BnR

营业中

休息中

間餐廳好似開咗幾年(?)都無幫襯過，今晚喺門口見倒好多人食煲，吸引我地入去。 凍凍地，叫咗個秋冬限定(?)嘅藥膳醉雞煲($98)+$15追加准山麵。另叫一份上湯浸娃娃菜配四式冷盤($98)。 先飲藥膳湯暖下身，藥材味好夠，但咸咗啲。雞件有7-8件，好滑；跟煲配嗰份生菜份量都唔少，放落藥膳湯烚熟又幾好味；准山麵似喺街市買廿幾蚊一袋有8個定10個嗰啲。後來我同朋友都話早知加$28/$38追加魚片/豬肉片/牛肉片仲好。 上湯浸娃娃菜係瓦煲上，上湯好甜，但對我嚟講又係濃味咗啲。四式冷盤有皮蛋豆腐、手撕雞、椒泡雞翼尖同埋豬腩片。全部正常發揮，無話特別好味或者特別差。 埋單連加一$232.1，價錢絕對唔貴，坐得又幾舒服，又無話趕你走。短期內可以再去試個羊腩煲($138)。

10月有新優惠星期一至四晚5點後$38半隻雞， 試試。星期二6點前2位， 6點晚市可能早， 食客得3枱。有$38半隻雞一定叫來試啦。1）蔥油豬排飯$68。 5分豬排偏韌，偏硬， 偏油豬排味道冇， 雪藏？ 2）半隻雞$38。優惠價係抵食既， 滑就7分啦， 胸位教鞋。碟好多油3）熱食四小碟+脆嫩萵筍菜$98四小碟炸物ok, 但其中一小碟之豬肉較鞋+韌湯菜， 用湯浸，萵筍切到極幼細， 味道 ok.總評。服務。 8分食物。 偏油 7分環境。 8分

今晚和老婆往馬鞍山新港城bnr食晚餐,我們點了杞子雞湯浸娃娃菜,籠仔雙拼飯和金蒜蒸蝦籠仔飯,杞子雞湯浸娃娃菜杞子味道適中,雞湯味道香濃,娃娃菜新鮮爽口,而配菜草菇食落彈牙,整份杞子雞湯浸娃娃菜味道香濃爽口,籠仔雙拼飯我們選了龍等和黑毛朱排骨,龍等肉質鮮甜味美,黑毛朱排骨冇筋,肉味軟腍啖啖肉,配菜葱和香菜味道香濃,飯配上雞蛋,飯粒分明,蛋味香滑,整份籠仔雙拼飯份量十足,食落口感滿足,最後金蒜蒸蝦籠仔飯蒜味香濃,蒸蝦是開邊蝦,食落新鮮彈牙,口感滿足,餐廳座位舒適,食物份量十足,食了一頓好味籠仔飯

今日約左幾個fd喺美食沙漠馬鞍山食晚餐，喺佢地屋企附近求其搵左間新開左半年左既餐廳。大家都唔太肚餓，所以全部都叫米線或者湯麵😂豬軟骨喇沙湯麵：豬軟骨係另上的，有5舊左右，都幾大份！香濃喇沙湯好夠味，如果椰香再多啲就好😋個麵唔會太淋，啱啱好。藥饍雞湯米線：雞唔會太老，個湯有埋杞子、蟲草花等等配料，飲落都有藥饍味，但就味精多左少少。其實呢度仲有好多唔同湯系列既米線/麵、唔同款既飯、炒菜等等。我地食食下見到隔離枱叫左手撕雞撈麵，望落都幾大份！有成塊面咁大！下次會試呢個 哈哈

After searching for a dinner spot in MOSTown, we settled on this resto. .I ordered BnR Chicken Rice. The chicken, which had an appealing golden skin, was smooth, meaty and tender. The oil-infused rice was textured and flavourful. My dad had Pork Tripe and Chicken Yam Noodle in Pepper Chicken Soup. The broth exuded a robust peppery essence that warmed oneself up. The pork tripe was soft, and the chicken absorbed the rich flavour of the soup. My mom got Sesame Sauce Chicken Dried Noodle. The cool

食左一次覺得好食，跟住連食左三日，連續食幾日都係覺得好食😋先上來寫下。本來諗住下午茶平試下，都係第一次食，點知試完覺得好好味，可能肚餓問題，於是心思思連續三日走去食同一個餐，都係覺得好食，食完再想食我係食胡椒豬肚同腩片泡飯，豬肚同腩片夠林夠味，食物質素都幾好，讚下先！

1. 叫咗個肉燥雞扒飯，點知肉燥變咗滷肉，件雞扒又鞋又無味，以為食緊雞胸肉。2. Rnb雞飯只有六件雞，當中包括一隻雞翼尖，一隻雞翼，一隻小腿，同埋三件皮多過肉嘅雞件。3. 落餐自助，茶水自助，送餐唔講嘢就咁放低落枱，仲好意思加一。

抱住試一試嘅心態行咗入去，個喇沙湯真係好大驚喜好耐冇食過咁濃嘅喇沙湯麵Feel到啲面係掛湯有個好似叫做藥膳牛魔王嘅面，佢嘅牛非常軟腍，入口即化下午茶時段食嘅，冇乜客人好安靜環境唔錯。

見呢間無咩人就去幫襯下剛坐落位見到張檯側面有個口罩無人清理😓見個個侍應都無人理，唯有自己丟過隔離檯叫左牛腩飯同胡椒豬肚雞湯麵比預期好食，但$70仲要加一又無包野飲，其實有少貴，不過可以接受🤔食完去埋單行到收銀比錢我話用八達通埋單，佢又唔講總共幾錢個嬸嬸只係對低頭一聲不吭用支筆敲兩下八達通機…其實呢下幾無禮貌🙄️其實無需服務，全程無任何人與人交流，不如搵自助收銀機取代埋你個位啦！橫掂都係QR code 點餐。

其實呢間嘢味道ok，價錢都算中等，但今日去食lunch簡直離譜。我叫噶係豬軟骨米線，等左陣上左米線，加埋一碟嘢(未知係咩)。下一秒姐姐就過來拎走左果碟嘢，話“上錯左，唔係豬軟骨”！Ok上錯就上錯，通常補左備我咩得咯。精彩開始了～～過左10分鐘，都無任何職員拎任何嘢返來。咁我當然問，究竟發生咩事啊？跟住過左好耐，一個阿姐拎碟嘢返來，哇，跟住下一秒又一個職員過來話“上錯左”，拎走？！嘩，搞咩啊？究竟一個豬軟骨米線係有几難看懂，搞錯2次？我咁係叫經理啊。經理真係幾犀利，直接問，“你想點解決？係唔係要取消？”請問我等左半個鐘，結果咩都沒食到，你叫我們取消？首先你都未道歉，都沒話你的員工上錯嘢，呢個叫服務態度？我話我等左半個鐘當然要食啊，跟住拎碟豬軟骨備我。但米線仍然係之前過碗！即係已經凍左，仲同我話，係熱噶半個鐘哦，米線都已經tuo左啦。所以，大家去食真係要小心點，小心看看係唔係上錯嘢，感覺好似來返工個個都沒醒。

叫外賣平台 外賣，嚟到發現送漏一碗，打去餐廳問話唔係佢哋比漏，即係想講係車手比漏？ 餐廳唔肯送返碗麵嚟，話只可以退款，當刻無諗到咁多，以為只好退款先之後打去外賣平台 問，間餐廳先認係佢哋比漏，但都係堅持唔可以送返碗麵嚟，要我重新落order, 然後外賣平台話check張單睇到客人要求退款，即刻明哂，即係佢可以話係我要求退款，唔係佢哋比漏嘢，咁唔老實嘅仲要啲麵都唔好食，魚又無味，真係無下次

今日帶媽咪黎食金銀蒜龍躉蒸飯，全部都係骨、喉嚨位，非常難食，飯底好油好腥，媽咪話不如同佢講全部都係骨點食，覺得好唔抵食，諗吓只係佰幾蚊就算啦，不過就唔會再幫襯。。

夜晚想食d熱野暖下胃，咁就一於食個胡椒豬肚雞麵😆胡椒豬肚雞淮山麵 $72湯底胡椒味超濃，飲一啖都feel到個胃暖哂😊豬肚夠哂軟腍入味，雞係雞髀位，肉質嫩滑，連雞皮都好食😋淮山麵我都係第一次食，好幼身，口感唔錯。油炸鬼吸收咗湯底的味道，不過淋咗一半的油炸鬼唔係我杯茶😅配料的木耳同粟米仔無乜特別，正常發揮。小食 & 飲品 +$28 (特飲再+$5)海哲手撕雞雞肉嫩滑，海哲爽口，仲有清爽的青瓜墊底，都唔錯，呢個價錢算係抵食。西柚水果茶明明叫咗少冰都仲有好多冰，定已經少咗？🤔️西柚飲落好香，紅茶係我鍾意的澀澀哋，呢個茶都幾啱我口味🥰成個餐的份量都幾大份，到最後我又食唔哂，唉浪費哂😮‍💨BnR (馬鞍山)馬鞍山鞍祿街18號MOSTown新港城中心(4期)2樓2129號舖*上述文章只供參考及以當時價格為準

今次要為馬鞍山平反🙌🏻唔再係美食沙漠😂位於馬鞍山新港城的BnR餐廳，蒸籠菜式好正，值得推介😋首先推介蒜頭豆豉籠仔蒸大鱔飯和金銀蒜籠仔蒸龍躉飯，這兩道菜的味道均能令人回味無窮👍啲鱔魚多到呢，好入味🥰🥰另外，金銀蒜籠仔蒸龍躉飯，同樣係好足料，龍躉肉質結實，蒸得恰到好處，而金銀蒜的加入，提升了菜品的香氣，鍾意食魚嘅朋友，千祈唔好錯過呢味餸😍佢啲小食非常大碟，淨食小食都真係可以吃得飽😂😂

早前嚟過呢間BnR，食完覺得唔錯，今次就試吓其他嘢！座位闊落坐得好舒服～🥢鮑汁籠仔蒸花膠滑雞飯原個籠仔上，份量十足！仲有荷葉一齊蒸！超香好豐富！🥢藥膳花膠雞淮山麵藥膳味唔會好重，好快就飲晒碗湯！推介要叫淮山麵，又幼又滑好有咬口！🥢藥膳雞米線油炸鬼索晒個湯嘅精華，唔油唔膩！✨跟餐小食：炸雞中翼、豆腐皮蛋、海蜇手撕雞✨跟餐飲品：荔枝水果茶、洛神花茶清新爽甜，仲真係有幾粒荔枝！𓆝𓆟𓆜𓆞𓆝𓆟𓆜 🍴BnR📍 馬鞍山新港城中心2樓2129——————————————————