Blue Bottle Coffee

营业中

休息中

山城景加上挑高樓底空間感十足⛰️園藝師將小小空間變成大大一幅畫布一棵橄欖樹投影出一幕幕醉人光影🌤️啲人成日話 Coffee connects people 今次東涌店唔止靚仲完美示範品牌點樣真正融入社區民生俾大家感受到咖啡店同社區之間嘅聯繫🔖 Village Bakery 一樣嚟自大嶼山每日新鮮焗製無添加麵包呢日試咗：🔹紅豆牛油Brioche （節日限定）迷你Brioche Bun 好Cutie 脹卜卜好想用手指篤個窿嗰種😄紅豆粒粒飽滿仲有厚厚杏仁牛油醬🧈少少邪惡多多滋味😈 🔹火腿芝士牛角包🥐酥脆牛角包夾住意式火腿同半溶Gouda 芝士🧀再加埋蜜糖芥末醬🍯平凡中見不平凡就係呢種！🔖Blue Bottle 小布袋 💙 開幕消費贈品由香港初代藍染工房「片藍造」加工位處大嶼山靠近大海同森林嘅地方🌳佢地用柴火、山水/海水同陽光去上色🔥傳統手藝令布料手感柔軟又有溫度💙🔖 Strawberry Fizz 🍓（季節限定）次次去Blue Bottle 都飲咖啡原來佢哋嘅Fizz都幾清爽解渴🧊🔖 Winter Latte ❄️（季節限定）咖啡加入咗杜松子Syrup （呢～細細粒暗藍色、用嚟釀造Gin 酒嗰隻）

有兩個cashier 一個女仔忙緊，我行埋去冇人嘅男cashier 想order … 我講一聲唔該之後佢冇出聲指我去隔離，我諗佢係想叫我等嗰個女仔… 𣎴過做customer Service 同個客講句嘢咁難 咁不如唔好做… 我見個眉粗粗戴口罩嘅男cashier咁冇禮貌所以掉頭走咗😂環境同衛生佢一定要我評分，所以都係比一粒星，不過同成件事係冇關係

今日到outlet 走走，發現這咖啡店位於商場角落，座位和IFC 的感覺差唔多，幾chill。Yoghurt with granola這乳酪口感香滑，加上granola , 味道甜脆，加上士多啤梨和香蕉，生果好fresh, 沒有多餘的甜味，感覺天然，味道也不錯。Cappuccino 咖啡的泡沫唔多，入口温度剛剛好，咖啡有deep roast 的哄焙風味，味道醇厚，有少少after taste, 整體味道不錯。

個環境好靚好chill非常有空間感，很適合跟朋友聊天打卡。食物飲品味道方面沒問題，只可惜咖啡杯淺到周邊都有咖啡漬都照上給客人。尼一點真的要改善🥺🥺完全不美觀。

耳目一新的咖啡店，開揚能飽覽前面一大片玻璃景嘅風光，看着遊人走來走去，一幅動畫就在眼前一樣。 特別係俾佢嘅藍樽仔logo 所吸引.點咗winter latte $55, 咖啡好熱好好味，賣相幾好一個心形，服務員招呼亦唔錯，很有耐心咁介紹自己嘅食品同產品。最令我難忘嘅是今次真係嘗試到坐冷板凳，以石材作為椅子和靠背，今日14-18 度嘅天氣，雖然有陽光，但係喺咁嘅天氣下坐呢啲石材嘅凳，實在凍到入心入肺甚至入骨，一道寒氣直達全身，為咗睇前面嘅玻璃幕牆美景，唯有將羽絨背心作為坐墊。我忍唔住問咗旁邊嗰位女士，問佢覺得凍唔凍，佢話佢坐咗好耐所以覺得OK，佢專注坐在佢嘅手提電腦前面工作。 希望夏天嚟可以有冰涼嘅感覺。 冬天就唔會再來了。總括嚟講有新嘅店進駐總比舊嘅店有突破！