Billow

营业中

休息中

預約左假日中午，其實大埔地鐵站附近有免費穿梭巴，但我地就唔啱時間，自己搭車去😎環境幾靚，有室內同埋室外座位😌不過限時個半鐘，尤其尾段趕上甜品，極速收餐具同碗碟，未夠鐘但單都印兩次，感覺催緊我地走😅人均五百蚊，主要真係食景🤑▪️ Salmon & Crab Meat Omelette • Cherry Tomato • Guacamole • Toast（6/10）💲178 (Brunch)奄列包住啲三文魚，但係唔太食到蟹肉，亦無咩調味，會比較淡口🫣另一個問題係不斷出水，就咁睇相都應該見到🫠擺隔離塊包本身已經濕軟，加上牛油果蓉，就更加淋身😐唔知點解有少少似食緊飛機餐咁😬▪️ U.S. Beef Tenderloin • Celery Puree • Zucchini And Carrot（7/10）💲308五成熟既牛脊肉都腍身，配菜有炸羽衣甘藍、南瓜蓉、甘荀等，整體份量偏少🥕▪️ Sea Urchin Risotto • Seared Scallops • Black Caviars（6.5/10）💲268落單時侍應提醒個飯有海膽會比較腥🤔面頭有魚子醬、帶子、海膽，海膽味道帶甘，個飯相對黏稠身

與朋友們來Billow食lunch，訂座時表示會帶寵物，餐廳細心的安排了戶外用餐區。雖說是戶外，但其實有太陽傘或屋簷遮擋陽光，秋風吹來非常惬意。周末有午市套餐，南瓜湯香甜幼滑，加入洋蔥增添咬口。點了一款以羽衣甘藍、椰菜花、車厘茄、南瓜粒、無花果和藜麥配搭的沙律。以半軟質地的布拉塔芝士取代沙律醬，綿密濃郁，是健康之選。塗上牛油並焗香的漢堡，夾著外脆內嫩的比目魚柳，簡單味美。小孩子很喜歡吃剛炸起的粗薯條，酥脆可口。奄列綿密鬆軟、質感輕盈，揭開奄列就見到滿滿的三文魚和蟹肉。creamy牛油果醬配吐司也不俗。最後來一杯香濃的熱Latte作結。P.S. 由於客人聚多，所以用餐時間為1.5小時。

🥩🍽️☕️食環境，食物一般🆗餐湯是日嘅餐廳係南瓜湯，熱辣辣都大碗，但南瓜味吾係幾重。🆗自家製牛肉漢堡•煙肉•薯條 -$188可以請店員在上菜前切好一半，方便share。漢堡包好大個，但個包皮吾太好食，冇咩牛油味都較硬。漢堡好厚，好多肉係好足料，但好乾吾係幾好食，入面仲有酸黃瓜、蕃茄片，仲凍嘅芝士，同埋生菜。最正常係薯條，仲熱仲脆口，有茄汁點。🆗 美國安格斯肉眼扒（220g）•椰菜絲沙律，太陽蛋 -$258太陽蛋個面好靚，但個底其實煎燶咗，食落去苦嘅。肉眼扒係好大塊，叫左5成熟，好多筋位冇切走，好難咬，冇汁配，所以食落係單純嘅牛肉味。最正常係個椰菜絲沙律，爽口解膩。☑️Cappuccino -$30轉咖啡要加$30，喺咁靚嘅環境，好想嘆杯咖啡，個泡都算係幾綿滑，咖啡好味，係全餐最好味嘅一樣嘢。

這個三文魚奄列食物質數極差🙈，蛋漿好腥，奄列除了蛋腥味就完全冇味！餐廳環境優美，有室內及室外座位，及可携寵物，希望提升食物質素，太令人失望，浪費了這麼好的環境

西餐廳位於白鷺湖互動中心內，湖光山色，環境悠閒，適合郊遊人士及駕車人士前往。餐廳的座位面向廣濶的白鷺湖，顧客心情愉快。早午餐共有八款，每款均包括主菜及田園沙律或餐湯，價格介乎於168元至258元之間。蕃茄湯有香濃蕃茄味道。田園沙律的青瓜爽甜，其他蔬菜均新鮮，水牛芝士口感半軟，帶有淡淡的酸甜味道，日式芝麻醬美味。湖畔全日早餐的豬肉腸有咸豬肉味，煙肉不乾且香口惹味，焗大啡菇厚身多汁，炒蛋滑，薯餅外脆內軟，車里茄和多士味道正常。自家製牛肉漢堡配煙肉及薯條，可要求餐廳將漢堡包切開兩份，方便二人分享，麵包軟帶牛油味道，蔬菜新鮮，牛肉味濃，煙肉肥美甘香，薯條外脆內軟，值得推介。散叫炒什錦蘑菇88元，菇味香氣撲鼻，什錦蘑菇有嚼勁。

假日又來了白鷺湖，今次光顧西餐的Billow，在大埔墟站有免費來回接駁巴士，交通方便。餐廳的落地大玻璃相當開揚。坐近窗邊的高檯位，湖景一覽無遺，感覺舒服。Brunch menu 有以下幾款選擇。Iced Cappiccino，brunch set 另加$30升級賣相吸引，咖啡香滑。是日餐湯忌廉蕃茄湯湯有鮮蕃茄肉、西芹等材料，豐富又美味。帕爾瑪火腿芝士吉列雞扒配意大利番茄醬 $188天空藍的擺碟，又有紅色、黃色、綠色等配菜，整體看上去很美及舒服。雞扒炸的乾身不油膩，上面蓋滿一整塊惹味的拉絲芝士，以及清新帶酸的意大利番茄醬，味道很配搭。自家製牛肉漢堡 $188擺碟也是出色及吸引麵包係香脆，有芝麻香，牛肉好厚有份量，還有惹味煙肉。

每次搭火車 經過小白鷺既時候都會望一望佢有點神秘 又覺得佢好似好靚咁 日頭同夜晚都有唔同感覺😲今次終於唔係得個睇字 可以同熊子黎到呢個地方用餐🍴餐廳分為室外同室內 襯住天氣有啲微涼🌬️就可以坐出面當日係假期 黎既人都唔少 如果大家都有興趣黎 記得book位係食物選擇方面我覺得都幾多 特色既食物都較多如果諗唔到 大家可以問吓店員俾啲意見都得嫁🥰➷🪐 龍蝦清湯配燒龍蝦果然 龍蝦清湯比起加咗忌廉既龍蝦湯 味道更自然突出‼️呢個可以話係一試難忘既既龍蝦湯🤤清香得黎完美地帶出味道龍蝦既味道散發係整個口腔內 完全無負擔帶到出黎👍🏼唯一缺點係 佢會令到我對龍蝦湯既指標提高咗好多🫢§🪐 酥皮忌廉蘑菇湯·焗大啡菇另一個湯係味道方面都唔輸蝕🤩香脆既牛油香酥皮 實在太耐無食過喇 突然好有回憶😆蘑菇湯唔算好creamy 不過就充滿粒粒口感 味道濃厚😋§🪐 自家醃製挪威三文魚·水瓜柳·鮮橙·日式柚子汁一個好開胃既前菜 亦都好有驚喜🥰刺身三文魚用上西式食法 配上估佢唔到酸酸地既柳橙🍊甘香得黎 又唔會搶咗三文魚既鮮味 兩者發揮到極致而驚喜既位係佢利用酸味放落魚身 味道係好獨一無二👍🏼§🪐 意式香草豬肉卷·酸椰菜·日本柚

今晚帶媽咪去咗一個好浪漫嘅地方撐枱腳慶祝佢嘅生日，今次我係第二次嚟“Billow”，上次日頭嚟帶埋小朋友家庭樂遊玩，估唔到夜晚黎會有另一番感覺餐廳裝修高貴別緻，燈飾襯托埋去真係好靚好浪漫，好似離開左香港咁。🌟餐前奉送既餐包幾鬆軟！🌟自家醃製挪威三文魚、水瓜柳、橙片、日式柚子汁擺盤設計色彩繽紛, 挪威嘅三文魚脂肪少好滑好鮮甜！魚子都好新鮮，淋上日式柚子汁酸酸甜甜好開胃！🌟燒黑鱈魚、鴻喜菇、鰹魚湯黑鱈魚肉質非常嫩滑細緻，魚肉好甜，一絲一柳咁入口即化感覺。經過燒烤嘅烹調魚皮會帶有少少焦香嘅味道。加入木魚及鰹魚湯大大提鮮🌟美國牛柳、芹菜蓉、意黃瓜、甘筍牛柳牛味濃郁, 肉質係比較有口感, 煎至中間粉嫩岩岩好第一次試芹菜打成蓉 味道幾特別好味! 🌟Apple crumble + vanilla ice cream鬆脆的餅碎、淡淡肉桂味的蘋果粒混入牛奶 再加凍雪糕甜中帶酸、軟中帶脆、温熱中帶點冰凍的多重口感, 的確好滿足!餐廳整體令人滿意同印象深刻，美食之餘仲會令人有種放假既感覺，食完都仲想坐多陣望下湖放空下個人!

▫️估唔到香港都有咁世外桃源嘅地方😍 餐廳座落係湖邊，環境舒服充滿度假感覺🌴 我地由黃昏坐到夜晚，可以一次過欣賞晒日夜景色🌗 真係chill到令人唔想走😆🥖 餐包▫️首先送上餐包，牛油加左少許紅椒粉，搽麵包真係停唔到口🤣🍳 傳統生牛肉他他 · 鵪鶉蛋黃 $158▫️牛肉嫰滑味道濃郁，撈勻鵪鶉蛋黃令整體更滑溜，加埋麵包一齊食一流😋🦐 冬蔭海鮮燴飯 · 帶子 · 魷魚 · 大蝦 · 青口 $268▫️飯粒充滿冬蔭功香味，醬汁較稀身，味道酸辣開胃🌶️ 配料都好豐富，海鮮夠新鮮好滿足✨🥩 美國牛柳 · 芹菜蓉 · 意黃瓜 · 甘筍 $308▫️要左5成熟，牛柳非常軟淋入味，中間仲係好鮮嫰嘅粉紅色💖 碟邊配上芹菜蓉，意想不到地清甜好食🥳🍟 黑松露薯條 $78▫️熱辣香脆我至愛😆 黑松露醬份量好多夠晒點😝🍄 炒什錦蘑菇 $88▫️炒得軟淋，食落充滿牛油香味🧈

🍝🍝🍟餐廳名: Billow地區: 大埔評語:黑松露忌廉汁 · 野菌扁意粉 HK$228 - 不過不失燒大虎蝦 · 龍蝦汁扁意粉 HK$238 - 醬汁濃味十分好 蝦煎得好香 但少少淋 唔夠爽口黑松露薯條 HK$78 - 上碟時俾左個黑松露沙律醬 個醬冇黑松露味 完全唔合格 已同侍應再三確認係咪黑松露醬黎結論: 呢次係黎第二次 訂位平均一個月前訂 有專車車返岀大埔火車站 兩次都感覺黎睇景多過食野 食物質素唔係唔得 係收既價錢同質素唔成正比 賣相不錯 但食落味道唔係高質

今日終於抽倒時間來小白鷺餐廳，這間餐廳出名打卡很美，因為餐廳位於派湖邊旁邊，所以可以一路進餐一路欣賞景色，十分寫意。開初我都很擔心會不會很不方便來這裏，但其實小白鷺戶外中心有提供穿梭巴士來往大埔墟火車站。除此之外，還可以到大埔乘坐巴士再步行十分鐘左右也可以到達非常方便。今日也看到餐廳內也坐滿了滿滿的食客。十分幸運地今次可以被安排到湖邊座位用餐。看着美麗的湖景，十分喜愛，十分relax and寫意。餐廳有室內和室外的座位，當然室內的座位有空調提供，室外的座位就吹著大風扇和山風，這個季節就算坐室外，都不會覺得太悶熱，反而我也十分喜愛戶外的位置，因為吹著山風和看着美麗的景色，十分吸引，而且戶外的佈置和裝飾都有點古典風味。打卡一流。這間餐廳除了環境和湖景十分出色外。這裏的食物也相當不錯。我們點了兩客brunch set 。每款套餐都可點選餐湯或沙律我們都點選是日餐湯。西蘭花忌廉湯，內裏的西蘭花肉也很有咬口，而且忌廉湯很Creamy很好味。一款是all day breakfast, 入面有豬肉腸、煙肉、炒蛋、大啡菇、車厘茄、薯餅等等，賣相相當美麗，而且食物多元化，相當豐盛。豬肉腸非常多汁，啖啖肉

周末時分，享受一下悠閑時光，想起湖光山色的白鷺湖，實為最佳選擇，隨即驅車前往。交通：餐廳外有停車場，光顧餐廳會有泊車優惠環境：美輪美奐，目不暇給！可以邊嘆冷氣邊吸新鮮空氣，舒適地享受自然環境的靜謐，只此一家！餐廳充分運用自然採光，裝修田園風滿滿，和四周自然優閑環境完美融和。餐湯是西蘭花忌廉湯，忌廉湯面灑上藜麥及西蘭花粒粒，加強口感及咬口，效果理想。湖畔全日早餐 $178材料豐富，有豬肉腸、煙肉、炒蛋、焗大啡菇、薯餅、車厘茄及吐司。喜歡它的豬肉腸，有別一般的香腸，質感味道更像是肉餅，有肉汁，正！另一客餐要了田園沙律 🥗，蔬菜新鮮爽脆，配上大人細路都喜歡的芝麻醬，清新美味！炸比目魚柳漢堡 他他醬 薯條 $168炸過的比目魚，外層鬆脆，肉質嫩滑；配上質感鬆軟的漢堡包，高質享受。連食午餐都忍不住要點一份甜品，酥脆窩夫 松露蜂蜜 焦糖香蕉 雲呢拿雪糕 $148窩夫熱哄酥脆，加上甜美的蜂蜜，好好食！焦糖加上香蕉，味道出奇地夾。黑白松露，香氣撲鼻，配搭忌廉和雲尼拿雪糕效果出色。

小白鷺湖互動中心有間純白色小木屋的西餐廳Billow, 一直都好出名，但今日才第一次到，餐廳設室內及户外座位，可以望到整個白鷺湖景觀，環境真的很舒服，不同的節日都有不同的報置，十分呃like 打卡，另外一讚是由入門口的一刻都感受到員工的有禮。星期六設有Brunch menu, 帕爾瑪火腿芝士吉列雞扒 . 意大利番茄醬$188, 附有餐湯/沙律，是日餐湯是南瓜粟米湯，很香甜濃郁。吉烈雞扒比較薄身，炸得香脆不乾身，不油膩，配上咸香芝士及酸甜蕃茄醬，不錯啊。可加$15 有餐茶。另外單點了一份蕃茄長通粉，熱度十足，賣相不錯，當中有兩款長通粉，有坑紋的長通粉比較硬身有咬口，無坑紋的長通粉則比較淋身，所以兩款通粉一齊食就剛好，味道酸酸甜甜好開胃。

第一次嚟呢間餐廳，打電話諗住訂位點知原來Walk in都可以。我們坐在戶外望到湖的座位，戶外就只有我們這一枱，佢哋都安排一個侍應招呼我們，我哋點了三個set lunch，及一個沙律，其中沙律一粒蕃茄掉咗在桌上，侍應睇到馬上幫我哋執咗佢，之後居然入廚房攞返10粒蕃茄請我地食，真係未試過咁好招呼，同埋侍應一直保持笑容又幫我哋影相，又加水及碗碟，真係冇諗過服務如此的好👍 從未試過在OpenRice稱讚餐廳但係真心覺得佢哋服務一流，食物也不錯👍👍👍

想找一間隱世環境清幽的打卡餐廳？一定要來試下呢間！坐落於湖畔的西餐廳，四周景色優美，餐廳開陽闊落，對住湖畔藍天白雲綠油油草地，遠離繁囂好舒服！.➡️慢煮牛小排壽喜燒扁意粉配日本蛋黄 $178➡️ 煙三文魚寬條麵 $178➡️ 焗經典蘋果酥 $128.簡單點了兩個set lunch，無諗過咁高質！慢煮牛小排壽喜燒扁意粉上面係日本蛋黄，入口勁驚喜！！日式壽喜燒口味，牛肉淋身入口即溶，無諗過咁好食😋.煙三文魚寬條麵同樣煮得出色，煙韌彈牙，忌廉汁creamy仲有粒粒三文魚子🥰.餐湯南瓜湯香濃creamy，藜麥沙律🥗大份口味清新，咖啡濃厚細滑，甜品蘋果酥水準以上，甜度剛好焗得鬆脆，配雪糕perfect👍🏻.環境、食物高質，服務也一流👍🏻店員好有禮貌，菜式介紹也詳盡，餐卓禮儀都好好，又為我準備給老公的驚喜生日甜品，成餐飯都好開心🥰重點價錢又相宜，性價比太高！好推介假日來走走😉