我想食健康d，所以就揀左芫茜菠菜湯，加左肥牛～湯底口味偏清淡，好重芫茜味，勝在無咩味精味，飲多幾啖都唔怕～另外，五穀米線係免費升級，唔洗加錢！屋企人叫左呢碗小鍋米線，配腩肉同炸醬，塊腩肉都幾大塊，但炸醬偏太乾身，似普通肉碎多過炸醬，有待改善～

這店地方不大，常擠滿顧客，這天竟然剛好有兩個座位。入內坐下，看到有常餐， 52元有8餸米線有飲品，看來挺化算的。點了兩個常餐，一個要小鍋米線（湯頭不辣），另一個湯頭要番茄小辣，飲品都要冰檸檬茶。米線送上，滿滿的一大碗，份量十足。湯頭方面，朋友說不辣的湯頭味道一般，並不吸引，我點的蕃茄湯則很香濃，不錯。米線的質感一般，不算十分Q彈，但也不過軟，算是合格。配菜方面，雞肉、冬菇、紫菜和唐生菜好吃，其他一般。不過，店子實在比較小，座位之間的空間不足，而且經常把店門打開，熱風陣陣吹入店內，還是天氣較涼才來光顧比較好。

平時返工都係其他分店食過ben哥 個日去美孚搵人交收 原來又有ben哥咪去食 仲要勁抵撞到有下午餐 去到6點半點知發現美孚呢間係幾差🙈🙈🙈首先，佢冷氣機滴水 最重要係滴到碗面 真係即刻無mood 肉碎有碎骨 而且見幾個客都有收到錯既餸 同埋係個到做野既中年男人？戴眼鏡 態度好差 問多句就鬧 但就同個短髮婆婆員工有講有笑 唉 作為食過ben哥既人好失望☹️

小弟試過好多間米線鋪的蕃茄湯底，好多都好淡味，但這間的是我試過最濃味及最好味既， 米線又夠煙韌，豬軟骨又入味，唯獨大腸不夠入味，不過夠爽口。值得試佢地個蕃茄湯底．